| ᠪᠠᠷᠭᠤᠴᠤᠳ ᠬᠥᠪᠡᠭᠦᠨ ᠢᠶᠠᠨ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠭᠡᠷ ᠪᠡᠷᠢ ᠡᠷᠢᠵᠦ ᠭᠡᠷᠯᠡᠭᠦᠯᠬᠦ ᠪᠠᠷ ᠪᠡᠯᠡᠳᠬᠡᠳᠡᠭ᠃ ᠲᠡᠭᠡᠬᠦ ᠳᠤ ᠪᠠᠨ ᠬᠠᠯᠠ ᠣᠪᠣᠭ ᠤᠨ ᠢᠶᠠᠨ | ᠳᠣᠲᠣᠷᠠ ᠠᠴᠠ ᠡᠷᠢᠬᠦ ᠶᠢ ᠴᠢᠩᠭᠠ ᠴᠡᠭᠡᠷᠯᠡᠵᠦ᠂ ᠬᠥᠪᠡᠭᠦᠨ ᠤ ᠪᠠᠨ ᠨᠠᠭᠠᠴᠤ ᠶᠢᠨ ᠪᠤᠶᠤ ᠪᠤᠰᠤᠳ ᠬᠠᠯᠠ ᠣᠪᠣᠭ ᠠᠴᠠ ᠪᠡᠷᠢ ᠡᠷᠢᠳᠡᠭ᠃ ᠢᠩᠭᠢᠭᠡᠳ ᠦᠵᠡᠵᠦ | ᠰᠢᠨᠵᠢᠭᠡᠳ︽ᠪᠣᠯᠣᠨᠠ︾ ᠭᠡᠰᠡᠨ ᠬᠡᠦᠬᠡᠨ ᠤ ᠭᠡᠷ ᠤᠨ ᠠᠬᠠᠮᠠᠳ ᠲᠠᠢ ᠥᠪᠡᠷ ᠤᠨ ᠪᠤᠶᠤ ᠨᠦᠭᠦᠭᠡ ᠲᠠᠯᠠ ᠶᠢᠨ ᠪᠤᠰᠤ ᠭᠤᠷᠪᠠᠳᠠᠭᠢ ᠣᠪᠣᠭ ᠤᠨ ᠦᠷᠡ ᠬᠡᠦᠬᠡᠳ | ᠣᠯᠠᠨ ᠲᠠᠢ᠂ ᠡᠯᠢᠭᠡ ᠪᠦᠲᠦᠨ᠂ ᠬᠠᠰᠢᠷ ᠲᠣᠮᠣᠭᠠᠲᠠᠢ ᠬᠥᠮᠥᠨ ᠢ ᠲᠣᠮᠢᠯᠠᠵᠤ ᠬᠡᠯᠡᠯᠴᠡᠭᠦᠯᠳᠡᠭ᠃ | ᠲᠡᠷᠡ ᠣᠴᠢᠭᠰᠠᠨ ᠬᠥᠮᠥᠨ ᠨᠢ ᠵᠣᠷᠢᠭᠰᠠᠨ ᠭᠡᠷ ᠤᠨ ᠭᠠᠳᠠᠨᠠ ᠬᠦᠷᠦᠭᠡᠳ ᠮᠣᠷᠢ ᠪᠠᠨ ᠲᠡᠷᠭᠡᠨ ᠳᠤ ᠨᠢ ᠤᠶᠠᠬᠤ ᠦᠭᠡᠢ ᠵᠢᠯᠣᠭᠤ ᠪᠠᠷ ᠢᠶᠠᠨ | ᠲᠤᠰᠢᠭᠠᠳ ᠣᠷᠣᠳᠠᠭ᠃ ᠡᠨᠡ ᠨᠢ ᠳᠠᠷᠤᠢ ᠬᠡᠦᠬᠡᠨ ᠢ ᠨᠢ ᠡᠷᠢᠬᠦ ᠪᠠᠷ ᠢᠷᠡᠭᠰᠡᠨ ᠢᠶᠠᠨ ᠮᠡᠳᠡᠭᠳᠡᠭᠰᠡᠨ ᠶᠠᠪᠤᠳᠠᠯ ᠪᠣᠯᠣᠨᠠ᠃ | ᠣᠴᠢᠭᠰᠠᠨ ᠬᠥᠮᠥᠨ ᠭᠡᠷ ᠲᠤ ᠨᠢ ᠣᠷᠣᠭᠠᠳ ᠲᠡᠷᠡ ᠭᠡᠷ ᠤᠨ ᠲᠣᠮᠣᠭᠠᠲᠠᠨ ᠢ ᠬᠦᠨᠳᠦᠳᠬᠡᠵᠦ᠂ ᠬᠥᠬᠦᠦᠷ ᠰᠣᠯᠢᠯᠴᠠᠨ᠂ ᠠᠶᠠᠲᠠᠢ ᠵᠦᠢᠲᠡᠢ ᠦᠭᠡ ᠪᠠᠷ | ᠣᠴᠢᠭᠰᠠᠨ ᠵᠣᠷᠢᠯᠲᠠ ᠪᠠᠨ ᠮᠡᠳᠡᠭᠦᠯᠬᠦ ᠳᠤ ᠲᠡᠷᠡ ᠳᠠᠷᠤᠢ ᠳᠤ ᠨᠢ ᠰᠢᠢᠳᠪᠦᠷᠢ ᠥᠭᠭᠦᠯ ᠦᠭᠡᠢ ᠪᠤᠴᠠᠭᠠᠳᠠᠭ ᠴᠦ︽ᠣᠯᠠᠨ ᠱᠣᠭᠰᠢᠭᠤᠯᠪᠠᠯ ᠮᠣᠷᠢᠨ ᠤ ᠲᠤᠭᠤᠷᠠᠢ | ᠬᠠᠷᠢᠶᠠᠨᠠ︾ ᠭᠡᠯᠴᠡᠳᠡᠭ ᠲᠤᠯᠠ ᠵᠣᠬᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠵᠥᠪᠰᠢᠶᠡᠷᠡᠬᠦ ᠡᠰᠡᠬᠦ ᠪᠠᠨ ᠮᠡᠳᠡᠭᠳᠡᠨᠡ᠃ ᠬᠡᠷᠪᠡ ᠬᠡᠦᠬᠡᠨ ᠢᠶᠠᠨ ᠥᠭᠬᠦ ᠪᠠᠷ ᠵᠥᠪᠰᠢᠶᠡᠷᠡᠪᠡᠯ᠂ ᠪᠡᠷᠢ | ᠡᠷᠢᠬᠦ ᠪᠠᠷ ᠢᠷᠡᠭᠰᠡᠨ ᠬᠥᠮᠥᠨ ᠰᠢᠨᠡ ᠬᠤᠲᠠ ᠶᠢᠨ ᠳᠤ ᠪᠠᠨ ᠲᠠᠯᠠᠷᠬᠠᠯ ᠢᠶᠠᠨ ᠢᠯᠡᠳᠬᠡᠵᠦ︽ᠡᠳᠦᠷ ᠤᠨ ᠰᠠᠶᠢᠨ ᠢ ᠰᠣᠩᠭᠤᠳᠠᠭ ᠬᠠᠳᠠᠭ ᠲᠠᠯᠪᠢᠭᠤᠯᠤᠶᠠ︾ ᠭᠡᠵᠦ | ᠶᠣᠰᠣ ᠨᠠᠮᠪᠠ ᠲᠠᠢ ᠬᠡᠯᠡᠳᠡᠭ᠃ |