| ᠠᠳᠤᠭᠤᠨ ᠰᠣᠶᠣᠯ ᠤᠨ ᠬᠥᠭᠵᠢᠯᠲᠡ ᠳᠤ ᠠᠰᠤᠷᠤ ᠶᠡᠭᠡ ᠬᠤᠪᠢ ᠨᠡᠮᠡᠷᠢ ᠲᠠᠢ᠂ ᠠᠳᠤᠭᠤ ᠮᠠᠯ ᠳᠠᠭᠠᠨ ᠬᠠᠶᠢᠷᠠᠲᠠᠢ ᠮᠠᠯᠴᠢᠨ ᠵᠠᠶᠠᠭᠠ ᠲᠦᠰᠢᠵᠦ | ᠶᠠᠪᠤᠭᠰᠠᠨ ᠪᠥᠬᠡᠴᠢᠯᠠᠭᠤ ᠪᠣᠯ ᠭᠠᠷ ᠤᠷᠠ ᠲᠠᠢ᠂ ᠰᠠᠨᠠᠭᠠ ᠤᠷᠠᠨ᠂ ᠠᠵᠢᠯᠴᠢ ᠪᠣᠷᠣᠭᠵᠢᠭᠤᠨ ᠬᠥᠮᠥᠨ ᠤ ᠨᠢᠭᠡ ᠶᠤᠮ᠃ ᠲᠠᠷᠠ ᠪᠣᠯ ᠤᠷᠠᠳ ᠤᠨ ᠲᠤᠮᠳᠠᠳᠦ | ᠬᠤᠰᠢᠭᠤᠨ ᠤ ᠪᠠᠶᠠᠨ᠋ᠤ᠋ᠯᠠᠭᠠᠨ ᠰᠤᠮᠤ ᠶᠢᠨ ᠪᠠᠶᠠᠨ᠋ᠣ᠋ᠪᠣᠭᠠ ᠭᠠᠴᠠᠭᠠᠨ ᠤ ᠮᠠᠯᠴᠢᠨ᠂ ᠮᠥᠨ ᠴᠦ ᠮᠣᠯᠣᠷ ᠮᠣᠷᠢᠨ ᠡᠳ᠋ᠯᠡᠯ ᠤᠨ ᠳᠡᠯᠭᠡᠭᠦᠷ ᠤᠨ ᠡᠵᠡᠨᠳᠡᠨ ᠪᠢᠯᠡ᠃ | ᠪᠥᠬᠡᠴᠢᠯᠠᠭᠤ ᠶᠢᠨ ᠠᠪᠤ ᠫᠦᠷᠪᠤᠰᠡᠳ᠋ ᠭᠡᠵᠦ ᠠᠯᠪᠠᠨ ᠳᠤ ᠠᠵᠢᠯ ᠠᠯᠪᠠ ᠲᠠᠢ ᠪᠤᠯᠪᠠᠴᠦ ᠬᠥᠳᠡᠭᠡ ᠶᠢᠨ ᠠᠵᠢᠯ ᠳᠤ ᠴᠦ ᠴᠠᠭᠠᠷᠠᠭᠰᠠᠨ ᠭᠠᠷ ᠤᠷᠠᠨ | ᠬᠥᠮᠥᠨ ᠪᠢᠯᠡ᠃ ᠲᠡᠷᠡ ᠠᠪᠤ ᠶᠢᠨ ᠢᠶᠠᠨ ᠤᠳᠤᠮ ᠢ ᠲᠠᠭᠠᠵᠦ ᠵᠠᠶᠠᠭᠠᠭᠰᠠᠨ ᠠᠴᠠ ᠬᠢᠬᠦ ᠦᠭᠡᠢ ᠶᠠᠭᠤᠮᠠ ᠭᠡᠵᠦ ᠦᠭᠡᠢ᠂ ᠶᠠᠭᠤᠨ ᠳᠤ ᠴᠤ ᠤᠷᠠ ᠲᠠᠮ ᠲᠠᠢ | ᠪᠠᠶᠢᠳᠠᠭ᠃ ᠪᠠᠭᠠ ᠠᠴᠠ ᠪᠠᠨ ᠠᠪᠤ ᠶᠢᠨ ᠢᠶᠠᠨ ᠨᠣᠭᠲᠣ ᠴᠢᠳᠦᠷ ᠮᠤᠰᠬᠢᠬᠤ᠂ ᠡᠮᠡᠭᠡᠯ ᠲᠣᠨᠣᠭᠯᠠᠬᠤ ᠶᠢ ᠬᠠᠷᠠᠵᠤ ᠰᠠᠭᠤᠳᠠᠭ ᠪᠠᠶᠢᠭᠰᠠᠨ᠂ ᠨᠣᠭᠲᠣᠨ ᠤ ᠭᠠᠷᠠᠬᠠ ᠶᠢ | ᠭᠠᠷ ᠢᠶᠠᠷ ᠢᠶᠠᠨ ᠳᠠᠪᠲᠠᠵᠤ ᠬᠢᠳᠡᠭ ᠨᠢ ᠤᠳᠤ ᠪᠤᠯᠳᠠᠯᠠ ᠮᠠᠰᠢ ᠰᠣᠨᠢᠨ ᠪᠤᠳᠤᠬᠳᠠᠭᠤᠯᠳᠠᠭ᠃ ᠠᠷᠪᠠᠭᠠᠳ ᠵᠢᠯ ᠤᠨ ᠡᠮᠦᠨᠡ ᠪᠥᠬᠡᠴᠢᠯᠠᠭᠤ ᠠᠮᠢᠳᠤᠷᠠᠯ ᠤᠨ ᠡᠷᠬᠡ ᠪᠠᠷ | ᠠᠷᠠᠰᠤ ᠰᠢᠷᠢ ᠪᠣᠷᠣᠯᠠᠭᠤᠯᠬᠤ᠂ ᠵᠢᠭᠤᠯᠴᠢᠯᠠᠯ ᠤᠨ ᠭᠠᠵᠠᠷ ᠲᠤ ᠮᠣᠷᠢ ᠬᠥᠲᠥᠯᠬᠦ᠂ ᠦᠬᠡᠷ ᠬᠠᠷᠢᠭᠤᠯᠬᠤ ᠵᠡᠷᠭᠡ ᠠᠯᠢ ᠤᠯᠠᠨ ᠬᠠᠲᠠᠭᠤ ᠪᠡᠷᠬᠡ ᠠᠵᠢᠯ ᠬᠢᠵᠦ᠂ ᠰᠡᠭᠦᠯᠡᠷ | ᠨᠢ ᠠᠬᠠ ᠳᠡᠭᠦᠦ ᠨᠠᠶᠢᠵᠠ ᠨᠥᠬᠦᠳ ᠤᠨ ᠬᠢᠨᠢ ᠢᠲᠡᠭᠡᠯ ᠬᠠᠪᠰᠤᠷᠤᠯᠭᠠ ᠳᠡᠮᠵᠢᠯᠭᠡ ᠪᠣᠯᠣᠨ ᠥᠪᠡᠷ ᠤᠨ ᠰᠢᠷᠭᠠᠭᠤ ᠴᠢᠷᠮᠠᠶᠢᠯᠭᠠ ᠪᠠᠷ ᠣᠯᠣᠭᠰᠠᠨ ᠵᠣᠭᠤᠰ ᠢᠶᠠᠷ | ᠠᠵᠢᠷᠭᠠ ᠠᠳᠤᠭᠤ ᠲᠠᠢ ᠪᠣᠯᠤᠭᠰᠠᠨ ᠪᠠᠶᠢᠯᠠ᠃ ᠲᠡᠷᠡ ᠬᠥᠳᠡᠭᠡ ᠳᠡᠭᠡᠨ 2000 ᠭᠠᠷᠤᠢ ᠯᠡ ᠮᠦ ᠪᠡᠯᠴᠢᠭᠡᠷ ᠲᠠᠢ ᠪᠣᠯᠬᠤᠷ ᠮᠠᠯ ᠠᠵᠤ ᠠᠬᠤᠢ ᠬᠥᠭᠵᠢᠭᠦᠯᠬᠦ ᠳᠤ | ᠦᠨᠳᠦᠰᠦᠨ ᠨᠥᠬᠦᠴᠡᠯ ᠳᠤᠲᠠᠮᠠᠭ ᠠᠴᠠ ᠪᠣᠯᠵᠤ ᠲᠠᠩ ᠭᠠᠭᠴᠠ ᠠᠳᠤᠭᠤ ᠮᠠᠯᠵᠢᠵᠤ᠂ ᠠᠳᠠ ᠲᠡᠨᠳᠡ ᠣᠲᠣᠷᠯᠠᠬᠤ᠂ ᠪᠡᠯᠴᠢᠭᠡᠷ ᠲᠦᠷᠢᠶᠡᠰᠦᠯᠡᠬᠦ ᠵᠡᠷᠭᠡ ᠠᠷᠭᠠ ᠪᠠᠷ | ᠵᠠᠭᠤᠭᠠᠳ ᠠᠳᠤᠭᠤ ᠲᠠᠢ ᠪᠠᠶᠢᠭᠰᠠᠨ ᠠᠴᠠ ᠣᠶᠢᠷᠠ ᠶᠢᠨ ᠬᠤᠶᠠᠷ ᠵᠢᠯ ᠠᠳᠤᠭᠤ ᠪᠠᠨ ᠴᠥᠭᠡᠴᠢᠯᠡᠵᠦ ᠲᠠᠪᠢᠭᠠᠳ ᠪᠣᠯᠭᠠᠵᠠᠢ᠃ ᠲᠠᠷᠠ 2013 ᠣᠨ ᠳᠤ | ᠬᠤᠰᠢᠭᠤᠨ ᠲᠥᠪ ᠬᠠᠯᠢᠭᠤᠲᠤ ᠪᠠᠯᠭᠠᠰᠤᠨ ᠳᠤ ᠬᠦᠷᠴᠦ᠂ ᠭᠤᠷᠪᠠᠨ ᠲᠦᠮᠡᠨ ᠲᠥᠭᠦᠷᠢᠭ ᠤᠨ ᠦᠢᠯᠡᠰ ᠪᠦᠲᠦᠭᠡᠬᠦ ᠮᠥᠩᠭᠦ ᠪᠠᠷ ᠮᠣᠯᠣᠷ ᠮᠣᠷᠢᠨ ᠡᠳ᠋ᠯᠡᠯ ᠤᠨ | ᠳᠡᠯᠭᠡᠭᠦᠷ ᠢᠶᠠᠨ ᠨᠡᠭᠡᠭᠡᠵᠡᠢ᠃ | | | | | | ᠡᠮᠡᠭᠡᠯ ᠲᠥᠬᠦᠭᠡᠷᠬᠦ ᠳᠤ ᠮᠣᠳᠣᠴᠢᠨ᠂ ᠰᠤᠷᠴᠢᠨ᠂ ᠲᠡᠮᠦᠷ ᠤᠨ ᠲᠠᠷᠬᠠᠨ᠂ ᠳᠡᠭᠡᠰᠦ ᠲᠠᠮᠤᠬᠤ ᠵᠡᠷᠭᠡ ᠤᠯᠠᠨ ᠲᠦᠷᠦᠯ ᠤᠨ ᠲᠠᠷᠬᠠᠨ ᠤ ᠤᠷᠠ ᠮᠡᠷᠭᠡᠵᠢᠯ | ᠱᠠᠭᠠᠷᠳᠠᠭᠳᠠᠵᠤ᠂ ᠡᠪᠳᠡᠷᠡᠭᠰᠡᠨ ᠡᠮᠡᠭᠡᠯ ᠵᠠᠰᠠᠬᠤ ᠳᠤ ᠨᠡᠩ ᠴᠤ ᠰᠢᠨᠡ ᠶᠢ ᠲᠥᠬᠦᠭᠡᠷᠬᠦ ᠠᠴᠠ ᠲᠦᠪᠡᠭ ᠲᠠᠢ ᠪᠠᠶᠢᠵᠤ᠂ ᠬᠠᠳᠠᠬᠤ᠂ ᠨᠠᠭᠠᠬᠤ᠂ ᠪᠤᠳᠤᠵᠦ ᠰᠢᠷᠳᠡᠭᠦ᠂ | ᠣᠶᠣᠵᠤ ᠪᠦᠷᠢᠬᠦ ᠵᠡᠷᠭᠡ ᠤᠯᠠᠨ ᠦᠢᠯᠡ ᠪᠠᠷᠠᠳᠠᠭ ᠪᠠᠶᠢᠯᠠ᠃ ᠤᠳᠦ ᠨᠢᠭᠡ ᠰᠠᠶᠢᠨ ᠨᠢ ᠲᠦᠭᠦᠬᠡᠢ ᠮᠡᠲ᠋ᠧᠷᠢᠶᠠᠯ ᠪᠦᠷᠢᠨ ᠬᠠᠩᠭᠠᠯᠲᠠᠲᠠᠢ ᠪᠠᠶᠢᠳᠠᠭ ᠠᠴᠠ | ᠬᠡᠷᠡᠭᠯᠡᠭᠴᠢᠳ ᠤᠨ ᠱᠠᠭᠠᠷᠳᠠᠯᠭᠠ ᠶᠣᠰᠣᠭᠠᠷ ᠲᠣᠨᠣᠭᠯᠠᠭᠠᠳ ᠥᠭᠴᠢᠬᠡᠪᠡᠯ ᠪᠣᠯᠴᠢᠬᠠᠳᠠᠭ᠃ ᠲᠡᠭᠦᠨ ᠤ ᠡᠬᠡᠨᠡᠷ ᠠᠯᠲᠠᠨᠭᠡᠷᠡᠯ ᠨᠢ ᠵᠢᠷᠢᠮ ᠭᠦᠷᠦᠭᠦ᠂ ᠨᠣᠭᠲᠣ ᠣᠶᠣᠬᠤ | ᠵᠡᠷᠭᠡ ᠠᠵᠢᠯ ᠪᠠ ᠠᠷᠤ ᠭᠡᠷ ᠤᠨ ᠠᠵᠢᠯ ᠢ ᠨᠢ ᠡᠪᠲᠡᠢ ᠲᠣᠬᠢᠷᠠᠭᠤᠯᠵᠤ ᠦᠭᠳᠡᠭ ᠠᠴᠠ ᠬᠤᠶᠠᠭᠤᠯᠠ ᠪᠠᠨ ᠳᠤᠤᠭᠠᠷᠪᠠᠯ ᠲᠠᠭᠤ ᠨᠢᠭᠡᠲᠡᠢ ᠪᠠᠷ ᠡᠷᠭᠢᠯᠡᠭᠰᠡᠨ ᠦᠢᠯᠡᠰ | ᠲᠡᠭᠡᠨ ᠢᠲᠡᠭᠡᠯ ᠵᠣᠷᠢᠭ ᠲᠠᠢ ᠴᠢᠷᠮᠠᠶᠢᠵᠤ᠂ ᠲᠦᠷᠦᠭᠦᠦ ᠬᠡᠳᠦᠨ ᠵᠢᠯ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠵᠦᠭᠡᠷ ᠴᠠᠭ ᠲᠠᠭᠠᠨ ᠵᠢᠯ ᠳᠤ ᠭᠤᠴᠢᠭᠠᠳ ᠰᠢᠨᠡ ᠡᠮᠡᠭᠡᠯ ᠵᠠᠷᠤᠵᠤ᠂ | ᠵᠠᠰᠠᠵᠤ ᠰᠡᠯᠪᠢᠬᠦ ᠲᠠᠢ ᠪᠠᠨ ᠨᠡᠶᠢᠯᠡᠪᠡᠯ ᠠᠷᠪᠠ ᠰᠢᠬᠠᠮ ᠲᠦᠮᠡᠨ ᠲᠥᠭᠦᠷᠢᠭ ᠣᠯᠳᠠᠭ ᠪᠠᠶᠢᠭᠰᠠᠨ ᠭᠡᠵᠦ ᠶᠠᠷᠢᠨᠠ᠃ | ᠲᠡᠭᠦᠨ ᠤ ᠳᠡᠯᠭᠡᠭᠦᠷ ᠲᠤ ᠮᠣᠷᠢ ᠤᠨᠤᠵᠦ ᠡᠳ᠋ᠯᠡᠬᠦ ᠲᠥᠬᠦᠭᠡᠷᠦᠮᠵᠢ ᠪᠦᠷᠢᠨ ᠪᠠᠶᠢᠵᠤ᠂ ᠪᠦᠷᠢᠨ ᠲᠣᠨᠣᠭᠯᠠᠯ ᠲᠠᠢ ᠡᠮᠡᠭᠡᠯ ᠠᠴᠠ ᠭᠠᠳᠠᠨᠠ ᠬᠠᠵᠠᠭᠠᠷ | ᠴᠤᠯᠪᠤᠭᠤᠷ᠂ ᠴᠢᠳᠦᠷ᠂ ᠨᠣᠭᠲᠣ᠂ ᠤᠷᠭᠠ ᠬᠤᠶᠢᠪᠢ᠂ ᠲᠠᠰᠢᠭᠤᠷ᠂ ᠪᠤᠭᠤᠶᠢᠯᠢ᠂ ᠳᠠᠷᠤᠭᠤᠯᠭᠠ᠂ ᠲᠣᠬᠤᠮ ᠵᠡᠷᠭᠡ ᠪᠦᠷᠢᠨ ᠪᠠᠶᠢᠳᠠᠭ ᠪᠥᠭᠡᠳ ᠥᠪᠡᠷ ᠢᠶᠠᠨ ᠮᠥᠩᠭᠦᠨ | ᠬᠠᠵᠠᠭᠠᠷ ᠬᠢᠬᠦ ᠤᠷᠠ ᠮᠡᠷᠭᠡᠵᠢᠯ ᠢ ᠴᠤ ᠰᠤᠷᠴᠠᠢ᠃ | ᠤᠳᠤ ᠴᠠᠭ ᠭᠠᠭᠴᠠ ᠮᠠᠯ ᠤᠨ ᠴᠢᠷᠠᠢ ᠬᠠᠷᠠᠭᠠᠳ ᠪᠤᠯᠬᠤ ᠪᠠᠨ ᠪᠠᠶᠢᠵᠠᠢ᠃ ᠳᠡᠯᠭᠡᠭᠦᠷ ᠢᠶᠠᠨ ᠨᠡᠭᠡᠭᠡᠵᠦ ᠯᠡ ᠪᠠᠶᠢᠪᠠᠯ ᠠᠮᠢᠳᠤᠷᠠᠯ ᠳᠠᠭᠠᠨ ᠴᠤ ᠵᠥᠪ ᠠ᠋ | ᠭᠡᠵᠦ ᠲᠠᠷᠠ ᠢᠨᠢᠶᠡᠮᠰᠦᠭᠯᠡᠵᠦ ᠶᠠᠷᠢᠨᠠ᠃ |