| ᠠᠯᠠᠱᠠ ︽ᠬᠤᠣᠰ ᠪᠥᠬᠦᠲᠦ ᠲᠡᠮᠡᠭᠡᠨ ᠤ ᠨᠤᠲᠤᠭ︾ ᠭᠡᠬᠦ ᠰᠠᠶᠢᠬᠠᠨ ᠠᠯᠳᠠᠷ ᠲᠠᠢ᠃ ᠪᠦᠭᠦ ᠤᠯᠤᠰ ᠤᠨ ᠭᠤᠷᠪᠠᠨ ᠤ ᠬᠤᠶᠠᠷ ᠤᠨ ᠬᠤᠣᠰ ᠪᠥᠬᠦᠲᠦ | ᠲᠡᠮᠡᠭᠡ ᠠᠳᠡ ᠪᠠᠶᠢᠵᠤ᠂ ᠠᠯᠠᠱᠠ ᠶᠢᠨ 27 ᠲᠦᠮᠡᠨ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷ ᠨᠤᠲᠤᠭ ᠳᠡᠪᠢᠰᠬᠡᠷ ᠲᠠᠬᠢ ᠤᠨᠴᠠᠭᠠᠢ ᠦᠵᠡᠮᠵᠢ ᠪᠣᠯᠵᠠᠢ᠃ ᠠᠯᠠᠱᠠ ᠶᠢ | ᠳᠤᠷᠠᠳᠪᠠᠯ ᠲᠡᠮᠡᠭᠡ ᠶᠢ ᠳᠤᠷᠠᠳᠬᠤ ᠦᠭᠡᠢ ᠪᠠᠶᠢᠵᠤ ᠴᠢᠳᠠᠬᠤ ᠦᠭᠡᠢ᠂ ᠠᠯᠠᠱᠠ ᠶᠢᠨ ᠬᠤᠣᠰ ᠪᠥᠬᠦᠲᠦ ᠲᠡᠮᠡᠭᠡ ᠨᠢ ᠪᠡᠶᠡ ᠪᠢᠯᠳᠠᠷ ᠰᠠᠶᠢᠲᠠᠢ᠂ ᠨᠣᠣᠰᠣ ᠨᠣᠣᠯᠣᠭᠤᠷ | ᠰᠠᠶᠢᠲᠠᠢ᠂ᠥᠯᠴᠢᠷ᠂ ᠮᠢᠬᠠ ᠨᠢ ᠰᠣᠷᠭᠤᠭ ᠠᠮᠲᠠᠲᠠᠢ᠂ ᠰᠦ ᠨᠢ ᠴᠢᠨᠠᠷ ᠰᠠᠶᠢᠲᠠᠢ ᠰᠢᠮᠡ ᠲᠡᠵᠢᠭᠡᠯ ᠡᠯᠪᠡᠭ ᠪᠠᠶᠠᠯᠢᠭ ᠢᠶᠠᠷ ᠢᠶᠠᠨ ᠠᠯᠳᠠᠷᠰᠢᠵᠠᠢ᠃ ᠲᠡᠮᠡᠭᠡ ᠪᠣᠯ | ᠠᠯᠠᠱᠠ ᠶᠢᠨ ᠮᠠᠯᠴᠢᠳ ᠤᠨ ᠠᠮᠢᠳᠤᠷᠠᠯ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠴᠢᠬᠤᠯᠠ ᠪᠦᠷᠢᠯᠳᠦᠭᠦᠨ ᠬᠡᠰᠡᠭ ᠪᠠ ᠡᠳ᠋ ᠬᠥᠷᠥᠩᠭᠡ ᠨᠢ ᠮᠥᠨ᠃ ᠲᠡᠮᠡᠭᠡᠨ ᠤ ᠲᠥᠷᠬᠦ ᠪᠠᠶᠢᠳᠠᠯ ᠨᠢ | ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠠᠮᠢᠳᠠᠨ ᠤ ᠰᠢᠨᠵᠢ ᠶᠢ ᠬᠠᠳᠠᠭᠠᠯᠠᠵᠤ᠂ ᠮᠠᠯᠴᠢᠳ ᠲᠤ ᠲᠡᠭᠷᠢ ᠶᠢᠨ ᠬᠡᠰᠢᠭ ᠲᠠᠢ ᠠᠮᠢᠳᠠᠨ ᠬᠡᠮᠡᠭᠳᠡᠳᠡᠭ᠃ ᠲᠡᠮᠡᠭᠡ ᠠᠯᠠᠱᠠ ᠶᠢᠨ ᠭᠤᠪᠢ | ᠨᠤᠲᠤᠭ ᠲᠤ ᠮᠠᠰᠢ ᠲᠣᠬᠢᠷᠠᠮᠵᠢᠲᠠᠢ ᠪᠠᠶᠢᠵᠤ᠂ ᠡᠷᠲᠡᠨ ᠠᠴᠠ ᠪᠠᠨ ᠠᠪᠤᠭᠠᠳ ᠴᠢᠬᠤᠯᠠ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠬᠦᠴᠦᠨ ᠪᠠᠶᠢᠵᠤ᠂ ᠲᠡᠮᠡᠭᠡᠨ ᠵᠢᠩ ᠢᠶᠠᠷ ᠡᠯᠡ | ᠵᠦᠢᠯ ᠤᠨ ᠡᠳ᠋ ᠪᠠᠷᠠᠭᠠ ᠶᠢ ᠠᠴᠢᠶᠠᠯᠠᠨ ᠶᠠᠪᠤᠵᠤ᠂ ᠲᠡᠮᠡᠭᠡᠨ ᠵᠢᠩ ᠤᠨ ᠲᠠᠭᠤᠨ ᠬᠠᠮᠤᠭ ᠤᠨ ᠰᠦᠷᠯᠢᠭ ᠰᠠᠶᠢᠬᠠᠨ ᠴᠤᠤᠷᠢᠶᠠᠨ ᠲᠠᠢ᠃ | ᠠᠯᠠᠱᠠ ᠶᠢᠨ ᠬᠤᠣᠰ ᠪᠥᠬᠦᠲᠦ ᠲᠡᠮᠡᠭᠡ ᠪᠣᠯ ᠬᠤᠯᠢᠮᠠᠭ ᠢᠳᠡᠰᠢᠲᠡᠨ ᠪᠠᠶᠢᠵᠤ᠂ ᠭᠤᠪᠢ ᠳᠤ ᠤᠷᠭᠤᠳᠠᠭ ᠵᠠᠭ ᠮᠣᠳᠣ᠂ ᠬᠤᠲᠢᠷ ᠡᠪᠡᠰᠦ ᠵᠡᠷᠭᠡ ᠪᠤᠳᠠ | ᠮᠣᠳᠣ ᠪᠣᠯᠣᠨ ᠰᠢᠷᠠᠯᠵᠢ ᠡᠪᠡᠰᠦ ᠨᠢ ᠪᠦᠷ ᠲᠡᠳᠡᠨ ᠤ ᠠᠮᠲᠠᠲᠤ ᠢᠳᠡᠭᠡᠨ ᠪᠠᠶᠢᠳᠠᠭ᠃ | ᠲᠤᠰ ᠵᠣᠬᠢᠶᠠᠯ ᠠᠴᠠ ᠪᠢᠳᠡ ᠠᠯᠠᠱᠠ ᠶᠢᠨ ᠬᠤᠣᠰ ᠪᠥᠬᠦᠲᠦ ᠲᠡᠮᠡᠭᠡᠨ ᠤ ᠣᠨᠴᠠᠯᠢᠭ ᠢ ᠮᠡᠳᠡᠵᠤ᠂ ᠲᠡᠮᠡᠭᠡᠨ ᠰᠣᠶᠣᠯ ᠪᠣᠯᠣᠨ ᠲᠡᠮᠡᠭᠡ ᠠᠷᠠᠴᠢᠯᠠᠵᠤ | ᠳᠣᠳᠣᠮᠳᠠᠬᠤ ᠵᠠᠩ ᠦᠢᠯᠡ ᠪᠣᠯᠣᠨ ᠲᠤᠷᠰᠢᠯᠭᠠ ᠶᠢ ᠣᠯᠵᠤ ᠬᠠᠷᠠᠨᠠ᠃ ᠦᠶᠡ ᠤᠯᠠᠮᠵᠢᠯᠠᠭᠰᠠᠨ ᠲᠡᠮᠡᠭᠡᠨ ᠰᠣᠶᠣᠯ ᠭᠦᠨ ᠵᠤᠵᠠᠭᠠᠨ ᠠᠭᠤᠯᠬᠤᠨ ᠲᠠᠢ᠃ ᠲᠡᠮᠡᠭᠡᠴᠢᠨ | ᠪᠣᠯᠣᠨ ᠲᠡᠮᠡᠭᠡ ᠬᠠᠮᠲᠤᠪᠠᠷ ᠲᠦᠰᠢᠯᠴᠡᠨ ᠬᠠᠮᠲᠤᠪᠠᠷ ᠣᠷᠣᠰᠢᠭᠰᠠᠨ ᠨᠢ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠬᠠᠷᠢᠴᠠᠭᠠᠨ ᠤ ᠬᠠᠮᠤᠭ ᠤᠨ ᠨᠢᠭᠲᠠ ᠢᠯᠡᠷᠡᠭᠦᠯᠦᠯ ᠮᠥᠨ᠃ ᠲᠡᠮᠡᠭᠡᠨ | ᠲᠠᠭᠢᠯᠭᠠ᠂ ᠲᠡᠮᠡᠭᠡ ᠪᠣᠶᠢᠵᠢᠭᠤᠯᠬᠤ᠂ ᠲᠡᠮᠡᠭᠡ ᠠᠭᠲᠠᠯᠠᠬᠤ᠂ ᠪᠤᠤᠷᠠ ᠰᠣᠩᠭᠤᠬᠤ᠂ ᠲᠡᠮᠡᠭᠡᠨ ᠤ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠬᠢᠬᠦ ᠵᠡᠷᠭᠡ ᠨᠢ ᠬᠥᠮᠥᠨ ᠪᠠ ᠲᠡᠮᠡᠭᠡ᠂ ᠬᠥᠮᠥᠨ ᠪᠠ | ᠪᠠᠶᠢᠭᠠᠯᠢ ᠡᠶᠡ ᠨᠠᠶᠢᠷᠠᠮᠳᠠᠭᠤ ᠬᠠᠮᠲᠤᠪᠠᠷ ᠣᠷᠣᠰᠢᠭᠰᠠᠨ ᠠᠮᠢ ᠠᠬᠤᠢ ᠶᠢᠨ ᠣᠶᠢᠯᠠᠭᠠᠭᠳᠠᠬᠤᠨ ᠮᠥᠨ᠃ ᠬᠥᠮᠥᠰ ᠬᠤᠷᠠ ᠪᠣᠷᠣᠭᠠᠨ ᠲᠡᠭᠰᠢ᠂ ᠵᠢᠯ ᠤᠨ ᠥᠩᠭᠡ ᠰᠠᠶᠢᠨ | ᠪᠠᠶᠢᠬᠤ ᠶᠢ ᠳᠠᠭᠠᠳᠬᠠᠵᠤ᠂ ᠲᠡᠮᠡᠭᠡ ᠢᠮᠠᠭᠠ ᠲᠠᠷᠭᠤ ᠰᠠᠶᠢᠲᠠᠢ᠂ ᠠᠮᠢᠳᠤᠷᠠᠯ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠵᠣᠯ ᠵᠢᠷᠭᠠᠯᠲᠠᠢ ᠪᠠᠶᠢᠬᠤ ᠶᠢ ᠬᠦᠰᠡᠳᠡᠭ ᠨᠢ ᠠᠯᠠᠱᠠᠴᠤᠳ ᠤᠨ | ᠬᠠᠮᠤᠭ ᠤᠨ ᠪᠣᠷᠣᠭᠵᠢᠭᠤᠨ ᠰᠡᠳᠬᠢᠯᠭᠡ ᠵᠢᠴᠢ ᠬᠠᠮᠤᠭ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠵᠥᠩᠨᠡᠯ ᠪᠡᠯᠭᠡᠳᠡᠯ ᠢ ᠢᠯᠡᠳᠬᠡᠵᠡᠢ᠃ |