| ᠪᠠᠷᠭᠤᠴᠤᠳ ᠠᠯᠢ ᠡᠷᠲᠡ ᠠᠴᠠ ᠪᠠᠨ ᠠᠭᠤᠯᠠ ᠣᠪᠣᠭᠠᠨ ᠤ ᠲᠠᠬᠢᠯᠭᠠ ᠶᠢᠨ ᠨᠠᠶᠢᠷ᠂ ᠤᠷᠤᠭ ᠬᠤᠷᠢᠮ ᠤᠨ ᠨᠠᠶᠢᠷ᠂ ᠵᠢᠯ ᠴᠠᠭᠠᠨ ᠰᠠᠷᠠ ᠶᠢᠨ ᠵᠣᠯᠭᠠᠯᠲᠠ | ᠪᠣᠯᠣᠨ ᠤᠯᠤᠰ᠂ ᠣᠷᠣᠨ᠂ ᠠᠶᠢᠮᠠᠭ᠂ ᠬᠤᠰᠢᠭᠤ᠂ ᠰᠤᠮᠤᠨ ᠤ ᠠᠷᠠᠳ ᠤᠨ ᠨᠠᠭᠠᠳᠤᠮ᠂ ᠬᠤᠪᠢ ᠶᠢᠨ ᠡᠷᠦᠬᠡ ᠶᠢᠨ ᠨᠠᠭᠠᠳᠤᠮ᠂ ᠨᠠᠰᠤᠲᠠᠶᠢᠴᠤᠳ ᠤᠨ ᠨᠠᠰᠤᠨ ᠪᠠᠶᠠᠷ | ᠵᠡᠷᠭᠡ ᠳᠤ ᠲᠤᠰᠬᠠᠢ ᠪᠠ ᠣᠯᠠᠨ ᠲᠦᠷᠦᠯ ᠤᠨ ᠬᠤᠷᠳᠤᠨ ᠮᠣᠷᠢᠨ ᠤ ᠤᠷᠤᠯᠳᠣᠭᠠᠨ ᠶᠠᠪᠤᠭᠤᠯᠳᠠᠭ᠃ | ᠤᠶᠠᠭᠠᠴᠢᠳ ᠠᠭᠤᠯᠠ ᠬᠠᠶᠢᠷᠬᠠᠨ ᠣᠪᠣᠭᠠ ᠯᠤᠤᠰ᠂ ᠣᠷᠣᠨ ᠳᠡᠯᠡᠬᠡᠢ ᠳᠤ ᠪᠠᠨ ᠲᠣᠭᠤᠰᠣ ᠪᠠᠨ ᠡᠷᠭᠦᠵᠦ ᠬᠡᠶᠢᠮᠣᠷᠢ ᠪᠠᠨ ᠰᠡᠷᠭᠦᠭᠡᠬᠦ ᠶᠢ | ᠣᠶᠤᠩᠭᠤᠯᠠᠳᠠᠭ᠃ ᠯᠤᠤᠰ ᠰᠠᠪᠳᠠᠭ ᠲᠠᠭᠠᠨ ᠰᠠᠴᠤᠯᠢ ᠰᠡᠷᠴᠢᠮ ᠢᠶᠠᠨ ᠡᠷᠭᠦᠨ ᠰᠡᠳᠬᠢᠯ ᠵᠢᠷᠦᠬᠡᠨ ᠤ ᠤᠭ ᠠᠴᠠ ᠪᠠᠨ ᠮᠣᠷᠢ ᠬᠡᠦᠬᠡᠳ ᠬᠤᠶᠠᠷ ᠢᠶᠠᠨ ᠮᠡᠨᠳᠦ ᠰᠠᠶᠢᠨ | ᠳᠠᠪᠬᠢᠨ ᠢᠷᠡᠬᠦ ᠶᠢ ᠳᠠᠭᠠᠳᠬᠠᠨ ᠵᠠᠯᠪᠢᠷᠠᠳᠠᠭ ᠠᠴᠠ ᠪᠢᠰᠢ ᠮᠢᠨᠤ ᠬᠦᠯᠦᠭ ᠶᠠᠭᠠᠬᠢᠭᠰᠠᠨ ᠴᠦ ᠦᠵᠦᠭᠦᠷᠯᠡᠬᠦ ᠶᠤᠮ ᠬᠡᠮᠡᠨ ᠯᠤᠤᠰ ᠰᠠᠪᠳᠠᠭ ᠲᠤ ᠠᠮᠠ ᠠᠯᠳᠠᠬᠤ ᠶᠢ | ᠡᠷᠡᠰ ᠴᠡᠭᠡᠷᠯᠡᠳᠡᠭ ᠵᠠᠩᠰᠢᠯᠲᠠᠢ ᠪᠢᠯᠡ᠃ | ᠮᠣᠷᠢ ᠳᠠᠭᠤᠳᠠᠯᠭᠠ ᠪᠣᠯ ᠪᠠᠷᠭᠤᠴᠤᠳ ᠤᠨ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤᠨ ᠮᠣᠷᠢᠨ ᠤᠷᠤᠯᠳᠤᠭᠠᠨ ᠤ ᠴᠢᠬᠤᠯᠠ ᠨᠢᠭᠡᠨ ᠤᠯᠠᠮᠵᠢᠯᠠᠯᠲᠤ ᠵᠠᠩ | ᠦᠢᠯᠡ ᠶᠢᠨ ᠨᠢᠭᠡ ᠮᠥᠨ᠃ ᠨᠠᠶᠢᠷ ᠤᠨ ᠳᠠᠭᠠᠭᠠᠮᠠᠯ ᠠᠴᠠ ᠮᠣᠷᠢ ᠳᠠᠭᠤᠳᠠᠭᠴᠢ ᠶᠢ ᠲᠤᠰᠬᠠᠶᠢᠯᠠᠨ ᠤᠷᠢᠨ ᠵᠠᠯᠠᠵᠤ᠂ ᠠᠯᠲᠠ ᠲᠣᠷᠭᠠᠨ ᠬᠠᠳᠠᠭ ᠪᠠᠷᠢᠨ᠂ ᠠᠶᠢᠷᠠᠭ ᠰᠦ | ᠠᠮᠰᠠᠭᠤᠯᠤᠨ᠂ ᠤᠷᠢᠳ ᠠᠴᠠ ᠪᠡᠯᠡᠳᠬᠡᠭᠰᠡᠨ ᠮᠥᠩᠭᠦᠨ ᠡᠮᠡᠭᠡᠯ ᠬᠠᠵᠠᠭᠠᠷ ᠪᠦᠬᠦᠢ ᠮᠣᠷᠢ ᠵᠡᠬᠡᠵᠦ᠂ ᠪᠠᠷᠠᠭᠤᠨ ᠭᠠᠷ ᠤᠨ ᠲᠣᠬᠤᠢ ᠳᠠᠭᠠᠨ ᠤᠷᠲᠤ ᠳᠠᠩᠰᠠᠨ ᠲᠠᠰᠢᠭᠤᠷ | ᠡᠯᠭᠦᠭᠡᠳ᠂ ᠵᠢᠰᠦ ᠲᠥᠯᠥᠪ ᠰᠡᠷᠭᠦᠯᠡᠩ ᠴᠣᠪᠣᠭᠤ ᠭᠠᠩᠭᠠᠩ ᠬᠦᠯᠦᠭ ᠤᠨ ᠵᠢᠯᠣᠭᠤ ᠭᠠᠷᠳᠠᠭᠤᠯᠤᠨ ᠲᠦᠰᠢᠨ ᠮᠣᠷᠳᠠᠭᠤᠯᠳᠠᠭ ᠠᠵᠢ᠃ | ᠦᠵᠦᠭᠦᠷᠯᠡᠭᠰᠡᠨ ᠮᠣᠷᠢᠨ ᠤ ᠡᠵᠡᠨ ᠤ ᠭᠠᠵᠠᠷ ᠤᠰᠤ᠂ ᠣᠨᠣᠭᠰᠠᠨ ᠬᠡᠦᠬᠡᠳ ᠤᠨ ᠨᠡᠷᠡ ᠶᠢ ᠣᠯᠠᠨ ᠳᠤ ᠲᠤᠰᠢᠶᠠᠭᠠᠳ ᠮᠣᠷᠢᠨ ᠤ ᠪᠠᠨ ᠲᠥᠷᠥᠴᠡ | ᠪᠠᠶᠢᠳᠠᠯ᠂ ᠭᠦᠶᠦᠳᠡᠯ ᠶᠠᠪᠤᠳᠠᠯ ᠢ ᠵᠦᠢᠷᠯᠡᠭᠡᠳ᠂ ᠴᠡᠭᠡᠵᠢᠨ ᠲᠠᠪᠤ︵ᠠᠶᠢᠷᠠᠭ︶ ᠳᠤ ᠣᠷᠣᠭᠰᠠᠨ ᠮᠣᠷᠢᠳ ᠤᠨ ᠴᠣᠯᠠ ᠶᠢ ᠳᠦᠬᠦᠮ ᠳᠠᠭᠤᠳᠠᠨ ᠳᠠᠷᠠᠭᠠᠯᠠᠭᠤᠯᠤᠨ | ᠭᠠᠷᠭᠠᠨᠠ᠃ ᠨᠠᠶᠢᠷ ᠲᠤ ᠤᠷᠤᠯᠳᠤᠭᠰᠠᠨ ᠬᠠᠮᠤᠭ ᠤᠨ ᠰᠡᠭᠦᠯᠴᠢ ᠶᠢᠨ ᠳᠠᠭᠠ ᠶᠢ ᠦᠵᠦᠭᠦᠷ ᠮᠣᠷᠢᠨ ᠤ ᠬᠠᠮᠲᠤ ᠵᠡᠷᠭᠡᠴᠡᠭᠦᠯᠦᠨ ᠵᠣᠭᠰᠣᠭᠠᠭᠠᠳ᠄ | ︽ᠡᠨᠡ ᠬᠦᠯᠦᠭ ᠤᠨ ᠡᠵᠡᠨ ᠨᠢ | ᠠᠳᠡᠭᠦᠷᠡᠵᠦ ᠲᠠᠰᠢᠶᠠᠷᠠᠵᠤ ᠪᠣᠳᠤᠭᠰᠠᠨ ᠠᠴᠠ | ᠤᠶᠠᠭᠰᠠᠨ ᠳᠠᠭᠠ ᠳᠤᠲᠠᠭᠠᠳ | ᠣᠨᠣᠭᠰᠠᠨ ᠬᠡᠦᠬᠡᠳ ᠨᠢ ᠪᠠᠯᠴᠢᠷᠳᠠᠭᠠᠳ | ᠦᠯᠡᠢ ᠮᠠᠩᠬᠠ ᠲᠠᠭᠠᠷᠠᠯᠳᠤᠭᠠᠳ | ᠦᠷᠬᠦᠯᠵᠢ ᠰᠠᠭᠠᠳ ᠲᠣᠬᠢᠶᠠᠯᠳᠤᠭᠠᠳ | ᠦᠰᠦᠷᠴᠦ ᠬᠠᠷᠠᠶᠢᠵᠤ ᠭᠠᠷᠤᠭᠰᠠᠨ ᠴᠦ | ᠦᠬᠡᠷ ᠲᠡᠷᠭᠡ ᠰᠢᠭ ᠬᠤᠴᠣᠷᠤᠭᠠᠳ | ᠡᠨᠡ ᠵᠢᠯ ᠤᠨ ᠪᠠᠶᠠᠨ ᠬᠤᠳᠣᠭᠤᠳᠤ | ᠢᠷᠡᠬᠦ ᠵᠢᠯ ᠤᠨ ᠪᠠᠶᠠᠷ ᠤᠨ ᠮᠠᠩᠯᠠᠢ︾ ᠭᠡᠳ ᠬᠡᠦᠬᠡᠳ ᠬᠦᠯᠦᠭ ᠬᠤᠶᠠᠷ ᠢ ᠬᠦᠭᠡᠷᠦᠬᠡᠰᠢᠶᠡᠨ ᠤᠷᠮᠠᠰᠢᠭᠤᠯᠵᠤ ᠳᠠᠭᠤᠳᠠᠨᠠ᠃︽ᠠᠮᠠᠨ ᠤ ᠪᠡᠯᠭᠡ ᠠᠴᠠ | ᠠᠰᠢᠳᠠ ᠶᠢᠨ ᠪᠡᠯᠭᠡ︾ ᠭᠡᠵᠦ ᠦᠵᠡᠳᠡᠭ ᠠᠷᠠᠳ ᠲᠦᠮᠡᠨ ᠮᠠᠨᠢ ᠰᠠᠶᠢᠨ ᠰᠠᠶᠢᠬᠠᠨ ᠲᠡᠶᠢᠰᠢ ᠪᠡᠯᠭᠡᠳᠡᠨ ᠢᠷᠦᠭᠡᠵᠦ᠂ ᠢᠲᠡᠭᠡᠯ ᠬᠦᠰᠡᠯ ᠥᠭᠴᠦ ᠪᠠᠶᠢᠳᠠᠭ ᠠᠭᠤᠵᠢᠭᠤ | ᠲᠠᠶᠢᠪᠤᠩ ᠰᠠᠶᠢᠬᠠᠨ ᠰᠡᠳᠬᠢᠯ ᠨᠢ ᠤᠷᠤᠯᠳᠤᠭᠠᠨ ᠳᠤ ᠬᠤᠴᠣᠷᠤᠭᠰᠠᠨ ᠳᠠᠭᠠ ᠶᠢ ᠮᠠᠭᠲᠠᠨ ᠴᠣᠯᠠᠯᠠᠳᠠᠭ ᠡᠨᠡ ᠬᠦ ᠵᠠᠩ ᠦᠢᠯᠡ ᠠᠴᠠ ᠲᠣᠳᠣᠷᠬᠠᠢ ᠬᠠᠷᠠᠭᠳᠠᠵᠤ | ᠪᠠᠶᠢᠭᠠ ᠪᠢᠵᠡ ᠳ᠋ᠠ᠃ | ᠪᠠᠷᠭᠤᠴᠤᠳ ᠱᠠᠩ ᠪᠠᠢ ᠶᠢ ᠳᠡᠳᠦᠶᠢᠯᠡ ᠴᠢᠬᠤᠯᠠᠴᠢᠯᠠᠳᠠᠭ ᠦᠭᠡᠢ᠂ ᠠᠭᠤᠯᠠ ᠬᠠᠶᠢᠷᠬᠠᠨ ᠳᠠᠭᠠᠨ ᠲᠣᠭᠤᠰᠣ ᠪᠠᠨ ᠡᠷᠭᠦᠵᠦ ᠬᠡᠶᠢᠮᠣᠷᠢ ᠪᠠᠨ | ᠰᠡᠷᠭᠦᠭᠡᠬᠦ ᠶᠢ ᠣᠶᠤᠩᠭᠤᠯᠠᠳᠠᠭ ᠤᠨ ᠤᠴᠢᠷ︽ᠪᠡᠯᠡᠭ ᠤᠨ ᠮᠣᠷᠢᠨ ᠤ ᠰᠢᠳᠦ ᠲᠠᠲᠠᠳᠠᠭ ᠦᠭᠡᠢ︾᠂︽ᠪᠡᠯᠡᠭ ᠢ ᠬᠦᠨᠳᠦᠳᠬᠡᠬᠦ ᠠᠴᠠ ᠪᠢᠰᠢ ᠪᠡᠨᠡ ᠳᠤ ᠨᠢ ᠰᠢᠨᠤᠳᠠᠭ | ᠦᠭᠡᠢ︾ ᠰᠠᠶᠢᠬᠠᠨ ᠤᠯᠠᠮᠵᠢᠯᠠᠯᠲᠤ ᠵᠠᠩᠰᠢᠯᠲᠠᠢ ᠠᠷᠠᠳ ᠲᠦᠮᠡᠨ ᠪᠢᠯᠡ᠃ | ᠣᠳᠣ ᠶᠢᠨ ᠶᠡᠭᠡ ᠪᠠᠭᠠ ᠨᠠᠶᠢᠷ ᠲᠤ ᠮᠣᠷᠢ ᠳᠠᠭᠤᠳᠠᠬᠤ ᠦᠢᠯᠡ ᠶᠠᠪᠤᠴᠠ ᠨᠡᠯᠢᠶᠡᠳ ᠢᠪᠴᠤᠤ ᠪᠣᠯᠤᠭᠰᠠᠨ ᠪᠠᠶᠢᠳᠠᠯ ᠲᠠᠢ ᠪᠣᠯᠵᠤ ᠪᠠᠶᠢᠨᠠ᠃ ᠡᠭᠦᠨ ᠤ | ᠰᠢᠯᠲᠠᠭᠠᠨ ᠪᠣᠯ ᠮᠣᠷᠢ ᠳᠠᠭᠤᠳᠠᠬᠤ ᠬᠥᠮᠥᠨ ᠴᠥᠭᠡᠨ ᠪᠣᠯᠤᠭᠰᠠᠨ᠂ ᠤᠯᠠᠮᠵᠢᠯᠠᠵᠤ ᠵᠠᠯᠭᠠᠮᠵᠢᠯᠠᠬᠤ ᠬᠥᠮᠥᠰ ᠴᠥᠭᠡᠷᠡᠭᠰᠡᠨ᠂ ᠬᠦᠯᠢᠶᠡᠨ ᠠᠪᠬᠤ ᠬᠥᠮᠥᠰ ᠮᠠᠨᠢ | ᠳᠡᠳᠦᠶᠢᠯᠡ ᠰᠣᠨᠢᠷᠬᠠᠯ ᠦᠭᠡᠢ᠂ ᠬᠦᠨᠳᠦᠳᠬᠡᠬᠦ ᠣᠶᠤᠩᠭᠤᠯᠠᠬᠤ ᠪᠠᠭ᠋ᠠᠷᠬᠠᠬᠤ ᠦᠭᠡᠢ ᠪᠣᠯᠤᠭᠰᠠᠨ ᠪᠤᠶᠤ᠃ ᠡᠶᠢᠮᠦ ᠠᠴᠠ ᠬᠤᠵᠢᠮ ᠤᠨ ᠬᠡᠦᠬᠡᠳ ᠵᠠᠯᠠᠭᠤᠴᠤᠳ ᠮᠠᠨᠢ | ᠠᠷᠠᠳ ᠤᠨ ᠢᠶᠠᠨ ᠤᠯᠠᠮᠵᠢᠯᠠᠯᠲᠤ ᠣᠶᠤᠨ ᠤ ᠳᠡᠭᠡᠵᠢ︱ ᠮᠣᠷᠢ ᠳᠠᠭᠤᠳᠠᠯᠭᠠ ᠶᠢ ᠰᠤᠷᠴᠤ ᠰᠤᠳᠤᠯᠤᠨ᠂ ᠤᠯᠠᠮᠵᠢᠯᠠᠵᠤ ᠳᠡᠯᠭᠡᠷᠡᠭᠦᠯᠵᠦ ᠶᠠᠪᠤᠬᠤ ᠨᠢ ᠨᠢᠭᠡ | ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠤ ᠰᠦᠭ ᠰᠦᠨᠡᠰᠦ᠂ ᠬᠡᠶᠢᠮᠣᠷᠢ ᠵᠣᠯᠪᠤᠭᠠ᠂ ᠰᠣᠶᠣᠯ ᠪᠣᠯᠪᠠᠰᠤᠨ ᠤ ᠪᠡᠯᠭᠡ ᠲᠡᠮᠳᠡᠭ ᠠᠵᠤᠭᠤ᠃ | ᠮᠣᠷᠢ ᠳᠠᠭᠤᠳᠠᠬᠤ ᠶᠢᠨ ᠤᠴᠢᠷ ᠠᠨᠤ᠂ ᠲᠡᠭᠷᠢ ᠭᠠᠵᠠᠷ ᠬᠥᠮᠥᠨ ᠭᠤᠷᠪᠠ ᠶᠢᠨ ᠰᠢᠲᠦᠯᠴᠡᠭᠡᠨ ᠳᠤ ᠬᠡᠦᠬᠡᠳ ᠮᠣᠷᠢ ᠬᠤᠶᠠᠷ ᠨᠢ ᠮᠡᠨᠳᠦ ᠰᠠᠶᠢᠬᠠᠨ ᠳᠠᠪᠬᠢᠨ | ᠢᠷᠡᠭᠰᠡᠨ ᠳᠤ ᠲᠠᠯᠠᠷᠬᠠᠨ ᠪᠠᠶᠠᠰᠴᠤ᠂ ᠬᠡᠶᠢᠮᠣᠷᠢ ᠵᠢᠪᠬᠤᠭᠠ ᠬᠡᠰᠢᠭ ᠪᠤᠶᠠᠨ ᠤ ᠡᠨᠧᠷᠭᠢ ᠬᠦᠷᠲᠡᠵᠦ᠂ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠲᠠᠢ ᠪᠠᠨ ᠵᠥᠪ ᠬᠠᠷᠢᠴᠠᠳᠠᠭ ᠤᠨ ᠲᠣᠳᠣ | ᠢᠯᠡᠷᠡᠯ ᠪᠤᠶᠤ︕ | ᠡᠷᠳᠡᠨᠢᠲᠦ ᠬᠦᠯᠦᠭ ᠢᠵᠢᠯᠢ ᠰᠦᠷᠦᠭ ᠢᠶᠠᠨ ᠮᠠᠭᠲᠠᠨ ᠳᠠᠭᠤᠯᠠᠵᠤ᠂ ᠤᠶᠠᠭᠰᠠᠨ ᠡᠵᠡᠨ᠂ ᠣᠨᠣᠭᠰᠠᠨ ᠬᠡᠦᠬᠡᠳ᠂ ᠤᠶᠠᠭᠳᠠᠭᠰᠠᠨ ᠬᠦᠯᠦᠭ ᠭᠤᠷᠪᠠ ᠶᠢᠨ | ᠬᠡᠶᠢᠮᠣᠷᠢ ᠵᠣᠯᠪᠤᠭᠠ ᠤᠷᠠ ᠮᠡᠷᠭᠡᠵᠢᠯ ᠢ ᠠᠷᠠᠳ ᠤᠨ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠷᠢᠳᠢ ᠰᠢᠳᠢ ᠪᠠᠷ ᠠᠮᠢᠯᠠᠭᠤᠯᠤᠨ ᠮᠠᠭᠲᠠᠵᠤ᠂ ᠠᠷᠠᠳ ᠣᠯᠠᠨ ᠳᠠᠭᠠᠨ ᠤᠯᠠᠮᠵᠢᠯᠠᠨ | ᠠᠯᠳᠠᠷᠰᠢᠭᠤᠯᠳᠠᠭ ᠶᠣᠰᠣᠨ ᠡᠶᠢᠮᠦ ᠪᠢᠯᠡ᠃ | ᠪᠠᠷᠭᠤ ᠶᠢᠨ ᠮᠣᠷᠢ ᠳᠠᠭᠤᠳᠠᠯᠭᠠ ᠳᠤ ᠮᠣᠷᠢᠨ ᠤ ᠥᠩᠭᠡ ᠵᠢᠰᠦ᠂ ᠲᠥᠷᠥᠴᠡ ᠪᠠᠶᠢᠳᠠᠯ᠂ ᠭᠦᠶᠦᠳᠡᠯ ᠶᠠᠪᠤᠳᠠᠯ᠂ ᠰᠢᠨᠳᠠᠰᠤ ᠰᠢᠷᠪᠦᠰᠦ᠂ ᠴᠢᠳᠠᠯ ᠳᠣᠷᠪᠢ᠂ | ᠴᠤᠭ ᠵᠢᠪᠬᠤᠭᠠ᠂ ᠵᠠᠩ ᠠᠷᠠᠨᠰᠢᠨ᠂ ᠤᠳᠤᠮ ᠣᠭᠰᠢᠯ ᠵᠡᠷᠭᠡ ᠶᠢ ᠨᠢ ᠣᠷᠣᠨ ᠨᠤᠲᠤᠭ᠂ ᠣᠩᠭᠤᠨ ᠬᠠᠶᠢᠷᠬᠠᠨ᠂ ᠨᠠᠷᠠ ᠰᠠᠷᠠ᠂ ᠬᠤᠢ ᠰᠠᠯᠬᠢ᠂ ᠠᠶᠤᠩᠭᠠ ᠴᠠᠬᠢᠯᠭᠠᠨ᠂ | ᠠᠮᠢᠲᠠᠨ ᠠᠷᠢᠶᠠᠲᠠᠨ᠂ ᠵᠢᠭᠦᠷᠲᠡᠨ ᠰᠢᠪᠠᠭᠤ᠂ ᠣᠳᠤᠨ ᠮᠡᠴᠢᠳ᠂ ᠭᠤᠣᠯ ᠮᠥᠷᠡᠨ᠂ ᠴᠢᠨᠳᠠᠮᠤᠨᠢ ᠡᠷᠳᠡᠨᠢ ᠭᠡᠬᠦ ᠮᠡᠲᠦ ᠪᠠᠷ ᠪᠠᠶᠢᠭᠠᠯᠢ ᠶᠢᠨ ᠦᠵᠡᠭᠳᠡᠯ ᠲᠠᠢ ᠬᠤᠯᠪᠣᠨ | ᠵᠦᠢᠷᠯᠡᠳᠡᠭ᠃ ᠪᠠᠷᠭᠤᠴᠤᠳ ᠤᠨ ᠣᠶᠤᠨ ᠤ ᠥᠪ ᠤᠨ ᠳᠡᠭᠡᠵᠢ︱ ᠤᠯᠠᠮᠵᠢᠯᠠᠯᠲᠤ ᠮᠣᠷᠢ ᠳᠠᠭᠤᠳᠠᠯᠭᠠ ᠬᠡᠮᠡᠭᠴᠢ ᠡᠨᠡ ᠪᠦᠯᠦᠭᠡ᠃ | |