| | | ᠡᠮᠡᠬᠡᠯ ᠨᠢ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠴᠢᠬᠤᠯᠠ ᠦᠢᠯᠡᠳᠪᠤᠷᠢᠯᠡᠯ ᠠᠮᠢᠳᠤᠷᠠᠯ ᠤᠨ ᠪᠠᠭᠠᠵᠢ ᠬᠡᠷᠡᠭᠰᠡᠯ | ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ ᠦᠨᠳᠦᠰᠦᠳᠡᠨ ᠤ ᠰᠤᠶᠤᠯ ᠤᠨ ᠴᠢᠬᠤᠯᠠ ᠠᠭᠤᠯᠭᠠ ᠪᠠᠶᠢᠵᠦ᠂ ᠭᠠᠷ ᠢᠶᠠᠷ ᠤᠷᠠᠯᠠᠨ | ᠪᠦᠳᠦᠬᠡᠭᠰᠡᠨ ᠨᠠᠷᠢᠯᠢᠭ ᠬᠢᠴᠡ ᠲᠠᠢ ᠡᠮᠡᠬᠡᠯ ᠨᠢ ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠨᠢᠬᠡᠨ ᠤᠷᠠᠯᠢᠭ ᠤᠨ ᠪᠦᠳᠦᠬᠡᠭᠳᠡᠬᠦᠨ | ᠪᠤᠯᠬᠤ ᠶᠤᠮ᠃ ᠦᠨᠦ ᠵᠢᠯ 72 ᠨᠠᠰᠤᠳᠠᠢ ᠤᠷᠠᠨ ᠲᠠᠷᠬᠠᠨ ᠬᠡ᠊᠂ ᠪᠠᠭᠠᠳᠤᠷ ᠨᠠᠰᠤᠳᠠᠨ ᠡᠳᠦᠷ ᠪᠦᠷᠢ ᠡᠮᠡᠬᠡᠯ | ᠤᠷᠠᠯᠠᠨ ᠪᠦᠳᠦᠬᠡᠵᠦ᠂ ᠬᠡᠳᠦᠨ ᠠᠷᠪᠠᠨ ᠵᠢᠯ ᠢ ᠨᠢᠬᠡ ᠡᠳᠦᠷ ᠮᠡᠳᠦ ᠦᠩᠬᠡᠷᠡᠬᠦᠯᠦᠨ᠂ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ | ᠡᠮᠡᠬᠡᠯ ᠤᠨ ᠰᠤᠶᠤᠯ ᠢ ᠤᠯᠠᠮᠵᠢᠯᠠᠨ ᠲᠡᠯᠬᠡᠷᠡᠬᠦᠯᠬᠦ ᠲᠡᠬᠡᠷᠡ ᠬᠦᠴᠦ ᠪᠠᠨ ᠡᠷᠬᠦᠨ᠂ ᠲᠤᠰ ᠪᠡᠶᠡ ᠶᠢᠨ ᠦᠢᠯᠡ | ᠠᠵᠢᠯᠯᠠᠭᠠ ᠪᠠᠷ ᠢᠶᠠᠨ ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠤᠷᠠᠨ ᠲᠠᠷᠬᠠᠨ ᠤ ᠵᠤᠷᠢᠭ ᠰᠠᠨᠠᠭᠠ ᠶᠢ ᠢᠯᠡᠷᠡᠬᠦᠯᠦᠭᠰᠡᠬᠡᠷ ᠢᠷᠡᠵᠡᠢ | ᠃ | 1963 ᠤᠨ ᠳᠤ ᠦᠨᠳᠦᠰᠦᠳᠡᠨ ᠤ ᠭᠠᠷ ᠤᠷᠠᠯᠠᠯ ᠢ ᠰᠤᠷᠴᠦ ᠤᠯᠠᠮᠵᠢᠯᠠᠬᠤ ᠤᠷᠬᠢᠯᠤᠮᠠ ᠬᠠᠯᠠᠭᠤᠨ | ᠰᠡᠳᠬᠢᠯᠬᠡ ᠶᠢ ᠡᠪᠦᠷᠯᠡᠨ᠂ ᠬᠡ᠊᠂ ᠪᠠᠭᠠᠳᠤᠷ ᠪᠠᠭᠰᠢ ᠲᠠᠭᠠᠵᠦ ᠡᠮᠡᠬᠡᠯ ᠤᠷᠠᠯᠠᠬᠤ ᠤᠷᠠ ᠮᠡᠷᠬᠡᠵᠢᠯ ᠢ ᠰᠤᠷᠴᠠᠢ᠃ | ᠲᠡᠷᠡ ᠦᠶᠡ ᠳᠤ ᠵᠦᠪᠬᠡᠨ 17 ᠨᠠᠰᠤᠳᠠᠢ ᠪᠠᠶᠢᠭᠰᠠᠨ ᠲᠡᠷᠡᠪᠡᠷ ᠡᠨᠡᠬᠦ ᠰᠤᠩᠭᠤᠯᠳᠠ ᠨᠢ ᠲᠡᠬᠦᠨ ᠤ ᠨᠢᠬᠡ ᠨᠠᠰᠤᠨ | ᠤ ᠠᠵᠢᠯ ᠦᠢᠯᠡᠰ ᠪᠤᠯᠬᠤ ᠶᠢ ᠶᠠᠭᠠᠬᠢᠵᠦ ᠮᠡᠳᠡᠬᠡᠪ᠂ ᠤᠳᠤ ᠨᠢᠬᠡᠨᠳᠡ ᠲᠠᠪᠢ ᠭᠠᠷᠤᠢ ᠵᠢᠯ ᠦᠩᠬᠡᠷᠡᠵᠦ᠂ ᠲᠡᠬᠦᠨ | ᠲᠠᠢ ᠬᠠᠮᠳᠤ ᠰᠤᠷᠤᠯᠴᠠᠵᠦ ᠪᠠᠶᠢᠭᠰᠠᠨ ᠨᠦᠬᠦᠳ ᠤᠨ ᠤᠯᠠᠩᠬᠢ ᠨᠢ ᠲᠠᠷᠬᠠᠨ ᠤ ᠠᠵᠢᠯ ᠬᠢᠬᠦ ᠦᠬᠡᠢ ᠪᠤᠯᠵᠦ᠂ | ᠨᠠᠰᠤᠳᠠᠨ ᠭᠤᠸᠠᠢ ᠯᠡ ᠦᠨᠦ ᠪᠤᠯᠳᠠᠯᠠ ᠲᠡᠬᠦᠨ ᠤ ᠵᠢᠵᠢᠭᠬᠡᠨ ᠠᠵᠢᠯᠯᠠᠬᠤ ᠦᠷᠦᠬᠡᠨ ᠳᠡᠭᠡᠨ ᠬᠦᠰᠡᠯᠡᠩ ᠢᠶᠠᠨ | ᠬᠦᠬᠡᠬᠡᠴᠡᠯᠳᠦᠵᠦ᠂ ᠦᠢᠯᠡᠰ ᠢᠶᠠᠨ ᠪᠠᠷᠢᠮᠳᠠᠯᠠᠭᠰᠠᠭᠠᠷ ᠪᠤᠢ᠃ | ᠰᠤᠷᠪᠤᠯᠵᠢᠯᠠᠭᠴᠢ ᠨᠠᠰᠤᠳᠠᠨ ᠤ ᠡᠮᠡᠬᠡᠯ ᠤᠷᠠᠯᠠᠵᠦ ᠪᠦᠳᠦᠬᠡᠬᠦ ᠵᠢᠵᠢᠭᠬᠡᠨ ᠠᠵᠢᠯᠯᠠᠬᠤ ᠦᠷᠦᠬᠡᠨ ᠳᠤ ᠨᠢ | ᠰᠤᠷᠪᠤᠯᠵᠢᠯᠠᠵᠦ ᠬᠦᠷᠬᠦ ᠳᠤ ᠭ᠊᠂ ᠪᠠᠭᠠᠳᠤᠷ ᠨᠠᠰᠤᠳᠠᠨ ᠦᠪᠡᠷ ᠤᠨ ᠪᠦᠳᠦᠬᠡᠯ᠂ ᠬᠠᠳᠠᠭᠠᠯᠠᠭᠰᠠᠨ ᠡᠷᠳᠡᠨ ᠤ ᠪᠤᠳᠠᠰ | ᠢᠶᠠᠨ ᠠᠯᠮᠠᠰ ᠡᠷᠳᠡᠨᠢ ᠮᠡᠳᠦ ᠪᠠᠷ ᠨᠢᠬᠡᠳ ᠨᠢᠬᠡ ᠪᠠᠷ ᠨᠠᠷᠢᠨ ᠨᠢᠮᠪᠠᠢ ᠲᠠᠨᠢᠯᠴᠠᠭᠤᠯᠵᠦ ᠪᠠᠶᠢᠯᠠ᠃ ᠡᠮᠡᠬᠡᠯ ᠠᠴᠠ | ᠭᠠᠳᠠᠨᠠ ᠪᠠᠰᠠ ᠨᠠᠰᠤᠳᠠᠨ ᠨᠢᠬᠡ ᠪᠦᠯᠦᠭ ᠴᠢᠳᠬᠤᠮᠠᠯ ᠵᠡᠰ ᠤᠨ ᠱᠤᠭᠤᠮᠠᠯ ᠵᠢᠴᠢ ᠠᠮᠢᠳᠠᠨ ᠤ ᠦᠯᠢᠬᠡᠷ ᠲᠦᠷᠢ | ᠵᠡᠷᠬᠡ ᠭᠠᠷ ᠤᠷᠠᠯᠠᠯ ᠤᠨ ᠪᠦᠳᠦᠬᠡᠭᠳᠡᠬᠦᠨ ᠶᠢ ᠤᠷᠠᠯᠠᠨ ᠪᠦᠳᠦᠬᠡᠭᠰᠡᠨ ᠪᠠᠶᠢᠳᠠᠭ᠃ ᠬᠡ᠊᠂ ᠪᠠᠭᠠᠳᠤᠷ ᠨᠠᠰᠤᠳᠠᠨ | ᠠᠩᠬᠠᠨ ᠤ ᠭᠠᠷ ᠤᠷᠠᠯᠠᠯ ᠳᠤ ᠤᠷᠮᠠ ᠪᠠᠭ᠋ᠠᠳᠠᠢ ᠰᠡᠳᠬᠢᠯᠬᠡ ᠶᠢ ᠡᠪᠦᠷᠯᠡᠨ᠂ ᠴᠢᠨᠠᠭᠰᠢᠯᠠᠨ ᠨᠢᠮᠪᠠᠢ ᠰᠤᠳᠤᠯᠤᠨ | ᠬᠦᠨᠵᠡᠬᠡᠢ ᠤᠷᠤᠯᠳᠤᠭᠰᠠᠨ ᠠᠴᠠ ᠰᠢᠨᠡ ᠪᠠᠷᠭᠤ ᠵᠡᠬᠦᠨ ᠬᠤᠰᠢᠭᠤᠨ ᠤ ᠡᠮᠡᠬᠡᠯ ᠤᠨ ᠭᠠᠷ ᠤᠷᠠᠯᠠᠯ ᠤᠨ ᠨᠢᠬᠡᠳᠦᠬᠡᠷ | ᠵᠠᠯᠭᠠᠮᠵᠢᠯᠠᠭᠴᠢ ᠬᠦᠮᠦᠨ ᠪᠤᠯᠤᠭᠰᠠᠨ ᠶᠤᠮ᠃ | ᠰᠤᠷᠪᠤᠯᠵᠢᠯᠠᠭᠠ᠄ ᠠᠬᠠᠮᠠᠳ ᠤᠷᠠᠨ ᠲᠠᠷᠬᠠᠨ ᠬᠡ᠊᠂ ᠪᠠᠭᠠᠳᠤᠷ | ᠦᠷᠯᠦᠬᠡ ᠪᠦᠷᠢ ᠭ᠊᠂ ᠪᠠᠭᠠᠳᠤᠷ ᠨᠠᠰᠤᠳᠠᠨ ᠡᠷᠳᠡ ᠶᠢᠨ ᠨᠠᠷᠠ ᠲᠠᠢ ᠤᠷᠤᠯᠳᠤᠨ ᠦᠪᠡᠷ ᠤᠨ ᠠᠵᠢᠯᠯᠠᠬᠤ | ᠦᠷᠦᠬᠡᠨ ᠳᠤ ᠪᠠᠨ ᠢᠷᠡᠵᠦ ᠰᠠᠭᠤᠪᠠᠯ ᠪᠦᠳᠦᠨ ᠨᠢᠬᠡ ᠡᠳᠦᠷ ᠰᠠᠭᠤᠴᠢᠬᠠᠳᠠᠭ᠃ ᠡᠨᠡᠬᠦ ᠭᠠᠷ ᠤᠷᠠᠯᠠᠯ ᠢ | ᠤᠷᠬᠢᠭᠳᠠᠵᠦ ᠬᠡᠬᠡᠭᠳᠡᠬᠦᠯᠬᠦ ᠦᠬᠡᠢ ᠶᠢᠨ ᠲᠦᠯᠦᠬᠡ ᠲᠡᠷᠡ ᠡᠨᠡ ᠬᠡᠳᠦᠨ ᠵᠢᠯ ᠨᠡᠯᠢᠶᠡᠳ ᠤᠯᠠᠨ ᠱᠠᠪᠢ ᠡᠯᠰᠡᠭᠰᠡᠨ | ᠪᠤᠯᠪᠠᠴᠤ ᠲᠡᠬᠦᠨ ᠤ ᠬᠠᠳᠠᠭᠤ ᠴᠢᠩᠭᠠ ᠪᠠᠷᠢᠮᠵᠢᠶᠠ ᠱᠠᠭᠠᠷᠳᠠᠯᠭᠠ ᠤᠨ ᠡᠮᠦᠨᠡ ᠨᠡᠯᠢᠶᠡᠳ ᠤᠯᠠᠨ ᠱᠠᠪᠢ ᠨᠠᠷ ᠨᠢ | ᠲᠤᠷᠭᠤᠨ ᠤᠷᠬᠢᠭᠰᠠᠨ ᠪᠠᠶᠢᠯᠠ᠃ ︽ᠡᠮᠡᠬᠡᠯ ᠤᠷᠠᠯᠠᠵᠦ ᠪᠦᠳᠦᠬᠡᠬᠦ ᠳᠤ ᠪᠤᠰᠤᠳ ᠢ ᠤᠬᠠᠭᠠᠯᠠᠵᠦ | ᠬᠠᠭᠤᠳᠠᠮᠠᠭᠠᠶᠢᠯᠠᠵᠦ ᠪᠤᠯᠬᠤ ᠦᠬᠡᠢ︾ ᠬᠡᠳᠡᠭ ᠪᠤᠯ ᠬᠡ᠊᠂ ᠪᠠᠭᠠᠳᠤᠷ ᠨᠠᠰᠤᠳᠠᠨ ᠤ ᠪᠠᠭᠰᠢ ᠶᠢᠨ ᠲᠡᠬᠦᠨ ᠳᠤ | ᠵᠠᠬᠢᠭᠰᠠᠨ ᠦᠬᠡ ᠪᠠᠶᠢᠵᠦ᠂ ᠲᠡᠷᠡ ᠮᠦᠨ ᠴᠤ ᠡᠨᠡᠬᠦ ᠰᠤᠷᠭᠠᠯ ᠢ ᠱᠠᠪᠢ ᠨᠠᠷ ᠲᠤ ᠪᠠᠨ ᠤᠯᠠᠮᠵᠢᠯᠠᠨ ᠵᠠᠬᠢᠵᠦ᠂ | ᠲᠡᠬᠦᠨ ᠤ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠢᠶᠠᠷ ᠪᠠᠭᠰᠢ ᠶᠢᠨ ᠵᠠᠬᠢᠶᠠᠰᠤ ᠨᠢ ᠤᠨᠤᠭᠠᠴᠢᠨ ᠤ ᠠᠮᠤᠷ ᠲᠦᠪᠰᠢᠨ ᠢ ᠪᠠᠳᠤᠯᠠᠬᠤ | ᠶᠢᠨ ᠲᠦᠯᠦᠬᠡ ᠪᠠᠷ ᠪᠠᠷᠠᠬᠤ ᠦᠬᠡᠢ ᠮᠦᠨ ᠴᠤ ᠤᠷᠠᠨ ᠲᠠᠷᠬᠠᠨᠴᠤᠳ ᠤᠨ ᠠᠵᠢᠯ ᠦᠢᠯᠡᠰ ᠳᠤ ᠪᠠᠨ ᠦᠨᠡᠨᠴᠢ | ᠰᠡᠳᠬᠢᠯ ᠮᠦᠨ ᠬᠡᠪᠡ᠃ | ᠰᠤᠷᠪᠤᠯᠵᠢᠯᠠᠭᠠ᠄ ᠠᠬᠠᠮᠠᠳ ᠤᠷᠠᠨ ᠲᠠᠷᠬᠠᠨ ᠬᠡ᠊᠂ ᠪᠠᠭᠠᠳᠤᠷ | ᠬᠡ᠊᠂ ᠪᠠᠭᠠᠳᠤᠷ ᠨᠠᠰᠤᠳᠠᠨ ᠳᠤ ᠠᠪᠴᠤ ᠬᠡᠯᠡᠬᠦ ᠳᠤ ᠡᠮᠡᠬᠡᠯ ᠬᠢᠬᠦ ᠠᠴᠠ ᠭᠠᠳᠠᠨᠠ ᠨᠠᠭᠠᠳᠴᠤ ᠵᠤᠭᠤᠭᠳᠠᠬᠤ | ᠰᠤᠯᠠ ᠰᠡᠯᠡᠬᠦᠤ ᠴᠠᠭ ᠬᠡᠵᠦ ᠪᠠᠶᠢᠬᠤ ᠦᠬᠡᠢ ᠪᠠᠶᠢᠳᠠᠭ᠃ ᠲᠡᠬᠦᠨ ᠤ ᠦᠵᠡᠬᠦ ᠪᠠᠷ ᠡᠮᠡᠬᠡᠯ ᠤᠷᠠᠯᠠᠵᠦ ᠪᠦᠳᠦᠬᠡᠬᠦ ᠨᠢ | ᠯᠡ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠲᠡᠬᠦᠨ ᠤ ᠰᠤᠨᠢᠷᠬᠠᠯ ᠢ ᠲᠠᠳᠠᠵᠦ ᠴᠢᠳᠠᠳᠠᠭ ᠪᠠᠶᠢᠵᠦ᠂ ᠡᠨᠡᠬᠦ ᠰᠤᠨᠢᠷᠬᠠᠯ ᠳᠤ ᠪᠠᠨ | ᠲᠠᠳᠠᠭᠳᠠᠨ᠂ ᠲᠡᠷᠡ ᠡᠨᠡᠬᠦ ᠲᠤᠬᠠᠶᠢᠯᠠᠭᠰᠠᠨ ᠠᠵᠢᠯ ᠢ ᠰᠤᠩᠭᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠡᠳᠦᠶᠢᠴᠢᠨᠡᠨ ᠵᠢᠯ | ᠪᠠᠷᠢᠮᠳᠠᠯᠠᠵᠦ᠂ ᠦᠷᠦᠬᠡᠯ ᠪᠤᠰᠤᠳ ᠤᠨ ᠰᠠᠶᠢᠨ ᠦᠨᠡᠯᠡᠯᠳᠡ ᠪᠠ ᠦᠢ ᠤᠯᠠᠨ ᠢᠷᠠᠭᠤ ᠠᠯᠳᠠᠷ ᠢ ᠤᠯᠤᠭᠰᠠᠨ ᠶᠤᠮ | ᠃ ᠬᠡᠪᠡᠴᠦ ᠨᠠᠰᠤᠳᠠᠨ ᠭᠤᠸᠠᠢ ᠡᠨᠡ ᠤᠯᠠᠨ ᠢᠷᠠᠭᠤ ᠠᠯᠳᠠᠷ ᠤᠨ ᠡᠮᠦᠨᠡ ᠪᠢ ᠬᠠᠷᠢᠨ ᠦᠪᠡᠷ ᠢ ᠪᠠᠨ ︽ᠦᠪᠡᠷ | ᠤᠨ ᠬᠢᠬᠦ ᠲᠤᠷᠠᠳᠠᠢ ᠵᠦᠢᠯᠡᠰ ᠢᠶᠠᠨ ᠬᠢᠵᠦ᠂ ᠬᠤᠪᠢ ᠪᠡᠶᠡ ᠶᠢᠨ ᠲᠠᠪᠠᠭᠤᠯᠢᠭ ᠢᠶᠠᠨ ᠪᠠᠳᠠᠷᠠᠭᠤᠯᠦᠨ᠂ ᠪᠤᠰᠤᠳ ᠤᠨ | ᠰᠠᠶᠢᠨ ᠦᠨᠡᠯᠡᠯᠳᠡ ᠶᠢ ᠤᠯᠬᠤ ᠶᠢ ᠬᠦᠰᠡᠳᠡᠭ ᠵᠢᠷ ᠤᠨ ᠨᠢᠬᠡᠨ ᠤᠷᠠᠨ ᠲᠠᠷᠬᠠᠨ︾ ᠬᠡᠵᠦ ᠦᠵᠡᠳᠡᠭ ᠬᠡᠵᠦ ᠶᠠᠷᠢᠵᠦ | ᠪᠠᠶᠢᠪᠠ᠃ | ᠤᠯᠠᠩᠬᠢ ᠬᠦᠮᠦᠰ ᠤᠷᠠᠨ ᠲᠠᠷᠬᠠᠨ ᠤ ᠠᠵᠢᠯ ᠪᠤᠯ ᠵᠦᠪᠬᠡᠨ ᠲᠦᠬᠦᠮ ᠮᠠᠰᠢᠨ ᠮᠧᠬᠠᠨᠢᠭ ᠢ ᠬᠡᠷᠡᠭᠯᠡᠨ᠂ | ᠤᠷᠠᠯᠠᠵᠦ ᠪᠦᠳᠦᠬᠡᠬᠦ ᠬᠡᠵᠦ ᠦᠢᠯᠠᠭᠠᠳᠠᠭ᠃ ᠶᠠᠭ ᠦᠨᠡᠨ ᠳᠤ ᠪᠠᠨ ᠪᠤᠯ ︽ᠤᠷᠠᠨ ᠲᠠᠷᠬᠠᠨᠴᠤᠳ︾ ᠨᠢ ᠰᠢᠨᠡ | ᠴᠠᠭ ᠦᠶᠡ ᠳᠤ ᠡᠪᠦᠭᠡ ᠲᠡᠬᠡᠳᠦ ᠠᠴᠠ ᠤᠯᠠᠮᠵᠢᠯᠠᠭᠰᠠᠨ ᠰᠢᠯᠢᠳᠡᠭ ᠤᠯᠠᠮᠵᠢᠯᠠᠯᠳᠦ ᠭᠠᠷ ᠤᠷᠠᠯᠠᠯ ᠢ ᠤᠯᠠᠮᠵᠢᠯᠠᠨ | ᠲᠡᠯᠬᠡᠷᠡᠬᠦᠯᠬᠦ ᠶᠢᠨ ᠵᠡᠷᠬᠡᠪᠡᠷ ᠨᠡᠶᠢᠬᠡᠮ ᠤᠨ ᠡᠷᠬᠢᠮ ᠲᠡᠬᠡᠳᠦ ᠬᠠᠷᠢᠭᠤᠴᠠᠯᠭᠠ ᠪᠠ ᠬᠤᠪᠢ ᠬᠦᠮᠦᠨ ᠤ ᠬᠡᠪ | ᠪᠤᠯᠪᠠᠰᠤᠷᠠᠯ ᠢ ᠢᠯᠡᠷᠡᠬᠦᠯᠦᠨ᠂ ᠡᠨᠡᠬᠦ ᠬᠦᠨᠳᠦ ᠬᠠᠷᠢᠭᠤᠴᠠᠯᠭᠠ ᠶᠢᠨ ᠡᠮᠦᠨᠡ ᠤᠷᠠᠨ ᠲᠠᠷᠬᠠᠨᠴᠤᠳ ᠮᠠᠨᠢ ᠴᠤᠴᠠᠰᠢ | ᠦᠬᠡᠢ ᠴᠢᠷᠮᠠᠶᠢᠭᠰᠭᠠᠷ ᠪᠤᠢ᠃ | |