| ᠰᠢᠨᠡ ᠪᠡᠷᠢ ᠶᠢᠨ ᠵᠠᠰᠠᠯ ᠴᠢᠮᠡᠭᠯᠡᠯ ᠳᠤ ᠬᠡᠷᠡᠭᠯᠡᠬᠦ ᠡᠳ᠋ ᠤᠨ ᠴᠠᠭᠠᠨ ᠮᠥᠩᠭᠦ ᠪᠠ ᠮᠠᠯ ᠰᠦᠷᠦᠭ ᠤᠨ ᠲᠤᠬᠠᠢ ᠬᠡᠯᠡᠯᠴᠡᠨ ᠵᠥᠪᠯᠡᠬᠦ ᠶᠢ︽ᠮᠠᠯ ᠮᠥᠩᠭᠦ | ᠬᠡᠯᠡᠯᠴᠡᠬᠦ︾ ᠭᠡᠨᠡ᠃ ᠮᠠᠯ ᠮᠥᠩᠭᠦ ᠶᠢ ᠡᠴᠢᠭᠡ ᠨᠢ ᠪᠤᠶᠤ ᠥᠭᠡᠷᠡ ᠬᠥᠮᠥᠨ ᠣᠴᠢᠵᠤ ᠬᠡᠯᠡᠯᠴᠡᠨᠡ᠃ ᠡᠭᠦᠨ ᠳᠤ ᠮᠠᠯ ᠮᠥᠩᠭᠦᠨ ᠤ ᠲᠤᠭᠠ ᠲᠣᠭᠲᠠᠭᠠᠯ ᠭᠡᠵᠦ ᠦᠭᠡᠢ᠂ | ᠬᠤᠶᠠᠷ ᠲᠠᠯᠠ ᠪᠠᠷ ᠢᠶᠠᠨ ᠪᠣᠳᠠᠲᠤ ᠪᠠᠶᠢᠳᠠᠯ ᠢᠶᠠᠨ ᠦᠵᠡᠵᠦ ᠲᠣᠭᠲᠠᠳᠠᠭ᠃ | ᠶᠡᠷᠦ ᠨᠢ ᠬᠡᠳᠦᠢ ᠯᠠᠩ ᠤᠨ ᠶᠤᠸᠠᠮᠪᠤᠤ ᠬᠡᠳᠦᠢ᠂ ᠬᠡᠳᠦᠢ ︽ᠰᠣᠩᠭᠤᠳᠠᠭ︾ ᠥᠭᠭᠦᠨᠡ ᠭᠡᠵᠦ ᠬᠡᠯᠡᠯᠴᠡᠳᠡᠭ᠃ ︽ᠰᠣᠩᠭᠤᠳᠠᠭ︾ ᠭᠡᠳᠡᠭ ᠨᠢ ᠮᠣᠷᠢ᠂ ᠱᠠᠷ᠂ | ᠡᠷᠡ ᠬᠤᠨᠢ ᠵᠡᠷᠭᠡ ᠬᠤᠳᠠᠯᠳᠤᠵᠤ ᠪᠣᠯᠬᠤ ᠮᠠᠯ ᠢ ᠶᠡᠷᠦᠩᠬᠡᠶᠢᠯᠡᠨ ᠲᠣᠪᠴᠢᠯᠠᠵᠤ ᠨᠡᠷᠡᠶᠢᠳᠦᠭᠰᠡᠨ ᠦᠭᠡ ᠶᠤᠮ᠃ | ᠡᠳᠡᠭᠡᠷ ᠮᠠᠯ ᠮᠥᠩᠭᠦ ᠶᠢ ᠴᠥᠮ ᠰᠢᠨᠡ ᠪᠡᠷᠢ ᠶᠢᠨ ᠵᠠᠰᠠᠯ ᠴᠢᠮᠡᠭᠯᠡᠯ᠂ ᠬᠤᠪᠴᠠᠰᠤ ᠬᠤᠨᠠᠷ᠂ ᠡᠳ᠋ ᠬᠤᠭᠰᠢᠯ ᠳᠤ ᠵᠠᠷᠤᠴᠠᠭᠤᠯᠬᠤ ᠤᠴᠢᠷ ᠠᠴᠠ ᠪᠦᠷᠢᠮᠦᠰᠦᠨ ᠬᠦᠷᠭᠡᠨ | ᠲᠠᠯᠠ ᠠᠴᠠ ᠳᠠᠭᠠᠭᠠᠬᠤ ᠶᠣᠰᠣᠲᠠᠢ ᠪᠥᠭᠡᠳ ᠲᠤᠰᠬᠠᠢ ᠬᠡᠳᠦᠨ ᠬᠥᠮᠥᠨ ᠢᠶᠠᠷ ᠬᠡᠦᠬᠡᠨ ᠲᠠᠯᠠ ᠳᠤ ᠬᠦᠷᠭᠡᠭᠦᠯᠳᠡᠭ᠃ ᠬᠦᠷᠭᠡᠨ ᠲᠠᠯᠠ ᠮᠠᠯ ᠮᠥᠩᠭᠦ ᠬᠦᠷᠭᠡᠬᠦ ᠡᠳᠦᠷ ᠢ | ᠬᠡᠦᠬᠡᠨ ᠲᠠᠯᠠ ᠳᠤ ᠤᠷᠢᠳᠴᠢᠯᠠᠨ ᠮᠡᠳᠡᠭᠳᠡᠳᠡᠭ ᠪᠥᠭᠡᠳ ᠨᠦᠭᠦᠭᠡ ᠲᠠᠯᠠ ᠨᠢ ᠲᠡᠷᠡ ᠡᠳᠦᠷ ᠲᠤ ᠮᠥᠨ ᠶᠠᠮᠠᠷ ᠨᠢᠭᠡᠨ ᠰᠢᠯᠲᠠᠭ ᠢᠶᠠᠷ ᠬᠡᠦᠬᠡᠨ ᠢᠶᠠᠨ︽ | ᠪᠤᠷᠤᠭᠤᠯᠠᠭᠰᠠᠨ︾ ᠪᠠᠶᠢᠳᠠᠭ᠃ | ᠮᠠᠯ ᠮᠥᠩᠭᠦ ᠶᠢ ᠬᠦᠷᠭᠡᠬᠦ ᠳᠤ᠂ ᠤᠷᠢᠳ ᠢᠶᠠᠷ ᠬᠦᠷᠭᠡᠵᠦ ᠣᠴᠢᠭᠰᠠᠨ ᠠᠴᠠ ᠨᠢᠭᠡ ᠨᠢ ᠶᠤᠸᠠᠮᠪᠤᠤ ᠪᠠᠨ ᠭᠠᠷᠭᠠᠵᠤ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠬᠡᠦᠬᠡᠨ ᠤ | ᠠᠪᠤ ᠳᠤ ᠥᠭᠬᠦ ᠳᠤ ᠲᠡᠷᠡ ᠨᠢ ᠪᠠᠰᠠ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠲᠣᠰᠴᠤ ᠠᠪᠤᠭᠠᠳ ᠶᠤᠸᠠᠮᠪᠤᠤ ᠳᠤ ᠰᠦ ᠳᠤᠰᠤᠭᠠᠵᠤ ᠪᠤᠷᠬᠠᠨ ᠤ ᠡᠮᠦᠨᠡ ᠲᠠᠯᠪᠢᠨᠠ᠃ ᠲᠡᠭᠡᠭᠡᠳ | ᠮᠠᠯ ᠮᠥᠩᠭᠦ ᠪᠠᠨ ᠥᠭᠴᠦ ᠠᠪᠤᠯᠴᠠᠭᠠᠳ ᠪᠦᠭᠦᠳᠡᠭᠡᠷ ᠭᠡᠷ ᠲᠤ ᠪᠠᠭᠤᠵᠤ ᠬᠡᠦᠬᠡᠨ ᠤ ᠬᠢᠨ ᠴᠠᠢ ᠬᠤᠭᠤᠯᠠ᠂ ᠠᠷᠢᠬᠢ ᠳᠠᠷᠠᠰᠤ ᠪᠠᠷ ᠵᠣᠴᠢᠯᠠᠨᠠ᠃ |