| ᠡᠷᠡᠭᠲᠡᠶᠢᠴᠦᠳ ᠤᠨ ᠳᠡᠪᠡᠯ ᠲᠡᠷᠯᠢᠭ ᠨᠢ ᠶᠡᠷᠦ ᠨᠢ ᠣᠷᠴᠢᠨ ᠲᠣᠭᠤᠷᠢᠨ ᠪᠠ ᠠᠵᠢᠯ ᠲᠦᠷᠦᠯ ᠳᠤᠨᠢ ᠵᠣᠬᠢᠴᠠᠭᠤᠯᠵᠤ᠂ ᠢᠯᠠᠩᠭᠤᠶᠠ ᠡᠷᠡ ᠬᠥᠮᠥᠨ ᠤ | ᠬᠡᠪ ᠨᠠᠮᠪᠠ᠂ ᠬᠥᠳᠡᠯᠦᠯ ᠪᠠᠶᠢᠳᠠᠯ ᠳᠤ ᠵᠣᠬᠢᠴᠠᠭᠤᠯᠵᠤ ᠡᠯᠪᠡᠭ ᠠᠭᠤᠵᠢᠮ ᠬᠢᠳᠡᠭ᠃ ᠡᠨᠡ ᠲᠤᠬᠠᠢ᠄︽ᠤᠷᠭᠠ ᠶᠢᠨ ᠤᠷᠳᠤ ᠶᠢ ᠪᠠᠷᠢᠨᠠ ᠭᠡᠵᠦ\ ᠠᠭᠤᠵᠢᠮ ᠰᠤᠭᠤ | ᠲᠠᠯᠪᠢᠯᠠ\ ᠠᠭᠤᠯᠠᠨ ᠤ ᠵᠢᠪᠠᠷ ᠤᠨᠠᠨᠠ ᠭᠡᠵᠦ ᠤᠨᠠᠭᠠᠨ ᠲᠤᠭᠤᠷᠠᠢ ᠨᠢᠳᠤᠷᠭᠠ ᠲᠠᠯᠪᠢᠯᠠ\ ᠡᠷᠭᠢᠴᠡᠭᠡ ᠮᠣᠷᠢᠨ ᠤ ᠡᠷᠭᠢᠭᠡ ᠶᠢ ᠪᠣᠳᠤᠵᠦ\ ᠡᠯᠪᠡᠭ ᠰᠠᠶᠢᠬᠠᠨ ᠲᠠᠰᠢᠶᠠ | ᠲᠠᠯᠪᠢᠯᠠ︾ᠭᠡᠰᠡᠨ ᠰᠢᠯᠦᠭ ᠪᠠᠶᠢᠳᠠᠭ᠃ ᠡᠷᠡᠭᠲᠡᠶᠢᠴᠦᠳ ᠤᠨ ᠳᠡᠪᠡᠯ ᠲᠡᠷᠯᠢᠭ ᠨᠢ ᠮᠥᠨ ᠲᠡᠳᠡ ᠨᠠᠷ ᠤᠨ ᠮᠠᠯᠠᠭᠠᠢ ᠠᠯᠴᠢᠭᠤᠷ ᠲᠠᠢ ᠠᠳᠠᠯᠢ ᠪᠠᠷ ᠡᠷᠡ ᠬᠥᠮᠥᠨ ᠤ | ᠡᠷᠡᠯᠬᠡᠭ ᠪᠠᠭᠠᠲᠤᠷ ᠣᠮᠤᠭ ᠵᠣᠷᠢᠭ᠂ ᠡᠯᠢᠭᠡᠰᠡᠭ ᠵᠣᠴᠢᠨᠰᠠᠭ ᠵᠠᠩ ᠴᠢᠨᠠᠷ᠂ ᠠᠭᠤᠳᠠᠮ ᠲᠡᠨᠢᠭᠦᠨ ᠰᠠᠨᠠᠭᠠ ᠰᠡᠳᠬᠢᠯ᠂ ᠤᠷᠠᠨ ᠰᠠᠮᠪᠠᠭᠠ ᠪᠦᠬᠦᠢ ᠤᠬᠠᠭᠠᠨ ᠪᠣᠳᠣᠯᠭᠠ ᠶᠢ | ᠲᠣᠳᠣᠷᠬᠠᠢ ᠬᠠᠷᠠᠭᠤᠯᠵᠤ ᠪᠠᠶᠢᠳᠠᠭ᠃ ᠠᠷᠠᠳ ᠤᠨ ᠶᠠᠷᠢᠶᠠᠨ ᠳᠤ︽ᠬᠥᠮᠥᠨ ᠳᠤ ᠲᠦᠷᠦᠭᠦᠦ ᠲᠠᠢ᠂ ᠬᠤᠪᠴᠠᠰᠤᠨ ᠳᠤ ᠵᠠᠭᠠᠮᠠ ᠲᠠᠢ︾ᠭᠡᠳᠡᠭᠴᠢᠯᠡᠨ ᠳᠡᠪᠡᠯ | ᠲᠡᠷᠯᠢᠭ ᠤᠨ ᠵᠠᠭᠠᠮᠠ ︵ᠵᠠᠬᠠ︶ ᠶᠢ ᠮᠥᠨ ᠬᠥᠮᠥᠨ ᠤ ᠬᠡᠶᠢᠮᠣᠷᠢ᠂ ᠰᠦᠷ ᠰᠦᠯᠳᠡ ᠲᠠᠢ ᠬᠤᠯᠪᠣᠨ ᠦᠵᠡᠳᠡᠭ᠃ ᠡᠶᠢᠮᠦ ᠠᠴᠠ ᠳᠡᠪᠡᠯ ᠴᠠᠮᠴᠠ ᠬᠠᠨᠵᠢᠶᠠᠷ | ᠬᠠᠨᠲᠠᠭᠠᠵᠠ ᠶᠢᠨ ᠵᠠᠭᠠᠮᠠ ᠶᠢ ᠳᠣᠷᠣᠭᠰᠢ ᠬᠠᠨᠳᠤᠭᠤᠯᠬᠤ ᠦᠭᠡᠢ᠂ ᠵᠠᠭᠠᠮᠠ ᠳᠡᠭᠡᠷᠡ ᠭᠢᠰᠬᠢᠬᠦ ᠦᠭᠡᠢ᠂ ᠵᠠᠭᠠᠮᠠ ᠦᠭᠡᠢ ᠳᠡᠪᠡᠯ ᠲᠡᠷᠯᠢᠭ ᠡᠮᠦᠰᠳᠡᠭ ᠦᠭᠡᠢ ᠪᠥᠭᠡᠳ | ᠬᠠᠭᠤᠴᠢᠷᠠᠭᠰᠠᠨ ᠨᠠᠪᠲᠠᠷᠬᠠᠢ ᠳᠡᠪᠡᠯ ᠲᠡᠷᠯᠢᠭ ᠤᠨ ᠵᠠᠭᠠᠮᠠ ᠶᠢ ᠳᠤᠷᠠ ᠪᠠᠷ ᠬᠠᠶᠠᠬᠤ ᠦᠭᠡᠢ ᠤᠳᠠᠷᠴᠦ ᠠᠪᠤᠭᠠᠳ ᠭᠠᠯ ᠳᠤ ᠲᠦᠯᠡᠳᠡᠭ᠃ ᠢᠯᠠᠩᠭᠤᠶᠠ ᠥᠷᠥᠭᠡᠯ | ᠪᠤᠰᠤᠳ ᠢ ᠵᠠᠭᠠᠮᠠᠳᠠᠬᠤ ᠶᠢ ᠣᠨᠴᠠ ᠴᠡᠭᠡᠷᠯᠡᠳᠡᠭ᠃ ᠡᠩᠭᠡᠷ ᠵᠠᠭᠠᠮᠠ ᠪᠠᠨ ᠰᠤᠯᠠ ᠵᠠᠳᠠᠭᠠᠢ ᠶᠠᠪᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠰᠤᠯᠠ ᠵᠠᠳᠠᠭᠠᠢ ᠪᠠᠶᠢᠯᠭᠠᠬᠤ ᠨᠢ | ᠪᠡᠯᠪᠡᠰᠦᠷᠡᠭᠰᠡᠨ ᠤ ᠰᠢᠨᠵᠢ ᠭᠡᠳᠡᠭ᠃ ᠡᠨᠡ ᠨᠢ ᠲᠡᠭᠦᠨ ᠢ ᠲᠤᠶᠢᠯ ᠢᠶᠠᠷ ᠳᠣᠷᠣᠮᠵᠢᠯᠠᠭᠰᠠᠨ ᠶᠠᠪᠤᠳᠠᠯ ᠭᠡᠵᠦ ᠦᠵᠡᠳᠡᠭ᠃ ᠳᠡᠪᠡᠯ ᠲᠡᠷᠯᠢᠭ ᠲᠤ ᠲᠣᠷᠤᠭᠤ ᠲᠠᠢ ᠪᠠ | ᠲᠣᠷᠤᠭᠤ ᠦᠭᠡᠢ ᠳᠡᠪᠡᠯ ᠲᠡᠷᠯᠢᠭ ᠭᠡᠵᠦ ᠭᠡᠵᠦ ᠬᠤᠶᠠᠷ ᠵᠦᠢᠯ ᠪᠠᠶᠢᠳᠠᠭ᠃ ᠳᠡᠪᠡᠯ ᠲᠡᠷᠯᠢᠭ ᠤᠨ ᠲᠣᠷᠤᠭᠤ ᠬᠦᠢᠲᠡᠨ ᠤᠯᠠᠷᠢᠯ ᠳᠤ ᠭᠠᠷ ᠳᠤᠯᠠᠭᠠᠯᠠᠬᠤ ᠪᠤᠶᠤ | ᠶᠠᠭᠤᠮᠠ ᠶᠢ ᠵᠢᠭᠢᠷᠢᠭᠯᠡᠵᠦ ᠪᠠᠷᠢᠬᠤ ᠳᠤ ᠲᠤᠰᠠᠲᠠᠢ᠃ ᠪᠠᠶᠠᠷ ᠶᠣᠰᠣᠯᠠᠯ ᠤᠨ ᠲᠠᠯᠠᠪᠤᠷ ᠲᠤ ᠵᠠᠪᠠᠯ ᠲᠣᠷᠤᠭᠤ ᠲᠠᠢ ᠳᠡᠪᠡᠯ ᠲᠡᠷᠯᠢᠭ ᠡᠮᠦᠰᠳᠡᠭ᠃ ᠲᠣᠷᠤᠭᠤ ᠦᠭᠡᠢ | ᠳᠡᠪᠡᠯ ᠲᠡᠷᠯᠢᠭ ᠢ ᠭᠡᠷ ᠵᠠᠭᠤᠷᠠ ᠪᠠᠨ ᠡᠮᠦᠰᠳᠡᠭ᠃ ᠳᠡᠪᠡᠯ ᠲᠡᠷᠯᠢᠭ ᠤᠨ ᠲᠣᠷᠤᠭᠤ ᠳᠡᠭᠡᠷᠡ ᠦᠶᠡ ᠳᠤ ᠵᠢᠵᠢᠭ ᠪᠠᠶᠢᠭᠰᠠᠨ ᠢᠶᠠᠨ ᠰᠡᠭᠦᠯᠴᠢ ᠶᠢᠨ ᠦᠶᠡ ᠳᠤ ᠤᠯᠠᠮ | ᠲᠣᠮᠣ ᠬᠠᠯᠪᠠᠭᠠᠷ ᠪᠣᠯᠪᠠ᠃ ᠡᠶᠢᠮᠦ ᠠᠴᠠ ᠡᠩ ᠤᠨ ᠶᠠᠷᠢᠶᠠᠨ ᠳᠤ︽ᠬᠠᠨᠴᠤᠢ ᠪᠠᠨ ᠳᠠᠭᠠᠭᠠᠪᠠᠯ ᠨᠢᠳᠤᠷᠭᠠ ᠪᠠᠨ ᠶᠡᠭᠡ ᠬᠢ᠂ ᠲᠣᠭᠤᠨᠣ ᠪᠠᠨ ᠳᠠᠭᠠᠭᠠᠪᠠᠯ ᠡᠷᠦᠬᠡ ᠪᠠᠨ | ᠶᠡᠭᠡ ᠬᠢ︾ᠭᠡᠰᠡᠨ ᠦᠭᠡ ᠪᠠᠶᠢᠳᠠᠭ᠃ ᠳᠡᠪᠡᠯ ᠲᠡᠷᠯᠢᠭ ᠤᠨ ᠲᠣᠷᠤᠭᠤ ᠶᠢᠨ ᠳᠡᠭᠡᠷᠡ ᠬᠡᠰᠡᠭ ᠢ ᠣᠮᠤᠭ ᠭᠡᠳᠡᠭ᠃ ᠲᠡᠭᠦᠨ ᠢ ᠪᠠᠰᠠ ᠡᠷᠡ ᠬᠥᠮᠥᠨ ᠤ ᠰᠦᠷ ᠰᠦᠯᠳᠡ᠂ | ᠬᠡᠶᠢᠮᠣᠷᠢ ᠲᠠᠢ ᠬᠤᠯᠪᠣᠭᠳᠠᠭᠤᠯᠤᠨ ᠦᠵᠡᠳᠡᠭ᠃ ᠲᠣᠷᠤᠭᠤ ᠶᠢ ᠲᠡᠷᠡ ᠲᠠᠢ ᠲᠡᠷᠡ ᠦᠭᠡᠢ ᠪᠠᠭᠤᠯᠭᠠᠵᠤ ᠪᠣᠯᠬᠤ ᠦᠭᠡᠢ᠃ ᠭᠠᠰᠢᠭᠤ ᠪᠡᠯᠪᠡᠰᠦᠷᠡᠯ ᠪᠣᠯᠪᠠᠯ ᠰᠠᠶ᠋ᠢ | ᠪᠠᠭᠤᠯᠭᠠᠳᠠᠭ᠃ ᠨᠠᠰᠤ ᠨᠥᠭᠴᠢᠭᠰᠡᠳ ᠤᠨ ᠭᠡᠷ ᠲᠤ ᠣᠷᠣᠬᠤ ᠳᠤ ᠲᠦᠰᠢᠭᠯᠡᠬᠦ ᠲᠦᠰᠢᠭ ᠦᠭᠡᠢ ᠪᠣᠯᠪᠠ ᠭᠡᠵᠦ ᠲᠣᠷᠤᠭᠤ ᠪᠠᠨ ᠪᠠᠭᠤᠯᠭᠠᠵᠤ ᠣᠷᠣᠳᠠᠭ᠃ ᠡᠩ ᠤᠨ | ᠶᠠᠷᠢᠶᠠᠨ ᠳᠤ︽ᠲᠦᠷᠦᠭᠦᠦ ᠨᠢ ᠬᠠᠮᠢᠭᠠᠰᠢ ᠪᠠᠨ ᠪᠣᠯ ᠲᠣᠷᠤᠭᠤ ᠨᠢ ᠲᠡᠰᠢ ᠪᠠᠨ︾ ᠭᠡᠳᠡᠭ ᠵᠦᠢᠷ ᠦᠭᠡ ᠪᠠᠶᠢᠳᠠᠭ᠃ ᠬᠥᠳᠡᠭᠡ ᠭᠠᠳᠠᠭᠠ ᠬᠦᠢᠲᠡᠨ ᠳᠤ ᠲᠣᠷᠤᠭᠤ ᠪᠠᠨ | ᠪᠠᠭᠤᠯᠭᠠᠵᠤ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠪᠣᠯ ᠠᠶᠢᠯ ᠳᠤ ᠣᠷᠣᠬᠤ ᠦᠶᠡᠰ ᠲᠣᠷᠤᠭᠤ ᠪᠠᠨ ᠵᠠᠪᠠᠯ ᠰᠡᠬᠦᠵᠦ ᠣᠷᠣᠳᠠᠭ᠃ ᠲᠠᠪᠠᠭ ᠲᠠᠢ ᠴᠠᠭᠠᠨ ᠢᠳᠡᠭᠡ᠂ ᠮᠢᠬᠠ ᠰᠢᠭᠦᠰᠦ ᠶᠢ | ᠠᠮᠰᠠᠵᠤ ᠢᠳᠡᠬᠦ ᠦᠶᠡ ᠳᠤ ᠲᠣᠷᠤᠭᠤ ᠪᠠᠨ ᠳᠣᠲᠣᠭᠰᠢ ᠨᠤᠭᠤᠯᠳᠠᠭ᠃ | ᠳᠡᠪᠡᠯ ᠲᠡᠷᠯᠢᠭ ᠢ ᠡᠮᠦᠰᠴᠦ ᠳᠠᠶᠢᠯᠠᠬᠤ ᠳᠤ ᠪᠠᠰᠠ ᠵᠣᠬᠢᠬᠤ ᠶᠣᠰᠣ ᠭᠤᠷᠢᠮ ᠲᠠᠢ ᠪᠠᠶᠢᠳᠠᠭ᠃ ᠳᠡᠪᠡᠯ ᠲᠡᠷᠯᠢᠭ ᠢ ᠡᠮᠦᠰᠬᠦ ᠠᠴᠠ ᠡᠮᠦᠨᠡ ᠡᠩᠭᠡᠷ ᠢ ᠨᠢ | ᠪᠡᠶᠡ ᠵᠦᠭ ᠢᠶᠠᠨ ᠬᠠᠨᠳᠤᠭᠤᠯᠵᠤ ᠬᠤᠶᠠᠷ ᠮᠥᠷᠥᠨ ᠠᠴᠠ ᠨᠢ ᠪᠠᠷᠢᠵᠤ ᠬᠥᠩᠭᠡᠬᠡᠨ ᠰᠡᠭᠰᠦᠷᠡᠭᠡᠳ ᠨᠥᠮᠥᠷᠦᠭᠰᠡᠨ ᠤ ᠳᠠᠷᠠᠭᠠ᠂ ᠤᠷᠢᠲᠠ ᠪᠠᠨ ᠪᠠᠷᠠᠭᠤᠨ ᠭᠠᠷ ᠢᠶᠠᠨ | ᠬᠠᠨᠴᠤᠶᠢᠯᠠᠵᠤ᠂ ᠳᠠᠷᠠᠭᠠ ᠨᠢ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠡᠩᠭᠡᠷ ᠢ ᠨᠢ ᠪᠠᠷᠢᠵᠤ ᠵᠡᠭᠦᠨ ᠭᠠᠷ ᠢᠶᠠᠨ ᠬᠠᠨᠴᠤᠶᠢᠯᠠᠳᠠᠭ᠃ ᠳᠡᠪᠡᠯ ᠲᠡᠷᠯᠢᠭ ᠢ ᠲᠣᠪᠴᠢᠯᠠᠬᠤ ᠳᠤ | ᠤᠷᠢᠳᠠᠪᠠᠷ ᠵᠡᠭᠦᠨ ᠭᠠᠷ ᠤᠨ ᠳᠤᠮᠳᠠ᠂ ᠳᠣᠯᠤᠪᠤᠷᠢ᠂ ᠡᠷᠡᠬᠡᠢ ᠬᠤᠷᠤᠭᠤ ᠪᠠᠷ ᠡᠩᠭᠡᠷ ᠤᠨ ᠲᠣᠪᠴᠢ ᠶᠢ ᠲᠣᠪᠴᠢᠯᠠᠵᠤ᠂ ᠳᠠᠷᠠᠭᠠ ᠨᠢ ᠰᠤᠭᠤ᠂ ᠲᠠᠰᠢᠶᠠ ᠶᠢᠨ | ᠲᠣᠪᠴᠢ ᠶᠢ᠂ ᠬᠠᠮᠤᠭ ᠰᠡᠭᠦᠯ ᠳᠤᠨᠢ ᠬᠤᠭᠤᠯᠠᠪᠴᠢ ᠶᠢᠨ ᠲᠣᠪᠴᠢ ᠶᠢ ᠲᠣᠪᠴᠢᠯᠠᠳᠠᠭ᠃ ᠵᠠᠷᠢᠮ ᠨᠤᠲᠤᠭ ᠳᠤ ᠵᠡᠭᠦᠨ ᠭᠠᠷ ᠢᠶᠠᠨ ᠬᠠᠨᠴᠤᠶᠢᠯᠠᠬᠤ ᠠᠴᠠ ᠡᠮᠦᠨᠡ | ᠲᠠᠰᠢᠶᠠ᠂ ᠰᠤᠭᠤ ᠶᠢᠨ ᠲᠣᠪᠴᠢ ᠶᠢ ᠲᠣᠪᠴᠢᠯᠠᠬᠤ ᠴᠦ ᠪᠠᠶᠢᠳᠠᠭ᠃ ᠡᠮᠦᠰᠦᠭᠰᠡᠨ ᠳᠡᠪᠡᠯ ᠲᠡᠷᠯᠢᠭ ᠢ ᠳᠠᠶᠢᠯᠠᠬᠤ ᠦᠶᠡ ᠳᠤ ᠤᠷᠢᠲᠠ ᠪᠠᠷ ᠪᠦᠰᠡ ᠪᠠᠨ ᠨᠠᠷᠠ ᠪᠤᠷᠤᠭᠤ | ᠡᠷᠭᠢᠭᠦᠯᠦᠨ ᠳᠠᠶᠢᠯᠠᠵᠤ᠂ ᠳᠠᠷᠠᠭᠠ ᠨᠢ ᠳᠡᠪᠡᠯ ᠲᠡᠷᠯᠢᠭ ᠤᠨ ᠵᠠᠭᠠᠮᠠ᠂ ᠡᠩᠭᠡᠷ᠂ ᠰᠤᠭᠤ᠂ ᠲᠠᠰᠢᠶᠠᠨ ᠤ ᠲᠣᠪᠴᠢ ᠶᠢ ᠳᠠᠷᠠᠭᠠᠯᠠᠨ ᠠᠯᠳᠠᠷᠭᠠᠵᠦ᠂ ᠤᠷᠢᠲᠠ ᠪᠠᠷ ᠵᠡᠭᠦᠨ | ᠬᠠᠨᠴᠤᠢ ᠪᠠᠨ ᠲᠠᠶᠢᠯᠵᠦ᠂ ᠳᠠᠷᠠᠭᠠ ᠨᠢ ᠪᠠᠷᠠᠭᠤᠨ ᠬᠠᠨᠴᠤᠢ ᠪᠠᠨ ᠲᠠᠶᠢᠯᠳᠠᠭ᠃ ᠳᠡᠪᠡᠯ ᠲᠡᠷᠯᠢᠭ ᠢᠶᠠᠨ ᠲᠠᠶᠢᠯᠤᠭᠰᠠᠨ ᠤ ᠳᠠᠷᠠᠭᠠ ᠵᠥᠪ ᠡᠪᠬᠡᠵᠦ ᠵᠠᠭᠠᠮᠠ ᠶᠢ ᠨᠢ | ᠬᠤᠶᠢᠰᠢ ᠬᠠᠷᠠᠭᠤᠯᠤᠨ ᠲᠠᠯᠪᠢᠳᠠᠭ᠃ ᠰᠢᠨᠡ ᠳᠡᠪᠡᠯ ᠲᠡᠷᠯᠢᠭ ᠢ ᠰᠡᠭᠰᠦᠷᠴᠦ ᠡᠮᠦᠰᠳᠡᠭ ᠦᠭᠡᠢ᠂ ᠠᠩᠬᠠ ᠡᠮᠦᠰᠬᠦ ᠳᠡᠭᠡᠨ ᠪᠡᠯᠭᠡ ᠳᠡᠮᠪᠡᠷᠢᠯ ᠲᠠᠢ ᠡᠳᠦᠷ ᠭᠡᠭᠳᠡᠳᠡᠭ | ᠫᠦᠷᠪᠦ᠂ ᠪᠠᠰᠠᠩ ᠭᠠᠷᠠᠭ ᠢ ᠰᠣᠩᠭᠤᠵᠤ ᠡᠮᠦᠰᠳᠡᠭ᠃ ᠵᠠᠷᠢᠮ ᠬᠤᠰᠢᠭᠤ ᠨᠤᠲᠤᠭ ᠲᠤ ᠰᠢᠨᠡ ᠳᠡᠪᠡᠯ ᠲᠡᠷᠯᠢᠭ ᠢ ᠡᠵᠡᠨ ᠨᠢ ᠤᠷᠢᠲᠠ ᠪᠠᠷ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠳᠡᠭ᠂ | ᠵᠠᠪᠠᠯ ᠡᠮᠦᠰᠬᠦ ᠴᠢᠬᠤᠯᠠ ᠲᠠᠢ ᠪᠣᠯ︽ᠡᠨᠡ ᠮᠢᠨᠤᠬᠢ ᠪᠢᠰᠢ︾ᠭᠡᠵᠦ ᠰᠢᠪᠡᠨᠡᠭᠰᠡᠨ ᠤ ᠳᠠᠷᠠᠭᠠ ᠡᠮᠦᠰᠳᠡᠭ᠃ ᠤᠴᠢᠷ ᠨᠢ ᠬᠥᠮᠥᠨ ᠤ ᠨᠠᠰᠦᠨ ᠲᠤᠷᠰᠢ ᠡᠮᠦᠰᠬᠦ | ᠬᠤᠪᠴᠠᠰᠤ ᠲᠣᠭᠲᠠᠭᠰᠠᠨ ᠲᠤᠭᠠ ᠲᠠᠢ ᠭᠡᠵᠦ ᠦᠵᠡᠳᠡᠭ ᠪᠣᠯᠬᠤᠷ ᠳᠤᠲᠠᠭᠤ ᠨᠢᠭᠡ ᠵᠠᠬᠠ ᠬᠤᠪᠴᠠᠰᠤ ᠡᠮᠦᠰᠬᠦ ᠶᠢ ᠬᠡᠴᠢᠶᠡᠵᠦ ᠢᠩᠭᠢᠵᠦ ᠰᠢᠪᠡᠨᠡᠳᠡᠭ ᠭᠡᠳᠡᠭ᠃ | ᠡᠷᠡᠭᠲᠡᠶᠢᠴᠦᠳ ᠨᠥᠮᠥᠭᠡᠨ ᠢᠶᠠᠷ ᠭᠡᠷ ᠠᠴᠠ ᠭᠠᠷᠬᠤ ᠶᠢ ᠴᠡᠭᠡᠷᠯᠡᠳᠡᠭ᠂ ᠵᠠᠪᠠᠯ ᠪᠦᠰᠡ ᠪᠦᠰᠡᠯᠡᠭᠰᠡᠨ ᠤ ᠳᠠᠷᠠᠭᠠ ᠭᠡᠷ ᠠᠴᠠ ᠭᠠᠷᠳᠠᠭ᠃ ᠯᠠᠮᠠ ᠬᠤᠸᠠᠷᠠᠭ ᠤᠨ ᠡᠮᠦᠰᠴᠦ | ᠪᠠᠶᠢᠭᠰᠠᠨ ᠳᠡᠪᠡᠯ ᠲᠡᠷᠯᠢᠭ ᠢ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠳᠡᠭ᠂ ᠲᠡᠳᠡᠨ ᠤ ᠳᠡᠪᠡᠯ ᠲᠡᠷᠯᠢᠭ ᠢ ᠡᠮᠦᠰᠪᠡᠯ ᠠᠯᠳᠠᠰᠢ ᠭᠠᠷᠤᠨᠠ᠂ ᠪᠤᠶᠠᠨ ᠨᠢ ᠳᠠᠭᠠᠭᠠᠬᠤ ᠦᠭᠡᠢ ᠳᠣᠷᠣᠶᠢᠲᠠᠨᠠ | ᠭᠡᠳᠡᠭ᠃ ᠰᠢᠷᠠ ᠥᠩᠭᠡ ᠶᠢᠨ ᠡᠳ᠋ ᠢᠶᠠᠷ ᠳᠡᠪᠡᠯ ᠲᠡᠷᠯᠢᠭ ᠭᠠᠳᠠᠷᠯᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠂ ᠰᠢᠷᠠ ᠥᠩᠭᠡ ᠪᠣᠯ ᠯᠠᠮᠠ ᠭᠡᠭᠡᠨᠴᠤᠤᠯ ᠤᠨ ᠡᠳ᠋ᠯᠡᠬᠦ ᠡᠷᠬᠢᠮ ᠥᠩᠭᠡ ᠪᠣᠯᠬᠤᠷ | ᠡᠩ ᠤᠨ ᠬᠥᠮᠥᠨ ᠡᠳ᠋ᠯᠡᠪᠡᠯ ᠪᠤᠶᠠᠨ ᠪᠠᠭᠤᠷᠠᠨᠠ ᠭᠡᠳᠡᠭ᠃ ᠮᠣᠩᠭᠤᠯᠴᠤᠳ ᠳᠡᠪᠡᠯ ᠲᠡᠷᠯᠢᠭ ᠢ ᠤᠬᠢᠶᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠳᠡᠪᠡᠯ ᠲᠡᠷᠯᠢᠭ ᠢ ᠤᠬᠢᠶᠠᠵᠤ ᠭᠠᠳᠠᠨᠠ | ᠡᠯᠭᠦᠵᠦ ᠬᠠᠳᠠᠭᠠᠪᠠᠯ ᠲᠡᠩᠷᠢ ᠨᠢᠷᠬᠢᠨᠡ᠂ ᠬᠡᠰᠢᠭ ᠪᠤᠶᠠᠨ ᠢᠶᠠᠨ ᠤᠬᠢᠶᠠᠭᠠᠳ ᠪᠠᠷᠭᠠᠴᠢᠬᠠᠨᠠ ᠭᠡᠳᠡᠭ᠃ ᠭᠡᠪᠡᠴᠦ ᠮᠣᠩᠭᠤᠯᠴᠤᠳ ᠳᠡᠪᠡᠯ ᠲᠡᠷᠯᠢᠭ ᠢᠶᠠᠨ ᠭᠠᠳᠠᠨᠠ | ᠡᠯᠭᠦᠵᠦ ᠨᠠᠷᠠ ᠰᠠᠯᠬᠢᠨ ᠠᠪᠤᠭᠤᠯᠤᠨ ᠦᠰᠦ ᠶᠢ ᠨᠢ ᠪᠣᠰᠬᠠᠬᠤ ᠶᠢ ᠶᠡᠭᠡ ᠡᠷᠬᠢᠮᠯᠡᠳᠡᠭ᠃ ᠡᠪᠦᠯ ᠤᠨ ᠭᠠᠯ ᠲᠠᠬᠢᠬᠤ ᠠᠴᠠ ᠡᠮᠦᠨᠡ ᠨᠢᠭᠡ ᠡᠳᠦᠷ ᠪᠤᠶᠤ ᠪᠢᠲᠡᠭᠦᠨ ᠤ | ᠡᠳᠦᠷ ᠳᠡᠪᠡᠯ ᠵᠤᠪᠴᠠᠭᠠ ᠪᠠᠨ ᠭᠠᠳᠠᠨᠠ ᠵᠡᠯᠡ ᠲᠠᠳᠠᠨ ᠦᠰᠦ ᠶᠢ ᠨᠢ ᠭᠠᠳᠠᠭᠰᠢ ᠪᠠᠨ ᠬᠠᠨᠳᠤᠭᠤᠯᠤᠨ ᠡᠯᠭᠦᠵᠦ ᠨᠠᠷᠠ ᠰᠠᠯᠬᠢᠨ ᠠᠪᠤᠭᠤᠯᠵᠤ᠂ ᠮᠠᠭᠤ ᠤᠬᠢᠶᠠᠬᠤ ᠪᠠᠷ | ᠰᠠᠶᠢᠨ ᠰᠡᠭᠰᠦᠷ ᠭᠡᠵᠦ ᠬᠠᠭᠤᠴᠢᠨ ᠵᠢᠯ ᠤᠨ ᠲᠣᠭᠤᠰᠣ ᠶᠢ ᠨᠢ ᠰᠠᠶᠢᠲᠤᠷ ᠰᠢᠪᠰᠢᠭᠠᠷᠳᠠᠨ ᠭᠦᠪᠰᠢᠳᠡᠭ᠃ ᠪᠠᠰᠠ ᠳᠡᠪᠡᠯ ᠲᠡᠷᠯᠢᠭ ᠢᠶᠠᠨ ᠨᠠᠷᠠᠰᠢᠭᠤᠯᠤᠨᠠ ᠭᠡᠵᠦ | ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠦᠳᠡ ᠶᠢᠨ ᠨᠠᠷᠠᠨ ᠳᠤ ᠭᠠᠷᠭᠠᠵᠤ ᠡᠯᠭᠦᠨ ᠰᠢᠷᠠᠳᠠᠭ᠃ ᠡᠭᠦᠨ ᠢᠶᠠᠨ ᠳᠡᠪᠡᠯ ᠲᠡᠷᠯᠢᠭ ᠤᠨ ᠴᠢᠬᠢᠭ ᠪᠠ ᠮᠠᠭᠤᠬᠠᠢ ᠦᠨᠦᠷ ᠢ ᠨᠢ ᠭᠠᠷᠭᠠᠨᠠ | ᠭᠡᠳᠡᠭ᠃ ᠮᠣᠩᠭᠤᠯᠴᠤᠳ ᠵᠤᠨ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠦᠰᠦ ᠲᠠᠢ ᠬᠤᠪᠴᠠᠰᠤ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠳᠡᠭ᠂ ᠲᠡᠩᠷᠢ ᠮᠠᠭᠤᠬᠠᠶᠢᠷᠠᠨᠠ ᠭᠡᠳᠡᠭ᠃ ᠳᠡᠪᠡᠯ ᠤ ᠵᠠᠭᠠᠮᠠ ᠶᠢ | ᠳᠣᠲᠣᠭᠰᠢ ᠪᠠᠨ ᠨᠤᠭᠤᠯᠵᠤ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠳᠡᠭ᠂ ᠵᠣᠳᠣᠯᠳᠤᠬᠤ ᠶᠢᠨ ᠲᠡᠮᠳᠡᠭ ᠭᠡᠳᠡᠭ᠃ ᠡᠩᠭᠡᠷ ᠵᠠᠭᠠᠮᠠ ᠪᠠᠨ ᠵᠠᠳᠠᠭᠠᠶᠢᠯᠠᠵᠤ ᠠᠶᠢᠯ ᠳᠤ ᠣᠷᠣᠵᠤ ᠬᠥᠮᠥᠨ ᠲᠠᠢ | ᠠᠭᠤᠯᠵᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠂ ᠪᠤᠰᠤᠳ ᠢ ᠬᠦᠨᠳᠦᠳᠬᠡᠬᠦ ᠦᠭᠡᠢ ᠪᠠᠶᠢᠨᠠ ᠭᠡᠳᠡᠭ᠃ ᠳᠡᠪᠡᠯ ᠲᠡᠷᠯᠢᠭ ᠡᠮᠦᠰᠬᠦ ᠦᠶᠡ ᠳᠤ ᠡᠩᠭᠡᠷ ᠶᠢ ᠨᠢ ᠬᠠᠵᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠂ | ᠡᠴᠢᠭᠡ ᠡᠬᠡ ᠳᠡᠭᠡᠨ ᠬᠠᠵᠢᠷ ᠭᠡᠳᠡᠭ᠃ ᠬᠠᠯᠬᠠ ᠨᠤᠲᠤᠭ ᠲᠤ ᠳᠡᠪᠡᠯ ᠲᠡᠷᠯᠢᠭ ᠤᠨ ᠬᠠᠨᠴᠤᠢ ᠶᠢ ᠬᠦᠴᠦ ᠰᠠᠨᠠᠭᠠ ᠶᠢᠨ ᠪᠡᠯᠭᠡᠳᠡᠯ ᠭᠡᠵᠦ ᠦᠵᠡᠳᠡᠭ ᠲᠤᠯᠠ ᠲᠠᠶᠢᠯᠵᠦ | ᠲᠠᠯᠪᠢᠬᠤ ᠦᠶᠡ ᠳᠤ ᠬᠠᠨᠴᠤᠢ ᠶᠢ ᠨᠢ ᠪᠦᠰᠡ ᠪᠠᠷ ᠢᠶᠠᠨ ᠤᠶᠠᠵᠤ ᠲᠠᠯᠪᠢᠳᠠᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠵᠠᠢ᠃ ᠡᠨᠡ ᠨᠢ ᠬᠠᠨᠴᠤᠢ ᠶᠢ ᠨᠢ ᠬᠤᠭᠤᠰᠤᠨ ᠪᠠᠶᠢᠯᠭᠠᠬᠤ ᠶᠢ | ᠴᠡᠭᠡᠷᠯᠡᠭᠰᠡᠨ ᠬᠡᠷᠡᠭ᠃ ᠪᠥᠬᠡᠴᠢᠳ ᠪᠠᠷᠢᠯᠳᠤᠵᠤ ᠪᠠᠶᠢᠬᠤ ᠦᠶᠡ ᠳᠤ ᠳᠡᠪᠡᠯ ᠲᠡᠷᠯᠢᠭ ᠤᠨ ᠬᠠᠨᠴᠤᠢ ᠶᠢ ᠨᠢ ᠮᠤᠰᠬᠢᠳᠠᠭ ᠨᠢ ᠮᠥᠨ ᠡᠶᠢᠮᠦ ᠤᠴᠢᠷ ᠲᠠᠢ᠃ ᠵᠠᠷᠢᠮ | ᠬᠤᠰᠢᠭᠤ ᠨᠤᠲᠤᠭ ᠲᠤ ᠳᠡᠪᠡᠯ ᠤᠨ ᠬᠠᠨᠴᠤᠢ ᠶᠢ ᠳᠣᠲᠣᠭᠰᠢ ᠨᠤᠭᠤᠯᠬᠤ ᠶᠢ ᠴᠡᠭᠡᠷᠯᠡᠳᠡᠭ᠂ ᠤᠴᠢᠷ ᠨᠢ ᠨᠥᠭᠴᠢᠭᠰᠡᠳ ᠤᠨ ᠶᠠᠰᠤ ᠶᠢ ᠪᠠᠷᠢᠬᠤ ᠦᠶᠡ ᠳᠤ ᠰᠠᠶ᠋ᠢ | ᠬᠠᠨᠴᠤᠢ ᠪᠠᠨ ᠳᠣᠲᠣᠭᠰᠢ ᠨᠤᠭᠤᠯᠳᠠᠭ᠃ ᠳᠡᠪᠡᠯ ᠲᠡᠷᠯᠢᠭ ᠤᠨ ᠬᠠᠨᠴᠤᠢ ᠶᠢ ᠳᠣᠲᠣᠭᠰᠢ ᠨᠤᠭᠤᠯᠪᠠᠯ ᠪᠠᠰᠠ ᠵᠣᠳᠣᠯᠳᠤᠬᠤ ᠳᠦᠷᠢ ᠭᠠᠷᠭᠠᠵᠤ ᠪᠠᠶᠢᠨᠠ ᠭᠡᠳᠡᠭ᠃ | ᠮᠣᠩᠭᠤᠯᠴᠤᠳ ᠠᠶᠢᠯ ᠳᠤ ᠣᠷᠣᠬᠤ ᠦᠶᠡ ᠳᠤ ᠲᠣᠪᠴᠢ ᠪᠠᠨ ᠪᠦᠷᠢᠨ ᠲᠣᠪᠴᠢᠯᠠᠵᠤ᠂ ᠬᠤᠷᠮᠣᠢ ᠪᠠᠨ ᠰᠢᠭᠤᠵᠤ ᠪᠠᠶᠢᠭᠰᠠᠨ ᠪᠣᠯ ᠪᠠᠭᠤᠯᠭᠠᠵᠤ᠂ ᠬᠡᠳᠡ ᠬᠢᠳᠤᠭᠠ ᠪᠠᠨ | ᠪᠦᠰᠡᠨ ᠳᠡᠭᠡᠨ ᠬᠠᠪᠴᠢᠭᠤᠯᠵᠤ ᠪᠠᠶᠢᠭᠰᠠᠨ ᠪᠣᠯ ᠪᠠᠭᠤᠯᠭᠠᠭᠠᠳ ᠳᠡᠷᠢ ᠲᠡᠭᠰᠢ ᠲᠥᠪᠯᠡᠭᠦᠨ ᠵᠢᠪᠬᠤᠭᠠᠲᠠᠢ ᠣᠷᠣᠳᠠᠭ᠃ ᠲᠣᠪᠴᠢ ᠰᠢᠯᠪᠢ ᠦᠭᠡᠢ ᠬᠤᠪᠴᠠᠰᠤ ᠶᠢ | ᠪᠤᠰᠤᠳ ᠲᠤ ᠪᠡᠯᠡᠭ ᠪᠣᠯᠭᠠᠨ ᠥᠭᠬᠦ ᠶᠢ ᠴᠡᠭᠡᠷᠯᠡᠳᠡᠭ᠂ ᠥᠭᠪᠡᠯ ᠪᠤᠰᠤᠳ ᠳᠤ︽ᠡᠩᠭᠡᠷ ᠡᠯᠢᠭᠡ ᠦᠭᠡᠢ ᠬᠥᠮᠥᠨ ᠪᠠᠶᠢᠨᠠ︾ ᠭᠡᠵᠦ ᠪᠤᠷᠤᠭᠤᠰᠢᠶᠠᠭᠳᠠᠳᠠᠭ᠃ | ᠪᠡᠯᠪᠡᠰᠦᠷᠡᠯ ᠭᠠᠰᠢᠭᠤᠳᠠᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠲᠣᠪᠴᠢ ᠦᠭᠡᠢ ᠳᠡᠪᠡᠯ ᠲᠡᠷᠯᠢᠭ ᠡᠮᠦᠰᠬᠦ ᠪᠤᠶᠤ ᠨᠥᠭᠴᠢᠭᠰᠡᠳ ᠲᠤ ᠡᠮᠦᠰᠦᠭᠦᠯᠬᠦ ᠳᠡᠪᠡᠯ ᠲᠡᠷᠯᠢᠭ ᠲᠤ ᠲᠣᠪᠴᠢ | ᠰᠢᠯᠪᠢ ᠦᠭᠡᠢ ᠪᠠᠶᠢᠳᠠᠭ᠃ | ᠡᠷᠡᠭᠲᠡᠶᠢᠴᠦᠳ ᠪᠤᠷᠬᠠᠨ ᠲᠡᠩᠷᠢ ᠳᠤ ᠰᠥᠭᠦᠳᠴᠦ ᠮᠥᠷᠭᠦᠬᠦ ᠪᠤᠶᠤ ᠠᠪᠤ ᠡᠵᠢ᠂ ᠠᠬᠠᠮᠠᠳ ᠨᠠᠰᠤᠲᠠᠨ ᠳᠤ ᠰᠥᠭᠦᠳᠴᠦ ᠮᠥᠷᠭᠦᠬᠦ ᠦᠶᠡ ᠳᠤ ᠡᠮᠦᠨᠡ | ᠬᠤᠷᠮᠣᠢ ᠪᠠᠨ ᠳᠡᠪᠢᠰᠴᠦ ᠮᠥᠷᠭᠦᠳᠡᠭ᠃ ᠠᠶᠢᠯ ᠳᠤ ᠣᠷᠣᠵᠤ ᠬᠤᠷᠮᠣᠢ ᠨᠢ ᠰᠠᠭᠤᠬᠤ ᠦᠶᠡ ᠳᠤ ᠬᠤᠷᠮᠣᠢ ᠪᠠᠷ ᠢᠶᠠᠨ ᠡᠪᠦᠳᠦᠭ ᠢᠶᠠᠨ ᠬᠠᠯᠬᠠᠯᠠᠵᠤ ᠵᠠᠪᠢᠯᠠᠵᠤ | ᠰᠠᠭᠤᠳᠠᠭ᠃ ᠪᠣᠰᠴᠤ ᠭᠠᠷᠬᠤ ᠦᠶᠡ ᠳᠡᠭᠡᠨ ᠬᠤᠷᠮᠣᠢ ᠪᠠᠨ ᠠᠶᠢᠯ ᠤᠨ ᠠᠶᠠᠭᠠ ᠰᠢᠷᠡᠭᠡ ᠲᠣᠭᠤᠭᠠ ᠰᠢᠨᠠᠭᠠᠨ ᠳᠡᠭᠡᠭᠦᠷ ᠭᠠᠷᠭᠠᠬᠤ ᠶᠢ ᠣᠨᠴᠠ ᠬᠢᠴᠢᠶᠡᠳᠡᠭ᠃ ᠳᠡᠪᠡᠯ | ᠲᠡᠷᠯᠢᠭ ᠤᠨ ᠡᠮᠵᠢᠶᠡᠷᠢ ᠬᠥᠪᠦᠭᠡ᠂ ᠲᠣᠪᠴᠢ ᠰᠢᠯᠪᠢ ᠶᠢ ᠳᠡᠪᠡᠯ ᠲᠡᠷᠯᠢᠭ ᠤᠨ ᠭᠠᠳᠠᠷ ᠲᠠᠢ ᠵᠠᠪᠠᠯ ᠥᠩᠭᠡ ᠬᠠᠷᠰᠢᠭᠤᠯᠤᠨ ᠬᠢᠳᠡᠭ ᠪᠥᠭᠡᠳ ᠪᠦᠰᠡᠨ ᠤ ᠥᠩᠭᠡ ᠲᠠᠢ | ᠠᠯᠢ ᠪᠤᠯᠬᠤ ᠪᠠᠷ ᠥᠩᠭᠡ ᠲᠠᠭᠠᠷᠠᠭᠤᠯᠳᠠᠭ᠃ ᠳᠡᠪᠡᠯ ᠲᠡᠷᠯᠢᠭ ᠢ ᠥᠩᠭᠡ ᠬᠠᠷᠰᠢᠭᠤᠯᠤᠨ ᠴᠢᠮᠡᠵᠦ ᠪᠠᠬᠢᠯᠡᠬᠦ ᠶᠢ ᠵᠠᠷᠢᠮ ᠨᠤᠲᠤᠭ ᠳᠤ︽ᠳᠡᠪᠡᠯ ᠲᠡᠷᠯᠢᠭ ᠭᠡᠭᠡᠷᠡᠭᠦᠯᠦᠨᠡ︾ | ᠭᠡᠵᠦ᠂ ᠵᠠᠷᠢᠮ ᠨᠤᠲᠤᠭ ᠳᠤ︽ᠳᠡᠪᠡᠯ ᠲᠡᠷᠯᠢᠭ ᠲᠣᠳᠣᠷᠠᠭᠤᠯᠤᠨᠠ︾ᠭᠡᠳᠡᠭ᠃ ᠡᠨᠡ ᠨᠢ ᠵᠦᠪᠬᠡᠨ ᠳᠡᠪᠡᠯ ᠲᠡᠷᠯᠢᠭ ᠤᠨ ᠬᠥᠪᠦᠭᠡ᠂ ᠵᠠᠬᠠ᠂ ᠬᠤᠷᠮᠣᠢ ᠶᠢ ᠪᠠᠬᠢᠯᠡᠬᠦ ᠶᠢᠨ | ᠲᠡᠳᠦᠢ ᠪᠢᠰᠢ᠂ ᠨᠡᠩ ᠴᠢᠬᠤᠯᠠ ᠨᠢ ᠳᠡᠪᠡᠯ ᠲᠡᠷᠯᠢᠭ ᠤᠨ ᠡᠳ᠋ ᠬᠥᠷᠥᠩᠭᠡ᠂ ᠬᠡᠪ ᠶᠣᠣᠵᠠ᠂ ᠡᠮᠦᠰᠦᠭᠰᠡᠨ ᠡᠵᠡᠨ ᠤ ᠬᠢᠨᠢ ᠲᠥᠷᠬᠦ ᠪᠠᠶᠢᠳᠠᠯ᠂᠂ ᠬᠡᠪ ᠨᠠᠮᠪᠠ ᠶᠢ ᠤᠯᠠᠮ | ᠳᠤᠪᠤᠶᠢᠯᠭᠠᠬᠤ ᠶᠢᠨ ᠲᠥᠯᠥᠭᠡ ᠶᠤᠮ᠃ ᠮᠣᠩᠭᠤᠯᠴᠤᠳ ᠬᠠᠷᠠ ᠥᠩᠭᠡ ᠶᠢ ᠮᠠᠭᠤ ᠥᠩᠭᠡ᠂ ᠴᠠᠭᠠᠨ ᠥᠩᠭᠡ ᠶᠢ ᠰᠠᠶᠢᠨ ᠥᠩᠭᠡ ᠭᠡᠳᠡᠭ ᠤᠴᠢᠷ ᠬᠠᠷᠠ ᠥᠩᠭᠡ ᠶᠢᠨ | ᠪᠥᠰ ᠪᠠᠷᠠᠭᠠ ᠪᠠᠷ ᠳᠡᠪᠡᠯ ᠬᠤᠪᠴᠠᠰᠤ ᠬᠢᠬᠦ ᠶᠢ ᠲᠠᠭᠠᠰᠢᠶᠠᠳᠠᠭ ᠦᠭᠡᠢ᠃ ᠬᠠᠯᠬᠠ ᠨᠤᠲᠤᠭ ᠳᠤ ᠰᠢᠨᠡ ᠬᠦᠷᠭᠡᠨ ᠬᠡᠦᠬᠡᠨ ᠣᠷᠣ ᠬᠠᠮᠲᠤᠳᠬᠠᠵᠤ ᠳᠡᠷᠡ | ᠨᠢᠭᠡᠳᠬᠡᠬᠦ ᠶᠢ︽ᠡᠩᠭᠡᠷ ᠵᠥᠷᠢᠭᠦᠯᠬᠦ︾ᠭᠡᠳᠡᠭ᠃ ᠡᠨᠡ ᠨᠢ ᠳᠡᠭᠡᠷᠡ ᠦᠶᠡ ᠳᠤ ᠮᠣᠩᠭᠤᠯᠴᠤᠳ ᠲᠤ ᠲᠤᠰᠬᠠᠢ ᠨᠥᠮᠥᠷᠬᠦ ᠬᠦᠨᠵᠢᠯᠡ ᠪᠠᠶᠢᠭᠰᠠᠨ ᠢ ᠬᠠᠷᠠᠭᠤᠯᠵᠤ ᠪᠣᠢ᠃ | ᠡᠨᠡ ᠲᠤᠬᠠᠢ ᠡᠷᠳᠡᠮᠲᠡᠨ ᠯᠣᠪᠰᠠᠩᠴᠣᠶᠢᠳᠡᠨ᠄︽ᠪᠠᠶᠠᠯᠢᠭ ᠭᠡᠷᠦᠨ ᠬᠥᠮᠥᠨ ᠬᠤᠨᠤᠭ ᠤᠨ ᠳᠡᠪᠡᠯ ᠬᠡᠮᠡᠵᠦ ᠠᠰᠲᠠᠭᠠᠨ ᠬᠢᠵᠦ ᠦᠳᠡᠰᠢ ᠶᠢᠨ ᠴᠠᠭ ᠨᠥᠮᠥᠷᠴᠦ ᠤᠨᠲᠠᠮᠤᠢ᠃ | ᠡᠶᠢᠮᠦ ᠨᠥᠮᠥᠷᠬᠦ ᠳᠡᠪᠡᠯ ᠪᠣᠯᠪᠠᠰᠤ ᠶᠡᠷᠦ ᠶᠢᠨ ᠬᠤᠪᠴᠠᠰᠤ ᠠᠴᠠ ᠥᠭᠡᠷᠡ ᠮᠠᠶ᠋ᠢᠭ ᠲᠠᠢ᠃ ᠳᠡᠪᠡᠯ ᠤᠨ ᠪᠡᠶᠡ ᠤᠷᠳᠤ ᠪᠥᠭᠡᠳ ᠬᠤᠶᠠᠷ ᠬᠠᠨᠴᠤᠢ ᠲᠠᠢ᠂ ᠦᠰᠦ ᠲᠠᠢ | ᠳᠡᠪᠡᠯ ᠪᠤᠶᠤ ᠬᠥᠪᠥᠩ ᠲᠠᠢ ᠡᠶᠢᠮᠦ ᠪᠠᠷ ᠬᠢᠮᠦᠢ᠃ ᠡᠨᠡ ᠶᠠᠩᠵᠤ ᠪᠠᠷ ᠬᠤᠨᠣᠬᠤ ᠪᠦᠷᠭᠡ ᠭᠡᠷ ᠤᠨ ᠠᠭᠠᠯᠢ ᠪᠣᠢ︾ ᠭᠡᠵᠦ︽ᠮᠣᠩᠭᠤᠯ ᠤᠨ ᠵᠠᠩ ᠠᠭᠠᠯᠢ ᠶᠢᠨ | ᠦᠢᠯᠡᠪᠦᠷᠢ︾ ᠳᠠᠭᠠᠨ ᠲᠣᠳᠣᠷᠬᠠᠢ ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠭ᠃ ᠬᠡᠷᠪᠡ ᠡᠮᠦᠰᠦᠭᠰᠡᠨ ᠳᠡᠪᠡᠯ ᠲᠡᠷᠯᠢᠭ ᠢᠶᠠᠨ ᠬᠤᠴᠢᠵᠤ ᠤᠨᠲᠠᠬᠤ ᠴᠢᠬᠤᠯᠠ ᠲᠠᠢ ᠪᠣᠯ ᠵᠠᠭᠠᠮᠠ ᠶᠢ ᠨᠢ | ᠴᠡᠭᠡᠵᠢᠨ ᠪᠡᠶᠡ ᠠᠴᠠ ᠳᠣᠷᠣᠭᠰᠢ ᠪᠠᠭᠤᠯᠭᠠᠵᠤ ᠪᠣᠯᠬᠤ ᠦᠭᠡᠢ᠃ ᠦᠭᠡᠯᠵᠢᠨ ᠪᠤᠶᠤ ᠯᠤᠤ ᠰᠠᠷᠠ ᠶᠢᠨ ᠬᠤᠷᠢᠨ ᠳᠣᠯᠤᠭᠠᠨ ᠳᠤ ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ ᠭᠠᠳᠠᠭᠠ | ᠬᠤᠨᠣᠭᠤᠯᠬᠤ ᠶᠢ ᠴᠡᠭᠡᠷᠯᠡᠳᠡᠭ᠂ ᠬᠤᠨᠣᠭᠤᠯᠪᠠᠯ ᠴᠢᠳᠬᠦᠷ ᠡᠵᠡᠯᠡᠨᠡ ᠭᠡᠳᠡᠭ᠃ |