| ᠨᠢᠭᠡ᠂ ᠵᠠᠮ ᠣᠭᠲᠣᠯᠵᠤ ᠭᠠᠷᠬᠤ ᠳᠠᠭᠠᠨ ᠠᠰ ᠰᠢᠪᠲᠤᠯᠵᠤ ᠭᠠᠷᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠶᠠᠰᠤ ᠨᠢ ᠠᠰᠬᠠᠨ ᠬᠤᠭᠤᠷᠠᠨᠠ ᠭᠡᠨᠡ᠃ | ᠬᠤᠶᠠᠷ᠂ ᠵᠠᠮ ᠪᠤᠶᠤ ᠮᠠᠯ ᠤᠨ ᠴᠤᠪᠤᠭᠠ ᠳᠡᠭᠡᠷᠡ ᠪᠠᠭᠠᠵᠤ ᠰᠢᠭᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠨᠢᠳᠦᠨ ᠳᠡᠭᠡᠷᠡ ᠡᠪᠦᠳᠦᠭ ᠭᠠᠷᠬᠤ ᠪᠤᠶᠤ ᠠᠮᠠ᠂ ᠪᠥᠭᠰᠡᠨ | ᠳᠡᠭᠡᠷᠡ ᠶᠠᠷᠠ ᠭᠠᠷᠤᠨᠠ ᠭᠡᠨᠡ᠃ | ᠭᠤᠷᠪᠠ᠂ ᠡᠪᠦᠯ ᠬᠠᠪᠤᠷ ᠤᠨ ᠭᠠᠴᠢᠭ ᠴᠠᠭ ᠲᠤ ᠬᠡᠭᠡᠷᠡ ᠭᠠᠳᠠᠨᠠ ᠶᠠᠪᠤᠵᠤ ᠪᠠᠶᠢᠭᠠᠳ ᠥᠶᠥᠭᠡᠳᠦᠭᠰᠡᠨ ᠮᠠᠯ ᠢ ᠦᠵᠡᠪᠡᠯ ᠡᠷᠭᠦᠨ ᠪᠣᠰᠬᠠᠵᠤ᠂ ᠴᠠᠰᠤ | ᠪᠣᠷᠣᠭᠠᠨ ᠳᠤ ᠤᠷᠤᠭᠤᠳᠠᠭᠰᠠᠨ ᠮᠠᠯ ᠢ ᠡᠷᠭᠢᠭᠦᠯᠵᠦ ᠪᠤᠴᠠᠭᠠᠳᠠᠭ ᠪᠥᠭᠡᠳ ᠭᠠᠭᠴᠠ ᠬᠤᠶᠠᠷ ᠢᠶᠠᠷ ᠭᠡᠭᠡᠭᠳᠡᠭᠰᠡᠨ ᠮᠠᠯ ᠢ ᠭᠡᠷ ᠵᠦᠭ ᠨᠢ ᠣᠶᠢᠷᠠᠲᠤᠭᠤᠯᠵᠤ ᠥᠭᠳᠡᠭ | ᠵᠠᠩᠰᠢᠯ ᠢ ᠡᠷᠬᠢᠮᠯᠡᠵᠦ᠂ ᠬᠠᠷᠢᠨ ᠠᠵᠢᠭ ᠦᠭᠡᠢ ᠶᠠᠪᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠡᠰᠡᠪᠡᠯ ᠮᠠᠯ ᠤᠨ ᠪᠤᠶᠠᠨ ᠬᠠᠵᠠᠶᠢᠨᠠ ᠭᠡᠳᠡᠭ᠃ | ᠳᠥᠷᠪᠡ᠂ ᠮᠣᠷᠢᠲᠠᠢ ᠬᠥᠮᠥᠨ ᠬᠠᠮᠲᠤ ᠶᠠᠪᠤᠬᠤ ᠳᠠᠭᠠᠨ ᠬᠤᠳᠳᠤᠭ ᠤᠰᠤ ᠲᠣᠬᠢᠶᠠᠯᠳᠤᠪᠠᠯ ᠬᠠᠪᠴᠢᠵᠤ ᠭᠠᠷᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠡᠷᠬᠡᠪᠰᠢ ᠬᠤᠳᠳᠤᠭ | ᠤᠰᠤᠨ ᠤ ᠨᠢᠭᠡ ᠵᠠᠬᠠ ᠪᠠᠷ ᠨᠢ ᠶᠠᠪᠤᠬᠤ ᠶᠣᠰᠣ ᠲᠠᠢ᠃ | ᠲᠠᠪᠤ᠂ ᠰᠥᠨᠢ ᠵᠠᠮ ᠬᠥᠭᠡᠭᠡᠪᠡᠯ ᠭᠡᠳᠡᠷᠭᠦ ᠪᠠᠨ ᠡᠷᠭᠢᠵᠦ ᠬᠠᠷᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠰᠦᠨᠡᠰᠦ ᠵᠠᠶᠢᠯᠠᠨᠠ ᠭᠡᠳᠡᠭ᠃ ᠤᠴᠢᠷ ᠨᠢ ᠬᠥᠮᠥᠨ ᠤ ᠮᠥᠷᠥᠨ | ᠳᠡᠭᠡᠷᠡ ᠰᠦᠷ ᠰᠦᠯᠳᠡ ᠶᠢᠨ ᠭᠠᠯ ᠨᠣᠴᠣᠵᠤ ᠪᠠᠶᠢᠨᠠ ᠭᠡᠵᠦ ᠤᠬᠠᠭᠠᠷᠠᠳᠠᠭ ᠠᠴᠠ ᠡᠷᠭᠢᠵᠦ ᠬᠠᠷᠠᠪᠠᠯ ᠠᠮᠠᠨ ᠠᠭᠤᠷ ᠢᠶᠠᠷ ᠰᠦᠷ ᠰᠦᠯᠳᠡ ᠶᠢᠨ ᠭᠠᠯ ᠢᠶᠠᠨ | ᠤᠨᠲᠠᠷᠠᠭᠠᠨᠠ ᠭᠡᠳᠡᠭ᠃ ᠪᠠᠰᠠ︽ᠪᠠᠷᠠᠭᠤᠨ ᠮᠥᠷᠥᠨ ᠳᠡᠭᠡᠷᠡ ᠪᠤᠷᠬᠠᠨ ᠰᠠᠬᠢᠨᠠ᠂ ᠵᠡᠭᠦᠨ ᠮᠥᠷᠥᠨ ᠳᠡᠭᠡᠷᠡ ᠴᠢᠳᠬᠦᠷ ᠰᠠᠬᠢᠨᠠ︾ ᠭᠡᠳᠡᠭ᠃ |