| ᠰᠡᠷᠭᠦᠯᠡᠩ ᠪᠣᠯ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠪᠠᠳᠠᠢ ᠶᠢᠨ ᠵᠢᠷᠠᠨ ᠪᠠᠯᠭᠠᠰᠤᠨ ᠤ ᠪᠠᠶᠠᠨᠪᠦ᠋ᠭᠡᠷᠡᠭ ᠭᠠᠴᠠᠭᠠᠨ ᠤ ᠮᠠᠯᠴᠢᠨ᠂ ᠬᠤᠰᠢᠭᠤᠨ ᠤ ᠤᠯᠤᠰ | ᠲᠦᠷᠦ ᠶᠢᠨ ᠵᠥᠪᠯᠡᠯᠭᠡᠨ ᠤ ᠭᠡᠰᠢᠭᠦᠨ᠂ ᠦᠷᠡᠵᠢᠩ ᠰᠠᠭᠠᠯᠢ ᠶᠢᠨ ᠲᠡᠮᠡᠭᠡ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠶᠢ ᠡᠵᠡᠩᠨᠡᠵᠦ ᠶᠠᠪᠤᠭᠠ ᠲᠡᠮᠡᠭᠡᠴᠢᠨ ᠶᠤᠮ᠃ | ᠰᠡᠷᠭᠦᠯᠡᠩ ᠤᠨ ᠬᠢᠨ ᠤᠤᠯ ᠳᠠᠭᠠᠨ ᠴᠥᠭᠡᠨ ᠲᠣᠭᠠᠨ ᠤ ᠢᠮᠠᠭᠠ ᠬᠠᠷᠢᠭᠤᠯᠵᠤ᠂ ᠨᠥᠬᠦᠷ ᠨᠢ ᠬᠥᠯᠥᠰᠦᠨ ᠠᠵᠢᠯ ᠬᠢᠵᠦ᠂ ᠬᠡᠦᠬᠡᠨ ᠤ ᠪᠠᠨ ᠰᠤᠷᠤᠯᠭᠠ ᠶᠢᠨ | ᠰᠦᠢᠳᠬᠡᠯ ᠢ ᠲᠤᠰᠢᠶᠠᠪᠠᠯ ᠭᠠᠷ ᠲᠤ ᠦᠯᠡᠳᠡᠬᠦ ᠮᠥᠩᠭᠦ ᠦᠭᠡᠢ ᠵᠦᠳᠡᠭᠦᠬᠡᠨ ᠠᠮᠢᠳᠤᠷᠠᠵᠤ ᠪᠠᠶᠢᠵᠠᠢ᠃ 2018 ᠣᠨ ᠳᠤ᠂ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ | ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠮᠠᠯᠴᠢᠳ ᠲᠤ ᠲᠡᠮᠡᠭᠡᠨ ᠤ ᠦᠢᠯᠡᠰ ᠢ ᠶᠡᠭᠡ ᠪᠠᠷ ᠬᠥᠭᠵᠢᠭᠦᠯᠬᠦ ᠲᠤᠬᠠᠢ ᠰᠤᠷᠲᠠᠯᠴᠢᠯᠠᠨ ᠤᠬᠠᠭᠤᠯᠬᠤ ᠳᠤ᠂ ᠰᠡᠷᠭᠦᠯᠡᠩ ᠤᠷᠤᠯᠭᠠ ᠪᠠᠨ | ᠨᠡᠮᠡᠭᠳᠡᠭᠦᠯᠬᠦ ᠶᠢᠨ ᠲᠥᠯᠥᠭᠡ ᠢᠩᠭᠡᠨ ᠰᠠᠭᠠᠯᠢ ᠶᠢᠨ ᠦᠢᠯᠡᠰ ᠪᠣᠰᠬᠠᠬᠤ ᠪᠠᠷ ᠵᠣᠷᠢᠭ ᠰᠢᠭᠤᠳᠴᠤ᠂ 2019 ᠣᠨ ᠳᠤ ᠪᠠᠩᠬᠢ ᠠᠴᠠ 50 ᠲᠦᠮᠡᠨ ᠲᠥᠭᠦᠷᠢᠭ ᠤᠨ | ᠵᠢᠭᠡᠯᠡᠯᠭᠡ ᠠᠪᠤᠭᠠᠳ ᠢᠩᠭᠡ ᠰᠠᠭᠠᠬᠤ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠪᠠᠶᠢᠭᠤᠯᠵᠠᠢ᠃ | | | | | | ᠲᠡᠮᠡᠭᠡᠨ ᠤ ᠠᠵᠤ ᠦᠢᠯᠡᠰ ᠡᠷᠭᠢᠯᠡᠨᠡ ᠭᠡᠵᠦ ᠲᠡᠶᠢᠮᠤ ᠠᠮᠠᠷᠬᠠᠨ ᠶᠠᠪᠤᠳᠠᠯ ᠪᠢᠰᠢ᠃ ᠵᠣᠭᠤᠰ ᠮᠥᠩᠭᠦ ᠳᠤᠲᠠᠭᠳᠠᠬᠤ᠂ ᠰᠦ ᠰᠠᠭᠠᠬᠤ ᠠᠵᠢᠯᠴᠢᠨ | ᠣᠯᠳᠠᠬᠤ ᠦᠭᠡᠢ᠂ ᠢᠩᠭᠡᠨ ᠰᠦ ᠶᠢᠨ ᠤᠨᠠᠯᠳᠠ ᠳᠣᠣᠷᠠ ᠵᠡᠷᠭᠡ ᠮᠠᠰᠢ ᠤᠯᠠᠨ ᠬᠦᠴᠢᠷᠳᠡᠯ ᠲᠤᠯᠭᠠᠷᠠᠵᠤ ᠪᠠᠶᠢᠪᠠ᠃ ᠪᠠᠰᠠ 2020 ᠣᠨ ᠠᠴᠠ ᠪᠦᠭᠦ ᠤᠯᠤᠰ ᠤᠨ | ᠬᠡᠪᠴᠢᠶᠡᠨ ᠳᠤ ᠬᠢᠵᠢᠭ ᠳᠡᠯᠭᠡᠷᠡᠵᠦ᠂ ᠢᠩᠭᠡᠨ ᠰᠦ ᠶᠢᠨ ᠠᠷᠠᠯᠵᠢᠶᠠ ᠴᠤ ᠨᠥᠯᠥᠭᠡᠯᠡᠭᠳᠡᠵᠦ᠂ ᠵᠠᠷᠢᠮ ᠳᠠᠭᠠᠨ ᠺᠤᠮᠫᠠᠨᠢ ᠶᠢᠨ ᠬᠢᠨ ᠰᠦ ᠬᠤᠷᠢᠶᠠᠬᠤ ᠪᠠᠨ ᠪᠣᠯᠢᠴᠢᠬᠠᠳᠠᠭ᠃ | ᠲᠡᠭᠡᠭᠦ ᠳᠤ ᠲᠡᠷᠡ ᠮᠥᠨ ᠠᠵᠢᠯᠴᠢᠨ ᠤ ᠬᠥᠯᠥᠰᠦ ᠮᠥᠩᠭᠦ ᠶᠢ ᠨᠢ ᠠᠯᠳᠠᠯ ᠦᠭᠡᠢ ᠥᠭᠴᠦ᠂ ᠢᠩᠭᠡ ᠪᠠᠨ ᠪᠠᠰᠠ ᠦᠷᠭᠦᠯᠵᠢᠯᠡᠨ ᠲᠡᠵᠢᠭᠡᠵᠦ ᠪᠠᠶᠢᠵᠠᠢ᠃ ᠵᠢᠭᠡᠯᠡᠯᠭᠡ | ᠵᠢᠭᠡᠯᠡᠭᠡᠳ ᠦᠢᠯᠡᠰ ᠪᠦᠲᠦᠭᠡᠬᠦ ᠳᠤ ᠤᠷᠤᠯᠭᠠ ᠦᠭᠡᠢ ᠪᠣᠯᠤᠭᠰᠠᠨ ᠮᠥᠷᠲᠡᠭᠡᠨ ᠨᠡᠩ ᠶᠡᠭᠡ ᠥᠷᠢ ᠰᠢᠷᠢᠨ ᠳᠤ ᠤᠨᠠᠪᠠ᠃ | ᠰᠡᠷᠭᠦᠯᠡᠩ ᠲᠤᠯᠭᠠᠷᠠᠭᠰᠠᠨ ᠠᠰᠠᠭᠤᠳᠠᠯ ᠪᠦᠭᠦᠨ ᠢ ᠵᠣᠷᠢᠭᠲᠠᠢ ᠪᠠᠷ ᠰᠢᠢᠳᠪᠦᠷᠢᠯᠡᠵᠦ᠂ ᠠᠯᠤᠰ ᠬᠤᠯᠡ ᠰᠢᠨᠵᠢᠶᠠᠩ ᠠᠴᠠ ᠢᠩᠭᠡ ᠰᠠᠭᠠᠬᠤ ᠠᠵᠢᠯᠴᠢᠨ | ᠡᠯᠰᠡᠵᠦ᠂ ᠠᠵᠢᠯᠴᠢᠨ ᠲᠠᠢ ᠬᠠᠮᠲᠤᠷᠠᠨ ᠢᠩᠭᠡ ᠪᠠᠨ ᠰᠠᠶᠢᠲᠤᠷ ᠳᠠᠰᠬᠠᠨ ᠰᠤᠷᠭᠠᠵᠠᠢ᠃ ᠡᠭᠦᠨ ᠤ ᠬᠠᠮᠲᠤ᠂ ᠲᠡᠷᠡ ᠪᠠᠰᠠ ᠢᠩᠭᠡ ᠰᠠᠭᠠᠬᠤ ᠰᠠᠪᠠ᠂ ᠰᠦ ᠰᠠᠪᠠᠯᠠᠬᠤ | ᠲᠥᠬᠦᠭᠡᠷᠦᠮᠵᠢ ᠶᠢᠨ ᠠᠷᠢᠭᠤᠨ ᠴᠡᠪᠡᠷ ᠢ ᠣᠨᠴᠠ ᠠᠩᠬᠠᠷᠴᠤ᠂ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠶᠢᠨ ᠥᠨᠴᠥᠭ ᠪᠤᠯᠤᠩ ᠪᠦᠷᠢ ᠳᠤ ᠬᠢᠨᠠᠭᠤᠷ ᠲᠤᠷᠠᠨ ᠤᠭᠰᠠᠷᠠᠵᠤ᠂ ᠢᠩᠭᠡ | ᠰᠠᠭᠠᠬᠤ ᠴᠠᠭ᠂ ᠰᠦ ᠶᠢᠨ ᠤᠨᠠᠯᠳᠠ ᠵᠡᠷᠭᠡ ᠪᠠᠶᠢᠳᠠᠯ ᠢ ᠪᠦᠷ ᠨᠠᠷᠢᠨ ᠳᠠᠩᠰᠠᠯᠠᠳᠠᠭ ᠪᠠᠶᠢᠯᠠ᠃ ︽ᠨᠢᠳᠤᠨᠤᠨ ᠠᠴᠠ ᠠᠯᠢᠪᠠ ᠠᠵᠢᠯ ᠤᠷᠤᠭᠰᠢᠲᠠᠢ ᠪᠣᠯᠵᠤ᠂ 100 | ᠢᠩᠭᠡ ᠠᠴᠠ 80 ᠲᠤᠨ ᠰᠦ ᠰᠠᠭᠠᠵᠤ 280 ᠲᠦᠮᠡᠨ ᠲᠥᠭᠦᠷᠢᠭ ᠬᠤᠳᠠᠯᠳᠤᠭᠠᠳ᠂ ᠴᠡᠪᠡᠷ ᠤᠷᠤᠯᠭᠠ 100 ᠲᠦᠮᠡᠨ ᠲᠥᠭᠦᠷᠢᠭ ᠲᠤ ᠬᠦᠷᠴᠦ᠂ ᠶᠡᠬᠡᠩᠬᠢ | ᠥᠷᠢ ᠰᠢᠷᠢ ᠪᠠᠨ ᠪᠥᠭᠯᠡᠯᠡ︾ ᠭᠡᠵᠦ ᠰᠡᠷᠭᠦᠯᠡᠩ ᠪᠠᠶᠠᠷᠲᠠᠶᠢᠬᠠᠨ ᠶᠠᠷᠢᠵᠤ ᠪᠠᠶᠢᠯᠠ᠃ | ᠰᠡᠷᠭᠦᠯᠡᠩ ᠤᠨ ᠬᠢᠨ ᠤᠳᠤ ᠨᠡᠶᠢᠳᠡ 200 ᠭᠠᠷᠤᠢ ᠲᠡᠮᠡᠭᠡ ᠲᠠᠢ᠂ 150 ᠣᠷᠴᠢᠮ ᠰᠠᠭᠠᠯᠢ ᠶᠢᠨ ᠢᠩᠭᠡ ᠲᠠᠢ᠂ ᠡᠳᠦᠷ ᠲᠤ 1100 ᠵᠢᠩ ᠰᠦ | ᠰᠠᠭᠠᠵᠤ᠂ ᠡᠳᠦᠷ ᠤᠨ ᠤᠷᠤᠯᠭᠠ ᠪᠠᠷᠤᠭ 13000 — 14000 ᠲᠥᠭᠦᠷᠢᠭ ᠲᠤ ᠬᠦᠷᠴᠦ ᠪᠤᠢ᠃ ︽ᠪᠢ ᠡᠶᠢᠮᠦ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠢ ᠡᠳ᠋ᠯᠡᠨᠡ ᠭᠡᠵᠦ ᠶᠡᠷᠦ | ᠪᠤᠳᠤᠵᠦ ᠥᠩᠭᠡᠷᠡᠭᠡ ᠦᠭᠡᠢ᠃ ᠡᠨᠡ ᠪᠦᠷ ᠨᠠᠮ ᠵᠠᠰᠠᠭ ᠤᠨ ᠵᠥᠪ ᠤᠨᠤᠪᠴᠢᠲᠠᠢ ᠲᠦᠷᠦ ᠶᠢᠨ ᠪᠣᠳᠣᠯᠭᠠ ᠶᠢᠨ ᠠᠴᠢ ᠭᠠᠪᠢᠶᠠ ᠶᠤᠮ᠃ ᠡᠨᠡ ᠵᠢᠯ ᠪᠠᠩᠬᠢ ᠶᠢᠨ ᠪᠦᠭᠦ | ᠥᠷᠢ ᠰᠢᠷᠢ ᠠᠴᠠ ᠰᠠᠯᠤᠭᠠᠳ ᠬᠠᠳᠠᠭᠠᠯᠠᠮᠵᠢ ᠲᠠᠢ ᠪᠤᠯᠬᠤ ᠪᠠᠶᠢᠬᠤ ᠠ᠋᠂ ᠬᠤᠵᠢᠮ ᠢᠩᠭᠡᠨ ᠰᠦ ᠶᠢᠨ ᠴᠢᠨᠠᠷ ᠴᠢᠨᠰᠠᠭᠠ ᠪᠠᠨ ᠪᠠᠲᠤᠯᠠᠨ᠂ ᠰᠦ ᠰᠠᠭᠠᠯᠢ ᠶᠢᠨ | ᠦᠢᠯᠡᠰ ᠢ ᠬᠥᠭᠵᠢᠭᠦᠯᠵᠦ᠂ ᠨᠡᠩ ᠤᠯᠠᠨ ᠬᠥᠮᠥᠰ ᠲᠤ ᠠᠰᠢᠭ ᠬᠦᠷᠲᠡᠭᠡᠨᠡ︾ ᠭᠡᠵᠦ ᠰᠡᠷᠭᠦᠯᠡᠩ ᠢᠷᠡᠭᠡᠳᠦᠢ ᠳᠡᠭᠡᠨ ᠢᠲᠡᠭᠡᠯ ᠲᠠᠢ ᠶᠠᠷᠢᠨᠠ᠃ |