| ᠠᠷᠪᠠᠨ ᠨᠢᠭᠡ᠂1636 ᠣᠨ ᠳᠤ ᠮᠠᠨᠵᠤ ᠶᠢᠨ ᠬᠠᠭᠠᠨ ᠪᠡᠶᠡ ᠪᠠᠨ ᠮᠣᠩᠭᠤᠯ ᠤᠨ ᠬᠠᠭᠠᠨ ᠢᠶᠠᠷ ᠡᠷᠭᠦᠮᠵᠢᠯᠡᠵᠦ᠂ ᠪᠠᠷᠭᠤ ᠪᠤᠷᠢᠶᠠᠳ ᠵᠤᠨ ᠬᠤᠶᠢᠨᠠ | ᠲᠠᠯᠠ ᠠᠴᠠ ᠪᠠᠨ ᠣᠷᠤᠰ ᠲᠤ ᠢᠳᠡᠭᠳᠡᠨ᠂ ᠡᠮᠦᠨᠡ ᠲᠠᠯᠠ ᠠᠴᠠ ᠪᠠᠨ ᠮᠠᠨᠵᠤ ᠳᠤ ᠢᠳᠡᠭᠳᠡᠵᠦ᠂ ᠴᠢᠩ ᠤᠯᠤᠰ ᠤᠨ ᠵᠠᠬᠢᠷᠤᠯ ᠳᠣᠣᠷᠠ ᠪᠠᠷᠭᠤᠴᠤᠳ ᠴᠡᠷᠢᠭ ᠤᠨ | ᠠᠯᠪᠠᠨ ᠳᠤ ᠲᠠᠲᠠᠭᠳᠠᠨ᠂ ᠪᠤᠲᠠᠷᠠᠨ ᠲᠠᠷᠬᠠᠵᠤ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠠᠷᠪᠠᠨ ᠬᠤᠶᠠᠷ᠂1689 ᠣᠨ ᠳᠤ ᠪᠠᠳᠮᠠ ᠪᠣᠯᠣᠨ ᠰᠣᠨᠤᠮ ᠭᠡᠭᠴᠢ ᠬᠤᠶᠠᠷ ᠬᠥᠮᠥᠨ᠂ ᠭᠠᠯᠳᠠᠨ ᠪᠣᠱᠣᠭᠲᠤ ᠳᠤ ᠴᠣᠬᠢᠭᠳᠠᠨ ᠪᠤᠲᠠᠷᠠᠨ ᠰᠠᠷᠨᠢᠭᠰᠠᠨ | ᠪᠠᠷᠭᠤ ᠲᠦᠮᠡᠨ ᠢᠶᠠᠨ ᠬᠤᠷᠢᠶᠠᠮᠵᠢᠯᠠᠨ ᠴᠤᠭᠯᠠᠭᠤᠯᠪᠠ᠃ | ᠠᠷᠪᠠᠨ ᠭᠤᠷᠪᠠ᠂ ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠭᠤᠴᠢᠨ ᠨᠠᠢᠮᠠᠳᠤᠭᠠᠷ ᠣᠨ ᠤ ᠲᠡᠷᠢᠭᠦᠨ ᠰᠠᠷᠠ ᠳᠤ ᠵᠠᠷᠯᠢᠭ ᠢᠶᠠᠷ ᠪᠠᠷᠭᠤ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ | ᠬᠥᠮᠥᠰ ᠢ ᠴᠠᠬᠠᠷ ᠤᠨ ᠨᠤᠲᠤᠭ ᠲᠤ ᠰᠠᠭᠤᠷᠢᠰᠢᠭᠤᠯᠵᠤ ᠰᠤᠮᠤ ᠬᠤᠪᠢᠶᠠᠪᠠᠢ᠃ | ᠠᠷᠪᠠᠨ ᠳᠥᠷᠪᠡ᠂ ᠨᠠᠶᠢᠷᠠᠯᠲᠦ ᠲᠥᠪ ᠤᠨ6 ᠳ᠋ᠤᠭᠠᠷ ᠣᠨ ᠳᠤ ᠪᠠᠷᠭᠤ ᠶᠢᠨ ᠭᠠᠯᠵᠤᠳ ᠣᠪᠣᠭ ᠶᠢᠨ ᠬᠢᠯᠲᠠᠢ ᠵᠠᠩᠭᠢ᠂ ᠥᠪᠡᠷ ᠤᠨ ᠬᠠᠷᠢᠶᠠᠲᠤ800 | ᠪᠠᠷᠭᠤ ᠵᠣᠨ ᠢ ᠳᠠᠭᠠᠭᠤᠯᠵᠤ ᠨᠤᠲᠤᠭᠯᠠᠨ ᠶᠠᠪᠤᠭᠰᠠᠭᠠᠷ ᠬᠢᠯᠢ ᠳᠠᠪᠠᠭᠰᠠᠨ ᠭᠡᠵᠦ ᠣᠷᠤᠰ ᠪᠠᠷᠢᠪᠴᠢᠯᠠᠨ ᠴᠢᠩ ᠤᠯᠤᠰ ᠲᠤ ᠲᠤᠰᠢᠶᠠᠭᠰᠠᠨ ᠳᠤ ᠴᠢᠩ ᠤᠨ ᠵᠠᠰᠠᠭ︽ | ᠬᠢᠯᠢ ᠳᠠᠪᠠᠭᠰᠠᠨ ᠶᠠᠯᠠ︾ ᠪᠠᠷ ᠬᠢᠯᠲᠠᠢ ᠵᠠᠩᠭᠢ ᠶᠢ ᠣᠳᠣ ᠶᠢᠨ ᠮᠣᠩᠭᠤᠯ ᠤᠯᠤᠰ ᠤᠨ ᠳᠣᠷᠣᠨᠠᠲᠤ ᠠᠶᠢᠮᠠᠭ ᠤᠨ ᠴᠢᠯᠠᠭᠤᠨ ᠬᠤᠷᠤᠭᠠᠲᠤ ᠰᠤᠮᠤ ᠶᠢᠨ ᠨᠤᠲᠤᠭ ᠲᠤ᠂ | ᠮᠣᠩᠭᠤᠯ ᠤᠨ ᠲᠠᠯᠠ ᠶᠢᠨ ᠬᠢᠯᠢ ᠳᠡᠭᠡᠷᠡ ᠪᠠᠶᠠᠨ ᠬᠠᠨ ᠭᠡᠳᠡᠭ ᠲᠠᠬᠢᠯᠭᠠ ᠲᠠᠢ ᠪᠠᠰᠠᠷᠠᠩ ᠠᠭᠤᠯᠠ ᠶᠢᠨ ᠠᠷᠤ ᠪᠠᠯ᠂ ᠣᠷᠤᠰ ᠤᠨ ᠬᠢᠯᠢ ᠶᠢᠨ ᠡᠮᠦᠨᠡ ᠲᠠᠯᠠ ᠪᠣᠯᠬᠤ | ᠪᠠᠷᠠᠭᠤᠨ ᠲᠠᠷᠢ ᠨᠠᠭᠤᠷ ᠤᠨ ᠤᠷᠲᠤ ᠡᠩᠭᠡᠷ ᠲᠤ ᠴᠠᠭᠠᠵᠠᠯᠠᠭᠠᠳ ᠡᠮᠦᠨᠡ ᠨᠢ ᠪᠣᠰᠬᠠᠭᠠᠳ ᠪᠠᠶᠢᠭᠰᠠᠨ ᠬᠢᠯᠢ ᠶᠢᠨ ᠣᠪᠣᠭᠠᠨ ᠤ ᠭᠤᠣᠯ ᠣᠷᠣᠢ ᠳᠤ ᠬᠠᠳᠬᠤᠭᠰᠠᠨ | ᠮᠣᠳᠣᠨ ᠳᠤ︵ᠭᠠᠨᠵᠢᠷᠠ ᠳᠤ︶ ᠲᠣᠯᠣᠭᠠᠢ ᠶᠢ ᠨᠢ ᠭᠡᠵᠢᠭᠡ ᠠᠴᠠ ᠨᠢ ᠤᠶᠠᠵᠤ ᠣᠷᠬᠢᠭᠰᠠᠨ ᠪᠠᠶᠢᠨᠠ᠃ ᠮᠣᠩᠭᠤᠯ ᠤᠨ ᠬᠢᠯᠢ ᠶᠢᠨ51 ᠳ᠋ᠦ᠋ᠭᠡᠷ ᠣᠪᠣᠭᠠ᠂ | ᠬᠢᠯᠢ ᠶᠢᠨ1263 ᠳ᠋ᠤᠭᠠᠷ ᠪᠠᠭᠠᠨᠠ ᠨᠢ ᠡᠳᠦᠭᠡ ᠬᠦᠷᠲᠡᠯᠡ ︽ᠭᠡᠵᠢᠭᠡᠲᠦ ᠶᠢᠨ ᠣᠪᠣᠭᠠ︾ ᠬᠡᠮᠡᠨ ᠨᠡᠷᠡᠯᠡᠭᠳᠡᠭᠰᠡᠭᠡᠷ ᠪᠠᠶᠢᠨᠠ᠃ | ᠠᠷᠪᠠᠨ ᠲᠠᠪᠤ᠂1732 ᠣᠨ ᠳᠤ ᠮᠠᠨᠵᠤ ᠴᠢᠩ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ᠂ ᠪᠤᠳᠬᠠ ᠶᠢᠨ ᠭᠠᠵᠠᠷ ᠠᠴᠠ1636 ᠰᠣᠯᠣᠨ ᠴᠡᠷᠢᠭ᠂730 ᠳᠠᠭᠤᠷ ᠴᠡᠷᠢᠭ᠂ | 359 ᠣᠷᠴᠣᠨ ᠴᠡᠷᠢᠭ᠂275 ᠪᠠᠷᠭᠤ ᠴᠡᠷᠢᠭ᠂ ᠪᠦᠭᠦᠳᠡ3000 ᠴᠡᠷᠢᠭ ᠢ ᠭᠡᠷ ᠪᠦᠯᠢ ᠶᠢᠨ ᠬᠠᠮᠲᠤ ᠬᠥᠯᠥᠨ ᠪᠤᠶᠢᠷ ᠲᠤ ᠨᠡᠭᠦᠯᠭᠡᠨ ᠢᠷᠡᠭᠦᠯᠵᠦ᠂ ᠰᠣᠯᠣᠨ ᠨᠠᠢᠮᠠᠨ | ᠬᠤᠰᠢᠭᠤ᠂ ᠬᠤᠶᠠᠷ ᠭᠠᠷ᠂ ᠲᠠᠪᠢᠨ ᠰᠤᠮᠤ ᠪᠣᠯᠭᠠᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠪᠠ᠃ | ᠠᠷᠪᠠᠨ ᠵᠢᠷᠭᠤᠭᠠ᠂ ᠨᠠᠶᠢᠷᠠᠯᠲᠤ ᠲᠥᠪ ᠤᠨ ᠠᠷᠪᠠᠳᠤᠭᠠᠷ ᠣᠨ︵1733 ᠣᠨ︶ ᠳᠤ800 ᠪᠠᠷᠭᠤ ᠵᠣᠨ ᠨᠣᠪᠰ ᠠᠭᠤᠯᠠ᠂ ᠦᠳᠢ ᠭᠤᠣᠯ ᠠᠴᠠ | ᠨᠡᠭᠦᠵᠦ᠂ ᠴᠢᠩ ᠤᠯᠤᠰ ᠲᠤ ᠳᠠᠭᠠᠵᠤ ᠢᠷᠡᠭᠰᠡᠨ ᠳᠤ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠦᠭᠡᠢ ᠪᠤᠴᠠᠭᠠᠭᠰᠠᠨ ᠳᠤ ᠣᠷᠤᠰ ᠤᠳ ᠲᠡᠳᠡᠨ ᠢ ᠪᠦᠬᠦᠨ ᠢ ᠬᠢᠳᠤᠵᠤ ᠬᠦᠢᠰᠦ | ᠲᠡᠮᠲᠡᠷᠢᠭᠰᠡᠨ ᠪᠠᠶᠢᠨᠠ᠃ | ᠠᠷᠪᠠᠨ ᠳᠣᠯᠤᠭᠠ᠂1734 ᠣᠨ ᠳᠤ ᠬᠠᠯᠬᠠ ᠶᠢᠨ ᠰᠡᠴᠡᠨ ᠬᠠᠨ ᠠᠶᠢᠮᠠᠭ ᠠᠴᠠ2400 ᠪᠠᠷᠭᠤ ᠴᠡᠷᠢᠭ ᠢ ᠭᠡᠷ ᠪᠦᠯᠢ ᠶᠢᠨ ᠬᠠᠮᠲᠤ ᠬᠥᠯᠥᠨ | ᠪᠤᠶᠢᠷ ᠲᠤ ᠨᠡᠭᠦᠯᠭᠡᠨ ᠢᠷᠡᠭᠦᠯᠵᠦ ᠰᠢᠨᠡ ᠪᠠᠷᠭᠤ ᠨᠠᠢᠮᠠᠨ ᠬᠤᠰᠢᠭᠤ᠂ ᠬᠤᠶᠠᠷ ᠭᠠᠷ᠂ ᠳᠥᠴᠢᠨ ᠰᠤᠮᠤ ᠪᠣᠯᠭᠠᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠠᠢ᠃ | ᠠᠷᠪᠠᠨ ᠨᠠᠢᠮᠠ᠂1740 ᠣᠨ ᠳᠤ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠭᠠᠷ ᠤᠨ ᠨᠤᠲᠤᠭ ᠤᠨ ᠭᠤᠣᠯ ᠳᠤ ᠰᠦᠨᠳᠡᠷᠯᠡᠭᠰᠡᠨ︽ᠬᠦᠢᠲᠡᠨ ᠬᠠᠷᠠᠭᠠᠲᠤ︾ ᠬᠡᠮᠡᠨ | ᠨᠡᠷᠡᠶᠢᠳᠴᠦ ᠪᠠᠶᠢᠭᠰᠠᠨ ᠮᠡᠨᠡᠩ ᠤᠨ ᠪᠣᠭᠳᠠ ᠠᠭᠤᠯᠠ ᠶᠢ︽ᠳᠤᠯᠠᠭᠠᠨ ᠬᠠᠷᠠᠭᠠᠲᠤ︾ ᠬᠡᠮᠡᠨ ᠨᠡᠷᠡ ᠶᠢ ᠨᠢ ᠥᠭᠡᠷᠡᠴᠢᠯᠡᠭᠡᠳ ᠭᠤᠣᠯ ᠣᠪᠣᠭᠠ ᠪᠣᠰᠬᠠᠨ | ᠬᠤᠰᠢᠭᠤ ᠪᠠᠷ ᠢᠶᠠᠨ ᠳᠠᠬᠢᠵᠤ᠂ ᠭᠠᠳᠠᠨᠠ ᠪᠠᠰᠠ12 ᠰᠤᠮᠤ ᠪᠦᠷᠢ ᠨᠢᠵᠡᠭᠡᠳ ᠣᠪᠣᠭᠠ ᠪᠣᠰᠬᠠᠨ ᠲᠠᠬᠢᠵᠠᠢ᠃ | ᠠᠷᠪᠠᠨ ᠶᠢᠰᠦ᠂ ᠪᠠᠷᠭᠤᠴᠤᠳ ᠨᠠᠶᠢᠮᠠᠷ ᠤᠨ ᠳᠡᠭᠡᠷᠡᠮ ᠠᠴᠠ ᠳᠦᠷᠪᠡᠵᠦ ᠶᠠᠪᠤᠭᠰᠠᠨ ᠠᠷᠪᠠᠨ ᠵᠢᠯ ᠳᠤ1762 ᠣᠨ ᠤ ᠬᠠᠷᠠ ᠮᠣᠷᠢᠨ ᠵᠢᠯ ᠤᠨ ᠵᠤᠨ | ᠨᠠᠭᠠᠲᠠᠢ ᠶᠢᠨ ᠨᠠᠷᠠᠰᠤᠨ ᠠᠴᠠ ᠮᠡᠨᠡᠩ ᠤᠨ ᠪᠣᠭᠳᠠ ᠠᠭᠤᠯᠠ ᠪᠠᠨ ᠲᠠᠬᠢᠵᠤ ᠪᠠᠶᠢᠭᠰᠠᠨ ᠪᠢᠯᠡ᠃ | ᠬᠤᠷᠢ᠂ ᠰᠢᠨᠡ ᠪᠠᠷᠭᠤᠴᠤᠳ ᠬᠥᠯᠥᠨ ᠪᠤᠶᠢᠷ ᠲᠤ ᠨᠤᠲᠤᠭᠰᠢᠨ ᠰᠠᠭᠤᠷᠢᠰᠢᠭᠰᠠᠨ ᠤ ᠳᠠᠷᠠᠭᠠ᠂ ᠠᠭᠠᠵᠢᠮ ᠢᠶᠠᠷ ᠰᠦᠮᠡ ᠬᠡᠶᠢᠳ ᠪᠠᠷᠢᠨ᠂ ᠯᠠᠮᠠ | ᠬᠤᠸᠠᠷᠠᠭ ᠣᠯᠠᠰᠢᠷᠠᠵᠤ᠂ ᠲᠡᠭᠷᠢ ᠶᠢᠨ ᠲᠡᠳᠬᠦᠭᠰᠡᠨ ᠤ ᠳᠥᠴᠢᠨ ᠶᠢᠰᠦᠳᠦᠭᠡᠷ︵1784︶ ᠣᠨ ᠳᠤ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠭᠠᠷ ᠤᠨ ᠬᠤᠰᠢᠭᠤᠨ ᠤ ᠪᠤᠶᠠᠨᠲᠤ | ᠪᠦᠷᠢᠳᠦ ᠬᠡᠮᠡᠬᠦ ᠭᠠᠵᠠᠷ ᠲᠤ ᠰᠢᠨᠡ ᠪᠠᠷᠭᠤ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠲᠠᠬᠢᠯᠭᠠᠲᠤ ᠭᠠᠨᠵᠤᠤᠷ ᠰᠦᠮᠡ︵ᠥᠯᠵᠡᠢ ᠡᠩᠬᠡᠵᠢᠭᠦᠯᠦᠭᠴᠢ ᠰᠦᠮᠡ︶ ᠶᠢ ᠪᠠᠶᠢᠭᠤᠯᠪᠠ᠃ |