| ᠣᠶᠢᠷᠠ ᠶᠢᠨ ᠵᠢᠯ ᠠᠴᠠ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠰᠠᠩ ᠤᠨ ᠳᠠᠯᠠᠢ ᠪᠠᠯᠭᠠᠰᠤ ᠪᠠᠷ ᠨᠤᠲᠤᠭ ᠲᠠᠢ ᠵᠠᠯᠠᠭᠤ ᠣᠶᠣᠳᠠᠯᠴᠢᠨ ᠢᠳᠡᠷᠬᠦᠦ ᠶᠢᠨ | ᠤᠷᠠᠯᠠᠨ ᠣᠶᠣᠭᠰᠠᠨ ᠪᠦᠭᠡ ᠶᠢᠨ ᠮᠠᠯᠠᠭᠠᠢ ᠬᠥᠮᠥᠰ ᠤᠨ ᠲᠠᠭᠠᠰᠢᠶᠠᠯ ᠳᠤ ᠬᠦᠷᠴᠦ᠂ ᠣᠳᠤ ᠵᠢᠯ ᠤᠨ 500 ᠭᠠᠷᠤᠢ ᠮᠠᠯᠠᠭᠠᠢ ᠣᠶᠣᠵᠤ᠂ ᠡᠯᠡ ᠭᠠᠵᠠᠷ ᠤᠨ | ᠬᠡᠷᠡᠭᠯᠡᠭᠴᠢᠳ ᠤᠨ ᠵᠠᠬᠢᠶᠠᠯᠠᠭᠠ ᠶᠢ ᠳᠤᠰᠴᠤ ᠪᠠᠶᠢᠨᠠ᠃ | ᠢᠳᠡᠷᠬᠦᠦ 2013 ᠣᠨ ᠳᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠭᠤᠯᠤᠨ ᠣᠷᠣᠵᠤ᠂ ᠭᠦᠭᠡᠬᠤᠲᠠ ᠳᠤ ᠬᠦᠷᠴᠦ ᠰᠤᠷᠭᠠᠭᠤᠯᠢ ᠰᠣᠶᠣᠯ ᠤᠨ ᠮᠥᠷ | ᠬᠥᠭᠡᠭᠡᠵᠡᠢ᠃ ᠲᠡᠷᠡ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠬᠤ ᠳᠠᠭᠠᠨ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠶᠢᠨ ᠢᠶᠠᠨ ᠰᠡᠯᠡᠭᠦᠦ ᠴᠠᠭ ᠢ ᠠᠰᠢᠭᠯᠠᠨ ᠭᠦᠭᠡᠬᠤᠲᠠ ᠳᠤ ᠣᠶᠣᠳᠠᠯ ᠤᠨ | ᠳᠡᠯᠭᠡᠭᠦᠷ ᠡᠷᠭᠢᠯᠡᠵᠦ ᠪᠠᠶᠢᠭᠠ ᠨᠠᠭᠠᠴᠤ ᠳᠠᠭᠠᠨ ᠱᠠᠪᠢᠯᠠᠵᠤ᠂ ᠮᠠᠯᠠᠭᠠᠢ ᠬᠢᠬᠦ ᠮᠡᠷᠭᠡᠵᠢᠯ ᠢ ᠰᠤᠷᠤᠯᠴᠠᠵᠤ ᠡᠬᠢᠯᠡᠵᠡᠢ᠃ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠲᠡᠯᠡ ᠲᠡᠷᠡ | ᠬᠢᠴᠢᠶᠡᠯ ᠰᠤᠷᠤᠯᠭᠠ ᠪᠠᠨ ᠨᠥᠯᠥᠭᠡᠯᠡᠭᠰᠡᠨ ᠦᠭᠡᠢ ᠮᠥᠷᠲᠡᠭᠡᠨ ᠢᠯᠡᠭᠦᠦ ᠨᠢᠭᠡ ᠭᠠᠷ ᠤᠨ ᠡᠷᠳᠡᠮ ᠰᠤᠷᠴᠤ᠂ ᠬᠥᠮᠥᠨ ᠤ ᠭᠠᠵᠠᠷ ᠠᠴᠠ ᠡᠷᠳᠡᠮ ᠡᠪᠦᠷᠯᠡᠵᠦ ᠨᠤᠲᠤᠭ | ᠢᠶᠠᠨ ᠵᠣᠷᠢᠵᠠᠢ᠃ | | | | | | ᠨᠤᠲᠤᠭ ᠲᠠᠭᠠᠨ ᠪᠤᠴᠠᠭᠰᠠᠨ ᠤ ᠳᠠᠷᠠᠭᠠ ᠢᠳᠡᠷᠬᠦᠦ ᠮᠥᠨ ᠴᠦ ᠦᠢᠯᠡ ᠣᠶᠣᠳᠠᠯ ᠤᠨ ᠲᠠᠯᠠ ᠪᠠᠷ ᠢᠯᠡᠭᠦᠦ ᠪᠣᠯᠪᠠᠰᠤᠷᠠᠩᠭᠤᠢ ᠪᠤᠯᠬᠤ ᠪᠠᠷ ᠪᠠᠯᠭᠠᠰᠤᠨ | ᠲᠥᠪ ᠲᠤ ᠣᠶᠣᠳᠠᠯ ᠤᠨ ᠳᠡᠯᠭᠡᠭᠦᠷ ᠡᠷᠭᠢᠯᠡᠵᠦ ᠪᠠᠶᠢᠭᠠ ᠠᠪᠠᠭᠠ ᠡᠵᠢ ᠶᠢᠨ ᠢᠶᠠᠨ ᠳᠡᠯᠭᠡᠭᠦᠷ ᠲᠤ ᠬᠦᠷᠴᠦ ᠦᠢᠯᠡ ᠣᠶᠣᠳᠠᠯ ᠳᠤ ᠨᠢ ᠬᠠᠮᠵᠢᠬᠤ ᠶᠢᠨ ᠳᠠᠭᠠᠤ | ᠮᠠᠯᠠᠭᠠᠢ ᠲᠡᠷᠯᠢᠭ ᠣᠶᠣᠵᠤ᠂ ᠦᠢᠯᠡ ᠣᠶᠣᠳᠠᠯ ᠤᠨ ᠲᠠᠯᠠ ᠪᠠᠷ ᠤᠯᠠᠮ ᠡᠪ ᠳᠡᠮ ᠲᠠᠢ ᠪᠣᠯᠵᠤ᠂ 2019 ᠣᠨ ᠳᠤ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠰᠠᠩ ᠤᠨ | ᠳᠠᠯᠠᠢ ᠪᠠᠯᠭᠠᠰᠤᠨ ᠳᠠᠭᠠᠨ ︽ᠬᠥᠳᠡᠭᠡ ᠮᠣᠩᠭᠤᠯ ᠣᠶᠣᠳᠠᠯ︾ ᠭᠡᠬᠦ ᠦᠢᠯᠡ ᠣᠶᠣᠳᠠᠯ ᠤᠨ ᠳᠡᠯᠭᠡᠭᠦᠷ ᠡᠷᠭᠢᠯᠡᠵᠦ᠂ ᠵᠠᠬᠢᠶᠠᠯᠠᠭᠠ ᠳᠤᠰᠴᠤ ᠡᠬᠢᠯᠡᠵᠡᠢ᠃ ᠢᠳᠡᠷᠬᠦᠦ ᠨᠢᠭᠡ | ᠵᠢᠯ ᠳᠤ ᠪᠠᠷᠤᠭ 500 ᠭᠠᠷᠤᠢ ᠮᠠᠯᠠᠭᠠᠢ ᠶᠢᠨ ᠵᠠᠬᠢᠶᠠᠯᠠᠭᠠ ᠳᠤᠰᠳᠠᠭ᠂ ᠡᠭᠦᠨ ᠳᠤ ᠪᠦᠭᠡ ᠶᠢᠨ ᠮᠠᠯᠠᠭᠠᠢ᠂ ᠤᠶᠠᠭᠠᠴᠢ ᠶᠢᠨ ᠮᠠᠯᠠᠭᠠᠢ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ | ᠮᠣᠩᠭᠤᠯ ᠭᠡᠷ ᠤᠨ ᠳᠡᠭᠡᠪᠦᠷ ᠲᠤᠭᠤᠷᠭᠠ᠂ ᠠᠴᠢᠶᠠᠨ ᠤ ᠮᠠᠰᠢᠨ ᠤ ᠪᠦᠲᠦᠭᠡᠯᠭᠡ ᠵᠡᠷᠭᠡ ᠤᠯᠠᠨ ᠶᠠᠩᠵᠤ ᠶᠢᠨ ᠵᠠᠬᠢᠶᠠᠯᠠᠭᠠ ᠪᠠᠶᠢᠵᠤ᠂ ᠦᠢᠯᠡ ᠣᠶᠣᠳᠠᠯ ᠤᠨ ᠤᠷᠤᠯᠭᠠ | ᠵᠢᠯ ᠤᠨ ᠠᠷᠪᠠᠭᠠᠳ ᠲᠦᠮᠡᠨ ᠲᠥᠭᠦᠷᠢᠭ ᠭᠦᠷᠳᠡᠭ᠃ | ᠥᠪᠡᠷ ᠲᠡᠭᠡᠨ ᠳᠡᠯᠭᠡᠭᠦᠷ ᠡᠷᠭᠢᠯᠡᠭᠰᠡᠨ ᠠᠴᠠ ᠨᠠᠭᠠᠰᠢ ᠲᠡᠭᠦᠨ ᠤ ᠤᠷᠠᠯᠠᠨ ᠣᠶᠣᠭᠰᠠᠨ ᠮᠠᠯᠠᠭᠠᠢ ᠬᠤᠯᠠ ᠣᠶᠢᠷᠠ ᠶᠢᠨ ᠬᠡᠷᠡᠭᠯᠡᠭᠴᠢᠳ ᠲᠤ | ᠲᠠᠭᠠᠰᠢᠶᠠᠭᠳᠠᠵᠤ᠂ ᠣᠯᠠᠩᠬᠢ ᠪᠥᠬᠡᠴᠢᠳ ᠤᠶᠠᠭᠠᠴᠢᠳ ᠴᠤ ᠳᠡᠳᠡᠨ ᠤ ᠳᠡᠯᠭᠡᠭᠦᠷ ᠲᠤ ᠢᠷᠡᠵᠦ ᠮᠠᠯᠠᠭᠠᠢ ᠣᠶᠣᠭᠤᠯᠳᠠᠭ ᠪᠣᠯᠵᠠᠢ᠃︽ᠪᠢ ᠥᠪᠡᠷ ᠢᠶᠠᠨ ᠦᠢᠯᠡ | ᠣᠶᠣᠳᠠᠯ ᠳᠤ ᠪᠠᠭ᠋ᠠᠲᠠᠢ᠂ ᠨᠡᠩ ᠴᠦ ᠬᠥᠮᠥᠨ ᠪᠣᠯᠭᠠᠨ ᠤ ᠳᠡᠭᠡᠳᠦᠯᠡᠳᠡᠭ ᠮᠠᠯᠠᠭᠠᠢ ᠬᠡᠮᠡᠬᠦ ᠡᠷᠬᠢᠮ ᠵᠦᠢᠯ ᠢ ᠤᠷᠠᠯᠠᠨ ᠣᠶᠣᠳᠠᠭ ᠠᠵᠢᠯ ᠲᠠᠢ ᠳᠠᠭᠠᠨ ᠦᠷᠭᠦᠯᠵᠢ | ᠰᠡᠳᠬᠢᠯ ᠬᠠᠩᠬᠤᠯᠤᠭᠤᠨ ᠶᠠᠪᠤᠳᠠᠭ ᠠ᠋︾ ᠭᠡᠵᠦ ᠢᠳᠡᠷᠬᠦᠦ ᠪᠠᠶᠠᠷᠲᠠᠢ ᠶᠠᠷᠢᠯᠠ᠃ | ᠢᠳᠡᠷᠬᠦᠦ ᠶᠢᠨ ᠣᠶᠣᠭᠰᠠᠨ ᠮᠠᠯᠠᠭᠠᠢ ᠶᠢᠨ ᠦᠢᠯᠡ ᠣᠶᠣᠳᠠᠯ ᠨᠢ ᠨᠠᠷᠢᠯᠢᠭ᠂ ᠦᠨᠡ ᠬᠠᠩᠰᠢ ᠨᠢ ᠲᠣᠬᠢᠷᠠᠮᠵᠢᠲᠠᠢ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠬᠥᠮᠥᠨ | ᠤᠯᠠᠨ ᠳᠠᠭᠠᠨ ᠬᠦᠷᠢᠶᠡᠯᠡᠭᠳᠡᠵᠦ᠂ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠨᠢ ᠴᠦ ᠤᠯᠠᠮ ᠠᠴᠠ ᠤᠯᠠᠮ ᠬᠥᠭᠵᠢᠶᠡᠨ ᠲᠠᠢ ᠪᠣᠯᠵᠤ ᠪᠠᠶᠢᠨᠠ᠃ |