| ᠵᠠᠯᠠᠭᠤ ᠨᠠᠰᠤ ᠪᠣᠯ ᠬᠥᠮᠥᠨ ᠪᠦᠭᠦᠨ ᠳᠤ ᠳᠡᠭᠡᠳᠦ ᠲᠡᠭᠷᠢ ᠠᠴᠠ ᠠᠳᠠᠯᠢᠬᠠᠨ ᠬᠠᠶᠢᠷᠠᠯᠠᠭᠰᠠᠨ ᠠᠵᠠ ᠪᠤᠶᠠᠨ ᠤ ᠲᠤᠰᠬᠠᠯ ᠶᠤᠮ᠃ ᠭᠡᠪᠡᠴᠦ ᠬᠥᠮᠥᠨ | ᠪᠦᠭᠦᠨ ᠳᠤ ᠠᠳᠠᠯᠢᠬᠠᠨ ᠬᠤᠪᠢᠶᠠᠭᠳᠠᠳᠠᠭ ᠲᠡᠷᠡ ᠭᠠᠯ ᠵᠠᠯᠠᠭᠤ ᠨᠠᠰᠤ ᠶᠢ ᠬᠡᠷᠬᠢᠨ ᠠᠰᠢᠭᠯᠠᠵᠤ᠂ ᠬᠡᠷᠬᠢᠨ ᠨᠥᠭᠴᠢᠭᠡᠨᠡ ᠭᠡᠳᠡᠭ ᠨᠢ ᠬᠠᠷᠢᠨ ᠠᠮᠢᠳᠤᠷᠠᠯ ᠤᠨ | ᠤᠬᠠᠭᠠᠨ ᠢ ᠰᠢᠯᠭᠠᠬᠤ ᠬᠠᠲᠠᠭᠤ ᠰᠣᠷᠢᠯᠲᠠ ᠶᠤᠮ᠃ ᠨᠡᠶᠢᠭᠡᠮ ᠤᠨ ᠨᠢᠰᠬᠦ ᠮᠡᠲᠦ ᠬᠥᠭᠵᠢᠯᠲᠡ ᠶᠢᠨ ᠵᠠᠯᠠᠭᠤᠴᠤᠳ ᠲᠤ ᠲᠠᠯᠪᠢᠬᠤ ᠱᠠᠭᠠᠷᠳᠠᠯᠭᠠ ᠶᠠᠪᠤᠬᠤ ᠳᠤᠲᠤᠮ | ᠥᠨᠳᠥᠷ ᠪᠣᠯᠵᠤ᠂ ᠨᠡᠩ ᠣᠨᠴᠠᠭᠠᠶᠢᠯᠠᠨ ᠮᠠᠯᠴᠢᠨ ᠤ ᠦᠷᠡ ᠬᠡᠦᠬᠡᠳ ᠪᠣᠯᠤᠭᠰᠠᠨ ᠪᠢᠳᠡᠨ ᠳᠤ ᠬᠦᠨᠳᠦ ᠰᠢᠯᠭᠠᠯᠲᠠ ᠨᠤᠭᠤᠳ ᠲᠣᠬᠢᠶᠠᠵᠤ ᠪᠠᠶᠢᠨᠠ᠃ ᠭᠡᠬᠦ ᠳᠡᠭᠡᠨ | ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠠᠯᠬᠤᠭᠠ ᠳᠤ ᠬᠦᠰᠡᠯ ᠬᠥᠭᠡᠭᠡᠴᠡᠯᠳᠦᠯ ᠲᠠᠢ᠂ ᠰᠢᠷᠭᠠᠭᠤ ᠴᠢᠷᠮᠠᠶᠢᠯᠭᠠ ᠲᠠᠢ᠂ ᠤᠯᠠᠨ ᠲᠠᠯᠠ ᠪᠠᠷ ᠮᠡᠷᠡᠶᠢᠨ ᠳᠠᠪᠰᠢᠵᠤ ᠶᠠᠪᠤᠭᠠ ᠵᠠᠯᠠᠭᠤᠰ | ᠤᠯᠠᠨ ᠪᠣᠯᠵᠠᠢ᠃ | | | | | | ᠮᠢᠨᠤ ᠥᠨᠥᠳᠥᠷ ᠤᠨ ᠰᠣᠷᠪᠤᠯᠵᠢᠯᠠᠭᠠ ᠶᠢᠨ ᠡᠵᠡᠨ ᠢ ᠴᠣᠯᠮᠣᠨ ᠭᠡᠳᠡᠭ᠃ ᠲᠡᠷᠠ ᠪᠠᠷ ᠡᠸᠡᠩᠬᠢ ᠦᠨᠳᠦᠰᠦᠲᠡᠨ ᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠬᠤᠰᠢᠭᠤᠨ ᠤ | ᠢᠮᠢᠨ ᠰᠤᠮᠤᠨ ᠤ ᠪᠢᠯᠡᠭᠦᠲᠦ ᠭᠠᠴᠠᠭᠠ ᠪᠠᠷ ᠨᠤᠲᠤᠭ ᠲᠠᠢ᠂ 1991 ᠣᠨ ᠳᠤ ᠮᠠᠯᠴᠢᠨ ᠪᠣᠷᠣᠴᠢᠯᠠᠭᠤ ᠪᠣᠯᠣᠨ ᠬᠠᠰᠴᠢᠮᠡᠭ ᠤᠨ ᠤᠳᠬᠤᠨ ᠬᠦᠦ ᠨᠢ ᠪᠣᠯᠣᠨ | ᠵᠠᠶᠠᠭᠠᠵᠠᠢ᠃ ᠲᠠᠯᠠ ᠨᠢ ᠠᠭᠤᠳᠠᠮ ᠤᠰᠤ ᠨᠢ ᠲᠤᠩᠭᠠᠯᠠᠭ ᠢᠮᠢᠨ ᠨᠤᠲᠤᠭ ᠤᠨ ᠡᠯᠢᠭᠡᠨ ᠳᠤ ᠡᠷᠬᠡ ᠲᠠᠨᠬᠭᠢᠯ ᠥᠰᠬᠦ ᠳᠡᠭᠡᠨ ᠲᠡᠷᠡ ᠤᠬᠠᠭᠠᠨᠲᠤ ᠪᠤᠭᠤᠷᠤᠯ ᠠᠪᠤ | ᠡᠵᠢ ᠠᠴᠠ ᠪᠠᠨ ᠠᠵᠢᠯ ᠭᠦᠳᠡᠯᠮᠦᠷᠢ ᠬᠢᠬᠦ ᠶᠢ ᠰᠤᠷᠴᠤ᠂ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠠᠪᠤ ᠡᠵᠢ ᠶᠢᠨ ᠢᠶᠠᠨ ︽ᠮᠤᠨᠳᠠᠭ ᠬᠠᠪᠰᠤᠷᠤᠭᠴᠢ︾ ᠪᠣᠯᠣᠭᠰᠠᠭᠠᠷ ᠢᠷᠡᠵᠤ᠂ | ᠪᠠᠯᠴᠢᠷ ᠨᠠᠰᠤ ᠪᠠᠨ ᠤᠳᠬᠠ ᠲᠡᠭᠦᠰ ᠠᠭᠤᠯᠭᠠ ᠪᠠᠶᠠᠯᠢᠭ ᠥᠩᠭᠡᠷᠡᠭᠦᠯᠵᠦ ᠪᠢᠯᠡ᠃ ᠳᠠᠩᠳᠠ ᠠᠵᠢᠯ ᠭᠦᠳᠡᠯᠮᠦᠷᠢ ᠳᠤ ᠣᠷᠣᠯᠴᠠᠳᠠᠭ ᠪᠠᠶᠢᠭᠰᠠᠨ ᠴᠤ ᠭᠤᠣᠯ ᠤᠨ | ᠭᠦᠪᠡᠭᠡ᠂ ᠲᠠᠯᠠ ᠶᠢᠨ ᠳᠡᠨᠵᠢᠨ ᠳᠤ ᠠᠯᠢᠶᠠᠷᠬᠠᠨ ᠲᠣᠭᠯᠠᠵᠤ ᠭᠦᠶᠦᠭᠰᠡᠭᠡᠷ ᠪᠠᠶᠢᠵᠤ ᠰᠢᠨᠳᠠᠰᠤ ᠬᠦᠴᠦ ᠪᠦᠷᠢᠳᠦᠨ᠂ ᠪᠢᠷᠠ ᠴᠢᠳᠠᠯ ᠲᠠᠢ᠂ ᠬᠤᠷᠳᠤᠨ ᠭᠦᠶᠦᠳᠡᠭ | ᠬᠡᠦᠬᠡᠳ ᠤᠨ ᠨᠢᠭᠡᠨ ᠪᠣᠯᠵᠤ ᠪᠢᠯᠡ᠃ | ᠬᠥᠮᠥᠨ ᠠᠷᠠᠳ ᠨᠢ ᠵᠣᠴᠢᠨᠰᠠᠭ᠂ ᠬᠥᠳᠡᠭᠡ ᠨᠤᠲᠤᠭ ᠨᠢ ᠪᠠᠶᠢᠭᠠᠯᠢᠯᠢᠭ᠂ ᠠᠮᠢ ᠠᠬᠤᠢ ᠨᠢ ᠦᠵᠡᠰᠭᠦᠯᠡᠩ ᠬᠥᠯᠥᠨ ᠪᠤᠶᠢᠷ ᠨᠤᠲᠤᠭ ᠭᠡᠵᠦ ᠤᠤᠯ ᠠᠴᠠ | ᠪᠠᠨ ᠪᠦᠭᠡ ᠶᠢᠨ ᠰᠣᠶᠣᠯ ᠤᠨ ᠬᠥᠷᠥᠰᠥ ᠵᠤᠵᠠᠭᠠᠨ ᠨᠤᠲᠤᠭ ᠶᠤᠮ᠃ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤᠨ ᠨᠢᠭᠡ ᠪᠤᠯᠬᠤ ᠪᠦᠭᠡ ᠨᠢ ᠡᠷᠲᠡ ᠳᠡᠭᠡᠳᠦ ᠦᠶᠡ ᠠᠴᠠ | ᠡᠳᠦᠭᠡ ᠪᠤᠯᠲᠠᠯᠠ ᠦᠨᠳᠦᠰᠦ ᠤᠳᠤᠮ ᠵᠠᠯᠭᠠᠨ ᠤᠯᠠᠮᠵᠢᠯᠠᠭᠳᠠᠵᠤ᠂ ᠦᠵᠡᠭᠴᠢᠳ ᠲᠦᠮᠡᠨ ᠤ ᠪᠠᠨ ᠨᠢᠳᠦᠨ ᠤ ᠴᠢᠮᠡᠭ᠂ ᠰᠡᠳᠬᠢᠯ ᠤᠨ ᠪᠠᠭ᠋ᠠᠷᠬᠠᠯ ᠪᠣᠯᠣᠭᠰᠠᠭᠠᠷ | ᠢᠷᠡᠭᠰᠡᠨ ᠶᠤᠮ᠃ ᠨᠤᠲᠤᠭ ᠤᠰᠤᠨ ᠤ ᠬᠢᠨᠢ ᠨᠠᠶᠢᠷ ᠨᠠᠭᠠᠳᠤᠮ ᠳᠠᠬᠢ ᠪᠦᠭᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠨᠢ ᠪᠠᠯᠴᠢᠷ ᠨᠠᠰᠤᠨ ᠤ ᠴᠣᠯᠮᠣᠨ ᠳᠤ ᠪᠦᠭᠡ ᠪᠠᠨ ᠳᠡᠭᠡᠳᠦᠯᠡᠵᠦ᠂ | ᠪᠦᠭᠡ ᠪᠠᠷ ᠢᠶᠠᠨ ᠪᠠᠭ᠋ᠠᠷᠬᠠᠬᠤ ᠠᠩᠬᠠᠨ ᠤ ᠲᠠᠨᠢᠯᠲᠠ ᠶᠢ ᠮᠡᠳᠡᠷᠡᠭᠦᠯᠵᠦ ᠪᠠᠶᠢᠭᠰᠠᠨ ᠮᠠᠭᠠᠳ ᠁ | ᠴᠣᠯᠮᠣᠨ ᠣᠨᠴᠠ ᠴᠠᠭᠳᠠᠭᠠ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠬᠤᠳᠠ ᠶᠢᠨ ︽ᠬᠤᠶᠠᠷ ᠬᠤᠷᠠᠯ︾᠂ ᠪᠦᠭᠦ ᠣᠷᠣᠨ ᠤ ᠵᠢᠭᠤᠯᠴᠢᠯᠠᠯ ᠤᠨ ᠴᠤᠭᠯᠠᠭᠠᠨ ᠵᠡᠷᠭᠡ | ᠲᠣᠮᠣᠬᠠᠨ ᠠᠵᠢᠯᠯᠠᠭᠠ ᠳᠠᠬᠢ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠡᠭᠦᠷᠭᠡ ᠶᠢ ᠡᠭᠦᠷᠭᠡᠯᠡᠵᠦ᠂ ᠠᠵᠢᠯ ᠢᠶᠠᠨ ᠢᠯᠭᠤᠮ ᠤᠷᠤᠭᠰᠢᠲᠠᠢ ᠪᠡᠶᠡᠯᠡᠭᠦᠯᠵᠦ ᠪᠠᠶᠢᠪᠠ᠃ ᠲᠡᠷᠡ ᠡᠨᠡ ᠬᠦ | ᠠᠵᠢᠯ ᠳᠠᠭᠠᠨ ᠣᠨᠴᠠ ᠶᠢᠨ ᠬᠠᠶᠢᠷᠠᠲᠠᠢ ᠪᠠᠶᠢᠵᠤ᠂ ᠰᠢᠷᠭᠠᠭᠤ ᠠᠵᠢᠯᠯᠠᠬᠤ ᠶᠢᠨ ᠳᠠᠭᠠᠤ ᠳᠤᠷᠠ ᠪᠠᠬᠠ ᠪᠠᠷ ᠢᠶᠠᠨ ᠣᠯᠵᠠᠷᠬᠠᠵᠤ᠂ ᠪᠡᠶᠡ ᠶᠢᠨ ᠲᠠᠮᠢᠷ ᠤᠨ ᠤᠷᠤᠯᠳᠤᠭᠠᠨ | ᠮᠥᠷᠥᠶᠢᠴᠡᠭᠡᠨ ᠳᠤ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠨ᠂ ᠪᠦᠭᠡ ᠶᠢᠨ ᠰᠤᠷᠭᠠᠭᠴᠢ ᠶᠢᠨ ᠬᠤᠪᠢ ᠪᠠᠷ ᠣᠨᠴᠠ ᠴᠠᠭᠳᠠᠭᠠ ᠨᠠᠷ ᠲᠤ ᠪᠦᠭᠡ ᠶᠢᠨ ᠬᠠᠮᠢᠶᠠ ᠪᠦᠬᠦᠢ ᠤᠷᠠ | ᠮᠡᠷᠭᠡᠵᠢᠯ ᠢ ᠵᠢᠭᠠᠳᠠᠭ ᠪᠠᠶᠢᠨᠠ᠃ | ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ ᠪᠢᠯᠬᠠᠭᠰᠠᠨ᠂ ᠬᠦᠰᠡᠯ ᠲᠡᠮᠡᠦᠯᠦᠯ ᠬᠤᠷᠤᠶᠢᠯᠠᠭᠰᠠᠨ᠂ ᠴᠤᠭ ᠵᠢᠪᠬᠤᠭᠠ ᠪᠠᠳᠠᠷᠠᠭᠰᠠᠨ ᠵᠠᠯᠠᠭᠤ ᠨᠠᠰᠤ ᠰᠠᠶᠢᠬᠠᠨ᠁ ᠵᠠᠯᠠᠭᠤ | ᠨᠠᠰᠤ ᠦᠨᠡᠯᠡᠵᠦ ᠲᠠᠭᠤᠰᠢ ᠦᠭᠡᠢ ᠶᠡᠭᠡ ᠡᠷᠳᠡᠨᠢ᠂ ᠵᠠᠯᠠᠭᠤ ᠨᠠᠰᠤ ᠣᠯᠳᠠᠰᠢ ᠦᠭᠡᠢ ᠡᠷᠬᠢᠮ ᠨᠠᠨᠳᠢᠨ ᠁ |