ᠠᠶᠠᠯᠠᠯ ᠵᠢᠭᠤᠯᠴᠢᠯᠡᠯ ᠤᠨ ᠦᠵᠡᠮᠵᠢᠲᠦ ᠣᠷᠣᠨ | ᠵᠢᠭᠤᠯᠴᠢᠯᠠᠯ ᠤᠨ ᠦᠢᠯᠡᠰ ᠪᠤᠯ ᠯᠤᠲᠤ ᠶᠡᠭᠡ ᠬᠦᠭᠵᠢᠯᠲᠡ ᠶᠢᠨ ᠨᠦᠭᠡᠴᠡ ᠬᠦᠴᠦᠨ ᠪᠦᠬᠦᠢ ᠪᠠᠶᠢᠯᠳᠤᠬᠤ | ᠪᠤᠳᠤᠯᠭᠠ ᠶᠢᠨ ᠴᠢᠨᠠᠷᠲᠠᠢ ᠰᠢᠨᠡ ᠪᠠᠷ ᠮᠠᠨᠳᠤᠵᠤ ᠪᠠᠶᠢᠭᠠ ᠠᠵᠤ ᠦᠢᠯᠠᠰ ᠪᠦᠭᠡᠳ ᠠᠷᠠᠳ ᠢᠶᠠᠨ ᠪᠠᠶᠠᠵᠢᠭᠤᠯᠬᠤ | ᠠᠵᠤ ᠦᠢᠯᠠᠰ ᠪᠤᠯᠤᠨᠠ᠃ ᠮᠥᠨ ᠴᠦ ᠤᠯᠤᠰ ᠠᠷᠠᠳ ᠤᠨ ᠠᠵᠤ ᠠᠬᠤᠢ ᠶᠢᠨ ᠲᠤᠯᠭᠠᠭᠤᠷᠢ ᠠᠵᠤ ᠦᠢᠯᠠᠰ ᠪᠠ | ᠤᠳᠤ ᠦᠶᠡ ᠶᠢᠨ ᠠᠷᠠᠳ ᠤᠯᠠᠨ ᠤ ᠦᠢᠯᠡᠴᠢᠯᠡᠭᠡᠨ ᠤ ᠠᠵᠤ ᠦᠢᠯᠠᠰ ᠪᠤᠯᠬᠤ ᠶᠤᠮ᠃ ᠵᠢᠭᠤᠯᠴᠢᠯᠠᠯ ᠤᠨ ᠦᠢᠯᠡᠰ | ᠢ ᠬᠦᠭᠵᠢᠭᠦᠯᠬᠦ ᠨᠢ ᠭᠤᠷᠪᠠᠳᠤᠭᠠᠷ ᠠᠵᠤ ᠦᠢᠯᠡᠰ ᠢ ᠬᠦᠭᠵᠢᠭᠦᠯᠬᠦ᠂ ᠠᠵᠤ ᠠᠬᠤᠢ ᠶᠢᠨ ᠪᠦᠲᠦᠴᠡ ᠳᠤ | ᠲᠤᠬᠢᠷᠠᠭᠤᠯᠤᠯᠲᠠ ᠬᠢᠬᠦ᠂ ᠦᠨᠳᠦᠰᠦᠲᠡᠨ ᠤ ᠰᠤᠶᠤᠯ ᠢᠶᠠᠨ ᠤᠯᠠᠮᠵᠢᠯᠠᠨ ᠬᠦᠭᠵᠢᠭᠦᠯᠬᠦ᠂ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠢ | ᠰᠠᠶᠢᠵᠢᠷᠠᠭᠤᠯᠬᠤ ᠵᠢᠴᠢ ᠤᠷᠴᠢᠨ ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠵᠡᠷᠭᠡ ᠲᠠᠯᠠ ᠳᠤ ᠴᠦᠮ ᠴᠢᠬᠤᠯᠠ ᠶᠡᠭᠡ ᠠᠴᠢ | ᠬᠤᠯᠪᠤᠭᠳᠠᠯᠲᠠᠢ ᠶᠤᠮ᠃ | ᠲᠤᠰ ᠬᠡᠰᠡᠭ ᠲᠤ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ 10 ᠭᠤᠤᠯᠳᠠᠯᠭᠠ ᠲᠠᠢ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ | ᠦᠵᠡᠮᠵᠢᠲᠦ ᠤᠷᠤᠨ ᠢ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠨᠢᠭᠡ᠂ ᠭᠠᠨᠵᠦᠦᠷ ᠰᠦᠮᠡ ᠶᠢᠨ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢᠲᠦ ᠭᠠᠵᠠᠷ | ᠭᠠᠨᠵᠣᠣᠷ ᠰᠦᠮᠡ ᠪᠣᠯ ᠬᠦᠯᠦᠨ ᠪᠣᠶᠢᠷ ᠤᠨ ᠲᠠᠯᠠ ᠨᠣᠲᠤᠭ ᠲᠠᠬᠢ ᠬᠠᠮᠤᠭ ᠤᠨ ᠲᠣᠮᠣ ᠪᠣᠳ᠋ᠳ᠋ᠾᠠ ᠶᠢᠨ | ᠱᠠᠰᠢᠨ ᠤ ᠰᠦᠮᠡ ᠪᠣᠯᠬᠤ ᠪᠦᠭᠡᠳ ᠣᠯᠣᠰ ᠤᠨ ︽AAA︾ ᠲᠡᠰ ᠤᠨ ᠲᠡᠣᠬᠡᠨ ᠦᠵᠡᠮᠵᠢᠲᠦ ᠭᠠᠵᠠᠷ ᠪᠣᠯᠣᠨᠠ᠃ | | ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠲᠦᠪ ᠠᠮᠣᠭᠤᠯᠠᠩ ᠪᠠᠯᠭᠠᠰᠦ ᠠᠴᠠ ᠬᠤᠶᠢᠰᠢ 20 ᠺᠢᠯᠣᠮᠧᠲᠷ ᠲᠤ | ᠪᠠᠶᠢᠭᠠ ᠪᠣᠶᠠᠨᠲᠦ ᠪᠦᠷᠢᠲᠦ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠲᠡᠨᠵᠢᠨ ᠲᠡᠭᠡᠷᠡ ᠰᠦᠨᠳᠡᠷᠯᠡᠵᠦ ᠪᠣᠢ᠃ ᠲᠣᠰ ᠰᠦᠮᠡ ᠶᠢᠨ | ᠵᠢᠩᠬᠢᠨᠢ ᠨᠡᠷᠡ ᠨᠢ ︽ᠦᠯᠵᠡᠢ ᠡᠩᠭᠡᠵᠢᠭᠦᠯᠦᠭᠴᠢ ᠰᠦᠮᠡ︾ ᠭᠡᠳᠡᠭ ᠪᠣᠯᠪᠠᠴᠦ 108 ᠪᠣᠳᠢ ᠶᠢᠨ ᠭᠠᠨᠵᠣᠣᠷ ᠨᠣᠮ | ᠢ ᠲᠣᠰᠬᠠᠶᠢᠯᠠᠨ ᠵᠠᠯᠠᠵᠦ ᠰᠢᠲᠦᠵᠦ ᠪᠠᠶᠢᠭᠠ ᠲᠣᠯᠠ ︽ᠪᠠᠷᠭᠤ ᠶᠢᠨ ᠣᠯᠠᠭᠠᠨ ᠭᠠᠨᠵᠦᠦᠷ ᠰᠦᠮᠡ︾ ᠭᠡᠵᠦ ᠬᠤᠯᠠ | ᠣᠶᠢᠷᠠ ᠳᠤ ᠠᠯᠳᠠᠷᠰᠢᠵᠠᠢ᠃ ᠠᠩᠬᠠ 1781 ᠣᠨ ᠠᠴᠠ ᠡᠬᠢᠯᠡᠵᠦ ᠪᠠᠯᠡᠳᠭᠡᠭᠡᠳ 1785 ᠣᠨ ᠳᠤ ᠪᠠᠷᠢᠯᠭᠠ | ᠲᠠᠭᠤᠰᠴᠦ᠂ ᠴᠢᠩ ᠣᠯᠣᠰ ᠤᠨ ᠲᠡᠭᠷᠢ ᠲᠡᠳᠬᠦᠭᠴᠢ ᠬᠠᠭᠠᠨ ᠠᠴᠠ ︽ᠦᠯᠵᠡᠢ ᠡᠩᠭᠡᠵᠢᠭᠦᠯᠦᠭᠴᠢ ᠰᠦᠮᠡ︾ | ᠭᠡᠰᠡᠨ ᠴᠣᠯᠠ ᠬᠠᠶᠢᠷᠠᠯᠠᠭᠰᠠᠨ ᠪᠦᠭᠡᠳ ᠭᠠᠨᠵᠦᠦᠷ ᠰᠦᠮᠡ ᠪᠦᠬᠦᠢ ᠳᠡᠭᠡᠨ 11 ᠰᠠᠭᠤᠷᠢ ᠰᠦᠮᠡ᠂ 4 ᠵᠢᠰᠠ | ᠪᠣᠯᠣᠨ 100 ᠭᠠᠷᠣᠢ ᠲᠠᠰᠣᠯᠭᠠ ᠯᠠᠮᠠ ᠨᠠᠷ ᠤᠨ ᠣᠷᠣᠨ ᠰᠠᠭᠤᠴᠠ ᠪᠦᠬᠦᠢ ᠪᠠᠷᠢᠯᠭᠠ ᠶᠢᠨ ᠲᠠᠯᠠᠪᠠᠢ 1 ᠲᠦᠮᠡ | ᠭᠠᠷᠣᠢ ᠬᠠᠪᠲᠠᠭᠠᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠪᠠᠶᠢᠵᠦ᠂ ᠮᠣᠩᠭᠤᠯ᠂ ᠲᠦᠪᠡᠳ᠂ ᠬᠢᠲᠠᠳ ᠮᠠᠶ᠋ᠢᠭ ᠤᠨ ᠭᠤᠷᠪᠠᠨ | ᠲᠦᠷᠦᠯ ᠤᠨ ᠬᠡᠪ ᠨᠠᠮᠪᠠ᠂ ᠰᠣᠶᠣᠯ ᠣᠷᠠᠯᠠᠯ ᠢ ᠣᠶᠠᠯᠳᠣᠭᠤᠯᠣᠭᠰᠠᠨ ᠭᠠᠶᠢᠬᠠᠮᠰᠢᠬᠲᠦ ᠪᠠᠷᠢᠯᠭᠠ ᠪᠣᠯᠣᠨᠠ᠃ | 1966 ᠣᠨ ᠳᠤ ︽ᠰᠣᠶᠣᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾ ᠤᠨ ᠲᠣᠮᠳᠠ ᠬᠤᠪᠬᠤ ᠡᠪᠳᠡᠭᠳᠡᠵᠦ᠂ 2001 | — 2003 ᠣᠨ ᠳᠤ ᠲᠠᠬᠢᠨ ᠰᠢᠨᠡ ᠪᠠᠷ ᠰᠡᠷᠭᠦᠭᠡᠨ ᠪᠠᠶᠢᠭᠤᠯᠵᠦ᠂ ᠣᠳᠣ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ | ᠵᠢᠭᠤᠯᠴᠢᠯᠡᠯ ᠤᠨ ᠦᠵᠡᠮᠵᠢᠲᠦ ᠣᠷᠣᠨ ᠤ ᠭᠤᠣᠯᠳᠠᠯᠭᠠ ᠲᠠᠢ ᠭᠠᠵᠠᠷ ᠪᠣᠯᠵᠦ ᠪᠠᠶᠢᠨᠠ᠃ | ᠣᠳᠣ ᠣᠣᠯ ᠤᠨ ᠶᠠᠫᠣᠨ ᠴᠡᠷᠢᠭ ᠤᠨ ᠼᠧᠮᠧᠨ᠋ᠲ ᠪᠠᠬᠢᠯᠡᠯᠲᠡ᠂ ᠲᠠᠬᠢᠯᠭᠠ ᠶᠢᠨ ᠣᠪᠣᠭᠠ ᠪᠣᠯᠣᠨ ᠰᠦᠮᠡ | ᠲᠣᠭᠠᠩ᠂ ᠦᠯᠵᠡᠶᠢᠲᠦ ᠰᠣᠪᠣᠷᠭᠠ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠱᠠᠰᠢᠨ ᠰᠢᠲᠦᠯᠭᠡ᠂ ᠰᠣᠶᠣᠯ ᠲᠡᠣᠬᠡ᠂ ᠬᠠᠭᠤᠴᠢ ᠪᠣᠳᠠᠰ᠂ | ᠦᠨᠳᠦᠰᠦᠲᠡᠨ ᠤ ᠵᠠᠩ ᠦᠢᠯᠡ᠂ ᠲᠠᠯᠠ ᠨᠣᠲᠤᠭ ᠤᠨ ᠠᠮᠢ ᠠᠬᠤᠢ ᠶᠢᠨ ᠬᠠᠮᠠᠭᠠᠯᠠᠯᠲᠠ ᠶᠢ ᠪᠠᠭᠳᠠᠭᠠᠭᠰᠠᠨ ︽ | ᠭᠠᠨᠵᠣᠣᠷ — ᠪᠠᠷᠭᠤ ᠮᠣᠩᠭᠤᠯ ᠤᠨ ᠶᠡᠭᠡ ᠴᠠᠶᠢᠵᠠ︾ ᠵᠢᠭᠤᠯᠴᠢᠯᠠᠯ ᠤᠨ ᠲᠣᠭᠤᠷᠢᠭ ᠪᠤᠯᠤᠨ ᠬᠦᠭᠵᠢᠵᠦ ᠪᠠᠶᠢᠨᠠ᠃ | | ᠭᠠᠨᠵᠣᠣᠷ ᠰᠦᠮᠡ ᠳᠤ ᠠᠮᠣᠭᠤᠯᠠᠩ ᠠᠴᠠ ᠭᠠᠨᠵᠣᠣᠷ ᠬᠦᠷᠬᠦ ᠬᠤᠶᠠᠳᠣᠭᠠᠷ ᠲᠡᠰ ᠤᠨ ᠲᠣᠰᠬᠠᠢ ᠱᠣᠭᠤᠮ | ᠤᠨ ᠵᠠᠰᠠᠮᠠᠯ ᠵᠠᠮ ᠨᠡᠪᠲᠡᠷᠡᠵᠦ᠂ ᠬᠠᠶᠢᠯᠠᠷ ᠲᠣᠭᠤᠷᠢᠭ ᠠᠴᠠ 180 ᠺᠢᠯᠣᠮᠧᠲᠷ᠂ ᠮᠠᠨᠵᠣᠣᠷ ᠬᠤᠳᠠ ᠠᠴᠠ 200 | ᠺᠢᠯᠣᠮᠧᠲᠷ᠂ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠠᠯᠳ᠋ᠬᠠᠮᠡᠭᠡᠯ ᠪᠠᠯᠭᠠᠰᠤᠨ ᠠᠴᠠ 100 ᠺᠢᠯᠦᠮᠧᠲᠷ᠂ ᠬᠢᠩᠭᠠᠨ | ᠠᠶᠢᠮᠠᠭ ᠤᠨ ᠷᠠᠰᠢᠶᠠᠨ ᠬᠤᠲᠠ ᠠᠴᠠ 220 ᠺᠢᠯᠣᠮᠧᠲᠷ ᠵᠠᠶᠢᠲᠠᠢ᠂ ᠣᠮᠠᠷᠠᠲᠦ ᠦᠷᠭᠡᠷᠢᠭ ᠤᠨ 48。22、ᠪᠠ | ᠵᠠᠭᠦᠨ ᠣᠷᠳᠣᠷᠢᠭ ᠤᠨ 118。08、 ᠲᠤ ᠣᠷᠣᠰᠢᠵᠦ ᠪᠣᠢ᠃ | ᠬᠤᠶᠠᠷ᠂ ᠨᠣᠮᠣᠨ ᠬᠠᠨ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢᠲᠦ ᠭᠠᠵᠠᠷ | ᠬᠤᠰᠢᠭᠤᠨ ᠲᠦᠪ ᠠᠮᠣᠭᠤᠯᠠᠩ ᠪᠠᠯᠭᠠᠰᠦ ᠠᠴᠠ ᠡᠮᠦᠨᠡᠰᠢ 55 ᠺᠢᠯᠣᠮᠧᠲᠷ ᠵᠠᠶᠢᠲᠠᠢ᠂ ᠣᠮᠠᠷᠠᠲᠦ ᠦᠷᠭᠡᠷᠢᠭ | ᠤᠨ 47。48、ᠪᠠ ᠵᠡᠭᠦᠨ ᠣᠷᠳᠣᠷᠢᠭ ᠤᠨ 118。50、 ᠲᠤ ᠣᠷᠣᠰᠢᠵᠦ᠂ ᠨᠣᠮᠣᠨ ᠬᠠᠨ ᠪᠦᠷᠢᠲᠦ | ᠰᠣᠮᠣᠨ ᠤ ᠨᠣᠲᠤᠭ ᠲᠤ ᠪᠣᠢ᠃ | ᠲᠣᠰ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢᠲᠦ ᠭᠠᠵᠠᠷ ᠨᠢ 1939 ᠣᠨ ᠳᠤ ᠪᠣᠯᠵᠦ ᠦᠩᠭᠡᠷᠡᠭᠰᠡᠨ ︽ᠨᠣᠮᠣᠨ ᠬᠠᠨ | ᠤ ᠲᠠᠶᠢᠨ︾ ᠤ ᠪᠣᠳᠠᠳᠣ ᠲᠠᠯᠠᠪᠣᠷ᠂ ︽ᠨᠣᠮᠣᠨ ᠬᠠᠨ ᠲᠠᠶᠢᠨ ᠤ ᠮᠦᠽᠸᠢ︾ ᠬᠢᠭᠡᠳ ︽ᠡᠩᠭᠡ ᠲᠠᠶᠢᠪᠣᠩ︾ | ᠲᠠᠯᠠᠪᠠᠢ ᠪᠠᠷ ᠪᠦᠷᠢᠯᠳᠦᠵᠡᠢ᠃ | ᠨᠣᠮᠣᠨ ᠬᠠᠨ ᠤ ᠲᠠᠶᠢᠨ ᠤ ᠮᠦᠽᠸᠢ ᠶᠢ 2007 ᠣᠨ ᠳᠤ ᠪᠠᠶᠢᠭᠤᠯᠵᠦ᠂ ᠪᠠᠷᠢᠯᠭᠠ ᠶᠢᠨ ᠪᠦᠬᠦ ᠲᠠᠯᠠᠪᠠᠢ 2, | 264 ᠬᠠᠪᠲᠠᠭᠠᠢ ᠲᠦᠷᠪᠠᠯᠵᠢᠨ ᠮᠧᠲᠷ᠂ ᠪᠦᠬᠦᠳᠡ 4 ᠲᠠᠪᠬᠤᠷ ᠪᠠᠷᠢᠯᠭᠠ ᠪᠣᠯᠣᠨᠠ᠃ 1᠂ 2᠂ 3 ᠳ᠋ᠣᠭᠠᠷ | ᠳᠠᠪᠬᠤᠷ ᠨᠢ ︽ᠨᠣᠮᠣᠨ ᠬᠠᠨ ᠤ ᠲᠠᠶᠢᠨ︾ ᠤ ᠲᠠᠯᠠᠪᠣᠷ ᠠᠴᠠ ᠣᠯᠳᠠᠭᠰᠠᠨ ᠲᠠᠶᠢᠨ ᠤ ᠦᠯᠡᠳᠡᠭᠳᠡᠯ ᠪᠣᠳᠠᠰ᠂ | ᠲᠠᠶᠢᠨ ᠤ ᠲᠠᠯᠠᠪᠣᠷ ᠤᠨ ᠵᠠᠭᠪᠣᠷ᠂ ᠺᠢᠨᠤ᠋ ᠵᠢᠷᠣᠭᠲᠦ ᠲᠠᠩᠬᠢᠮ ᠵᠡᠷᠭᠡ ᠪᠠᠷ ᠪᠦᠷᠢᠯᠳᠦᠵᠦ᠂ ᠲᠦᠷᠪᠡᠳᠦᠭᠡᠷ ᠲᠠᠪᠬᠤᠷ ᠨᠢ | ᠪᠦᠬᠦ ᠲᠠᠶᠢᠨ ᠤ ᠲᠠᠯᠠᠪᠣᠷ ᠤᠨ ᠦᠵᠡᠮᠵᠢ ᠶᠢ ᠰᠣᠨᠢᠷᠬᠠᠬᠤ ᠲᠠᠪᠴᠠᠩ ᠪᠣᠯᠣᠨᠠ᠃ | ᠨᠣᠮᠣᠨ ᠬᠠᠨ ᠤ ᠲᠠᠶᠢᠨ ᠤ ᠮᠦᠽᠸᠢ ᠳᠤ᠂ 300 ᠭᠠᠷᠣᠢ ᠲᠠᠶᠢᠨ ᠤ ᠦᠯᠡᠳᠡᠭᠳᠡᠯ ᠪᠣᠳᠠᠰ᠂ ᠶᠡᠭᠡ ᠬᠡᠮᠵᠢᠶᠡᠨ | ᠤ ᠪᠠᠷᠢᠮᠳᠠᠲᠤ ᠬᠡᠷᠡᠯ ᠵᠢᠷᠤᠭ ᠵᠢᠴᠢ ᠲᠠᠶᠢᠨ ᠤ ᠪᠠᠶᠢᠳᠠᠯ ᠢ ᠢᠯᠡᠳᠭᠡᠭᠰᠡᠨ ᠵᠢᠷᠤᠭ ᠤᠳ ᠪᠠᠶᠢᠵᠦ᠂ ᠲᠣᠬᠠᠢ ᠶᠢᠨ | ᠦᠶᠡ ᠶᠢᠨ ᠵᠦᠪᠯᠡᠯᠲᠦ᠂ ᠮᠣᠩᠭᠤᠯ ᠤᠨ ᠴᠡᠷᠢᠭ᠂ ᠵᠦᠺᠤᠸ᠋ ᠵᠠᠩᠵᠣᠨ ᠪᠣᠯᠣᠨ ᠴᠣᠶᠢᠪᠠᠯᠰᠠᠩ ᠮᠠᠷᠱᠠᠯ ᠤᠨ | ᠵᠢᠯᠣᠭᠤᠳᠣᠯᠭᠠ ᠲᠣᠣᠷᠠ ᠶᠠᠫᠣᠨ ᠤ ᠭᠤᠸᠠᠨᠳᠦ᠋ᠩᠵᠢᠶᠦ᠋ᠨ ᠴᠡᠷᠢᠭ ᠢ ᠢᠯᠠᠭᠰᠠᠨ ᠪᠦᠬᠦ ᠦᠩᠭᠡᠷᠡᠯᠲᠡ ᠶᠢ | ᠢᠯᠡᠳᠭᠡᠭᠰᠡᠨ ᠪᠠᠶᠢᠨᠠ᠃ | ᠲᠣᠰ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢᠲᠦ ᠣᠷᠣᠨ ᠳᠤ᠂ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠲᠠᠶᠢᠨ ᠤ ᠲᠠᠯᠠᠪᠣᠷ ᠪᠣᠯᠬᠤ᠂ | ᠶᠠᠫᠣᠨ ᠴᠡᠷᠢᠭ ᠤᠨ 23 ᠳ᠋ᠣᠭᠠᠷ ᠳ᠋ᠢᠸᠢᠽᠢ ᠪᠣᠯᠣᠨ 6 ᠳ᠋ᠣᠭᠠᠷ ᠬᠤᠷᠢᠶᠠᠨ ᠤ ᠺᠤᠮᠠᠨᠳ᠋ᠯᠠᠬᠤ ᠭᠠᠵᠠᠷ ᠪᠠᠶᠢᠭᠰᠠᠨ | ᠵᠠᠩᠵᠣᠨ ᠰᠦᠮᠡ ᠶᠢᠨ ᠪᠠᠭᠤᠷᠢ᠂ ᠶᠠᠫᠣᠨ ᠴᠡᠷᠢᠭ ᠤᠨ ᠲᠠᠶᠢᠨ ᠳᠤ ᠦᠷᠡᠭᠳᠡᠭᠰᠡᠳ ᠤᠨ ᠬᠦᠰᠢᠶᠡ ᠰᠣᠪᠣᠷᠭᠠ ᠶᠢᠨ | ᠪᠠᠭᠤᠷᠢ᠂ ᠶᠡᠭᠡ ᠫᠣᠣ ᠶᠢᠨ ᠪᠠᠶᠢᠷᠢ ᠶᠢᠨ ᠭᠤᠣ ᠰᠣᠪᠠᠭ ᠤᠨ ᠪᠠᠭᠤᠷᠢ᠂ ᠶᠠᠫᠣᠨ ᠴᠡᠷᠢᠭ ᠤᠨ ᠪᠠᠺᠲ᠋ᠧᠷᠢ ᠶᠢᠨ 731 | ᠣᠲᠷᠢᠶᠠᠲ ᠤᠨ ᠦᠯᠡᠳᠡᠭᠳᠡᠯ ᠪᠠᠭᠤᠷᠢ᠂ ᠶᠠᠫᠣᠨ ᠴᠡᠷᠢᠭ ᠤᠨ ᠴᠢᠨᠳᠠᠷ ᠢ ᠰᠢᠳᠠᠭᠠᠭᠰᠠᠨ ᠪᠠᠭᠤᠷᠢ᠂ ᠶᠠᠫᠣᠨ ᠴᠡᠷᠢᠭ | ᠤᠨ ᠬᠡᠬᠡᠷᠡᠯᠡᠨ ᠪᠠᠶᠢᠯᠳᠣᠬᠤ ᠴᠡᠷᠢᠭ ᠤᠨ ᠡᠮᠨᠡᠯᠬᠡ ᠪᠠᠶᠢᠭᠰᠠᠨ ᠪᠠᠭᠤᠷᠢ ᠵᠢᠴᠢ ᠬᠤᠯᠣᠰᠣᠲᠠᠢ ᠭᠤᠣᠯ ᠤᠨ ᠲᠠᠶᠢᠨ ᠤ | ᠦᠯᠡᠳᠡᠭᠳᠡᠯ ᠪᠠᠭᠤᠷᠢ ᠵᠡᠷᠭᠡ ᠭᠠᠵᠠᠷ ᠤᠳ ᠪᠣᠢ᠃ | 1996 ᠣᠨ ᠳᠤ᠂ ᠦᠪᠦᠷ ᠮᠣᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ | ᠣᠷᠳᠣᠨ ᠠᠴᠠ ᠨᠣᠮᠣᠨ ᠬᠠᠨ ᠭᠠᠵᠠᠷ ᠣᠷᠣᠨ ᠢ ︽ᠡᠬᠡ ᠣᠯᠣᠰ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠬᠦᠮᠦᠵᠢᠯ ᠤᠨ ᠰᠠᠭᠤᠷᠢᠨ | ᠭᠠᠵᠠᠷ︾ ᠵᠢᠴᠢ ︽ᠲᠡᠣᠬᠡᠨ ᠬᠠᠭᠤᠴᠢ ᠪᠣᠳᠠᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠣᠷᠣᠨ︾ ᠤ ᠭᠤᠣᠯᠳᠠᠯᠭᠠ ᠲᠠᠢ ᠭᠠᠵᠠᠷ | ᠣᠷᠣᠨ ᠭᠡᠵᠦ ᠲᠣᠭᠳᠠᠭᠠᠭᠰᠠᠨ ᠪᠠᠶᠢᠨᠠ᠃ | ᠨᠣᠮᠣᠨ ᠬᠠᠨ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢᠲᠦ ᠣᠷᠣᠨ ᠨᠢ ᠬᠠᠶᠢᠯᠠᠷ ᠲᠣᠭᠤᠷᠢᠭ ᠠᠴᠠ 225 ᠺᠢᠯᠣᠮᠧᠲᠷ᠂ | ᠬᠢᠩᠭᠠᠨ ᠠᠶᠢᠮᠠᠭ ᠤᠨ ᠷᠠᠰᠢᠶᠠᠨ ᠬᠤᠲᠠ ᠠᠴᠠ 150 ᠺᠢᠯᠣᠮᠧᠲᠷ᠂ ᠠᠮᠣᠭᠤᠯᠠᠩ — ᠲᠣᠯᠤᠷ ᠤᠨ ᠵᠠᠰᠠᠮᠠᠯ ᠵᠠᠮ | ᠨᠡᠪᠲᠡᠷᠡᠵᠦ ᠪᠣᠢ᠃ | ᠭᠤᠷᠪᠠ᠂ ᠲᠣᠯᠣᠭᠠᠲᠦ ᠶᠢᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢᠲᠦ ᠣᠷᠣᠨ | ︽ᠲᠣᠯᠣᠭᠠᠲᠦ︾ ᠭᠡᠳᠡᠭ ᠨᠢ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠣᠣᠯ ᠤᠨ ᠵᠣᠰᠠᠯᠠᠩ ᠨᠣᠲᠤᠭ ᠪᠣᠯᠣᠨᠠ᠃ | ᠡᠨᠡ ᠨᠢ ᠦᠪᠦᠷᠪᠣᠯᠠᠭ ᠰᠣᠮᠣ ᠬᠢᠭᠡᠳ ᠨᠣᠮᠣᠨ ᠬᠠᠨ ᠪᠦᠷᠢᠲᠦ ᠰᠣᠮᠣᠨ ᠤ ᠨᠣᠲᠤᠭ ᠤᠨ ᠲᠣᠮᠳᠠ ᠬᠡᠰᠡᠭ ᠲᠠᠬᠢ ︽ | ᠪᠠᠷᠰᠲᠦ᠂ ᠰᠢᠭᠤᠶᠢᠲᠦ᠂ ᠦᠯᠦᠩᠲᠦ᠂ ᠬᠠᠰᠢᠶᠠᠲᠦ᠂ ᠵᠠᠮᠳᠦ᠂ ᠬᠤᠰᠣᠲᠦ᠂ ᠲᠣᠭᠤᠭᠠᠲᠦ︾ ᠬᠡᠭᠦ 7 ᠣᠨᠴᠠᠯᠢᠭ | ᠪᠦᠬᠦᠢ ᠭᠠᠵᠠᠷ ᠤᠨ ᠬᠤᠷᠢᠶᠠᠩᠭᠤᠶᠢᠯᠠᠯ ᠨᠡᠷᠡᠶᠢᠳᠦᠯ ᠪᠣᠯᠣᠨᠠ᠃ | ᠲᠡᠭᠡᠷᠡ ᠵᠠᠭᠤᠨ ᠤ ᠡᠴᠦᠰ᠂ ᠡᠨᠡ ᠵᠠᠭᠤᠨ ᠤ ᠡᠬᠢᠨ ᠢᠶᠠᠷ ᠬᠤᠰᠢᠭᠤ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ︽ᠲᠣᠯᠣᠭᠠᠲᠦ | ᠨᠣᠲᠤᠭ︾ ᠢ ᠵᠠᠷᠭᠡᠯᠡᠳᠡᠭᠡ ᠠᠶᠢᠮᠠᠭ᠂ ᠬᠤᠲᠠ ᠲᠠᠢ ᠬᠤᠷᠰᠢᠨ ᠨᠡᠬᠡᠬᠡᠨ ᠠᠰᠢᠭᠯᠠᠵᠦ᠂ ᠵᠢᠭᠤᠯᠴᠢᠯᠠᠯ ᠤᠨ ᠦᠢᠯᠡᠰ ᠢ | ᠬᠦᠭᠵᠢᠭᠦᠯᠦᠭᠰᠡᠨ ᠢᠶᠠᠷ ᠪᠠᠷᠭᠤ ᠶᠠᠰᠣᠲᠠᠨ ᠤ ᠦᠪᠡᠷᠮᠢᠴᠡ ᠵᠠᠩ ᠦᠢᠯᠡ᠂ ᠠᠵᠦ ᠠᠮᠢᠳᠣᠷᠠᠯ ᠢ ᠢᠯᠡᠳᠭᠡᠭᠰᠡᠨ | ᠮᠠᠯᠴᠢᠳ ᠤᠨ ᠵᠢᠭᠤᠯᠴᠢᠯᠠᠯ ᠵᠣᠭᠠᠴᠠᠯ ᠤᠨ ᠡᠷᠦᠭᠡ ᠨᠦᠭᠦᠳ ᠪᠣᠢ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ | ︽ᠲᠣᠯᠣᠭᠠᠳᠦ︾ ᠶᠢᠨ ᠪᠠᠶᠢᠭᠠᠯᠢᠯᠢᠭ ᠰᠠᠶᠢᠬᠠᠨ ᠦᠵᠡᠮᠵᠢ᠂ ᠲᠠᠯᠠ ᠶᠢᠨ ᠴᠠᠭᠠᠨ ᠮᠦᠬᠦ ᠰᠢᠭ ᠴᠠᠶᠢᠷᠠᠭᠰᠠᠨ | ᠲᠠᠨᠠᠨ ᠴᠠᠭᠠᠨ ᠮᠣᠩᠭᠤᠯ ᠭᠡᠷ᠂ ᠲᠠᠯᠠ ᠲᠦᠭᠦᠷᠡᠩ ᠪᠡᠯᠴᠢᠭᠰᠡᠨ ᠲᠠᠩᠰᠤᠭ ᠪᠠᠶᠠᠨ ᠰᠦᠷᠦᠭ᠂ ᠬᠦᠳᠡᠯᠮᠦᠷᠢᠴᠢ | ᠮᠠᠯᠴᠢᠳ ᠤᠨ ᠬᠦᠭᠵᠢᠯᠲᠦ ᠠᠮᠢᠳᠣᠷᠠᠯ ᠤᠨ ᠬᠦᠭ ᠨᠠᠮᠪᠠ᠂ ᠡᠩᠭᠡ ᠨᠠᠶᠢᠷᠠᠮᠳᠠᠭᠤ ᠵᠠᠩ ᠠᠬᠤᠢ ᠨᠢ ᠬᠤᠯᠠ ᠣᠶᠢᠷᠠ | ᠶᠢᠨ ᠵᠢᠭᠤᠯᠴᠢᠯᠠᠭᠰᠠᠳ ᠤᠨ ᠰᠣᠨᠢᠷᠬᠠᠯ ᠢ ᠶᠡᠬᠡᠳᠡ ᠲᠠᠳᠠᠵᠦ ᠪᠣᠢ᠃ | ︽ᠲᠣᠯᠣᠭᠠᠳᠦ︾ ᠭᠡᠳᠡᠭ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠭᠠᠵᠠᠷ ᠣᠰᠣᠨ ᠠᠴᠠ ᠢᠷᠡᠯᠲᠡᠲᠡᠢ ᠨᠡᠷᠡ ᠪᠠᠶᠢᠳᠠᠯᠠ ᠣᠳᠣ | ᠬᠠᠷᠢᠨ ︽ᠲᠣᠯᠣᠭᠠᠨ ᠲᠠᠬᠢᠨᠢ ᠶᠢᠨ ᠨᠠᠭᠤᠷ︾ ᠭᠡᠮᠡᠨ᠂ ᠪᠠᠰᠠ ᠶᠠᠭᠤᠨ ᠤ ︽ᠲᠣᠯᠣᠭᠠᠨ ᠲᠠᠬᠢᠨᠢ ᠶᠢᠨ ᠲᠣᠮᠤᠭ︾ | ᠵᠣᠬᠢᠶᠠᠭᠳᠠᠭᠰᠠᠨ ᠨᠢ ᠦᠨᠡᠭᠡᠷ ᠠᠩᠬᠠᠷᠣᠭᠤᠰᠢᠲᠠᠢ︕ | ︽ᠲᠣᠯᠣᠭᠠᠳᠦ ᠨᠣᠲᠤᠭ︾ ᠨᠢ ᠠᠮᠣᠭᠤᠯᠠᠩ ᠠᠴᠠ ᠲᠣᠯᠤᠷ ᠬᠦᠷᠬᠦ ᠵᠠᠰᠠᠮᠠᠯ ᠵᠠᠮ ᠤᠨ ᠲᠣᠮᠳᠠ ᠬᠡᠰᠡᠭ ᠲᠤ | ᠣᠮᠠᠷᠠᠲᠦ ᠦᠷᠭᠡᠷᠢᠭ ᠤᠨ 47。42、ᠪᠠ ᠵᠡᠭᠦᠨ ᠣᠷᠳᠣᠷᠢᠭ ᠤᠨ 119。27、 ᠲᠤ ᠣᠷᠣᠰᠢᠵᠦ ᠪᠣᠢ᠃ | ᠳᠦᠷᠪᠡ᠂ ᠡᠪᠦᠳᠦᠭ ᠬᠢᠯᠢ ᠶᠢᠨ ᠪᠣᠭᠤᠮᠳᠠ ᠶᠢᠨ ᠦᠵᠡᠮᠵᠢᠲᠦ ᠣᠷᠣᠨ | ᠡᠪᠦᠳᠦᠭ ᠬᠢᠯᠢ ᠶᠢᠨ ᠪᠣᠭᠤᠮᠳᠠ ᠨᠢ ᠬᠤᠰᠢᠭᠤᠨ ᠲᠦᠪ ᠠᠮᠣᠭᠤᠯᠠᠩ ᠠᠴᠠ ᠪᠠᠷᠠᠭᠤᠨ ᠡᠮᠦᠨᠡᠰᠢ 20 | ᠺᠢᠯᠣᠮᠧᠲᠷ ᠵᠠᠶᠢᠲᠠᠢ ᠬᠠᠯᠬᠠ ᠭᠤᠣᠯ ᠤᠨ ᠬᠤᠶᠢᠲᠦ ᠬᠦᠪᠡᠭᠡᠨ ᠳᠤ᠂ ᠣᠯᠣᠰ ᠤᠨ ᠬᠢᠯᠢ ᠶᠢᠨ 1424 ᠳ᠋ᠣᠭᠡᠷ | ᠰᠢᠨᠡ ᠪᠠᠭᠠᠨᠠ ᠶᠢᠨ ᠣᠷᠴᠢᠮ ᠳᠤ ᠬᠠᠯᠬᠠ ᠭᠤᠣᠯ ᠢᠶᠠᠷ ᠮᠣᠩᠭᠤᠯ ᠣᠯᠣᠰ ᠤᠨ ᠪᠠᠶᠠᠨ ᠬᠤᠰᠢᠭᠤ ᠬᠠᠷᠠᠭᠤᠯ ︵ | ᠪᠣᠭᠤᠮᠳᠠ︶ ᠲᠠᠢ ᠨᠢᠭᠤᠷᠲᠠᠨ ᠪᠠᠶᠢᠷᠢᠰᠢᠵᠦ ᠪᠣᠢ᠃ | 1995 ᠣᠨ ᠳᠤ ᠲᠣᠮᠳᠠᠳᠣ ᠣᠯᠣᠰ ᠤᠨ ᠭᠠᠳᠠᠭᠠᠳᠦ ᠶᠠᠪᠣᠳᠠᠯ ᠤᠨ ᠶᠠᠮᠣᠨ ᠠᠴᠠ ᠨᠢᠭᠡᠳᠦᠭᠡᠷ ᠲᠦᠷᠦᠯ ᠤᠨ | ᠣᠯᠠᠷᠢᠯ ᠤᠨ ᠴᠢᠨᠠᠷᠲᠠᠢ ᠬᠢᠯᠢ ᠶᠢᠨ ᠪᠣᠭᠤᠮᠳᠠ ᠪᠠᠷ ᠲᠣᠭᠳᠠᠭᠠᠵᠠᠢ᠃ ᠣᠳᠣ ᠬᠤᠶᠠᠷ ᠣᠯᠣᠰ ᠤᠨ ᠬᠡᠯᠡᠯᠴᠡᠭᠡᠷ ᠢᠶᠠᠷ | ᠬᠢᠯᠢ ᠨᠡᠭᠡᠭᠡᠭᠦ ᠬᠤᠭᠤᠴᠠᠭᠠ ᠶᠢ ᠵᠢᠯ ᠪᠦᠷᠢ ᠶᠢᠨ 2᠂ 5᠂ 8᠂ 11 ᠳ᠋ᠤᠭᠡᠷ ᠰᠠᠷᠠ ᠶᠢᠨ 1 — 15 ᠡᠳᠦᠷ | ᠨᠡᠭᠡᠭᠡᠭᠦ ᠪᠠᠷ ᠲᠣᠭᠳᠠᠭᠰᠠᠨ ᠪᠠᠶᠢᠨᠠ᠃ ᠣᠯᠠᠨ ᠵᠢᠯ ᠤᠨ ᠲᠣᠷᠰᠢ᠂ ᠡᠪᠦᠳᠦᠭ ᠬᠢᠯᠢ ᠶᠢᠨ ᠪᠣᠭᠤᠮᠳᠠ ᠶᠢᠨ ᠠᠵᠢᠯ | ᠢᠯᠭᠤᠮ ᠢᠶᠠᠷ ᠲᠦᠷᠢᠮᠵᠢᠵᠦ᠂ ᠪᠣᠭᠤᠮᠳᠠ ᠶᠢᠨ ᠰᠠᠭᠤᠷᠢ ᠪᠦᠳᠦᠭᠡᠨ ᠪᠠᠶᠢᠭᠤᠯᠣᠯᠲᠠ ᠴᠦ ᠰᠠᠶᠢᠵᠢᠷᠠᠵᠦ᠂ ᠪᠠᠷᠠᠭᠠ | ᠲᠠᠸᠠᠷ ᠤᠨ ᠭᠠᠷᠭᠠᠯᠲᠠ ᠪᠠ ᠣᠷᠣᠭᠤᠯᠣᠯᠲᠠ ᠶᠢᠨ ᠲᠤᠭᠠ ᠬᠡᠮᠵᠢᠶᠡᠨ ᠤ ᠶᠡᠷᠦᠩᠭᠡᠢ ᠨᠣᠷᠮᠠ ᠴᠦ ᠵᠢᠯ ᠠᠴᠠ ᠵᠢᠯ ᠳᠤ | ᠲᠡᠭᠡᠭᠰᠢᠯᠡᠵᠦ ᠪᠠᠶᠢᠨᠠ᠃ | ᠡᠪᠦᠳᠦᠭ ᠬᠢᠯᠢ ᠶᠢᠨ ᠪᠣᠭᠤᠮᠳᠠ ᠨᠢ ᠬᠢᠯᠢ ᠶᠢᠨ ᠪᠠᠶᠢᠴᠠᠭᠠᠯᠲᠠ ᠶᠢᠨ ᠲᠣᠮᠣ ᠠᠰᠠᠷ᠂ ᠬᠠᠯᠬᠠ ᠭᠤᠣᠯ ᠳᠠᠬᠢ | ᠬᠢᠯᠢ ᠠᠯᠣᠰᠯᠠᠭᠰᠠᠨ ᠲᠣᠮᠣ ᠬᠦᠬᠦᠷᠭᠡ᠂ ᠣᠯᠣᠰ ᠤᠨ ᠬᠢᠯᠢ ᠶᠢᠨ ᠪᠠᠭᠠᠨᠠ ︵1424 ᠳ᠋ᠣᠭᠡᠷ︶᠂ ᠬᠢᠯᠢ ᠶᠢᠨ | ᠲᠡᠮᠳᠡᠭ ᠴᠢᠯᠠᠭᠤ᠂ ᠬᠠᠯᠬᠠ ᠭᠤᠣᠯ ᠤᠨ ᠪᠠᠶᠢᠭᠠᠯᠢᠯᠢᠭ ᠦᠵᠡᠮᠵᠢ ᠪᠣᠯᠣᠨ ᠬᠢᠯᠢ ᠶᠢᠨ ᠲᠡᠷᠳᠡᠭᠡ ᠶᠢᠨ ︽ᠬᠠᠯᠬᠠ | ᠭᠤᠣᠯ ᠤᠨ ᠲᠠᠶᠢᠨ︾ ᠤ ᠲᠠᠯᠠᠪᠣᠷ ᠤᠨ ᠡᠯᠪᠡᠭ ᠠᠷᠪᠢᠨ ᠬᠠᠭᠤᠴᠢᠨ ᠦᠯᠡᠳᠡᠭᠳᠡᠯ ᠨᠢ ᠭᠠᠳᠠᠨᠠ ᠲᠣᠳᠣᠨᠠ ᠶᠢᠨ | ᠵᠢᠭᠤᠯᠴᠢᠯᠠᠭᠰᠠᠳ ᠤᠨ ᠪᠠᠬᠠ ᠰᠣᠨᠢᠷᠬᠠᠯ ᠢ ᠶᠡᠬᠡᠳᠡ ᠲᠠᠳᠠᠵᠦ ᠪᠣᠢ᠃ | ᠡᠪᠦᠳᠦᠭ ᠬᠢᠯᠢ ᠶᠢᠨ ᠪᠣᠭᠤᠮᠳᠠ᠂ ᠬᠦᠯᠦᠨ ᠪᠣᠶᠢᠷ ᠬᠤᠳᠠ ᠶᠢᠨ ᠬᠠᠶᠢᠯᠠᠷ ᠲᠣᠭᠤᠷᠢᠭ ᠠᠴᠠ 190 ᠺᠢᠯᠣᠮᠧᠲᠷ | ᠂ ᠬᠢᠯᠢ ᠶᠢᠨ ᠬᠤᠳᠠ ᠮᠠᠨᠵᠣᠣᠷ ᠠᠴᠠ 192 ᠺᠢᠯᠣᠮᠧᠲᠷ᠂ ᠬᠢᠩᠭᠠᠨ ᠠᠶᠢᠮᠠᠭ ᠤᠨ ᠷᠠᠰᠢᠶᠠᠨ ᠬᠤᠲᠠ ᠠᠴᠠ 220 | ᠺᠢᠯᠣᠮᠧᠲᠷ᠂ ᠣᠮᠠᠷᠠᠳᠦ ᠦᠷᠭᠡᠷᠢᠭ ᠤᠨ 48。02、᠂ ᠵᠡᠭᠦᠨ ᠣᠷᠳᠣᠷᠢᠭ ᠤᠨ 118。10、 ᠲᠤ ᠣᠷᠣᠰᠢᠵᠦ | ᠪᠣᠢ᠃ | ᠲᠠᠪᠤ᠂ ᠬᠤᠯᠪᠣᠭᠠ ᠠᠭᠤᠯᠠ ᠶᠢᠨ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢᠲᠦ ᠣᠷᠣᠨ | ᠬᠦᠯᠦᠨ ᠨᠠᠭᠤᠷ ︵ᠲᠠᠯᠠᠶᠢᠨᠠᠭᠤᠷ︶ ᠤᠨ ᠵᠡᠭᠦᠨ ᠬᠦᠪᠡᠭᠡᠨ ᠳᠤ ᠡᠬᠡ ᠶᠢᠨ ᠬᠤᠶᠠᠷ ᠬᠦᠬᠦ ᠰᠢᠭ ᠬᠤᠯᠪᠣᠭᠠ 2 | ᠠᠭᠤᠯᠠ ᠶᠢ ᠨᠣᠲᠤᠭ ᠤᠨ ᠬᠢᠨ ︽ᠬᠤᠯᠪᠣᠭᠠ ᠠᠭᠤᠯᠠ︾ ᠪᠣᠶᠣ ︽ᠰᠢᠬᠢᠷᠡ ᠬᠤᠯᠪᠣᠭᠠ︾ ᠬᠡᠵᠦ ᠲᠠᠭᠤᠳᠠᠳᠠᠭ᠃ | ᠲᠣᠰ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢᠲᠦ ᠣᠷᠣᠨ ᠨᠢ ᠭᠤᠣᠯᠳᠠᠭᠤ ᠬᠦᠯᠦᠨ ᠨᠠᠭᠤᠷ ᠤᠨ ᠣᠰᠣ᠂ ᠠᠯᠲᠠᠨ | ᠰᠢᠷᠭᠠᠯ ᠡᠯᠡᠰᠦᠨ ᠬᠦᠪᠡᠭᠡ ᠬᠢᠭᠡᠳ ᠪᠠᠷᠭᠤ ᠨᠣᠲᠤᠭ ᠤᠨ ᠣᠣᠭᠠᠯ ᠲᠦᠷᠬᠦ ᠪᠦᠷᠢᠳᠦᠭᠰᠡᠨ ᠵᠢᠭᠤᠯᠴᠢᠯᠠᠯ ᠤᠨ ᠤᠷᠣᠨ | ᠪᠣᠯᠣᠨᠠ᠃ | ᠠᠳᠡ ᠬᠦᠯᠦᠨ ᠨᠠᠭᠤᠷ ᠤᠨ ᠣᠰᠣ ᠨᠢ ᠣᠶᠢᠯᠠᠨ ᠴᠣᠶᠢᠯᠠᠨ ᠲᠠᠪᠠᠯᠭᠠᠯᠠᠵᠦ᠂ ᠠᠯᠲᠠᠨ ᠰᠢᠷᠭᠠᠯ ᠵᠢᠭᠠᠰᠦ | ᠵᠢᠷᠠᠭᠠᠬᠠᠢ ᠨᠢ ᠵᠢᠷᠪᠡᠯᠵᠡᠨ ᠢᠷᠡᠯᠵᠠᠨ ᠱᠣᠮᠪᠠᠵᠦ᠂ ᠣᠯᠠᠨ ᠵᠦᠢᠯ ᠤᠨ ᠰᠢᠪᠠᠭᠤᠳ ᠨᠢ ᠬᠠᠯᠢᠨ ᠲᠡᠬᠦᠯᠢᠨ ᠰᠣᠮᠣᠳᠠᠵᠦ | ᠂ ᠬᠤᠯᠠ ᠶᠢᠨ ᠲᠡᠷᠲᠡᠭᠡ ᠬᠦᠪᠡᠬᠡᠨᠡ ᠠᠭᠤᠯᠠᠰ ᠬᠦᠭᠡᠷᠡᠨ ᠰᠦᠨᠳᠡᠷᠯᠡᠵᠦ᠂ ᠬᠦᠳᠡᠭᠡ ᠨᠣᠲᠤᠭ ᠤᠨ ᠦᠵᠡᠮᠵᠢ ᠨᠢᠳᠦᠨ | ᠤ ᠬᠠᠷᠠᠭᠠᠨᠠ ᠲᠣᠳᠣᠷᠠᠨ᠂ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠬᠦᠮᠦᠰ ᠤᠨ ᠬᠦᠰᠡᠯ ᠰᠣᠨᠢᠷᠬᠠᠯ ᠢ ᠬᠦᠴᠦᠲᠡᠢ ᠲᠠᠲᠠᠲᠠᠭ | ᠪᠠᠶᠢᠨᠠ᠃ | ᠬᠦᠯᠦᠨ ᠨᠠᠭᠤᠷ ᠪᠣᠯ ᠮᠠᠨ ᠤ ᠣᠯᠣᠰ ᠤᠨ 4 ᠶᠡᠭᠡ ᠴᠡᠩᠬᠡᠭ ᠨᠠᠭᠤᠷ ᠤᠨ ᠨᠢᠭᠡ ᠪᠦᠭᠡᠳ ᠦᠪᠦᠷ ᠮᠣᠩᠭᠤᠯ | ᠤᠨ ᠬᠠᠮᠤᠭ ᠤᠨ ᠲᠤᠮᠤ ᠨᠠᠭᠤᠷ ᠪᠠᠶᠢᠵᠦ᠂ ᠣᠯᠣᠰ ᠤᠨ ᠲᠡᠰ ᠤᠨ ᠪᠠᠶᠢᠭᠠᠯᠢ ᠶᠢᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠣᠷᠣᠨ ᠳᠤ | ᠲᠣᠭᠠᠴᠠᠭᠳᠠᠵᠦ᠂ 35 ᠲᠦᠷᠦᠯ ᠤᠨ ᠬᠡᠬᠡᠷᠡ ᠶᠢᠨ ᠠᠷᠢᠶᠠᠲᠠᠨ᠂ 284 ᠲᠦᠷᠦᠯ ᠤᠨ ᠵᠢᠭᠦᠷᠲᠠᠨ ᠰᠢᠪᠠᠭᠤ᠂ 26 | ᠲᠦᠷᠦᠯ ᠤᠨ ᠵᠢᠭᠠᠰᠦ ᠵᠢᠷᠠᠭᠠᠬᠠᠢ ᠠᠮᠢᠳᠦᠷᠠᠵᠦ ᠪᠠᠶᠢᠳᠠᠭ᠃ | ᠲᠣᠰ ᠭᠠᠵᠠᠷ ᠨᠢ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢᠲᠦ ᠣᠷᠣᠨ ᠤ ᠨᠢᠭᠡ ᠨᠢ | ᠪᠠᠶᠢᠵᠦ᠂ ᠬᠤᠰᠢᠭᠤᠨ ᠲᠦᠪ ᠠᠮᠣᠭᠤᠯᠠᠩ ᠠᠴᠠ ᠬᠤᠶᠢᠰᠢ 102 ᠺᠢᠯᠣᠮᠧᠲᠷ᠂ ᠬᠠᠶᠢᠯᠠᠷ ᠲᠣᠭᠤᠷᠢᠭ ᠠᠴᠠ | ᠪᠠᠷᠠᠭᠤᠨᠰᠢ 180 ᠺᠢᠯᠣᠮᠧᠲᠷ᠂ ᠬᠢᠯᠢ ᠶᠢᠨ ᠬᠤᠲᠠ ᠮᠠᠨᠵᠣᠣᠷ ᠠᠴᠠ ᠵᠡᠭᠦᠨ ᠡᠮᠦᠨᠡᠰᠢ 60 ᠺᠢᠯᠣᠮᠧᠲᠷ᠂ ︽301 | ︾ ᠨᠡᠷᠡᠮᠵᠢᠲᠦ ᠣᠯᠣᠰ ᠤᠨ ᠲᠡᠰ ᠤᠨ ᠵᠠᠰᠠᠮᠠᠯ ᠵᠠᠮ ᠠᠴᠠ ᠠᠰ ᠡᠮᠦᠨᠡᠰᠢ 25 ᠺᠢᠯᠣᠮᠧᠲᠷ ᠵᠠᠶᠢᠲᠠᠢ᠂ ᠣᠮᠠᠷᠠᠲᠦ | ᠦᠷᠭᠡᠷᠢᠭ ᠤᠨ 48。08、ᠪᠠ ᠵᠡᠬᠦᠨ ᠣᠷᠳᠣᠷᠢᠭ ᠤᠨ 117。48、 ᠲᠤ ᠣᠷᠣᠰᠢᠵᠦ ᠪᠣᠢ᠃ | ᠵᠢᠷᠭᠤᠭᠠ᠂ ᠷᠠᠰᠢᠶᠠᠨ ᠰᠦᠮᠡ ᠶᠢᠨ ᠦᠵᠡᠮᠵᠢᠲᠦ ᠣᠷᠣᠨ | ᠷᠠᠰᠢᠶᠠᠨ ᠰᠦᠮᠡ᠂ ᠬᠤᠰᠢᠭᠤᠨ ᠲᠦᠪ ᠠᠮᠣᠭᠤᠯᠠᠩ ᠠᠴᠠ ᠪᠠᠷᠠᠭᠤᠨ ᠬᠤᠶᠢᠰᠢ 3 ᠭᠠᠵᠠᠷ ᠲᠠᠬᠢ ᠦᠯᠵᠡᠶᠢᠲᠦ | ᠪᠣᠯᠠᠭ ᠤᠨ ᠠᠷᠣ ᠶᠢᠨ ᠲᠡᠨᠵᠢᠨ ᠲᠡᠭᠡᠷᠡ ᠪᠠᠶᠢᠷᠢᠯᠠᠵᠦ ᠪᠣᠢ᠃ | ᠷᠠᠰᠢᠶᠠᠨ ᠰᠦᠮᠡ ᠶᠢ 1926 ᠣᠨ ᠳᠤ᠂ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠭᠠᠷ ᠤᠨ ᠬᠤᠰᠢᠭᠤᠨ ᠤ ᠪᠦᠬᠦᠳᠡ ᠶᠢᠨ | ᠲᠠᠷᠤᠭᠠ ᠡᠷᠬᠢᠮᠪᠠᠲᠦ᠂ ᠪᠡᠭᠡᠵᠢᠩ ᠬᠤᠲᠠ ᠠᠴᠠ ᠭᠠᠵᠠᠷ ᠰᠢᠨᠵᠢᠭᠡᠴᠢ ᠶᠢ ᠵᠠᠯᠠᠵᠦ ᠠᠪᠴᠢᠷᠠᠭᠠᠳ ᠦᠯᠵᠡᠶᠢᠲᠦ | ᠷᠠᠰᠢᠶᠠᠨ ᠤ ᠣᠷᠴᠢᠮ ᠤᠨ ᠭᠠᠵᠠᠷ ᠢ ᠰᠢᠨᠵᠢᠭᠦᠯᠦᠭᠰᠡᠨ ᠳᠤ᠄ ︽ᠡᠨᠡ ᠪᠣᠯ ᠶᠠᠭ ᠯᠣᠣ ᠬᠡᠪᠳᠡᠵᠦ ᠪᠠᠶᠢᠭᠠ ᠰᠢᠨᠵᠢ | ᠶᠢᠨ ᠭᠠᠵᠠᠷ ᠪᠠᠶᠢᠨᠠ︾ ᠭᠡᠰᠡᠨ ᠭᠡᠨᠡ᠃ ᠲᠡᠭᠡᠭᠡᠳ ᠬᠡᠪᠳᠡᠭᠡ ᠯᠣᠣ ᠶᠢᠨ ᠴᠡᠭᠡᠵᠢ ᠬᠡᠪᠡᠯᠢ ᠲᠡᠭᠡᠷᠡ ᠨᠢ ᠰᠦᠮᠡ | ᠬᠡᠶᠢᠳ ᠢᠶᠠᠨ ᠴᠤᠭᠴᠠᠯᠠᠨ ᠪᠠᠶᠢᠭᠤᠯᠣᠭᠰᠠᠨ ᠪᠠᠶᠢᠵᠠᠢ᠃ | ᠲᠣᠰ ᠰᠦᠮᠡ ᠶᠢᠨ ᠵᠢᠩᠬᠢᠨᠢ ᠨᠡᠷᠡ ᠨᠢ ︽ᠨᠠᠰᠣᠨ ᠠᠷᠪᠢᠳᠬᠠᠭᠴᠢ ᠰᠦᠮᠡ︾ ᠭᠡᠳᠡᠭ ᠪᠠᠶᠢᠭᠰᠠᠨ ᠪᠣᠯᠪᠠᠴᠦ | ᠦᠯᠵᠡᠶᠢᠲᠦ ᠷᠠᠰᠢᠶᠠᠨ ᠤ ᠲᠡᠨᠵᠢᠨ ᠲᠡᠭᠡᠷᠡ ᠪᠠᠶᠢᠭᠤᠯᠣᠭᠰᠠᠨ ᠲᠤᠯᠠ ︽ᠷᠠᠰᠢᠶᠠᠨ ᠰᠦᠮᠡ︾ ᠭᠡᠵᠦ ᠠᠯᠲᠠᠷᠰᠢᠵᠠᠢ᠃ | ᠡᠨᠡ ᠨᠢ ᠪᠣᠷᠬᠠᠨ ᠱᠠᠰᠢᠨ᠂ ᠠᠨᠠᠭᠠᠬᠤ ᠣᠬᠠᠭᠠᠨ ᠢ ᠬᠤᠣᠰᠯᠠᠭᠤᠯᠣᠭᠰᠠᠨ ᠰᠦᠮᠡ ᠪᠠᠶᠢᠵᠦ᠂ ᠮᠣᠩᠭᠤᠯ ᠡᠮᠨᠡᠯᠭᠡ | ᠶᠢᠨ ᠰᠣᠷᠭᠠᠭᠤᠯᠢ ᠶᠢ ᠡᠷᠬᠢᠯᠡᠵᠦ ᠪᠠᠶᠢᠭᠰᠠᠨ ᠲᠡᠣᠬᠡ ᠲᠠᠢ᠃ | ᠣᠳᠣ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠪᠣᠷᠬᠠᠨ ᠱᠠᠰᠢᠨ ᠤ ᠠᠵᠢᠯᠯᠠᠭᠠᠨ ᠤ ᠭᠤᠣᠯ ᠭᠠᠵᠠᠷ ᠪᠦᠭᠡᠳ | ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ᠂ ᠪᠠᠶᠠ ᠰᠣᠪᠢᠯᠠᠯᠲᠠ ᠶᠢᠨ ᠠᠷᠢᠭᠤᠨ ᠲᠠᠭᠰᠢᠨ ᠦᠵᠡᠮᠵᠢᠲᠦ ᠣᠷᠣᠨ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ | ᠷᠠᠰᠢᠶᠠᠨ ᠰᠦᠮᠡ᠂ ᠣᠮᠠᠷᠠᠲᠦ ᠦᠷᠭᠡᠷᠢᠭ ᠤᠨ 47。48、ᠪᠠ ᠵᠡᠭᠦᠨ ᠣᠷᠳᠣᠷᠢᠭ ᠤᠨ 118。14、 | ᠲᠤ ᠣᠷᠣᠰᠢᠵᠦ ᠪᠤᠢ᠃ | ᠳᠤᠯᠤᠭᠠ᠂ ᠲᠣᠰᠣᠨ ᠪᠣᠯᠠᠭ ᠤᠨ ᠰᠣᠪᠢᠯᠠᠯᠲᠠ ᠵᠢᠭᠤᠯᠴᠢᠯᠠᠯ ᠤᠨ ᠭᠠᠵᠠᠷ | ᠣᠷᠱᠣᠨ ᠭᠤᠣᠯ ᠤᠨ ᠪᠠᠷᠠᠭᠤᠨ ᠲᠠᠯᠠ ᠳᠤ᠂ ᠣᠮᠠᠷᠠᠲᠦ ᠦᠷᠭᠡᠷᠢᠭ ᠤᠨ 48。54、ᠪᠠ ᠵᠡᠭᠦᠨ ᠣᠷᠳᠣᠷᠢᠭ | ᠤᠨ 117。41、 ᠲᠤ ᠣᠷᠣᠰᠢᠵᠦ᠂ ᠲᠤᠰ ᠨᠣᠲᠤᠭ ᠤᠨ ᠮᠠᠯᠴᠢᠳ ︽ᠲᠣᠰᠣᠨ ᠷᠠᠰᠢᠶᠠᠨ︾ ᠭᠡᠳᠡᠭ᠃ | ᠪᠠᠷᠭᠤᠴᠣᠳ ᠠᠯᠢ ᠡᠷᠲᠡ ᠠᠴᠠ ᠡᠨᠡ ᠪᠣᠯᠠᠭ ᠤᠨ ᠲᠣᠰᠣᠯᠢᠭ ᠰᠢᠪᠠᠷ ᠢ ᠠᠰᠢᠭᠯᠠᠨ ᠠᠷᠬᠠᠭ ᠬᠡᠮ᠂ ᠬᠠᠭᠤᠴᠢᠨ | ᠡᠪᠡᠳᠴᠢᠨ ᠢᠶᠠᠨ ᠵᠠᠰᠠᠵᠦ ᠢᠷᠡᠭᠰᠡᠨ ᠲᠡᠣᠭᠡ ᠲᠠᠢ ᠪᠠᠶᠢᠵᠠᠢ᠃ ᠡᠨᠡ ᠪᠣᠯᠠᠭ ᠤᠨ ᠲᠣᠰᠣᠯᠢᠭ ᠰᠢᠪᠠᠷ ᠲᠤᠨᠢ ᠣᠯᠠᠨ | ᠵᠦᠢᠯ ᠤᠨ ᠠᠭᠤᠷᠬᠠᠢ ᠶᠢᠨ ᠪᠣᠳᠠᠰ ᠪᠠ ᠬᠢᠮᠢ ᠶᠢᠨ ᠡᠯᠧᠮᠧᠨ᠋ᠲ ᠠᠭᠤᠯᠤᠭᠳᠠᠵᠦ ᠪᠠᠶᠢᠳᠠᠭ ᠲᠣᠯᠠ ᠬᠡᠷᠦᠭᠦ ᠡᠪᠡᠳᠴᠢᠨ | ᠂ ᠠᠷᠠᠰᠣᠨ ᠤ ᠡᠪᠡᠳᠴᠢᠨ᠂ ᠶᠠᠰᠣᠨ ᠰᠦᠷᠢᠶᠡ ᠡᠪᠡᠳᠴᠢᠨ᠂ ᠬᠡᠢ ᠰᠢᠷᠠ ᠣᠰᠣ ᠬᠤᠶᠠᠩ ᠡᠪᠡᠳᠴᠢᠨ᠂ ᠬᠦᠵᠦᠬᠦᠦ | ᠰᠡᠭᠡᠷ᠂ ᠬᠦᠯ ᠨᠢᠷᠣᠭᠤ᠂ ᠦᠶᠡ ᠭᠡᠰᠢᠭᠦᠦ ᠶᠢᠨ ᠡᠪᠡᠳᠴᠢᠨ ᠵᠢᠴᠢ ᠵᠢᠷᠦᠭᠡᠨ ᠡᠪᠡᠳᠴᠢᠨ᠂ ᠴᠢᠰᠣᠨ ᠰᠣᠳᠠᠯ ᠤᠨ | ᠬᠠᠳᠠᠭᠤᠷᠠᠯ ᠵᠡᠷᠭᠡ ᠣᠯᠠᠨ ᠲᠦᠷᠦᠯ ᠤᠨ ᠡᠪᠡᠳᠴᠢᠨ ᠢ ᠵᠠᠰᠠᠵᠦ ᠢᠯᠡᠳᠲᠡ ᠰᠠᠶᠢᠨ ᠪᠣᠯᠭᠠᠵᠦ ᠪᠠᠶᠢᠨᠠ᠃ | ᠣᠳᠣ ᠮᠣᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠢᠨ ᠲᠣᠰᠣᠨ ᠪᠣᠯᠠᠭ ᠢ ᠨᠡᠭᠡᠭᠡᠨ ᠠᠰᠢᠭᠯᠠᠵᠦ ᠬᠦᠪᠡᠭᠡᠨ ᠳᠤᠨᠢ ᠠᠮᠠᠷᠠᠯᠲᠠ | ᠰᠣᠪᠢᠯᠠᠯᠲᠠ ᠶᠢᠨ ᠭᠠᠵᠠᠷ ᠪᠠᠶᠢᠭᠤᠯᠵᠦ᠂ ᠲᠣᠰᠣᠨ ᠰᠢᠪᠠᠷ ᠪᠣᠯᠣᠨ ᠮᠣᠩᠭᠤᠯ ᠡᠮᠴᠢᠯᠡᠭᠡ ᠶᠢ ᠣᠶᠠᠯᠳᠤᠭᠤᠯᠣᠨ | ᠬᠤᠯᠠ ᠣᠶᠢᠷᠠ ᠶᠢᠨ ᠡᠪᠡᠳᠴᠢᠲᠡᠳ ᠢ ᠡᠮᠴᠢᠯᠡᠨ ᠵᠠᠰᠠᠬᠤ ᠶᠢᠨ ᠲᠠᠭᠠᠣ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠲᠠᠢ ᠵᠣᠬᠢᠴᠠᠭᠤᠯᠣᠨ | ︽ᠠᠮᠠᠷᠠᠯᠲᠠ ᠰᠣᠪᠢᠯᠠᠯᠲᠠ ᠶᠢᠨ ᠵᠣᠰᠠᠯᠠᠩ︾ ᠪᠣᠯᠭᠠᠨ ᠠᠰᠢᠭᠯᠠᠵᠦ ᠪᠣᠢ᠃ | ᠲᠣᠰ ᠲᠣᠰᠣᠨ ᠪᠣᠯᠠᠭ ᠤᠨ ︽ᠠᠮᠠᠷᠠᠯᠲᠠ ᠰᠣᠪᠢᠯᠠᠯᠲᠠ ᠶᠢᠨ ᠵᠣᠰᠠᠯᠠᠩ︾ ᠨᠢ ᠵᠢᠪᠬᠤᠯᠠᠩᠲᠦ ᠰᠣᠮᠣᠨ ᠤ | ᠲᠦᠪ ᠭᠠᠨᠵᠣᠣᠷᠬᠤᠸᠠ ᠠᠴᠠ ᠪᠠᠷᠠᠭᠤᠨᠰᠢ 5 ᠺᠢᠯᠣᠮᠧᠲᠷ᠂ ᠰᠦᠮᠡ ᠶᠢᠨ ᠨᠠᠭᠤᠷ ᠤᠨ ᠳ᠋ᠠᠴᠢᠩ — ᠵᠠᠯᠠᠶᠢᠨᠠᠭᠤᠷ | ᠤᠨ ᠵᠠᠰᠠᠮᠠᠯ ᠵᠠᠮ ᠠᠴᠠ 8 ᠺᠢᠯᠣᠮᠧᠲᠷ ᠵᠠᠶᠢᠲᠠᠢ ᠪᠠᠶᠢᠳᠠᠭ᠃ | ᠨᠠᠢᠮᠠ᠂ ᠪᠠᠷᠭᠤ ᠠᠶᠢᠮᠠᠭ ᠤᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠭᠠᠵᠠᠷ | ᠴᠠᠭᠠᠨ ᠪᠠᠯᠭᠠᠰᠦ ᠶᠢᠨ ᠨᠣᠲᠤᠭ ᠲᠠᠬᠢ ᠪᠦᠮᠪᠡ ︵ᠪᠦᠮᠪᠧ︶ ᠨᠠᠭᠤᠷ ᠤᠨ ᠠᠷᠣ ᠶᠢᠨ ᠲᠡᠨᠵᠢᠨ ᠳᠤ᠂ ᠣᠮᠠᠷᠠᠲᠦ | ᠦᠷᠭᠡᠷᠢᠭ ᠤᠨ 49。30、ᠪᠠ ᠵᠡᠭᠦᠨ ᠣᠷᠳᠣᠷᠢᠭ ᠤᠨ 118。03、ᠣᠷᠴᠢᠮ ᠳᠤ ᠣᠷᠣᠰᠢᠵᠦ᠂ ᠮᠠᠨᠵᠣᠣᠷ | — ᠰᠦᠢ ᠹᠧᠨ ᠡᠾᠧ ᠬᠦᠷᠭᠦ ︽301︾ ᠨᠠᠷᠠᠮᠵᠢᠲᠦ ᠣᠯᠣᠰ ᠤᠨ ᠲᠡᠰ ᠤᠨ ᠵᠠᠰᠠᠮᠠᠯ ᠵᠠᠮ ᠤᠨ ᠬᠤᠶᠢᠨᠠ ᠲᠠᠯᠠ | ᠳᠤ ᠪᠠᠶᠢᠷᠢᠯᠠᠵᠦ ᠪᠣᠢ᠃ | ᠲᠣᠰ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠭᠠᠵᠠᠷ ᠣᠷᠢᠳ ᠬᠤᠵᠢᠳ 200 ᠭᠠᠷᠣᠢ ᠲᠦᠮᠡᠨ ᠲᠦᠬᠦᠷᠢᠭ | ᠵᠠᠷᠣᠴᠠᠭᠤᠯᠵᠦ᠂ ᠪᠠᠷᠭᠤ ᠶᠠᠰᠣᠳᠠᠨ ᠤ ᠦᠪ ᠰᠣᠶᠣᠯ᠂ ᠵᠠᠩ ᠦᠢᠯᠡ ᠶᠢ ᠲᠣᠪᠣᠶᠢᠯᠭᠠᠵᠦ᠂ ᠲᠠᠯᠠ ᠨᠣᠲᠤᠭ ᠤᠨ | ᠪᠠᠶᠢᠭᠠᠯᠢᠯᠢᠭ ᠦᠩᠭᠡ ᠦᠵᠡᠮᠵᠢ ᠲᠠᠢ ᠣᠶᠠᠯᠳᠤᠭᠤᠯᠣᠨ᠂ ᠮᠣᠩᠭᠤᠯ ᠭᠡᠷ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠢᠳᠡᠵᠦ ᠣᠣᠭᠤᠬᠤ᠂ | ᠬᠤᠨᠣᠵᠦ ᠬᠡᠪᠳᠡᠭᠦ᠂ ᠶᠠᠪᠣᠵᠦ ᠰᠠᠭᠤᠬᠤ᠂ ᠦᠵᠡᠵᠦ ᠰᠣᠨᠢᠷᠬᠠᠬᠤ᠂ ᠨᠠᠭᠠᠳᠴᠦ ᠵᠣᠭᠠᠴᠠᠬᠤ᠂ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ | ᠂ ᠠᠮᠠᠷᠠᠯᠲᠠ ᠴᠡᠩᠭᠡᠯ ᠤᠨ ᠲᠣᠰᠬᠠᠢ ᠭᠠᠵᠠᠷ ᠪᠣᠯᠣᠨᠠ᠃ | 2009 ᠣᠨ ᠳᠤ ᠲᠣᠰ ᠵᠢᠭᠤᠯᠴᠢᠯᠠᠯ ᠤᠨ ᠭᠠᠵᠠᠷ ᠢ ᠬᠦᠯᠦᠨ ᠪᠣᠶᠢᠷ ᠬᠤᠲᠠ ᠶᠢᠨ ᠵᠢᠭᠤᠯᠴᠢᠯᠠᠯ ᠤᠨ | ᠲᠣᠪᠴᠢᠶᠠᠨ ᠠᠴᠠ ︽ᠭᠡᠷ ᠪᠦᠯᠢ ᠶᠢᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠰᠢᠯᠢᠳᠡᠭ ᠡᠷᠦᠭᠡ︾ ᠭᠡᠵᠦ ᠦᠨᠡᠯᠡᠭᠰᠡᠨ ᠪᠦᠭᠡᠳ | ᠣᠯᠣᠰ ᠤᠨ ︽AA︾ ᠲᠡᠰ ᠤᠨ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢᠲᠦ ᠣᠷᠣᠨ ᠢᠶᠠᠷ ᠨᠡᠷᠡᠶᠢᠳᠦᠭᠳᠡᠵᠦ᠂ ᠣᠳᠣᠬᠠᠨᠠ | ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠬᠤᠶᠢᠲᠦ ᠲᠣᠭᠤᠷᠢᠭ ᠲᠠᠬᠢ ᠭᠤᠣᠯᠳᠠᠯᠭᠠ ᠲᠠᠢ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ | ᠭᠠᠵᠠᠷ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ | ᠶᠢᠰᠦ᠂ ᠶᠡᠭᠡ ᠠᠭᠤᠯᠠ ᠶᠢᠨ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢᠲᠦ ᠣᠷᠣᠨ | ᠶᠡᠭᠡ ᠠᠭᠤᠯᠠ ᠨᠢ ᠬᠠᠶᠢᠯᠠᠷ ᠭᠤᠣᠯ ᠤᠨ ᠠᠷᠣ ᠬᠦᠪᠡᠭᠡᠨ ᠳᠤ ᠣᠮᠠᠷᠠᠲᠦ ᠦᠷᠭᠡᠷᠢᠭ ᠤᠨ 49。28、ᠪᠠ | ᠵᠡᠭᠦᠨ ᠣᠷᠳᠣᠷᠢᠭ ᠤᠨ 118。24、 ᠲᠤ ᠪᠠᠶᠢᠷᠢᠯᠠᠵᠦ ᠪᠣᠢ᠃ | ᠨᠣᠲᠤᠭ ᠤᠨ ᠮᠣᠩᠭᠤᠯᠴᠣᠳ ᠶᠡᠭᠡ ᠠᠭᠤᠯᠠ ᠶᠢ ᠲᠡᠬᠦᠨ ᠤ ᠪᠠᠶᠢᠴᠠ ᠲᠦᠷᠬᠦ ᠪᠠᠷ ᠨᠢ ︽ ᠲᠠᠭᠠᠨ ᠲᠠᠯ | ᠠᠭᠤᠯᠠ︾ ᠭᠡᠮᠡᠨ ᠨᠡᠷᠡᠯᠡᠵᠦ᠂ ᠬᠦᠨᠳᠦᠳᠭᠡᠯ ᠪᠢᠰᠢᠷᠡᠯ ᠤᠨ ᠡᠭᠦᠳᠡᠨ ᠠᠴᠠ ︽ᠬᠠᠶᠢᠷᠬᠠᠨ ᠠᠭᠤᠯᠠ︾ ᠪᠣᠶᠣ ︽ | ᠶᠡᠭᠡ ᠠᠭᠤᠯᠠ︾ ᠭᠡᠵᠦ ᠲᠠᠭᠤᠳᠠᠳᠠᠭ᠃ | ᠣᠳᠣ ᠶᠡᠭᠡ ᠠᠭᠤᠯᠠ ᠨᠢ ᠣᠶᠢᠷᠠ ᠣᠷᠴᠢᠮ ᠤᠨ ᠪᠠᠶᠢᠭᠠᠯᠢᠯᠢᠭ ᠦᠪᠡᠷᠮᠢᠴᠡ ᠣᠨᠴᠠᠯᠢᠭ ᠢᠶᠠᠷ ᠢᠶᠠᠨ ᠣᠯᠠᠨ ᠤ | ᠰᠣᠨᠢᠷᠬᠠᠯ ᠢ ᠲᠠᠳᠠᠵᠦ᠂ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠣᠷᠣᠨ ᠪᠣᠯᠣᠨ ᠬᠦᠭᠵᠢᠵᠦ ᠪᠠᠶᠢᠨᠠ᠃ | ᠶᠡᠭᠡ ᠠᠭᠤᠯᠠ ᠶᠢᠨ ᠡᠷᠬᠢᠨ ᠲᠣᠭᠤᠷᠢᠨ ᠤ ᠬᠠᠳᠠ ᠴᠢᠯᠠᠭᠤᠳ ᠡᠯᠳᠡᠪ ᠶᠠᠩᠵᠦ ᠬᠡᠯᠪᠡᠷᠢ ᠪᠠᠷ ᠪᠠᠶᠢᠷᠢᠰᠢᠨ | ᠲᠣᠭᠳᠠᠵᠦ ᠰᠡᠬᠦᠶᠢᠨ ᠰᠦᠨᠳᠡᠷᠯᠡᠵᠦ᠂ ᠡᠮᠦᠨᠡ ᠬᠤᠷᠮᠣᠢ ᠪᠠᠷ ᠨᠢ ᠦᠷᠭᠡᠨ ᠬᠠᠶᠢᠯᠠᠷ ᠬᠠᠯᠬᠢᠯᠠᠨ ᠣᠷᠣᠰᠴᠦ᠂ ᠦᠩ | ᠰᠢᠮᠡᠯᠢᠭ ᠡᠪᠡᠰᠦ ᠪᠡᠯᠴᠢᠭᠡᠷ ᠬᠠᠯᠢᠭᠤᠷᠠᠨ ᠦᠨᠡᠭᠡᠷ ᠦᠵᠡᠮᠵᠢ ᠶᠢᠨ ᠰᠠᠶᠢᠬᠠᠨ ᠭᠠᠵᠠᠷ ᠡ᠃ ᠡᠨᠡ ᠭᠦ ᠨᠣᠲᠤᠭ ᠲᠤ | ᠡᠷᠲᠡᠨ ᠤ ᠨᠡᠭᠦᠳᠡᠯᠴᠢᠨ ᠠᠶᠢᠮᠠᠭ ᠤᠳ ᠠᠮᠢᠳᠣᠷᠠᠵᠦ ᠪᠠᠶᠢᠭᠰᠠᠨ ᠢᠶᠠᠷ ᠶᠡᠭᠡ ᠠᠭᠤᠯᠠ ᠶᠢᠨ ᠬᠠᠵᠠᠭᠤ ᠡᠩᠭᠡᠷ ᠢᠶᠠᠷ | ᠣᠯᠠᠨ ᠠᠷᠪᠢᠨ ᠡᠷᠲᠡᠨ ᠤ ᠴᠢᠯᠠᠭᠤᠨ ᠪᠣᠯᠠᠰᠢ ᠪᠠᠶᠢᠳᠠᠭ ᠨᠢ ᠨᠡᠩ ᠴᠦ ᠰᠣᠨᠢᠷᠬᠠᠯᠲᠠᠢ ᠪᠢᠯᠠ᠃ ᠪᠠᠰᠠ ᠲᠠᠬᠢᠯᠭᠠ | ᠶᠢᠨ ᠣᠪᠣᠭᠠ᠂ ᠲᠠᠯ ᠬᠠᠳᠠ᠂ ᠲᠡᠮᠡᠭᠡ ᠬᠠᠳᠠ᠂ ᠠᠭᠤᠢ ᠬᠠᠳᠠ᠂ ᠦᠭᠡᠷ ᠴᠢᠯᠠᠭᠤ᠂ ᠲᠠᠪᠰᠢᠭᠤᠷ ᠬᠠᠳᠠ᠂ | ᠲᠣᠭᠤᠭᠠ ᠬᠠᠳᠠ᠂ ᠴᠢᠩᠬᠢᠰ ᠤᠨ ᠮᠣᠷᠢᠨ ᠲᠣᠭᠤᠷᠠᠢ ᠶᠢᠨ ᠣᠷᠣᠮ᠂ ᠴᠢᠩᠬᠢᠰ ᠤᠨ ᠬᠡᠷᠡᠮ ᠵᠡᠷᠭᠡ ᠰᠣᠨᠢᠨ | ᠭᠠᠶᠢᠬᠠᠮᠰᠢᠭᠲᠦ ᠭᠠᠵᠠᠷ ᠤᠳ ᠪᠠᠶᠢᠳᠠᠭ᠃ | ᠨᠣᠲᠤᠭ ᠤᠨ ᠮᠠᠯᠴᠢᠳ ᠵᠢᠯ ᠪᠦᠷᠢ ᠶᠢᠨ 6 ᠳ᠋ᠤᠭᠠᠷ ᠰᠠᠷᠠ ᠳᠤ ᠶᠡᠭᠡ ᠠᠭᠤᠯᠠ ᠪᠠᠨ ᠲᠠᠬᠢᠵᠦ᠂ ︽ᠡᠷᠡ ᠶᠢᠨ | ᠭᠤᠷᠪᠠᠨ ᠨᠠᠭᠠᠳᠣᠮ︾ ᠡᠷᠬᠢᠯᠡᠵᠦ᠂ ᠬᠤᠯᠠ ᠣᠶᠢᠷᠠ ᠶᠢᠨ ᠵᠢᠭᠤᠯᠴᠢᠯᠠᠭᠰᠠᠳ ᠢ ᠣᠷᠢᠨ ᠴᠣᠭᠯᠠᠭᠤᠯᠵᠦ ᠪᠠᠶᠢᠳᠠᠭ᠃ | ᠠᠷᠪᠠ᠂ ᠴᠣᠶᠢᠴᠢᠨ ᠴᠠᠭᠠᠨ ᠨᠠᠭᠤᠷ ᠤᠨ ᠵᠢᠭᠤᠯᠴᠢᠯᠠᠯ ᠤᠨ ᠣᠷᠣᠨ | ᠲᠣᠰ ᠭᠠᠵᠠᠷ ᠨᠢ ᠦᠪᠦᠷᠪᠣᠯᠠᠭ ᠰᠣᠮᠣᠨ ᠤ ᠨᠤᠭᠤᠭᠠᠨᠨᠠᠭᠤᠷ ᠭᠠᠴᠠᠭᠠᠨ ᠳᠤ ᠬᠠᠷᠢᠶᠠᠯᠠᠭᠳᠠᠵᠦ᠂ ᠣᠮᠠᠷᠠᠲᠦ | ᠦᠷᠭᠡᠷᠢᠭ ᠤᠨ 49。55、᠂ ᠵᠡᠭᠦᠨ ᠣᠷᠳᠣᠷᠢᠭ ᠤᠨ 119。34、 ᠲᠤ ᠣᠷᠣᠰᠢᠵᠦ᠂ ᠠᠷᠣ ᠲᠠᠯᠠ ᠪᠠᠷ | ᠢᠶᠠᠨ ᠬᠤᠩᠭᠤᠯᠵᠢ ᠶᠢᠨ ᠨᠠᠷᠠᠰᠣᠨ ᠰᠢᠭᠤᠢ ᠲᠠᠢ ᠵᠡᠷᠭᠡᠯᠡᠵᠦ᠂ ᠡᠮᠦᠨᠡ ᠲᠠᠯᠠ ᠪᠠᠷ ᠢᠶᠠᠨ ᠬᠠᠯᠠᠭᠤᠨ ᠷᠠᠰᠢᠶᠠᠨ ᠤ | ᠵᠢᠭᠤᠯᠴᠢᠯᠠᠯ ᠤᠨ ᠣᠷᠣᠨ ᠲᠠᠢ ᠵᠠᠯᠭᠠᠯᠳᠣᠵᠦ᠂ ᠵᠡᠭᠦᠨ ᠲᠠᠯᠠ ᠪᠠᠷ ᠢᠶᠠᠨ ᠼᠠᠢ ᠡᠾᠧ ᠵᠢᠭᠤᠯᠴᠢᠯᠠᠯ ᠤᠨ ᠣᠷᠣᠨ ᠲᠠᠢ | ᠬᠦᠷᠰᠢᠯᠡᠵᠦ᠂ ᠡᠷᠬᠢᠨ ᠲᠣᠭᠤᠷᠢᠨ 10 ᠲᠦᠮᠡᠨ ᠮᠣ᠋ ᠪᠠᠶᠢᠭᠠᠯᠢ ᠶᠢᠨ ᠰᠢᠯᠢᠳᠡᠭ ᠰᠠᠶᠢᠨ ᠪᠡᠯᠴᠢᠭᠡᠷ ᠢᠶᠠᠷ | ᠬᠦᠷᠢᠶᠡᠯᠡᠭᠳᠡᠵᠦ᠂ ᠢᠮᠢᠨ — ᠢᠷᠪᠢᠰ ᠤᠨ ᠵᠠᠰᠠᠮᠠᠯ ᠵᠠᠮ ᠬᠢᠭᠡᠳ ᠲᠡᠮᠦᠷ ᠵᠠᠮ ᠨᠠᠭᠤᠷ ᠤᠨ ᠬᠦᠪᠡᠭᠡ ᠪᠠᠷ | ᠦᠩᠭᠡᠷᠡᠵᠦ ᠪᠠᠶᠢᠭᠠ ᠲᠣᠯᠠ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠠᠯᠣᠰ ᠢᠷᠡᠭᠡᠳᠦᠢ ᠲᠠᠢ ᠭᠠᠵᠠᠷ ᠪᠣᠯᠣᠨᠠ᠃ | ᠲᠣᠰ ᠨᠠᠭᠤᠷ ᠲᠤ ᠮᠣᠭᠠᠢ ᠶᠢᠨ ᠭᠤᠣᠯ ᠴᠢᠳᠬᠤᠵᠦ ᠪᠠᠶᠢᠭᠠ ᠪᠣᠯᠬᠤᠷ ᠣᠰᠣᠨ ᠤ ᠡᠬᠢ ᠪᠠᠶᠠᠯᠢᠭ ᠬᠦᠢᠴᠡᠳ᠂ | ᠣᠰᠣᠨ ᠤ ᠪᠦᠬᠦ ᠲᠠᠯᠠᠪᠠᠢ 10 ᠲᠦᠮᠡᠨ ᠮᠣ᠋᠂ ᠣᠰᠣᠨ ᠤ ᠬᠦᠨ ᠨᠢ 3 — 4 ᠮᠧᠲᠷ᠂ ᠣᠰᠣ ᠨᠢ ᠪᠣᠵᠠᠷᠳᠣᠯ | ᠦᠭᠡᠢ ᠲᠣᠩᠭᠠᠯᠠᠭ ᠴᠡᠩᠭᠡᠭ ᠨᠠᠭᠤᠷ ᠲᠣᠯᠠ ᠡᠯᠡ ᠲᠦᠷᠦᠯ ᠤᠨ ᠵᠢᠭᠠᠰᠦ ᠵᠢᠷᠠᠭᠠᠬᠠᠢ᠂ ᠣᠰᠣᠨ ᠤ ᠣᠷᠭᠤᠮᠠᠯ | ᠦᠷᠡᠵᠢᠨ ᠪᠣᠶᠢᠵᠢᠬᠤ ᠳᠤ ᠲᠣᠬᠢᠲᠠᠢ ᠰᠠᠶᠢᠬᠠᠨ ᠭᠠᠵᠠᠷ ᠪᠤᠯᠬᠤ ᠪᠠᠷ ᠦᠯᠦ ᠪᠠᠷᠠᠨ ᠣᠢ ᠰᠢᠭᠤᠢ᠂ ᠡᠪᠡᠰᠦ ᠪᠡᠯᠴᠢᠭᠡᠷ | ᠂ ᠨᠠᠭᠤᠷ ᠨᠣᠭᠤ᠂ ᠭᠤᠣᠯ ᠭᠤᠷᠤᠬᠠ᠂ ᠲᠣᠪᠤ ᠲᠣᠯᠣᠭᠠᠳ ᠪᠦᠷᠢᠳᠦᠭᠰᠡᠨ ᠣᠢ ᠬᠦᠪᠴᠢ ᠶᠢᠨ ᠠᠮᠢ ᠠᠬᠤᠢ ᠶᠢᠨ | ᠵᠢᠭᠤᠯᠴᠢᠯᠠᠯ᠂ ᠲᠠᠯᠠ ᠨᠣᠲᠤᠭ ᠤᠨ ᠵᠢᠭᠤᠯᠴᠢᠯᠠᠯ᠂ ᠦᠨᠳᠦᠰᠦᠲᠡᠨ ᠤ ᠵᠠᠩ ᠦᠢᠯᠡ ᠶᠢᠨ ᠵᠢᠭᠤᠯᠴᠢᠯᠠᠯ ᠢ ᠡᠷᠬᠢᠯᠡᠬᠦ | ᠳᠤ ᠵᠣᠬᠢᠴᠠᠬᠤ ᠬᠦᠯᠦᠨ ᠪᠣᠶᠢᠷ ᠤᠨ ᠬᠠᠮᠤᠭ ᠤᠨ ᠪᠦᠷᠢᠨ ᠪᠦᠲᠦᠨ ᠪᠠᠶᠢᠭᠠ ᠲᠠᠯᠠ ᠨᠣᠲᠤᠭ ᠤᠨ ᠠᠶᠠᠯᠠᠯ | ᠵᠢᠭᠤᠯᠴᠢᠯᠠᠯ ᠤᠨ ᠭᠠᠵᠠᠷ ᠪᠣᠯᠣᠨᠠ᠃ | ᠡᠮᠦᠨᠡ ᠬᠦᠪᠡᠭᠡᠨ ᠳᠡᠭᠡᠷᠡ ᠨᠢ ᠳᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠤᠷᠴᠢᠨ ᠦᠶᠡ ᠶᠢᠨ | ᠤᠷᠠᠨ ᠵᠤᠬᠢᠶᠠᠯ ᠤᠨ ᠦᠨᠳᠦᠰᠦᠯᠡᠭᠴᠢ ᠨᠠ᠊ · ᠰᠠᠶᠢᠨᠴᠤᠭᠲᠤ ᠶᠢᠨ ︽ᠴᠤᠶᠢᠴᠢᠨ ᠴᠠᠭᠠᠨ ᠨᠠᠭᠤᠷ︾ ᠭᠡᠬᠦ ᠰᠢᠯᠦᠭ | ᠢᠶᠠᠨ ᠪᠢᠴᠢᠭᠰᠡᠨ ︽ᠠᠯᠲᠠᠨ ᠬᠠᠳᠠ︾ ᠪᠠᠶᠢᠬᠤ ᠪᠦᠭᠡᠳ ︽ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠤᠪᠤᠭᠠ︾ ᠪᠤᠢ᠃ |