| ᠭᠠᠨᠵᠤᠤᠷ ᠰᠦᠮᠡ ᠪᠣᠯ ᠬᠥᠯᠥᠨ ᠪᠤᠶᠢᠷ ᠤᠨ ᠲᠠᠯᠠ ᠨᠤᠲᠤᠭ ᠲᠤ ᠪᠠᠶᠢᠳᠠᠭ ᠬᠠᠮᠤᠭ ᠤᠨ ᠲᠣᠮᠣ ᠪᠤᠳ᠋ᠳ᠋ᠾᠠ ᠶᠢᠨ ᠱᠠᠰᠢᠨ ᠤ ᠰᠦᠮᠡ ᠪᠣᠯᠬᠤ ᠪᠥᠭᠡᠳ | ᠤᠯᠤᠰ ᠤᠨ︽AAA︾ ᠳᠡᠰ ᠤᠨ ᠲᠡᠦᠬᠡᠨ ᠦᠵᠡᠮᠵᠢᠲᠦ ᠭᠠᠵᠠᠷ ᠪᠣᠯᠣᠨᠠ᠃ | ᠭᠠᠨᠵᠤᠤᠷ ᠰᠦᠮᠡ ᠨᠢ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠲᠥᠪ ᠠᠮᠤᠭᠤᠯᠠᠩ ᠪᠠᠯᠭᠠᠰᠤ ᠠᠴᠠ ᠬᠤᠶᠢᠰᠢ20 ᠺᠢᠯᠣᠮᠧᠲᠷ ᠲᠤ ᠪᠠᠶᠢᠭᠠ ᠪᠤᠶᠠᠨᠲᠤ | ᠪᠦᠷᠢᠳᠦ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠳᠡᠨᠵᠢᠨ ᠳᠡᠭᠡᠷᠡ ᠰᠦᠨᠳᠡᠷᠯᠡᠵᠦ ᠪᠤᠢ᠃ ᠲᠤᠰ ᠰᠦᠮᠡ ᠶᠢᠨ ᠵᠢᠩᠬᠢᠨᠢ ᠨᠡᠷᠡ ᠨᠢ︽ᠥᠯᠵᠡᠢ ᠡᠩᠬᠡᠵᠢᠭᠦᠯᠦᠭᠴᠢ ᠰᠦᠮᠡ︾ ᠭᠡᠳᠡᠭ | ᠪᠣᠯᠪᠠᠴᠤ108 ᠪᠣᠳᠢ ᠰᠢᠩᠬᠤᠨ ᠤᠯᠠᠭᠠᠨ︽ᠭᠠᠨᠵᠤᠤᠷ︾ ᠨᠣᠮ ᠢ ᠲᠤᠰᠬᠠᠶᠢᠯᠠᠨ ᠵᠠᠯᠠᠵᠤ ᠰᠢᠲᠦᠵᠦ ᠪᠠᠶᠢᠭᠠ ᠲᠤᠯᠠ︽ᠪᠠᠷᠭᠤ ᠶᠢᠨ ᠤᠯᠠᠭᠠᠨ ᠭᠠᠨᠵᠤᠤᠷ ᠰᠦᠮᠡ︾ | ᠭᠡᠵᠦ ᠬᠤᠯᠠ ᠣᠶᠢᠷᠠ ᠳᠤ ᠠᠯᠳᠠᠷᠰᠢᠵᠠᠢ᠃ ᠭᠠᠨᠵᠤᠤᠷ ᠰᠦᠮᠡ ᠶᠢᠨ ᠪᠠᠷᠢᠯᠭᠠ1781ᠣᠨ ᠠᠴᠠ ᠡᠬᠢᠯᠡᠵᠦ1785 ᠣᠨ ᠳᠤ ᠳᠠᠭᠤᠰᠴᠤ᠂ ᠴᠢᠩ ᠤᠯᠤᠰ ᠤᠨ | ᠲᠡᠭᠷᠢ ᠲᠡᠳᠬᠦᠭᠴᠢ ᠬᠠᠭᠠᠨ ᠠᠴᠠ︽ᠥᠯᠵᠡᠢ ᠡᠩᠬᠡᠵᠢᠭᠦᠯᠦᠭᠴᠢ ᠰᠦᠮᠡ︾ ᠭᠡᠰᠡᠨ ᠴᠣᠯᠠ ᠬᠠᠶᠢᠷᠠᠯᠠᠭᠰᠠᠨ ᠪᠥᠭᠡᠳ ᠭᠠᠨᠵᠤᠤᠷ ᠰᠦᠮᠡ ᠪᠦᠬᠦᠢ ᠳᠤ ᠪᠠᠨ11 ᠰᠦᠮᠡ᠂ | 4 ᠵᠢᠰᠠ ᠪᠣᠯᠣᠨ100 ᠭᠠᠷᠤᠢ ᠲᠠᠰᠤᠯᠭᠠ ᠯᠠᠮᠠ ᠨᠠᠷ ᠤᠨ ᠣᠷᠣᠨ ᠰᠠᠭᠤᠴᠠ ᠪᠦᠬᠦᠢ ᠪᠠᠷᠢᠯᠭᠠ ᠶᠢᠨ ᠲᠠᠯᠠᠪᠠᠢ ᠨᠢ1 ᠲᠦᠮᠡ ᠭᠠᠷᠤᠢ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ | ᠪᠠᠶᠢᠵᠤ᠂ ᠬᠢᠲᠠᠳ ᠮᠣᠩᠭᠤᠯ ᠲᠥᠪᠡᠳ ᠮᠠᠶ᠋ᠢᠭ ᠤᠨ3 ᠲᠦᠷᠦᠯ ᠤᠨ ᠬᠡᠪ ᠨᠠᠮᠪᠠ᠂ ᠰᠣᠶᠣᠯ ᠤᠷᠠᠯᠢᠭ ᠢ ᠤᠶᠠᠯᠳᠤᠭᠤᠯᠤᠭᠰᠠᠨ ᠭᠠᠶᠢᠬᠠᠮᠰᠢᠭᠲᠤ ᠪᠠᠷᠢᠯᠭᠠ ᠪᠣᠯᠣᠨᠠ᠃ | ᠣᠳᠣ ᠤᠤᠯ ᠤᠨ ᠶᠠᠫᠤᠨ ᠴᠡᠷᠢᠭ ᠤᠨ ᠽᠧᠮᠧᠨᠲ ᠪᠠᠬᠢᠯᠡᠯᠲᠡ ᠨᠦᠭᠦᠳ᠂ ᠬᠤᠰᠢᠭᠤ ᠣᠪᠣᠭᠠ᠂ ᠭᠠᠨᠵᠤᠤᠷ ᠤᠨ ᠪᠦᠷᠢᠳᠦ ᠪᠣᠯᠣᠨ ᠰᠦᠮᠡ ᠳᠤᠭᠠᠩ᠂ | ᠥᠯᠵᠡᠶᠢᠲᠦ ᠰᠤᠪᠤᠷᠭᠠ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠱᠠᠰᠢᠨ ᠰᠢᠲᠦᠯᠭᠡ᠂ ᠰᠣᠶᠣᠯ ᠲᠡᠦᠬᠡ᠂ ᠬᠠᠭᠤᠴᠢ ᠪᠣᠳᠠᠰ᠂ ᠵᠠᠩ ᠦᠢᠯᠡ᠂ ᠲᠠᠯᠠ ᠨᠤᠲᠤᠭ ᠤᠨ ᠠᠮᠢ ᠠᠬᠤᠢ ᠶᠢᠨ | ᠬᠠᠮᠠᠭᠠᠯᠠᠯᠲᠠ ᠶᠢ ᠪᠠᠭᠲᠠᠭᠠᠭᠰᠠᠨ︽ᠭᠠᠨᠵᠤᠤᠷ︱ ᠪᠠᠷᠭᠤ ᠮᠣᠩᠭᠤᠯ ᠤᠨ ᠶᠡᠭᠡ ᠴᠠᠶᠢᠵᠠ︾ ᠵᠢᠭᠤᠯᠴᠢᠯᠠᠯ ᠤᠨ ᠲᠣᠭᠤᠷᠢᠭ ᠪᠣᠯᠣᠨ ᠬᠥᠭᠵᠢᠵᠦ ᠪᠠᠶᠢᠨᠠ᠃ | ᠭᠠᠨᠵᠤᠤᠷ ᠰᠦᠮᠡ ᠳᠤ ᠠᠮᠤᠭᠤᠯᠠᠩ ᠠᠴᠠ ᠭᠠᠨᠵᠤᠤᠷ ᠬᠦᠷᠬᠦ ᠬᠤᠶᠠᠳᠤᠭᠠᠷ ᠳᠡᠰ ᠤᠨ ᠲᠤᠰᠬᠠᠢ ᠱᠤᠭᠤᠮ ᠤᠨ ᠵᠠᠰᠠᠮᠠᠯ ᠵᠠᠮ ᠨᠡᠪᠲᠡᠷᠡᠵᠦ᠂ ᠬᠠᠶᠢᠯᠠᠷ | ᠬᠤᠲᠠ ᠠᠴᠠ180 ᠺᠢᠯᠣᠮᠧᠲᠷ᠂ ᠮᠠᠨᠵᠤᠤᠷ ᠬᠤᠲᠠ ᠠᠴᠠ200 ᠺᠢᠯᠣᠮᠧᠲᠷ᠂ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠠᠯᠲᠠᠨᠡᠮᠡᠭᠡᠯ ᠪᠠᠯᠭᠠᠰᠤ ᠠᠴᠠ100 | ᠺᠢᠯᠣᠮᠧᠲᠷ᠂ ᠬᠢᠩᠭᠠᠨ ᠠᠶᠢᠮᠠᠭ ᠤᠨ ᠷᠠᠰᠢᠶᠠᠨ ᠬᠤᠲᠠ ᠠᠴᠠ205 ᠺᠢᠯᠣᠮᠧᠲᠷ ᠵᠠᠶᠢᠲᠠᠢ ᠣᠷᠣᠰᠢᠵᠤ ᠪᠤᠢ᠃ |