| ︽10.1︾ ᠤ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠪᠠᠶᠠᠷ ᠵᠢᠴᠢ ᠦᠬᠡᠷᠡᠴᠢᠯᠡᠯᠳᠡ ᠬᠢᠵᠦ ᠴᠢᠯᠦᠬᠡᠳᠡᠢ | ᠶᠠᠪᠤᠯᠴᠠᠭᠰᠠᠨ 40 ᠵᠢᠯ ᠤᠨ ᠤᠢ ᠶᠢ ᠪᠠᠶᠠᠷᠯᠠᠨ ᠪᠡᠯᠬᠡᠯᠡᠵᠦ᠂ ᠮᠤᠩᠭᠤᠯ ᠦᠪ ᠰᠤᠶᠤᠯ ᠵᠠᠩ ᠦᠢᠯᠡ ᠢᠶᠠᠨ ᠦᠪᠯᠡᠨ | ᠤᠯᠠᠮᠵᠢᠯᠠᠵᠦ᠂ ᠬᠤᠶᠢᠴᠢ ᠦᠶᠡ ᠳᠤ ᠪᠠᠨ ᠲᠠᠨᠢᠭᠤᠯᠤᠨ ᠦᠪᠯᠡᠬᠦᠯᠬᠦ ᠶᠢᠨ ᠲᠤᠯᠠᠳᠠ᠂ 9 ᠰᠠᠷᠠᠶᠢᠨ 25 ᠤ ᠡᠳᠦᠷ᠂ | ᠰᠢᠨᠡ ᠪᠠᠷᠭᠤ ᠵᠡᠬᠦᠨ ᠬᠤᠰᠢᠭᠤᠨ ᠤ ︽ᠲᠤᠷᠠᠰᠤᠮᠵᠢ︾ ᠸᠢᠴᠠᠲ ᠬᠤᠯᠪᠤᠭᠠᠨ ᠤ ᠰᠡᠴᠡᠨᠳᠤᠩᠭᠠᠯᠠᠭ᠂ ᠲᠤᠯᠭᠤᠷ | ᠵᠡᠷᠭᠡ ᠲᠠᠪᠤᠨ ᠨᠠᠰᠤᠳᠠᠶᠢᠴᠤᠳ ᠤᠨ ᠰᠡᠳᠦᠨ᠂ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠮᠤᠩᠭᠤᠯ ᠦᠪ ᠰᠤᠶᠤᠯ ᠵᠠᠩ ᠦᠢᠯᠡ | ᠶᠢ ᠲᠡᠯᠬᠡᠨ ᠦᠵᠡᠬᠦᠯᠬᠦ ᠠᠵᠢᠯᠯᠠᠭᠠ ᠰᠢᠨᠡᠪᠤᠯᠠᠭ ᠰᠤᠮᠤᠨ ᠤ ᠮᠠᠩᠯᠠᠢ ᠭᠠᠴᠠᠭᠠᠨ ᠤ ︽ᠪᠠᠷᠭᠤ ᠮᠠᠯᠴᠢᠨ ᠵᠤᠭᠠᠴᠠᠯ ᠤᠨ | ᠭᠠᠵᠠᠷ︾ ᠲᠤ ᠤᠳᠬᠠ ᠲᠡᠬᠦᠯᠳᠡᠷ ᠶᠠᠪᠤᠭᠳᠠᠭᠰᠠᠨ ᠪᠠᠶᠢᠨᠠ᠃ | | | | | | ᠠᠵᠢᠯᠯᠠᠭᠠ ᠨᠢ ᠡᠷᠳᠡ ᠶᠢᠨ ᠦᠨᠢᠶᠡᠨ ᠵᠡᠯᠡᠨ ᠠᠴᠠ ᠡᠬᠢᠯᠡᠵᠦ᠂ ᠪᠠᠷᠭᠤ ᠪᠦᠰᠡᠬᠦᠶᠢᠴᠤᠳ ᠤᠨ ᠦᠤᠷ ᠤᠨ | ᠴᠤᠯᠮᠤᠨ ᠲᠠᠢ ᠤᠷᠤᠯᠳᠤᠨ ᠪᠤᠰᠴᠦ᠂ ᠦᠨᠢᠶᠡ ᠪᠠᠨ ᠰᠠᠭᠠᠨ᠂ ᠡᠳᠦᠷ ᠤᠨ ᠠᠵᠢᠯ ᠢᠶᠠᠨ ᠡᠬᠢᠯᠡᠬᠦᠯᠳᠡᠭ ᠠᠵᠢᠯᠴᠢ | ᠪᠤᠷᠤᠭᠵᠢᠭᠤᠨ ᠵᠠᠩ ᠦᠢᠯᠡ ᠶᠢ ᠬᠦᠢᠴᠡᠳ ᠢᠯᠡᠷᠡᠬᠦᠯᠵᠦ ᠪᠠᠶᠢᠯᠠ᠃ ᠦᠪᠦᠷᠪᠤᠯᠠᠭ ᠰᠤᠮᠤᠨ ᠤ ᠰᠠᠷᠠᠭᠤᠯᠵᠠᠮᠳᠤ | ᠭᠠᠴᠠᠭᠠᠨ ᠤ 76 ᠨᠠᠰᠤᠨ ᠤ ᠪᠤᠶᠠᠨ ᠢ ᠡᠳ᠋ᠯᠡᠵᠦ ᠶᠠᠪᠤᠭᠠ ᠲᠤᠯᠭᠤᠷ ᠨᠠᠰᠤᠳᠠᠨ ᠴᠤ ᠦᠨᠦᠳᠦᠷ 19 ᠨᠠᠰᠤᠳᠠᠢ | ᠪᠠᠶᠢᠬᠤ ᠳᠠᠭᠠᠨ ᠠᠶᠢᠯ ᠳᠤ ᠮᠤᠷᠳᠠᠬᠤ ᠦᠶᠡ ᠶᠢᠨ ᠵᠠᠰᠠᠯ ᠰᠢᠷᠠ ᠲᠤᠷᠭᠠᠨ ᠲᠡᠪᠡᠯ ᠪᠠ ᠦᠨᠢᠶᠡ ᠰᠠᠭᠠᠬᠤ ᠬᠦᠨᠦᠭ | ᠲᠠᠢ ᠪᠠᠨ ᠢᠷᠡᠵᠦ᠂ ᠡᠨᠡᠬᠦ ᠤᠳᠬᠠ ᠤᠴᠢᠷ ᠲᠠᠢ ᠠᠵᠢᠯᠯᠠᠭᠠ ᠳᠤ ᠤᠷᠤᠯᠴᠠᠵᠦ᠂ ᠵᠠᠯᠠᠭᠤ ᠨᠠᠰᠤ ᠪᠠᠨ ᠲᠤᠷᠠᠰᠤᠨ | ᠰᠠᠨᠠᠭᠠᠯᠵᠠᠵᠦ ᠪᠠᠶᠢᠪᠠ᠃ | ᠡᠶᠢᠨᠬᠦ ᠦᠨᠢᠶᠡ ᠪᠠᠨ ᠰᠠᠭᠠᠭᠠᠳ᠂ ᠤᠤᠷ ᠢᠶᠠᠨ ᠨᠦᠳᠦᠵᠦ᠂ ᠴᠢ ᠪᠠᠨ ᠴᠢᠨᠠᠬᠤ᠂ ᠰᠦ ᠪᠠᠨ ᠰᠠᠮᠠᠷᠴᠦ᠂ | ᠠᠭᠠᠷᠤᠤᠯ ᠪᠠᠷᠢᠬᠤ ᠵᠡᠷᠬᠡ ᠪᠠᠷᠭᠤ ᠪᠦᠰᠡᠬᠦᠶᠢᠴᠤᠳ ᠤᠨ ᠡᠷᠳᠡ ᠶᠢᠨ ᠠᠵᠢᠯ ᠤᠨ ᠦᠵᠡᠬᠦᠯᠬᠡ ᠵᠠᠯᠭᠠ ᠵᠠᠯᠭᠠᠪᠠᠷ | ᠶᠠᠪᠤᠭᠳᠠᠵᠦ᠂ ᠨᠠᠰᠤᠳᠠᠶᠢᠴᠤᠳ ᠬᠠᠮᠳᠤᠪᠠᠷ ᠰᠦ ᠰᠠᠮᠠᠷᠴᠦ᠂ ᠠᠭᠠᠷᠤᠤᠯ ᠪᠠᠷᠢᠬᠤ ᠶᠢᠨ ᠵᠠᠭᠤᠷᠠ ᠦᠪᠡᠷ ᠤᠨ ᠡᠷᠬᠡ | ᠦᠬᠡᠢ ᠵᠠᠯᠠᠭᠤ ᠨᠠᠰᠤ ᠪᠠᠨ ᠲᠤᠷᠠᠰᠤᠨ ᠰᠠᠨᠠᠭᠠᠯᠵᠠᠵᠦ᠂ ᠲᠡᠷᠡ ᠦᠶᠡ ᠶᠢᠨ ᠠᠮᠢᠳᠤᠷᠠᠯ ᠤᠨ ᠪᠤᠷᠤᠭᠵᠢᠭᠤᠨ᠂ | ᠪᠠᠶᠢᠭᠠᠯᠢᠯᠢᠭ᠂ ᠦᠨᠦ ᠴᠠᠭ ᠤᠨ ᠬᠦᠭᠵᠢᠯᠳᠡ᠂ ᠤᠯᠠᠮᠵᠢᠯᠠᠯ ᠢᠶᠠᠨ ᠠᠯᠳᠠᠵᠦ ᠪᠠᠶᠢᠭᠠ ᠵᠡᠷᠬᠡ ᠶᠢ ᠰᠠᠨᠠᠭᠠ ᠠᠯᠳᠠᠨ | ᠶᠠᠷᠢᠵᠦ ᠰᠠᠭᠤᠬᠤ ᠨᠢ ᠨᠡᠬᠡᠷᠡᠨ ᠴᠤ ᠬᠤᠶᠢᠴᠢ ᠦᠶᠡ ᠪᠤᠯᠤᠭᠰᠠᠨ ᠪᠢᠳᠡᠨ ᠳᠤ ᠰᠡᠷᠡᠮᠵᠢᠯᠡᠬᠦᠯᠦᠯ ᠪᠤᠯᠵᠦ ᠪᠠᠶᠢᠯᠠ᠃ | ᠠᠵᠢᠯᠯᠠᠭᠠ ᠳᠤ ᠤᠷᠤᠯᠴᠠᠭᠰᠠᠨ ᠨᠠᠰᠤᠳᠠᠶᠢᠴᠤᠳ ᠲᠡᠬᠡᠰᠦ ᠲᠤᠮᠤᠬᠤ᠂ ᠤᠳᠠᠰᠤ ᠡᠬᠡᠷᠦᠯᠳᠡᠬᠦ᠂ ᠬᠢᠯᠭᠠᠰᠤ | ᠤᠷᠠᠬᠤ᠂ ᠢᠰᠬᠡᠢ ᠰᠢᠷᠡᠵᠤ᠂ ᠠᠷᠠᠰᠤ ᠬᠦᠪᠦᠷᠳᠡᠬᠦ᠂ ᠰᠢᠯᠪᠢ ᠢᠮᠬᠢᠷᠳᠡᠬᠦ᠂ ᠰᠢᠯᠪᠢ ᠬᠠᠳᠠᠬᠤ᠂ ᠮᠤᠷᠢᠨ ᠲᠡᠷᠬᠡ | ᠪᠠᠷ ᠤᠰᠤᠨ ᠳᠤ ᠶᠠᠪᠤᠬᠤ ᠠᠷᠭᠠᠯ ᠲᠡᠬᠦᠬᠦ᠂ ᠵᠡᠷᠬᠡ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠤᠨ ᠡᠷᠳᠡ ᠲᠡᠬᠡᠳᠦ ᠠᠴᠠ ᠪᠠᠨ ᠬᠢᠵᠦ | ᠪᠦᠳᠦᠬᠡᠭᠰᠡᠬᠡᠷ ᠢᠷᠡᠭᠰᠡᠨ ᠵᠦᠢᠯᠡᠰ ᠢ ᠲᠡᠯᠬᠡᠨ ᠦᠵᠡᠬᠦᠯᠦᠭᠰᠡᠨ ᠤ ᠬᠠᠮᠳᠤ ᠵᠠᠷᠢᠮ ᠨᠠᠰᠤᠳᠠᠶᠢᠴᠤᠳ ᠨᠢ ᠬᠡᠳᠦᠨ | ᠦᠶᠡ ᠠᠴᠠ ᠪᠠᠨ ᠤᠯᠠᠮᠵᠢᠯᠠᠵᠦ ᠢᠷᠡᠭᠰᠡᠨ ᠭᠠᠤᠯᠢᠨ ᠬᠦᠨᠦᠭ᠂ ᠠᠭᠠᠷᠤᠤ ᠵᠡᠷᠬᠡ ᠭᠠᠤᠯᠢ᠂ ᠵᠡᠰ᠂ ᠮᠤᠳᠤᠨ ᠬᠡᠷᠡᠭᠰᠡᠯ | ᠲᠠᠢ ᠬᠦᠷᠦᠯᠴᠡᠨ ᠢᠷᠡᠵᠦ᠂ ᠬᠡᠳᠦᠢ ᠦᠶᠡ ᠤᠯᠠᠮᠵᠢᠯᠠᠭᠳᠠᠨ᠂ ᠶᠠᠮᠠᠷ ᠦᠢᠯᠡᠳᠦᠯ ᠬᠡᠷᠡᠭᠴᠡᠭᠡ ᠲᠠᠢ ᠵᠡᠷᠬᠡ ᠶᠢ | ᠲᠠᠨᠢᠯᠴᠠᠭᠤᠯᠵᠦ ᠪᠠᠶᠢᠪᠠ᠃ | ᠵᠠᠩᠭᠠᠳᠤᠷᠵᠢ ᠨᠠᠰᠤᠳᠠᠨ ᠪᠠᠭᠠ ᠠᠴᠠ ᠪᠠᠨ ᠤᠷᠠᠨ ᠲᠠᠷᠬᠠᠨ ᠤ ᠠᠵᠢᠯ ᠳᠤ ᠪᠠᠭ᠋ᠠᠳᠠᠢ ᠪᠤᠯᠵᠦ᠂ ᠮᠤᠳᠤᠨ | ᠰᠡᠶᠢᠯᠦᠮᠡᠯ ᠵᠡᠷᠬᠡ ᠶᠢ ᠬᠢᠵᠦ ᠤᠷᠤᠯᠳᠤᠳᠠᠭ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠰᠡᠬᠦᠯᠡᠷ ᠨᠢ ᠠᠵᠢᠯ ᠠᠮᠢᠳᠤᠷᠠᠯ ᠳᠤ ᠪᠠᠨ | ᠶᠠᠭᠠᠷᠠᠵᠦ ᠲᠤᠷᠭᠤᠨ ᠬᠠᠶᠠᠭᠰᠠᠨ ᠪᠠᠶᠢᠵᠠᠢ᠃ ᠦᠢᠷᠠ ᠶᠢᠨ ᠬᠡᠳᠦᠨ ᠵᠢᠯ ᠨᠠᠰᠤᠳᠠᠨ ᠭᠤᠸᠠᠢ ᠠᠴᠢ ᠪᠠᠨ ᠬᠠᠷᠠᠵᠦ | ᠬᠤᠳᠠ ᠤᠷᠤᠵᠦ ᠰᠠᠭᠤᠬᠤ ᠳᠠᠭᠠᠨ ᠮᠤᠩᠭᠤᠯ ᠰᠢᠳᠠᠷᠠ᠂ ᠵᠢᠷᠠᠨ ᠫᠠᠢ᠂ ᠠᠮᠤᠷ ᠪᠠᠶᠠᠰᠬᠤᠯᠠᠩ ᠵᠡᠷᠬᠡ ᠪᠠᠷᠭᠤ | ᠮᠤᠩᠭᠤᠯᠴᠤᠳ ᠤᠨ ᠢᠶᠠᠨ ᠡᠷᠳᠡ ᠲᠡᠬᠡᠳᠦ ᠠᠴᠠ ᠪᠠᠨ ᠤᠯᠠᠮᠵᠢᠯᠠᠵᠦ ᠢᠷᠡᠭᠰᠡᠨ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠢ ᠦᠪᠡᠷ | ᠤᠨ ᠭᠠᠷ ᠢᠶᠠᠷ ᠢᠶᠠᠨ ᠬᠢᠵᠦ ᠪᠦᠳᠦᠬᠡᠵᠦ᠂ ᠦᠷᠡ ᠠᠴᠢᠨᠠᠷ ᠲᠤ ᠪᠠᠨ ᠦᠪ ᠪᠤᠯᠭᠠᠨ ᠦᠯᠡᠳᠡᠬᠡᠶᠡ ᠬᠡᠰᠡᠨ ᠵᠤᠷᠢᠯᠭᠠ | ᠠᠴᠠ ᠮᠤᠳᠤᠨ ᠲᠠᠷᠬᠠᠨ ᠤ ᠠᠵᠢᠯ ᠢᠶᠠᠨ ᠲᠠᠬᠢᠵᠦ ᠡᠬᠢᠯᠡᠬᠦᠯᠦᠭᠰᠡᠨ ᠪᠠᠶᠢᠵᠦ᠂ ᠦᠨᠦᠳᠦᠷ ᠴᠤ ᠠᠯᠢ ᠤᠯᠠᠨ ᠮᠤᠳᠤᠨ | ᠰᠡᠶᠢᠯᠦᠮᠡᠯ ᠪᠦᠳᠦᠬᠡᠯ ᠲᠠᠢ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠪᠠᠶᠢᠯᠠ᠃ | ᠠᠵᠢᠯᠯᠠᠭᠠᠨ ᠤ ᠬᠠᠮᠤᠭ ᠰᠡᠬᠦᠯ ᠤᠨ ᠠᠭᠤᠯᠭᠠ ᠨᠢ ᠨᠠᠰᠤᠳᠠᠶᠢᠴᠤᠳ ᠮᠤᠳᠤᠨ ᠬᠦᠯᠢᠶᠡ ᠳᠤ ᠢᠰᠡᠬᠡᠢ | ᠪᠦᠷᠢᠶᠡᠰᠦ ᠬᠢᠬᠦ ᠦᠢᠯᠡ ᠶᠠᠪᠤᠴᠠ ᠶᠢ ᠬᠠᠮᠳᠤᠪᠠᠷ ᠪᠦᠳᠦᠬᠡᠬᠦ ᠪᠠᠶᠢᠵᠦ᠂ ᠢᠰᠡᠬᠡᠢ ᠲᠠᠭᠠᠷᠠᠭᠤᠯᠤᠨ ᠡᠰᠬᠡᠬᠦ᠂ | ᠢᠰᠡᠬᠡᠢ ᠪᠠᠨ ᠬᠦᠪᠦᠷᠳᠡᠵᠦ ᠤᠶᠤᠬᠤ᠂ ᠵᠡᠬᠡᠭ ᠬᠠᠳᠠᠬᠤ ᠵᠡᠷᠬᠡ ᠶᠢ ᠲᠤᠭᠤᠶᠢᠯᠠᠩ ᠬᠤᠪᠢᠶᠠᠯᠴᠠᠵᠦ᠂ ᠬᠦᠴᠦ | ᠬᠠᠮᠳᠤᠷᠠᠨ ᠬᠢᠭᠰᠡᠨ ᠤ ᠳ᠋ᠦᠩ ᠳᠤ ᠤᠯᠠᠨ ᠤ ᠨᠢᠳᠦᠨ ᠳᠤ ᠪᠠᠷᠭᠤ ᠪᠦᠰᠡᠬᠦᠶᠢᠴᠤᠳ ᠤᠨ ᠤᠷᠠᠨ ᠭᠠᠷ ᠢᠶᠠᠷ | ᠤᠷᠠᠯᠠᠵᠦ ᠪᠦᠳᠦᠬᠡᠭᠰᠡᠨ ᠢᠰᠡᠬᠡᠢ ᠪᠦᠷᠢᠶᠡᠰᠦ ᠲᠠᠢ ᠮᠤᠳᠤᠨ ᠬᠦᠯᠢᠶᠡ ᠲᠤᠳᠤᠷᠠᠵᠠᠢ᠃ ᠨᠠᠰᠤᠳᠠᠶᠢᠴᠤᠳ ᠤᠨ | ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠢᠶᠠᠷ ᠮᠤᠳᠤᠨ ᠬᠦᠯᠢᠶᠡ ᠨᠢ ᠬᠠᠯᠠᠭᠤᠨ ᠳᠤ ᠬᠠᠯᠠᠬᠤ ᠦᠬᠡᠢ᠂ ᠬᠦᠢᠳᠡᠨ ᠳᠤ ᠬᠦᠯᠳᠡᠬᠦ ᠦᠬᠡᠢ | ᠤᠯᠠᠨ ᠦᠢᠯᠡᠳᠦᠯ ᠬᠡᠷᠡᠭᠴᠡᠭᠡ ᠲᠠᠢ ᠪᠠᠶᠢᠵᠤ᠂ ᠮᠠᠯᠴᠢᠳ ᠤᠨ ᠠᠮᠢᠳᠤᠷᠠᠯ ᠳᠤ ᠲᠤᠩ ᠲᠦᠬᠦᠮ ᠦᠵᠡᠬᠦᠯᠵᠦ | ᠪᠠᠶᠢᠭᠰᠠᠨ ᠪᠠᠶᠢᠨᠠ ᠬᠡᠪᠡᠴᠤ ᠤᠳᠤ ᠮᠤᠳᠤᠨ ᠬᠦᠯᠢᠶᠡ ᠲᠤᠩ ᠴᠦᠬᠡᠷᠡᠵᠦ᠂ ᠠᠶᠢᠯ ᠪᠤᠯᠭᠠᠨ ᠲᠡᠮᠦᠷ ᠬᠦᠯᠢᠶᠡ ᠲᠠᠢ | ᠪᠤᠯᠵᠤ ᠪᠠᠶᠢᠭᠠ ᠨᠢ ᠬᠠᠷᠠᠮᠰᠠᠮᠠᠷ ᠵᠦᠢᠯ ᠪᠤᠯᠵᠤ ᠮᠦᠨ ᠴᠤ ᠤᠤᠯ ᠮᠤᠩᠭᠤᠯ ᠵᠠᠩ ᠦᠢᠯᠡ ᠡᠳ᠋ᠯᠡᠯ ᠭᠡᠷᠡᠭᠰᠡᠯ ᠢᠶᠠᠨ | ᠦᠪᠯᠡᠵᠤ ᠤᠯᠠᠮᠵᠢᠯᠠᠬᠤ ᠶᠢ ᠪᠤᠳᠤᠭᠤᠰᠢᠳᠠᠢ ᠭᠡᠳᠡᠭ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠭᠠ ᠪᠢᠯᠡ᠃ | | | | | | ᠲᠤᠰ ᠤᠳᠠᠭᠠᠨ ᠤ ᠬᠦᠳᠡᠯᠭᠡᠭᠡᠨ ᠢ ᠡᠷᠬᠢᠯᠡᠵᠤ ᠪᠠᠶᠢᠭᠠ ᠬᠠᠮᠳᠤ ᠨᠢᠭᠡᠴᠡ ︽ᠲᠤᠷᠠᠰᠤᠮᠵᠢ︾ ᠸᠠᠴᠢᠲ | ᠬᠤᠯᠪᠤᠭᠠ ᠨᠢ 43 ᠵᠢᠯ ᠤᠨ ᠡᠮᠦᠨᠡ ᠮᠠᠯ ᠡᠮᠨᠡᠯᠬᠡ ᠶᠢᠨ ᠪᠤᠯᠪᠠᠰᠤᠷᠠᠯ ᠳᠤ ᠤᠷᠤᠯᠴᠠᠵᠦ ᠬᠢᠵᠢᠭ ᠬᠡᠮ ᠢ | ᠰᠡᠷᠬᠡᠶᠢᠯᠡᠵᠤ ᠪᠠᠶᠢᠭᠰᠠᠨ ᠲᠦᠴᠢᠭᠡᠳ ᠬᠦᠮᠦᠰ ᠢᠶᠠᠷ ᠪᠦᠷᠢᠯᠳᠦᠵᠦ᠂ ᠦᠪᠡᠷ ᠦᠪᠡᠷ ᠤᠨ ᠡᠪᠦᠭᠡ ᠲᠡᠬᠡᠳᠦᠰ᠂ | ᠬᠡᠳᠦᠨ ᠦᠶᠡ ᠠᠴᠠ᠂ ᠦᠶᠡ ᠲᠠᠮᠵᠢᠨ ᠤᠯᠠᠮᠵᠢᠯᠠᠵᠦ ᠢᠷᠡᠭᠰᠡᠨ ᠬᠤᠪᠤᠷ ᠴᠤᠬᠠᠭ ᠡᠳ᠋ ᠪᠤᠳᠠᠰ ᠢᠶᠠᠨ ᠳᠡᠯᠭᠡᠨ | ᠦᠵᠡᠬᠦᠯᠵᠤ ᠲᠠᠨᠢᠯᠴᠠᠭᠤᠯᠬᠤ ᠶᠢᠨ ᠲᠠᠭᠠᠤ ᠦᠪᠡᠷ ᠤᠨ ᠤᠷᠠᠨ ᠭᠠᠷ ᠤᠷᠠ ᠤᠬᠠᠭᠠᠨ ᠢᠶᠠᠷ ᠢᠶᠠᠨ ᠤᠷᠠᠯᠠᠵᠤ | ᠪᠦᠳᠦᠬᠡᠭᠰᠡᠨ ᠵᠦᠢᠯᠡᠰ ᠢᠶᠠᠨ ᠴᠤ ᠠᠪᠴᠢᠷᠠᠵᠦ᠂ ᠲᠡᠯᠬᠡᠨ ᠦᠵᠡᠬᠦᠯᠦᠭᠰᠡᠨ ᠢᠶᠠᠷ ᠨᠢᠬᠡ ᠡᠳᠦᠷ ᠤᠨ ᠤᠳᠬᠠ ᠤᠴᠢᠷ | ᠲᠠᠢ ᠰᠠᠶᠢᠬᠠᠨ ᠬᠦᠳᠡᠯᠬᠡᠬᠡᠨ ᠦᠨᠳᠦᠷᠯᠡᠭᠰᠡᠨ ᠪᠠᠶᠢᠨᠠ᠃ |