ᠨᠢᠭᠡᠨ ᠮᠠᠯᠴᠢᠨ ᠤ ᠤᠷᠤᠭᠤᠳᠠᠵᠤ ᠦᠭᠡᠳᠡᠯᠡᠭᠰᠡᠨ ᠠᠮᠢᠳᠤᠷᠠᠯ ᠤᠨ ᠦᠨᠡᠨ | ᠠᠳᠢᠶᠠ | ᠡᠴᠢᠭᠡ ᠲᠡᠭᠦᠰ ᠪᠠᠷ 1912 ᠣᠨ ᠳᠤ᠂ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠭᠠᠷ ᠤᠨ ᠬᠥᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤᠨ ᠤ | ᠬᠠᠱᠢᠭᠨᠠᠷ ︵ᠴᠡᠭᠡᠵᠢᠳ︶ ᠬᠠᠯᠠ ᠶᠢᠨ ᠴᠣᠭᠲᠤ ᠶᠢᠨ ᠳ᠋ᠠᠰᠢ ᠶᠢᠨ ᠳᠤ ᠶᠢᠰᠦᠨ ᠨᠠᠰᠤᠲᠠᠢ ︵1904 ᠤᠨ ᠳᠤ | ᠲᠦᠷᠦᠭᠰᠡᠨ︶ ᠡᠬᠡ ᠪᠠᠨ ᠳᠠᠭᠠᠵᠤ ᠦᠷᠡ ᠶᠢᠨ ᠭᠠᠭᠴᠠ ᠬᠦᠦ ᠨᠢ ᠪᠣᠯᠵᠤ ᠢᠷᠠᠯᠠ᠃ ᠳ᠋ᠠᠰᠢ ᠶᠢᠨ ᠬᠢᠨ ᠲᠤᠬᠠᠢ | ᠶᠢᠨ ᠦᠶᠡ ᠳᠤ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠵᠡᠭᠦᠨ ᠬᠤᠶᠠᠷ ᠬᠤᠰᠢᠭᠤᠨ ︵ᠽᠧᠪᠡᠯ᠂ ᠳᠠᠰᠬᠠᠨ ᠭᠠᠷ︶ ᠤ ᠨᠤᠲᠤᠭ | ᠤᠨ ᠵᠠᠭᠠᠭ ᠲᠤ ᠨᠤᠲᠤᠭᠰᠢᠨ ᠠᠮᠢᠳᠤᠷᠠᠵᠤ ᠪᠠᠶᠢᠯᠠ᠃ ᠣᠳᠣ ᠶᠢᠨ ᠮᠠᠨᠵᠤᠤᠷ ᠬᠤᠲᠠ ᠶᠢᠨ ᠪᠠᠷᠠᠭᠤᠨ ᠪᠡᠶᠡ ᠶᠢᠨ | ᠤᠤᠷᠵᠢᠨ ᠠᠭᠤᠯᠠ ᠶᠢᠨ ᠲᠡᠨᠳᠡ ᠨᠤᠲᠤᠭᠰᠢᠵᠤ ᠪᠠᠶᠢᠪᠠ᠃ | ᠳ᠋ᠠᠰᠢ᠂ ᠲᠤᠬᠠᠢ ᠶᠢᠨ ᠦᠶᠡ ᠳᠤ 300 — 400 ᠣᠷᠴᠢᠮ ᠤᠨ ᠬᠤᠨᠢ ᠲᠠᠢ ︵ᠭᠤᠣᠯᠳᠠᠭᠤ ᠶᠠᠭᠠᠨ᠂ ᠬᠥᠬᠡ | ᠲᠣᠯᠣᠭᠠᠢ ᠲᠠᠢ︶᠂ ᠠᠷᠪᠠᠨ ᠬᠡᠳᠦᠨ ᠦᠬᠡᠷ ᠲᠠᠢ᠂ ᠠᠵᠢᠷᠭᠠ ᠪᠠᠷ ᠠᠳᠤᠭᠤ ᠲᠠᠢ᠂ ᠳᠤᠮᠳᠠ ᠶᠢᠨ ᠠᠶᠢᠯ ᠪᠠᠶᠢᠯᠠ | ᠭᠡᠳᠡᠭ᠃ ᠲᠡᠭᠦᠨ ᠤ ᠨᠠᠰᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠᠬᠠᠨ᠂ ᠰᠠᠶᠢᠨ ᠨᠠᠶᠢᠵᠠ ᠶᠢᠨ ᠬᠦᠦ ᠳ᠋ᠠᠷᠬᠢᠵᠠ ᠶᠢ ᠬᠠᠪᠰᠤᠷᠴᠤ | ᠬᠠᠮᠲᠤᠷᠠᠵᠤ ᠪᠠᠶᠢᠵᠠᠢ᠃ ᠳ᠋ᠠᠷᠬᠢᠵᠠ ᠠᠷᠪᠠᠨ ᠬᠡᠳᠦᠨ ᠨᠠᠰᠤ ᠲᠠᠢ᠂ ᠲᠤᠰ ᠠᠶᠢᠯ ᠪᠣᠯ ᠨᠡᠷᠡᠲᠡᠢ ᠪᠠᠶᠠᠨ ᠠᠶᠢᠯ | ᠪᠠᠶᠢᠭᠰᠠᠨ ᠭᠡᠨᠡ᠃ ᠮᠠᠨᠵᠤ ᠬᠠᠭᠠᠨ ᠤ ᠳᠠᠩᠰᠠᠨ ᠳᠤ ᠣᠷᠣᠭᠰᠠᠨ ᠲᠣᠭᠠᠲᠠᠢ ᠬᠡᠳᠦᠨ ᠪᠠᠶᠠᠨ ᠠᠶᠢᠯ ᠤᠨ ᠨᠢᠭᠡ | ᠪᠠᠶᠢᠯᠠ᠃ | ᠡᠨᠡ ᠠᠶᠢᠯ ᠵᠢᠯ ᠳᠡᠭᠡᠨ ᠦᠬᠡᠷ ᠢᠶᠠᠨ ᠶᠡᠷᠦ ᠨᠢ ᠬᠤᠷᠢᠶᠠᠬᠤ ᠦᠭᠡᠢ ᠭᠡᠨᠡ᠃ ᠳᠠᠷᠠᠭᠠ ᠵᠢᠯ ᠤᠨ ᠬᠠᠪᠤᠷ ᠦᠨᠢᠶᠡ | ᠲᠤᠭᠤᠯᠯᠠᠵᠤ ᠪᠠᠷᠠᠬᠤ ᠶᠢᠨ ᠦᠶᠡ ᠳᠤ ᠵᠠᠷ ᠲᠠᠯᠪᠢᠵᠤ ᠰᠠᠶᠢᠨ ᠮᠤᠷᠢᠲᠠᠢ ᠬᠥᠮᠥᠰ ᠢ ᠣᠯᠠᠨ ᠴᠤᠭᠯᠠᠭᠤᠯᠵᠤ᠂ | ᠬᠦᠷᠢᠶᠡ ᠠᠪᠠ ᠶᠢᠨ ᠮᠠᠶ᠋ᠢᠭ ᠢᠶᠠᠷ ᠦᠬᠡᠷ ᠢᠶᠠᠨ ᠨᠢᠭᠡ ᠡᠳᠦᠷ ᠳᠣᠲᠣᠭᠰᠢ ᠬᠥᠭᠡᠭᠡᠬᠦ ᠳᠤ᠂ ᠡᠨᠡ ᠠᠭᠤᠯᠠ ᠶᠢᠨ | ᠵᠢᠯᠠᠭᠠ ᠠᠴᠠ ᠠᠷᠪᠠᠨ ᠬᠡᠳᠦᠨ ᠲᠤᠭᠤᠯ ᠲᠠᠢ ᠵᠡᠷᠯᠢᠭ ᠪᠣᠯᠣᠭᠰᠠᠨ ᠦᠬᠡᠷ᠂ ᠲᠡᠷᠡ ᠠᠭᠤᠯᠠ ᠶᠢᠨ ᠵᠢᠯᠠᠭᠠ ᠠᠴᠠ | ᠬᠡᠳᠦᠨ ᠵᠠᠭᠤᠨ ᠦᠬᠡᠷ ᠁ ᠭᠡᠬᠦ ᠮᠡᠲᠦ ᠪᠠᠷ ᠴᠤᠭᠯᠠᠭᠤᠯᠵᠤ᠂ ᠣᠷᠣᠢ ᠪᠦᠷᠦᠩᠬᠦᠢ ᠪᠣᠯᠬᠤ ᠦᠶᠡ ᠪᠠᠷ ᠶᠡᠭᠡ | ᠲᠥᠯᠥᠪ ᠲᠤᠭᠠ ᠶᠢ ᠨᠢ ᠠᠪᠳᠠᠭ ᠭᠡᠨᠡ᠃ | ᠲᠡᠭᠦᠰ ᠤᠨ ᠠᠷᠪᠠᠨ ᠨᠢᠭᠡᠨ ᠨᠠᠰᠤᠲᠠᠢ ᠵᠢᠯ ᠤᠨ ᠨᠢᠭᠡ ᠥᠷᠯᠥᠭᠡ᠂ ᠲᠡᠭᠦᠨ ᠤ ᠡᠴᠢᠭᠡ ᠳ᠋ᠠᠰᠢ ᠡᠷᠲᠡ ᠪᠣᠰᠣᠭᠠᠳ | ᠬᠤᠴᠢᠯᠭᠠ ᠪᠠᠨ ᠡᠪᠬᠡᠵᠦ ᠬᠠᠨᠠ ᠪᠠᠨ ᠲᠦᠰᠢᠭᠦᠯᠵᠦ ᠬᠤᠷᠢᠶᠠᠭᠠᠳ ᠳᠡᠪᠡᠯ ᠭᠤᠲᠤᠯ ᠢᠶᠠᠨ ᠡᠮᠦᠰᠴᠦ᠂ ᠪᠦᠰᠡ ᠪᠠᠨ | ᠪᠦᠰᠡᠯᠡᠭᠡᠳ ᠬᠤᠴᠢᠯᠭᠠ ᠪᠠᠨ ᠨᠠᠯᠠᠵᠤ ᠰᠠᠭᠤᠭᠠᠳ ︵ᠡᠳᠦᠷ ᠪᠦᠷᠢ ᠡᠶᠢᠮᠦ ᠵᠠᠩᠰᠢᠯ ᠲᠠᠢ︶ ᠴᠠᠢ ᠪᠠᠨ ᠤᠤᠭᠤᠬᠤ | ᠭᠡᠵᠤ ᠪᠠᠶᠢᠲᠠᠯᠠ ᠪᠠᠨ ᠬᠥᠭᠰᠢᠨ ᠳᠡᠭᠡᠨ᠄ ︽ᠲᠣᠯᠣᠭᠠᠢ ᠡᠪᠡᠳᠴᠦ ᠪᠠᠶᠢᠨᠠ᠂ ᠴᠢ ᠢᠷᠠᠵᠤ ᠲᠣᠯᠣᠭᠠᠢ ᠪᠠᠵᠢᠭᠤᠵᠤ | ᠥᠭ︾ ᠭᠡᠰᠡᠨ ᠳᠤ ᠬᠥᠭᠰᠢᠨ ᠨᠢ ᠣᠴᠢᠵᠤ ᠲᠣᠯᠣᠭᠠᠢ ᠶᠢ ᠨᠢ ᠨᠤᠬᠤᠵᠤ ᠪᠠᠶᠢᠬᠤ ᠦᠶᠡ ᠳᠤ ᠭᠡᠨᠡᠳᠲᠡ ᠨᠢᠭᠡ | ᠠᠶᠠᠭᠠ ᠬᠢᠷᠢᠲᠡᠢ ᠴᠢᠰᠤ ᠨᠥᠵᠢ ᠪᠠᠷ ᠪᠥᠭᠡᠯᠵᠢᠭᠡᠳ ᠳᠣᠣᠷᠠ ᠪᠠᠨ ᠰᠠᠭᠤᠭᠠ ᠪᠠᠷ ᠢᠶᠠᠨ ᠠᠮᠢ ᠲᠠᠯᠪᠢᠪᠠ᠃ | ᠢᠩᠭᠢᠭᠡᠳ ᠲᠡᠭᠦᠰ ᠠᠷᠪᠠᠨ ᠨᠢᠭᠡᠨ ᠨᠠᠰᠤᠲᠠᠢ ᠳᠠᠭᠠᠨ ᠡᠬᠡ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠪᠠᠨ ᠥᠨᠥᠴᠢᠨ ᠥᠷᠥᠭᠡᠰᠦᠨ | ᠦᠯᠡᠳᠡᠪᠡ᠃ ᠮᠥᠨ ᠴᠦ ᠳ᠋ᠠᠷᠬᠢᠵᠠ ᠶᠢ ᠬᠠᠪᠰᠤᠷᠴᠤ ᠳᠡᠮᠵᠢᠵᠦ ᠪᠠᠶᠢᠭᠰᠠᠨ ᠪᠠᠶᠢᠷᠢ ᠰᠠᠭᠤᠷᠢ ᠠᠭᠠᠵᠢᠮ ᠳᠠᠭᠠᠨ | ᠰᠣᠯᠢᠭᠳᠠᠵᠤ᠂ ᠳ᠋ᠠᠷᠬᠢᠵᠠ ᠲᠡᠳᠡᠨ ᠢ ᠬᠠᠪᠰᠤᠷᠴᠤ ᠬᠠᠷᠠᠭᠠᠯᠵᠠᠬᠤ᠂ ᠤᠳᠠᠭᠠᠨ ᠳᠠᠭᠠᠨ ᠲᠡᠭᠦᠰ ᠲᠡᠳᠡᠨ ᠤ ᠬᠥᠯᠥᠰᠦ | ᠦᠭᠡᠢ ᠵᠠᠷᠤᠴᠠ ᠨᠢ ᠪᠣᠯᠪᠠ᠃ ᠪᠦᠷ ᠲᠡᠭᠦᠰ ᠤᠨ 17 ᠨᠠᠰᠤᠲᠠᠢ ᠵᠢᠯ ᠨᠢ ᠳ᠋ᠠᠷᠬᠢᠵᠠ ᠥᠬᠢᠨ ᠳᠡᠭᠦᠦ ᠳᠠᠷᠢᠮᠠ ︵ | ᠡᠮᠦᠨᠡᠬᠢ ᠡᠬᠡᠨᠡᠷ ᠨᠢ︶ ᠪᠠᠨ ᠡᠬᠡᠨᠡᠷ ᠪᠣᠯᠭᠠᠨ ᠥᠭᠪᠡ᠃ ᠡᠭᠦᠨ ᠠᠴᠠ ᠡᠬᠢᠯᠡᠵᠦ ᠲᠡᠳᠡ ᠳ᠋ᠠᠷᠬᠢᠵᠠ ᠶᠢᠨ ᠨᠡᠷᠡ | ᠨᠢᠳᠡᠷ ᠲᠡᠭᠡᠨ ᠨᠡᠶᠢᠴᠡᠭᠰᠡᠨ ᠵᠠᠷᠤᠴᠠ ᠠᠶᠢᠯ ᠨᠢ ᠪᠣᠯᠪᠠ᠃ ᠮᠥᠨ ᠴᠦ ᠡᠨᠡ ᠦᠶᠡ ᠠᠴᠠ ᠡᠬᠢᠯᠡᠵᠦ ᠠᠮᠢᠳᠤᠷᠠᠯ ᠨᠢ | ᠶᠠᠳᠠᠭᠤᠷᠠᠵᠤ ᠳᠣᠷᠣᠶᠢᠲᠠᠨ᠂ ᠬᠤᠨᠢ ᠨᠢ ᠦᠷᠭᠦᠯᠵᠢ ᠡᠪᠡᠳᠴᠢᠨ ᠢᠶᠠᠷ ᠦᠬᠦᠬᠦ᠂ ᠨᠢᠭᠡ ᠤᠳᠠᠭᠠ ᠬᠤᠨᠢ ᠨᠢ | ᠬᠤᠵᠢᠭᠢᠷ ᠪᠣᠯᠵᠤ ᠨᠣᠣᠰᠣ ᠨᠢ ᠪᠦᠷ ᠭᠤᠤᠵᠢᠵᠤ ᠤᠨᠠᠭᠠᠳ ᠶᠡᠬᠡᠩᠬᠢ ᠨᠢ ᠦᠬᠦᠪᠠ᠃ ᠢᠩᠭᠢᠭᠡᠳ ᠠᠷᠭᠠ ᠠᠪᠬᠤ | ᠳᠠᠭᠠᠨ ᠰᠦᠮᠡ ᠳᠤ ᠮᠥᠷᠭᠦᠯ ᠬᠢᠬᠦ᠂ ᠨᠣᠮ ᠲᠠᠯᠪᠢᠭᠤᠯᠬᠤ᠂ ᠵᠢᠰᠠᠭᠠ ᠤᠩᠰᠢᠭᠤᠯᠬᠤ ᠵᠡᠷᠭᠡ ᠪᠠᠷ ᠦᠯᠡᠳᠡᠭᠰᠡᠨ | ᠬᠡᠰᠡᠭ ᠮᠠᠯ ᠢᠶᠠᠨ ᠡᠷᠭᠦᠯ ᠳᠤ ᠡᠷᠭᠦᠵᠦ ᠪᠠᠷᠠᠪᠠ᠃ | ᠶᠠᠭ ᠡᠨᠡ ᠦᠶᠡ ᠳᠤ᠂ ᠵᠡᠭᠦᠨ ᠭᠠᠷ ᠤᠨ ᠬᠤᠰᠢᠭᠤᠨ ᠤ ᠭᠠᠯᠢᠳᠠ ᠶᠠᠮᠤᠨ ᠠᠴᠠ ︽ᠪᠠᠶᠢᠲ᠋ᠠ︾ ︵ᠠᠯᠪᠠᠨ | ᠪᠢᠴᠢᠭ︶ ᠢᠷᠡᠵᠡᠢ᠃ ᠠᠭᠤᠯᠭᠠ ᠨᠢ ᠤᠯᠬᠠᠲᠤ ᠨᠠᠮᠵᠢᠯᠳᠦ᠋ᠲᠦᠪ ᠠᠪᠠᠴᠢᠵᠤ ᠭᠠᠷ ᠭᠤᠴᠤᠭ ᠢᠶᠠᠨ ᠬᠢᠬᠦ ᠶᠤᠮ ᠭᠡᠨᠡ | ᠃ ᠢᠩᠭᠢᠭᠡᠳ ᠡᠬᠡ᠂ ᠡᠬᠡᠨᠡᠷ ᠢᠶᠠᠨ ᠳ᠋ᠠᠷᠬᠢᠵᠠ ᠶᠢᠨ ᠳᠤ ᠦᠯᠡᠳᠡᠭᠡᠵᠦ ᠥᠪᠡᠷᠲᠡᠭᠡᠨ ᠭᠠᠯᠢᠳᠠ ᠶᠠᠮᠤᠨ ᠳᠤ ᠣᠴᠢᠯᠠ᠃ | ᠬᠤᠷᠢᠨ ᠨᠢᠭᠡᠨ ᠨᠠᠰᠤᠲᠠᠢ ᠲᠡᠷᠡ ᠪᠠᠷ ᠪᠢᠴᠢᠭ ᠰᠣᠶᠣᠯ ᠨᠢᠭᠡ ᠴᠦ ᠮᠡᠳᠡᠬᠦ ᠦᠭᠡᠢ᠂ ᠬᠢᠬᠦ ᠠᠵᠢᠯ ᠨᠢ ᠪᠣᠯ ᠨᠠ᠊ | ᠭᠠᠯᠢᠳᠠ ᠤᠨᠲᠠᠪᠠᠯ ᠰᠠᠯᠵᠤ᠂ ᠰᠡᠷᠡᠭᠦᠨ ᠪᠣᠯ ᠲᠥᠭᠡ ᠴᠦ ᠰᠠᠯᠵᠤ ᠪᠣᠯᠬᠤ ᠦᠭᠡᠢ ᠠᠵᠢᠯ ᠲᠠᠢ᠃ ᠶᠠᠭᠠᠬᠢᠭᠠᠳ | ᠲᠡᠭᠦᠨ ᠢ ᠳᠠᠭᠤᠳᠠᠵᠤ ᠭᠠᠷ ᠳᠣᠣᠷᠠ ᠪᠠᠨ ᠵᠠᠷᠤᠬᠤ ᠪᠣᠯᠣᠭᠰᠠᠨ ᠨᠢ᠄ ᠨᠠ᠊ ᠭᠠᠯᠢᠳᠠ ᠪᠣᠯᠣᠨ ᠲᠡᠭᠦᠨ ᠤ ᠡᠴᠢᠭᠡ ᠳ᠋ᠠᠰᠢ | ᠬᠤᠶᠠᠷ ᠪᠣᠯ ᠨᠢᠭᠡ ᠬᠠᠯᠠ ᠲᠠᠢ ᠮᠥᠷᠲᠡᠭᠡᠨ ᠰᠠᠶᠢᠨ ᠨᠠᠶᠢᠵᠠ ᠪᠠᠶᠢᠵᠠᠢ᠃ ᠡᠶᠢᠮᠦ ᠠᠴᠠ ᠳ᠋ᠠᠰᠢ ᠠᠴᠠ ᠨᠠ᠊ ᠭᠠᠯᠢᠳᠠ | ᠳᠤ ᠦᠭᠡ ᠦᠯᠡᠳᠡᠭᠡᠭᠰᠡᠨ ᠪᠣᠯᠣᠯᠲᠠᠢ᠃ ᠨᠠ᠊ ᠭᠠᠯᠢᠳᠠ ᠪᠣᠯ ᠬᠠᠷᠭᠢᠰ ᠬᠠᠲᠠᠭᠤ ᠨᠡᠷᠡᠲᠡᠢ ᠬᠥᠮᠥᠨ ᠲᠤᠯᠠ ᠲᠡᠭᠦᠨ ᠳᠤ | ᠴᠢᠯᠦᠭᠡ ᠥᠭᠴᠦ ᠭᠡᠷ ᠲᠤᠨᠢ ᠬᠠᠷᠢᠭᠤᠯᠬᠤ ᠤᠴᠢᠷ ᠶᠡᠷᠦ ᠨᠢ ᠦᠭᠡᠢ᠂ ᠬᠡᠳᠦᠨ ᠵᠢᠯ ᠪᠣᠯᠵᠠᠢ᠃ ᠭᠡᠪᠡᠴᠦ ᠠᠵᠢᠯ | ᠠᠯᠪᠠ ᠪᠠᠷ ᠣᠶᠢᠷᠠᠯᠴᠠᠭᠠ ᠣᠴᠢᠬᠤ᠂ ᠨᠡᠩ ᠴᠦ ᠳ᠋ᠠᠷᠬᠢᠵᠠ ᠪᠠᠶᠠᠨ ᠢᠨᠠᠭᠰᠢ ᠴᠢᠨᠠᠭᠰᠢ ᠶᠠᠪᠤᠬᠤ ᠵᠡᠷᠭᠡ ᠳᠤ ᠭᠡᠷ | ᠪᠠᠷᠠᠭᠠ ᠳᠠᠭᠠᠨ ᠣᠴᠢᠳᠠᠭ ᠤᠳᠠᠭᠠ ᠲᠠᠢ᠃ ᠢᠩᠭᠢᠭᠡᠳ ᠣᠳᠣ ᠶᠢᠨ ᠬᠠᠶᠢᠯᠠᠷ — ᠠᠮᠤᠭᠤᠯᠠᠩ ᠤᠨ ᠳᠤᠮᠳᠠ ᠭᠦᠨ | ᠵᠢᠯᠠᠭᠠ ᠳᠤ ᠮᠠᠰᠢᠨ ᠨᠢ ᠤᠷᠪᠠᠵᠤ᠂ ᠨᠠ᠊ ᠭᠠᠯᠢᠳᠠ ᠠᠳᠡᠯ ᠳᠤ ᠨᠠᠰᠤ ᠪᠠᠷᠠᠬᠤ ᠪᠣᠯᠲᠠᠯᠠ 3 — 4 ᠵᠢᠯ ᠪᠣᠯᠣᠭᠠᠳ | ᠭᠡᠷ ᠲᠡᠭᠡᠨ ᠪᠤᠴᠠᠪᠠ᠃ ᠲᠡᠭᠦᠨ ᠤ ᠬᠡᠳᠦᠨ ᠵᠢᠯ ᠬᠠᠮᠤᠭ ᠤᠨ ᠰᠠᠶᠢᠨ ᠰᠤᠷᠤᠭᠰᠠᠨ ᠵᠦᠢᠯ ᠨᠢ ᠠᠷᠢᠬᠢ ᠤᠤᠭᠤᠬᠤ | ᠶᠢ ᠰᠤᠷᠴᠠᠢ᠃ ᠤᠴᠢᠷ ᠨᠢ ᠨᠠ᠊ ᠭᠠᠯᠢᠳᠠ ᠠᠷᠢᠬᠢ ᠤᠤᠭᠤᠳᠠᠭ ᠬᠥᠮᠥᠨ ᠪᠠᠶᠢᠵᠠᠢ᠃ ᠲᠡᠭᠦᠨ ᠤ ᠠᠷᠢᠬᠢ ᠨᠢ | ᠭᠠᠳᠠᠨᠠ ᠬᠦᠯᠢᠶᠡ ᠲᠡᠷᠭᠡᠨ ᠳᠣᠲᠣᠷᠠ᠂ ᠳᠥᠷᠪᠡᠯᠵᠢᠨ ᠪᠠᠳᠢᠷᠢᠩᠬᠡ ᠰᠠᠪᠠ ᠳᠣᠲᠣᠷᠠ ᠪᠠᠶᠢᠳᠠᠭ ᠲᠤᠯᠠ ᠲᠡᠭᠦᠨ ᠤ | ᠠᠷᠢᠬᠢ ᠤᠤᠭᠤᠬᠤ ᠪᠣᠯᠭᠠᠨ ᠳᠤ ᠰᠢᠮᠡᠭᠦᠷ ᠢᠶᠠᠷ ᠰᠤᠷᠤᠵᠤ᠂ ᠱᠠᠬᠤᠤ ᠳᠤ ᠬᠢᠳᠡᠭ ᠶᠤᠮ᠃ ᠡᠬᠢᠨ ᠳᠡᠭᠡᠨ | ᠪᠣᠯᠪᠠᠰᠤᠷᠠᠩᠭᠤᠢ ᠪᠢᠰᠢ᠂ ᠠᠷᠢᠬᠢ ᠵᠠᠯᠭᠢᠬᠤ ᠳᠠᠭᠠᠨ ᠬᠠᠨᠢᠶᠠᠵᠤ ᠬᠠᠭ᠋ᠠᠬᠤ᠂ ᠨᠢᠰᠤ ᠨᠢᠯᠪᠤᠰᠤ ᠨᠢ ᠭᠤᠭᠤᠵᠢᠨ᠂ | ᠰᠡᠭᠦᠯ ᠳᠡᠭᠡᠨ ᠰᠣᠷᠣᠬᠤ ᠳᠠᠭᠠᠨ ᠨᠢᠭᠡ ᠵᠠᠯᠭᠢᠬᠤ ᠮᠡᠲᠦ ᠪᠠᠷ ᠠᠷᠢᠬᠢ ᠤᠤᠭᠤᠬᠤ ᠳᠤᠷᠠᠲᠠᠢ ᠪᠣᠯᠵᠠᠢ᠃ | ᠢᠩᠭᠢᠭᠡᠳ ᠭᠡᠷ ᠲᠡᠭᠡᠨ ᠢᠷᠡᠭᠡᠳ ᠳᠡᠮᠡᠢ ᠤᠳᠠᠭᠰᠠᠨ ᠦᠭᠡᠢ ᠪᠠᠷ ᠡᠬᠡ ᠨᠢ ᠨᠠᠰᠤ ᠪᠠᠷᠠᠪᠠ᠃ ᠬᠥᠷᠥᠩᠭᠡ ᠮᠠᠯ ᠨᠢ | ᠮᠠᠭᠤᠳᠠᠵᠤ᠂ ᠥᠪᠡᠷ ᠢᠶᠠᠨ ᠠᠷᠢᠬᠢᠨ ᠳᠤ ᠣᠷᠣᠵᠤ᠂ ᠵᠠᠩ ᠠᠭᠠᠰᠢ ᠥᠭᠡᠷᠡᠲᠦᠵᠦ᠂ ᠠᠭᠤᠷ ᠣᠮᠤᠭ ᠢᠶᠠᠨ ᠡᠬᠡᠨᠡᠷ | ᠬᠡᠦᠬᠡᠳ ᠲᠡᠭᠡᠨ ᠭᠠᠷᠭᠠᠬᠤ ᠪᠣᠯᠣᠯᠠ᠃ ᠨᠡᠩ ᠴᠦ ᠳ᠋ᠠᠷᠬᠢᠵᠠ ᠲᠠᠢ ᠪᠠᠨ ᠲᠠᠭᠠᠷᠠᠯᠴᠠᠬᠤ ᠪᠠᠨ ᠪᠣᠯᠢᠵᠤ᠂ ᠰᠠᠯᠬᠤ ᠠᠴᠠ | ᠥᠭᠡᠷᠡ ᠠᠷᠭᠠ ᠦᠭᠡᠢ ᠪᠣᠯᠣᠯᠠ᠃ ᠢᠩᠭᠢᠭᠡᠳ ᠳᠥᠷᠪᠡᠳᠦᠭᠡᠷ ᠬᠦᠦ ᠴᠢᠯᠠᠭᠤ ᠪᠠᠨ ᠭᠠᠷᠤᠩᠭᠤᠲᠠ ᠨᠢ ᠳ᠋ᠠᠷᠬᠢᠵᠠ ︵ | ᠨᠠᠭᠠᠴᠤ ᠶᠢᠨ ᠳᠤᠨᠢ︶ ᠳᠤ ᠬᠦᠦ ᠦᠭᠡᠢ ᠲᠤᠯᠠ ᠬᠦᠦᠴᠢᠯᠡᠵᠦ ᠥᠭᠪᠡ᠃ ᠬᠦᠦ ᠪᠠᠨ ᠬᠤᠶᠠᠷ ᠨᠠᠰᠤ ᠪᠣᠯᠲᠠᠯᠠ | ᠳ᠋ᠠᠷᠬᠢᠵᠠ ᠶᠢᠨ ᠳᠡᠷᠭᠡᠳᠡ ᠠᠮᠢᠳᠤᠷᠠᠭᠠᠳ ᠨᠢᠭᠡ ᠤᠨᠤᠬᠤ ᠮᠣᠷᠢ ᠲᠠᠢ᠂ ᠢᠮᠠᠭᠠ ᠬᠤᠨᠢ ᠠᠷᠪᠠᠨ ᠬᠡᠳᠦᠨ ᠮᠠᠯ ᠲᠠᠢ | ᠨᠠᠮᠤᠭᠦ᠋ᠷᠦ ᠰᠦᠮᠡ ᠳᠤ ᠨᠡᠭᠦᠵᠦ ᠣᠴᠢᠪᠠ᠃ ᠨᠠᠮᠤᠭᠦ᠋ᠷᠦ ᠰᠦᠮᠠ ︵ᠬᠥᠪᠡᠭᠡᠲᠤ ᠰᠢᠷᠠ ᠬᠤᠰᠢᠭᠤᠨ ᠤ ᠰᠦᠮᠡ︶ | ᠳᠤ ᠲᠡᠭᠦᠰ ᠤᠨ ᠨᠢᠭᠡᠨ ᠡᠷᠳᠡᠮ ᠰᠣᠶᠣᠯ ᠲᠠᠢ᠂ ᠰᠦᠮᠡ ᠳᠡᠭᠡᠨ ᠪᠠᠰᠠ ᠵᠡᠷᠭᠡ ᠲᠤᠰᠢᠶᠠᠯ ᠲᠠᠢ ᠠᠪᠠᠭᠠ ᠯᠠᠮᠠ | ᠪᠠᠶᠢᠵᠠᠢ᠃ ᠳᠡᠭᠡᠭᠡᠳ ᠰᠦᠮᠡ ᠶᠢᠨ ᠵᠢᠰᠠ ᠶᠢᠨ ᠮᠠᠯ ᠬᠠᠷᠠᠳᠠᠭ ᠠᠶᠢᠯ ᠪᠤᠯᠵᠤ᠂ ᠪᠦᠷ ᠰᠡᠭᠦᠯ ᠳᠡᠭᠡᠨ ᠯᠣᠶᠢᠯᠤᠩ | ᠰᠦᠮᠡ ᠶᠢᠨ ᠵᠢᠰᠠ ᠶᠢᠨ ᠮᠠᠯ ᠬᠠᠷᠠᠳᠠᠭ ᠠᠵᠢᠯ ᠲᠠᠢ ᠠᠶᠢᠯ ᠪᠣᠯᠵᠠᠢ᠃ ᠳᠡᠭᠡᠬᠦ ᠳᠤ ᠠᠮᠢᠳᠤᠷᠠᠯ ᠨᠢ ᠬᠠᠮᠤᠭ ᠤᠨ | ᠳᠣᠷᠣᠶᠢᠲᠠᠯ ᠮᠤᠬᠤᠷᠳᠠᠯ ᠳᠤ ᠣᠷᠣᠭᠠᠳ ᠪᠠᠶᠢᠵᠠᠢ᠃ | ᠨᠢᠭᠡ ᠯᠡ ᠣᠨᠣᠬᠤ ᠮᠣᠷᠢ ᠲᠠᠢ᠂ ᠥᠭᠡᠷᠡ ᠮᠠᠯ ᠭᠡᠵᠤ ᠶᠠᠭ ᠦᠭᠡᠢ᠂ ᠬᠡᠦᠬᠡᠳ ᠪᠠᠰᠠ ᠣᠯᠠᠨ᠂ ᠠᠮᠢᠳᠤᠷᠠᠯ ᠢᠶᠠᠨ | ᠵᠢᠰᠠ ᠶᠢᠨ ᠮᠠᠯ ᠬᠠᠷᠠᠭᠠᠳ ᠨᠠᠮᠤᠷ ᠢᠳᠡᠰᠢᠨ ᠤ ᠦᠶᠡ ᠳᠤ ᠭᠡᠳᠡᠰᠦ ᠭᠦᠵᠡᠭᠡ᠂ ᠰᠢᠷᠠ ᠲᠣᠰᠣ᠂ ᠳᠤᠯᠠᠭᠠᠨ ᠤ | ᠦᠶᠡ ᠳᠤ ᠯᠠᠮᠠ ᠨᠠᠷ ᠲᠤ ᠠᠷᠭᠠᠯ ᠲᠦᠯᠡᠰᠢ ᠲᠠᠲᠠᠵᠤ ᠥᠭᠭᠦᠭᠡᠳ ᠪᠠᠭᠠ ᠰᠠᠭᠠ ᠠᠭᠠᠷᠤᠤᠯ ᠲᠣᠰᠣ ᠣᠯᠵᠤ ᠠᠮᠢ | ᠵᠠᠭᠤᠵᠤ ᠪᠠᠶᠢᠵᠠᠢ᠃ ᠨᠢᠭᠡ ᠤᠳᠠᠭᠠ ᠵᠢᠰᠠ ᠶᠢᠨ ᠬᠠᠯᠲᠠᠷ ᠭᠡᠳᠡᠭ ᠭᠠᠭᠴᠠ ᠮᠣᠷᠢ ᠪᠠᠨ ᠣᠨᠣᠭᠠᠳ ᠰᠦᠮᠡ | ᠣᠷᠣᠵᠤ᠂ ᠪᠡᠶᠡ ᠮᠠᠭᠤᠲᠠᠢ ᠠᠪᠠᠭᠠ ᠯᠠᠮᠠ ᠪᠠᠨ ᠡᠷᠭᠢᠵᠦ ︵ᠬᠤᠶᠠᠳᠤᠭᠠᠷ ᠬᠦᠦ ᠭᠠᠯᠰᠠᠩᠳᠠᠭᠪᠠ ᠪᠠᠨ ᠠᠷᠪᠠ | ᠬᠦᠷᠦᠭᠡᠳᠦᠢ ᠪᠠᠷ ᠨᠢ ᠱᠠᠪᠢ ᠪᠣᠯᠭᠠᠵᠤ ᠥᠭᠴᠡᠢ︶᠂ ᠪᠤᠴᠠᠬᠤ ᠵᠠᠮ ᠳᠠᠭᠠᠨ ᠣᠷᠣᠶᠢᠲᠠᠵᠤ ᠨᠢᠭᠡ ᠠᠶᠢᠯ ᠳᠤ | ᠬᠤᠨᠣᠪᠠ᠃ ᠣᠷᠣᠢ ᠨᠢ ᠮᠣᠷᠢ ᠪᠠᠨ ᠲᠡᠷᠡ ᠠᠶᠢᠯ ᠤᠨ ᠮᠣᠷᠢ ᠲᠠᠢ ᠬᠠᠮᠲᠤ ᠬᠡᠷᠤᠵᠦ ᠲᠠᠯᠪᠢᠪᠠ᠃ ᠮᠠᠷᠭᠠᠰᠢ ᠡᠷᠲᠡ | ᠪᠣᠰᠬᠤ ᠳᠤ ᠦᠨᠡᠰᠦᠨ ᠣᠪᠣᠭᠠᠨ ᠤ ᠳᠡᠷᠭᠡᠳᠡ ᠬᠤᠶᠠᠷ ᠮᠣᠷᠢ ᠶᠢᠨ ᠨᠢᠭᠡ ᠶᠢ ᠴᠢᠨ᠋ᠸᠠ ᠢᠳᠡᠭᠡᠳ ᠨᠢᠭᠡ ᠮᠣᠷᠢ ᠨᠢ | ᠲᠡᠭᠦᠨ ᠳᠡᠭᠡᠨ ᠲᠠᠲᠠᠭᠳᠠᠭᠠᠳ ᠪᠠᠶᠢᠵᠠᠢ᠃ ᠣᠴᠢᠵᠤ ᠦᠵᠡᠬᠦ ᠳᠤ ᠲᠡᠭᠦᠨ ᠤ ᠬᠠᠯᠲᠠᠷ ᠮᠣᠷᠢ ᠪᠠᠶᠢᠵᠠᠢ᠂ ᠢᠩᠭᠢᠭᠡᠳ | ᠭᠠᠭᠴᠠ ᠮᠣᠷᠢᠨ ᠠᠴᠠ ᠪᠠᠨ ᠰᠠᠯᠵᠤ᠂ ᠪᠠᠷᠤᠭ ᠤᠬᠠᠭᠠᠨ ᠣᠷᠣᠭᠠᠳ ᠲᠡᠷᠢᠭᠦᠨ ᠤᠳᠠᠭᠠ ᠨᠢᠯᠪᠤᠰᠤ ᠤᠨᠠᠭᠠᠵᠤ᠂ | ᠡᠮᠡᠭᠡᠯ ᠢᠶᠠᠨ ᠡᠭᠦᠷᠴᠦ᠂ ᠪᠠᠰᠠ ᠠᠶᠢᠯ ᠤᠨ ᠬᠥᠮᠥᠰ ᠤᠨ ᠬᠠᠷᠠᠬᠤ ᠠᠴᠠ ᠵᠣᠪᠠᠵᠤ᠂ ᠬᠤᠷᠳᠤᠨ ᠶᠠᠪᠤᠬᠤ ᠪᠠ ᠭᠡᠷ | ᠲᠡᠭᠡᠨ ᠡᠷᠲᠡ ᠬᠦᠷᠬᠦ ᠠᠴᠠ ᠵᠣᠪᠠᠵᠤ ᠬᠥᠳᠡᠭᠡ ᠰᠠᠭᠤᠵᠤ ᠬᠠᠷᠠᠩᠭᠤᠢ ᠪᠤᠯᠭᠠᠭᠠᠳ ᠭᠡᠷ ᠲᠡᠭᠡᠨ ᠣᠴᠢᠵᠤ ᠪᠠᠶᠢᠭᠰᠠᠨ | ᠤᠳᠠᠭᠠ ᠪᠤᠢ᠃ | ᠬᠡᠳᠦᠨ ᠵᠢᠯ ᠤᠨ ᠳᠠᠷᠠᠭᠠ ᠬᠥᠪᠡᠭᠡᠲᠦ ᠰᠢᠷᠠ ᠰᠤᠮᠤᠨ ᠤ ᠫᠦᠷᠪᠤ ᠵᠠᠩᠭᠢ ᠶᠢᠨ ᠳᠣᠣᠷᠠ ᠣᠴᠢᠵᠤ ᠠᠵᠢᠯ ᠬᠢᠳᠡᠭ | ᠪᠣᠯᠪᠠ᠃ ᠲᠤᠰ ᠵᠠᠩᠭᠢ ᠪᠤᠯ ᠬᠠᠯᠬᠠ ᠶᠢᠨ ᠰᠠᠩ ᠪᠠᠶᠢᠰᠠ ᠠᠴᠠ ᠢᠷᠡᠬᠦ ᠶᠢᠨ ᠵᠠᠶᠢᠰᠠᠩ ᠴᠣᠯᠠ ᠲᠠᠢ ᠲᠦᠮᠡᠨ ᠬᠤᠨᠢ | ᠲᠠᠢ᠂ ᠮᠢᠩᠭᠠ ᠭᠠᠷᠤᠢ ᠦᠬᠡᠷ ᠲᠠᠢ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠳᠡᠳᠡᠨ ᠤ ᠬᠢ ᠬᠤᠰᠢᠭᠤᠨ ᠤ ᠪᠠᠨ ᠵᠡᠭᠦᠨ ᠬᠤᠶᠢᠲᠤ | ᠵᠠᠬᠠ ᠪᠠᠷ ᠨᠤᠲᠤᠭᠯᠠᠳᠠᠭ᠂ ᠣᠳᠣ ᠶᠢᠨ ᠪᠠᠶᠠᠨ ᠴᠠᠭᠠᠨ ᠠᠭᠤᠯᠠ᠂ ᠵᠡᠷᠭᠡᠯᠡᠭᠡ᠂ ᠰᠢᠷᠠᠤ᠋ᠰᠤᠨ ᠤ ᠭᠤᠤ᠂ ᠭᠤᠣᠯ | ᠤᠨ ᠲᠡᠭᠡᠭᠡ᠂ ᠥᠯᠵᠡᠶᠢᠲᠦ᠂ ᠬᠠᠷᠠ ᠲᠣᠯᠣᠭᠠᠢ ᠪᠠᠷ᠂ ᠮᠠᠨᠵᠤᠤᠷ ᠵᠠᠯᠠᠶᠢᠨᠠᠭᠤᠷ ᠴᠠᠭᠠᠨ ᠵᠡᠷᠭᠡ ᠬᠤᠲᠠ ᠪᠠᠯᠭᠠᠰᠤᠨ | ᠳᠤ ᠣᠶᠢᠷᠠᠯᠴᠠᠭᠠ ᠨᠤᠲᠤᠭᠯᠠᠳᠠᠭ ᠪᠠᠶᠢᠵᠠᠢ᠃ ᠭᠤᠣᠯᠳᠠᠭᠤ ᠮᠠᠨᠵᠤᠤᠷ᠂ ᠵᠠᠯᠠᠶᠢᠨᠠᠭᠤᠷ ︵ᠬᠢᠶᠠᠭᠲᠤ ᠮᠦᠳᠡᠨᠡ︶ ᠢᠶᠠᠷ | ᠣᠷᠣᠰ ᠬᠥᠮᠥᠰ ᠲᠠᠢ ᠶᠠᠪᠤᠯᠴᠠᠵᠤ᠂ ᠮᠠᠯ ᠤᠨ ᠠᠷᠠᠯᠵᠢᠶᠠ ᠬᠢᠬᠦ ᠪᠥᠭᠡᠳ ᠭᠤᠣᠯ ᠨᠢ ᠡᠪᠡᠳᠴᠢᠲᠡᠢ᠂ ᠳᠣᠭᠤᠯᠠᠩ᠂ | ᠨᠢᠰᠤ ᠲᠠᠢ ᠵᠡᠷᠭᠡ ᠥᠨᠳᠥᠷ ᠠᠵᠢᠷᠭᠠ ᠭᠡᠭᠦᠦ ᠵᠡᠷᠭᠡ ᠠᠳᠤᠭᠤ᠂ ᠰᠠᠶᠢᠨ ᠡᠭᠦᠯᠳᠡᠷ ᠤᠨ ᠪᠤᠬᠠ ᠦᠨᠢᠶᠡ ᠵᠡᠷᠭᠡ ᠶᠢ | ᠶᠡᠭᠡ ᠬᠢᠮᠳᠠ ᠪᠠᠷ ᠠᠪᠴᠤ ᠥᠪᠡᠷᠲᠡᠭᠡᠨ ᠡᠮᠨᠡᠨ ᠵᠠᠰᠠᠵᠤ᠂ ᠮᠠᠯ ᠪᠣᠯᠭᠠᠳᠠᠭ᠃ ᠲᠡᠭᠦᠰ ᠲᠡᠭᠦᠨ ᠢ ᠬᠠᠪᠰᠤᠷᠴᠤ ᠡᠮᠨᠡᠨ | ᠵᠠᠰᠠᠬᠤ᠂ ᠡᠪᠡᠳᠴᠢᠨ ᠲᠠᠢ ᠮᠠᠯ ᠢ ᠨᠢ ᠡᠳ᠋ᠯᠡᠵᠦ ᠥᠭᠬᠦ᠂ ᠰᠡᠭᠦᠯ ᠳᠡᠭᠡᠨ ᠮᠡᠷᠭᠡᠵᠢᠯ ᠢ ᠨᠢ ᠪᠠᠭᠠ ᠪᠤᠰᠤ ᠡᠵᠡᠮᠰᠢᠭᠰᠡᠨ | ᠠᠴᠠ ᠰᠢᠭᠤᠳ ᠵᠠᠰᠠᠳᠠᠭ ᠪᠣᠯᠣᠭᠰᠠᠨ ᠲᠤᠯᠠ ᠫᠦᠷᠪᠤ ᠨᠠᠰᠤᠨ ᠥᠨᠳᠥᠷ ᠪᠣᠯᠵᠤ᠂ ᠠᠵᠢᠯ ᠠᠴᠠ ᠪᠠᠨ ᠰᠤᠯᠠᠯᠠᠭᠳᠠᠵᠤ᠂ | ᠭᠤᠣᠯᠳᠠᠭᠤ ᠭᠡᠷ ᠲᠡᠭᠡᠨ ᠪᠠᠶᠢᠳᠠᠭ ᠪᠣᠯᠣᠭᠰᠠᠨ ᠭᠡᠳᠡᠭ᠃ ᠫᠦᠷᠪᠤ ᠳᠤ ᠢᠲᠡᠭᠡᠯᠲᠠᠢ ᠪᠣᠯᠵᠤ᠂ ᠮᠠᠯ ᠤᠨ ᠨᠤᠲᠤᠭ | ᠪᠡᠯᠴᠢᠭᠡᠷ ᠢ ᠨᠢ ᠬᠠᠷᠢᠭᠤᠴᠠᠬᠤ᠂ ᠦᠷᠡ ᠬᠡᠦᠬᠡᠳ ᠲᠤᠨᠢ ᠬᠠᠪᠰᠤᠷᠴᠤ᠂ ᠮᠥᠨ ᠴᠦ ᠥᠪᠡᠷᠲᠡᠭᠡᠨ ᠣᠷᠣᠰ ᠤᠨ | ᠥᠨᠳᠥᠷ ᠠᠳᠤᠭᠤ ︵ᠡᠪᠡᠳᠴᠢᠨ ᠲᠠᠢ︶ ᠠᠪᠴᠤ ᠵᠠᠰᠠᠭᠠᠳ ᠥᠴᠥᠬᠡᠨ ᠪᠣᠯᠪᠠᠴᠤ ᠰᠠᠶᠢᠨ ᠬᠡᠳᠦᠨ ᠠᠳᠤᠭᠤ ᠲᠠᠢ | ᠪᠣᠯᠵᠤ᠂ ᠤᠯᠠᠮ ᠢᠶᠠᠷ ᠠᠮᠢᠳᠤᠷᠠᠯ ᠳᠡᠭᠡᠷᠡᠲᠦᠵᠦ ᠢᠷᠠᠵᠠᠢ᠃ ᠫᠦᠷᠪᠤ ᠵᠠᠩᠭᠢ ᠣᠯᠠᠨ ᠨᠡᠷᠡ ᠴᠤᠤᠲᠠᠢ ᠭᠦᠶᠦᠳᠡᠭ | ᠮᠣᠷᠢ ᠲᠠᠢ᠂ ᠲᠡᠭᠦᠰ ᠲᠡᠳᠡᠭᠡᠷ ᠮᠣᠷᠢ ᠶᠢ ᠤᠶᠠᠵᠤ ᠵᠠᠰᠠᠬᠤ᠂ ᠡᠮᠨᠡᠵᠦ ᠳᠣᠳᠣᠮᠳᠠᠬᠤ᠂ ᠰᠡᠭᠦᠯ ᠳᠡᠭᠡᠨ ᠬᠤᠯᠠ ᠶᠢᠨ | ᠠᠯᠢ ᠬᠤᠰᠢᠭᠤ ᠴᠦ ᠮᠠᠭᠠᠳ᠂ ᠪᠠᠶᠠᠨ ᠴᠢᠳᠠᠯᠲᠠᠢ ᠬᠥᠮᠥᠰ ᠭᠦᠶᠦᠳᠡᠭ ᠮᠣᠷᠢ ᠪᠠᠨ ᠠᠪᠴᠢᠷᠠᠵᠤ ᠵᠠᠰᠠᠭᠤᠯᠤᠨᠠ᠂ | ᠲᠡᠭᠦᠨ ᠢ ᠨᠢ ᠵᠠᠰᠠᠭᠠᠳ ᠥᠭᠪᠡᠯ ᠪᠠᠶᠠᠷᠯᠠᠬᠤ ᠳᠠᠭᠠᠨ ᠨᠢᠭᠡ ᠬᠤᠨᠢ ᠥᠭᠬᠦ ᠪᠤᠶᠤ ᠬᠡᠳᠦᠨ ᠵᠣᠭᠤᠰ ᠦᠭᠭᠦᠨᠡ᠃ | ᠪᠦᠷ ᠰᠡᠭᠦᠯ ᠳᠡᠭᠡᠨ ᠪᠦᠳᠦᠭᠦᠨ ᠭᠡᠭᠴᠢ ᠡᠷᠡ ᠬᠤᠨᠢ ᠶᠢ ᠡᠮᠡᠭᠡᠯ ᠳᠡᠭᠡᠷᠡ ᠪᠠᠨ ᠲᠡᠭᠦᠷᠦᠭᠡᠳ᠂ ᠵᠠᠰᠠᠭᠤᠯᠬᠤ ᠮᠣᠷᠢ | ᠪᠠᠨ ᠬᠥᠲᠥᠯᠥᠭᠡᠳ ᠢᠷᠡᠳᠡᠭ ᠬᠥᠮᠥᠰ ᠣᠯᠠᠨ ᠪᠣᠯᠣᠭᠰᠠᠨ ᠭᠡᠳᠡᠭ᠃ ᠬᠥᠮᠥᠨ ᠠᠴᠠ ᠶᠠᠭᠤᠮᠠ ᠠᠪᠤᠨᠠ ᠭᠡᠵᠤ | ᠬᠡᠯᠡᠵᠦ ᠦᠩᠭᠡᠷᠡᠭᠡ ᠦᠭᠡᠢ᠃ | ᠢᠩᠭᠢᠭᠡᠳ ᠨᠢᠭᠡ ᠮᠡᠳᠡᠬᠦ ᠳᠤ ᠬᠤᠯᠠ ᠣᠶᠢᠷᠠ ᠳᠠᠭᠠᠨ ᠠᠯᠳᠠᠷ ᠴᠤᠤᠲᠠᠢ᠂ ᠨᠤᠲᠤᠭ ᠰᠠᠶᠢᠨ ᠮᠡᠳᠡᠳᠡᠭ᠂ ᠮᠠᠯ | ᠤᠨ ᠲᠠᠷᠭᠤ ᠬᠦᠴᠦ ᠰᠠᠶᠢᠨ ᠠᠪᠤᠭᠤᠯᠳᠠᠭ᠂ ᠠᠳᠤᠭᠤ ᠭᠤᠣᠯ ᠲᠠᠢ ᠮᠠᠯ ᠰᠠᠶᠢᠨ ᠵᠠᠰᠠᠳᠠᠭ ᠨᠡᠷᠡ ᠲᠠᠢ ᠬᠥᠮᠥᠨ | ᠪᠤᠯᠵᠠᠢ᠃ | ᠥᠪᠥᠷ ᠮᠣᠩᠭᠤᠯ ᠪᠠᠶᠢᠭᠤᠯᠤᠭᠳᠠᠵᠤ᠂ ᠤᠯᠠᠭᠠᠨᠬᠦᠦ ᠶᠢᠨ ᠪᠠᠶᠠᠨ ᠢ ᠲᠡᠮᠡᠴᠡᠬᠦ ᠦᠭᠡᠢ᠂ ᠬᠤᠪᠢᠶᠠᠬᠤ ᠦᠭᠡᠢ᠂ | ᠪᠠᠶᠠᠨ ᠶᠠᠳᠠᠭᠤ ᠳᠤ ᠠᠰᠢᠭᠲᠠᠢ ᠪᠠᠶᠢᠬᠤ ᠲᠥᠷᠥ ᠶᠢᠨ ᠪᠣᠳᠣᠯᠭᠠ ᠶᠢᠨ ᠳᠣᠣᠷᠠ᠂ ᠬᠥᠪᠡᠭᠡᠲᠤ ᠰᠢᠷᠠ ᠨᠤᠲᠤᠭ ᠤᠨ | ᠬᠠᠮᠤᠭ ᠤᠨ ᠲᠡᠷᠢᠭᠦᠨ ᠤ ︽ᠪᠠᠶᠠᠨ ᠲᠤᠶᠠᠭᠠ︾ ᠬᠥᠷᠰᠢ ᠬᠤᠷᠰᠢᠶᠠ ᠪᠠᠶᠢᠭᠤᠯᠤᠭᠳᠠᠬᠤ ᠳᠤ ᠨᠢᠭᠡ ᠭᠡᠰᠢᠭᠦᠨ ᠨᠢ | ᠲᠡᠭᠦᠰ ᠪᠠᠶᠢᠯᠠ᠃ ᠲᠡᠷᠡ ᠪᠠᠷ ᠬᠥᠷᠰᠢ ᠬᠤᠷᠰᠢᠶᠠ ᠶᠢᠨ ᠢᠶᠠᠨ ᠨᠤᠲᠤᠭᠴᠢᠨ ᠪᠣᠯᠪᠠ᠃ ᠲᠤᠰ ᠬᠤᠷᠰᠢᠶᠠ ᠶᠢᠨ ᠢᠶᠠᠨ | ᠮᠠᠯ ᠰᠦᠷᠦᠭ ᠲᠤ ᠲᠠᠷᠭᠤ ᠶᠠᠭᠠᠬᠢᠵᠤ ᠠᠪᠤᠭᠤᠯᠬᠤ᠂ ᠡᠪᠦᠯ ᠬᠠᠪᠤᠷ ᠶᠠᠭᠠᠬᠢᠵᠤ ᠣᠨᠳᠣᠷᠣᠭᠤᠯᠬᠤ᠂ ᠨᠤᠲᠤᠭ | ᠪᠡᠯᠴᠢᠭᠡᠷ ᠢ ᠬᠠᠮᠢᠶᠠᠷᠬᠤ ᠪᠣᠯᠣᠨᠠ᠃ ᠪᠠᠰᠠ ᠲᠤᠰᠬᠠᠢ 2 — 3 ᠰᠠᠶᠢᠨ ᠲᠠᠷᠭᠤᠨ ᠮᠣᠷᠢ ᠶᠢᠨ ᠬᠤᠪᠢᠶᠠᠷᠢ ᠣᠯᠳᠠᠭ | ᠭᠡᠳᠡᠭ᠃ | ᠮᠥᠨ ᠴᠦ ᠤᠳᠠᠯ ᠦᠭᠡᠢ 1958 ᠤᠨ ᠳᠤ ︽ᠠᠷᠠᠳ ᠤᠨ ᠨᠢᠭᠡᠳᠦᠯ︾ ᠪᠠᠶᠢᠭᠤᠯᠤᠭᠳᠠᠬᠤ ᠤᠷᠢᠶᠠᠯᠠᠭᠠ ᠶᠢᠨ | ᠳᠣᠣᠷᠠ᠂ ᠵᠠᠭᠤ ᠭᠠᠷᠤᠢ ᠬᠤᠨᠢ᠂ ᠠᠷᠪᠠᠨ ᠬᠡᠳᠦᠨ ᠦᠬᠡᠷ᠂ ᠠᠷᠪᠠᠭᠠᠳ ᠠᠳᠤᠭᠤ ᠪᠠᠷ ᠨᠢᠭᠡᠳᠦᠯ ᠳᠡᠭᠡᠨ ᠬᠤᠪᠢ | ᠣᠷᠣᠵᠤ᠂ ᠨᠢᠭᠡᠳᠦᠯ ᠤᠨ ᠭᠡᠰᠢᠭᠦᠨ ᠪᠣᠯᠪᠠ᠃ ᠲᠤᠰ ᠨᠢᠭᠡᠳᠦᠯ ᠨᠢ ︽ᠭᠠᠯᠪᠠᠷ ᠠᠭᠤᠯᠠ ᠠᠷᠠᠳ ᠤᠨ ᠨᠢᠭᠡᠳᠦᠯ︾ | ᠭᠡᠳᠡᠭ᠃ ᠤᠤᠯ ᠤᠨ ᠭᠠᠯᠪᠡᠷ ᠰᠤᠮᠤ ᠪᠣᠯᠣᠨᠠ᠃ ᠨᠢᠭᠡᠳᠦᠯ ᠤᠳ ᠢ ᠪᠠᠶᠢᠭᠤᠯᠬᠤ ᠳᠠᠭᠠᠨ ᠠᠶᠢᠯ ᠡᠷᠦᠬᠡ ᠶᠢᠨ | ᠲᠤᠭᠠ ᠶᠢ ᠲᠡᠩᠴᠡᠭᠦᠦ ᠪᠠᠶᠢᠬᠤ ᠶᠢ ᠵᠤᠷᠢᠵᠤ᠂ ᠤᠤᠯ ᠤᠨ ᠬᠦᠪᠡᠭᠡᠲᠦ ᠴᠠᠭᠠᠨ ᠬᠤᠰᠢᠭᠤᠨ ᠤ ᠪᠠᠷᠤᠭ ᠨᠢ ᠮᠣᠩᠭᠤᠯ | ᠤᠯᠤᠰ ᠲᠤ ᠨᠡᠭᠦᠵᠦ ᠶᠠᠪᠤᠭᠰᠠᠨ ᠲᠤᠯᠠ ᠠᠶᠢᠯ ᠨᠢ ᠲᠤᠶᠢᠯ ᠤᠨ ᠴᠥᠭᠡᠨ ᠪᠤᠯᠬᠤᠷ ᠲᠡᠳᠡᠨ ᠤ ᠨᠤᠲᠤᠭ ᠤᠨ ᠣᠶᠢᠷᠠ | ᠬᠠᠪᠢ ᠳᠤ ᠨᠤᠲᠤᠭᠯᠠᠳᠠᠭ ᠥᠭᠡᠷᠡ ᠬᠤᠰᠢᠭᠤᠨ ᠤ ᠨᠢᠭᠡ ᠬᠡᠰᠡᠭ ᠠᠶᠢᠯ ᠡᠷᠦᠬᠡ ᠶᠢ ᠰᠢᠯᠵᠢᠭᠦᠯᠦᠭᠰᠡᠨ ᠶᠤᠮ᠃ | ᠤᠤᠯ ᠤᠨ ᠬᠦᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤ ᠪᠣᠯ ᠶᠡᠭᠡ ᠰᠤᠮᠤ ᠲᠤᠯᠠ ᠨᠢᠭᠡ ᠬᠡᠰᠡᠭ ᠢ ᠨᠢ ᠭᠠᠯᠪᠠᠷ ᠰᠤᠮᠤᠨ ᠳᠤ | ᠬᠤᠪᠢᠶᠠᠵᠤ᠂ ᠨᠢᠭᠡ ᠬᠡᠰᠡᠭ ᠢ ᠨᠢ ᠠᠮᠤᠭᠤᠯᠠᠩ ᠪᠤᠯᠠᠭ ᠰᠤᠮᠤᠨ ᠳᠤ ᠬᠤᠪᠢᠶᠠᠭᠰᠠᠨ ᠭᠡᠳᠡᠭ᠃ ᠲᠡᠳᠡᠨ ᠢ ᠵᠠᠮᠪᠠᠨᠠᠷ | ᠬᠦᠪᠡᠭᠡᠲᠦ ᠰᠢᠷᠠ ᠭᠡᠵᠡᠢ᠃ | ᠭᠠᠯᠪᠠᠷ ᠠᠭᠤᠯᠠ ᠠᠷᠠᠳ ᠤᠨ ᠨᠢᠭᠡᠳᠦᠯ ᠪᠠᠶᠢᠭᠤᠯᠤᠭᠳᠠᠭᠠᠳ ᠭᠤᠷᠪᠠᠨ ᠶᠡᠭᠡ ᠪᠠᠷᠢᠭᠠᠳᠠ ᠲᠠᠢ᠂ ᠲᠡᠭᠦᠰ ᠤᠨ ᠬᠢ | ᠭᠠᠯᠪᠠᠷ ᠠᠭᠤᠯᠠ ᠪᠠᠷᠢᠭᠠᠳᠠ ᠳᠤ ᠬᠤᠪᠢᠶᠠᠭᠳᠠᠭᠰᠠᠨ ᠪᠠᠶᠢᠨᠠ᠃ ᠲᠡᠭᠦᠰ ᠮᠥᠨ ᠪᠠᠷᠢᠭᠠᠳᠠ ᠶᠢᠨ ᠨᠤᠲᠤᠭᠴᠢᠨ | ᠪᠣᠯᠪᠠ᠃ ᠬᠠᠮᠤᠭ ᠤᠨ ᠲᠡᠷᠢᠭᠦᠨ ᠤ ᠨᠢᠭᠡᠳᠦᠯ ᠤᠨ ᠲᠥᠯᠥᠭᠡᠯᠡᠭᠴᠢ ᠪᠠᠷ ᠰᠣᠩᠭᠤᠭᠳᠠᠪᠠ᠃ ᠢᠩᠭᠢᠭᠡᠳ ᠬᠤᠰᠢᠭᠤᠨ | ᠤ ᠲᠥᠯᠥᠭᠡᠯᠡᠭᠴᠢ ᠶᠢᠨ ᠬᠤᠷᠠᠯ ᠳᠤ ᠣᠷᠣᠯᠴᠠᠵᠤ᠂ ᠣᠷᠣᠨ ᠤ ᠲᠥᠯᠥᠭᠡᠯᠡᠭᠴᠢ ᠪᠠᠷ ᠰᠣᠩᠭᠤᠭᠳᠠᠪᠠ᠃ ᠲᠠᠪᠢᠨ | ᠬᠡᠳᠦᠨ ᠣᠨ ᠳᠤ ᠣᠷᠣᠨ ᠤ ᠲᠥᠯᠥᠭᠡᠯᠡᠭᠴᠢ ᠶᠢᠨ ᠬᠤᠷᠠᠯ ᠳᠤ ᠣᠯᠠᠨ ᠤᠳᠠᠭᠠ ᠣᠷᠣᠯᠴᠠᠵᠤ᠂ ᠤᠯᠠᠭᠠᠨᠬᠦᠦ | ᠲᠡᠷᠢᠭᠦᠯᠡᠭᠴᠢ᠂ ᠬᠠᠹᠤᠩᠭᠠ ᠳᠡᠳ᠋ ᠲᠡᠷᠢᠭᠦᠯᠡᠭᠴᠢ ᠨᠠᠷ ᠲᠠᠢ ᠠᠭᠤᠯᠵᠠᠭᠰᠠᠨ ᠪᠠᠶᠢᠨᠠ᠃ ᠮᠥᠨ ᠲᠥᠯᠥᠭᠡᠯᠡᠭᠴᠢ ᠨᠠᠷ | ᠲᠠᠢ ᠬᠠᠮᠲᠤ ᠪᠡᠭᠡᠵᠢᠩ᠂ ᠲᠢᠶᠠᠨᠵᠢᠨ᠂ ᠬᠠᠷᠪᠢᠨ᠂ ᠬᠥᠬᠡᠬᠤᠲᠠ ᠵᠡᠷᠭᠡ ᠭᠠᠵᠠᠷ ᠢᠶᠠᠷ ᠣᠯᠠᠨ ᠤᠳᠠᠭᠠ ᠲᠣᠭᠤᠷᠢᠨ | ᠦᠵᠡᠵᠡᠢ᠃ | ᠲᠠᠪᠢᠨ ᠬᠡᠳᠦᠨ ᠣᠨ ᠳᠤ ᠬᠥᠬᠡᠨᠠᠭᠤᠷ ᠮᠤᠵᠢ ᠶᠢᠨ ᠲᠥᠯᠥᠭᠡᠯᠡᠭᠴᠢ ᠶᠢᠨ ᠪᠦᠯᠬᠦᠮ ᠮᠠᠨ ᠤ ᠬᠤᠰᠢᠭᠤᠨ ᠳᠤ | ᠲᠣᠭᠤᠷᠢᠨ ᠦᠵᠡᠬᠦ ᠪᠣᠯᠣᠭᠰᠠᠨ ᠳᠤ ᠰᠢᠨᠡᠪᠤᠯᠠᠭ ᠰᠤᠮᠤᠨ ᠤ ᠳᠤᠭᠠᠷ ᠲᠥᠯᠥᠭᠡᠯᠡᠭᠴᠢ ᠲᠠᠢ ᠬᠠᠮᠲᠤ᠂ ᠲᠤᠬᠠᠢ ᠶᠢᠨ | ᠦᠶᠡ ᠶᠢᠨ ᠠᠩᠬᠠᠨ ᠤ ᠬᠤᠰᠢᠭᠤᠨ ᠳᠠᠷᠤᠭᠠ ᠫᠤᠩᠴᠤᠭᠳᠠᠰᠢ ᠭᠤᠸᠠᠢ ᠠᠴᠠ ︽ᠲᠠ ᠬᠤᠶᠠᠷ ᠲᠥᠯᠥᠭᠡᠯᠡᠭᠴᠢ ᠪᠣᠯ | ᠣᠷᠣᠨ ᠢᠶᠠᠨ ᠲᠥᠯᠥᠭᠡᠯᠡᠵᠦ ᠪᠠᠶᠢᠬᠤ ᠪᠥᠭᠡᠳ ᠣᠷᠣᠨ ᠤ ᠳᠡᠰ ᠤᠨ ᠲᠥᠯᠥᠭᠡᠯᠡᠭᠴᠢ ᠶᠢᠨ ᠬᠤᠪᠢ ᠪᠠᠷ ᠬᠥᠬᠡᠨᠠᠭᠤᠷ | ᠮᠤᠵᠢ ᠶᠢᠨ ᠲᠥᠯᠥᠭᠡᠯᠡᠭᠴᠢ ᠶᠢᠨ ᠪᠦᠯᠬᠦᠮ ᠢ ᠲᠣᠰᠣᠨ ᠶᠠᠪᠤᠵᠤ ᠪᠠᠶᠢᠨᠠ ᠰᠢᠦ︾ ᠭᠡᠵᠡᠢ᠃ ᠣᠴᠢᠭᠰᠠᠨ ᠭᠠᠵᠠᠷ ᠨᠢ | ᠤᠤᠯ ᠤᠨ ᠭᠠᠯᠪᠠᠷ ᠰᠤᠮᠤᠨ ᠤ ᠨᠤᠲᠤᠭ ᠲᠤ ᠪᠠᠶᠢᠭᠠ ᠭᠤᠣᠯ ᠤᠨ ᠲᠡᠭᠡᠭᠡ ᠶᠢᠨ ᠡᠮᠦᠨᠡ᠂ ᠣᠯᠠᠨ ᠠᠷᠪᠢᠨ | ᠮᠣᠩᠭᠤᠯ ᠭᠡᠷ ᠪᠠᠷᠢᠵᠤ᠂ ᠲᠡᠷᠢᠭᠦᠯᠡᠭᠴᠢ ᠶᠢᠨ ᠲᠠᠶᠢᠰᠠ ᠪᠣᠰᠬᠠᠵᠤ᠂ ᠲᠤᠭ ᠳᠠᠯᠪᠠᠭᠠ ᠨᠠᠮᠢᠷᠠᠭᠤᠯᠤᠨ ᠶᠡᠭᠡ ᠶᠠᠪᠤᠳᠠᠯ | ᠪᠣᠯᠣᠭᠰᠠᠨ ᠭᠡᠳᠡᠭ᠃ ᠢᠩᠭᠢᠭᠡᠳ ᠲᠡᠭᠦᠰ ᠲᠥᠯᠥᠭᠡᠯᠡᠭᠴᠢ ᠭᠡᠳᠡᠭ ᠴᠣᠯᠠ ᠲᠠᠢ ᠪᠣᠯᠵᠤ᠂ ᠬᠤᠶᠢᠰᠢᠳᠠ ᠬᠥᠮᠥᠰ ᠲᠡ᠊ | ᠲᠥᠯᠥᠭᠡᠯᠡᠭᠴᠢ ᠭᠡᠵᠤ ᠳᠠᠭᠤᠳᠠᠳᠠᠭ ᠪᠤᠯᠵᠠᠢ᠃ | ᠪᠠᠷᠢᠭᠠᠳᠠ ᠶᠢᠨ ᠨᠤᠲᠤᠭᠴᠢᠨ᠂ ᠨᠢᠭᠡᠳᠦᠯ ᠤᠨ ᠨᠤᠲᠤᠭᠴᠢᠨ ᠵᠡᠷᠭᠡ ᠠᠵᠢᠯ ᠲᠠᠢ᠂ ᠭᠤᠣᠯᠳᠠᠭᠤ ᠬᠤᠨᠢᠨ | ᠰᠦᠷᠦᠭ᠂ ᠦᠬᠡᠷ ᠤᠨ ᠰᠦᠷᠦᠭ ᠢᠶᠠᠷ ᠶᠠᠪᠤᠳᠠᠭ ᠠᠶᠢᠯ ᠪᠣᠯᠵᠡᠢ᠃ 1961 —1962 ᠣᠨ ᠤ ᠦᠶᠡ ᠪᠠᠷ | ᠳ᠋ᠠᠷᠬᠢ ᠭᠡᠳᠡᠭ ᠨᠥᠬᠦᠷ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠪᠠᠨ ᠲᠠᠷᠭᠤ ᠠᠪᠤᠭᠤᠯᠤᠭᠰᠠᠨ ᠬᠤᠨᠢᠨ ᠰᠦᠷᠦᠭ ᠨᠢ ᠪᠦᠬᠦ | ᠬᠤᠰᠢᠭᠤᠨ ᠤ ᠨᠠᠮᠤᠷ ᠤᠨ ᠤᠯᠠᠷᠢᠯ ᠤᠨ ᠮᠠᠯ ᠤᠨ ᠲᠠᠷᠭᠤ ᠶᠢᠨ ᠪᠠᠶᠢᠴᠠᠭᠠᠯᠲᠠ ᠳᠤ ᠠᠷᠪᠠᠨ ᠪᠦᠬᠦᠯᠢ ᠬᠤᠪᠢ | ᠣᠯᠣᠭᠰᠠᠨ ᠭᠡᠳᠡᠭ᠃ ᠡᠶᠢᠮᠦ ᠪᠠᠶᠢᠳᠠᠯ ᠪᠦᠬᠦ ᠬᠤᠰᠢᠭᠤᠨ ᠳᠤ ᠲᠣᠩ ᠴᠥᠭᠡᠨ ᠪᠦᠭᠡᠳ ᠲᠤᠬᠠᠢ ᠶᠢᠨ ᠦᠶᠡ ᠳᠤ | ᠪᠠᠷᠤᠭ ᠦᠭᠡᠢ ᠪᠠᠶᠢᠭᠰᠠᠨ ᠭᠡᠵᠤ ᠬᠡᠯᠡᠯᠴᠡᠳᠡᠭ᠃ ᠮᠥᠨ ᠴᠦ 1963 ᠣᠨ ᠤ ᠦᠶᠡ ᠪᠠᠷ ᠭᠠᠯᠪᠠᠷ ᠨᠢᠭᠡᠳᠦᠯ ᠤᠨ | ᠭᠤᠷᠪᠠᠨ ᠪᠠᠷᠢᠭᠠᠳᠠ ᠶᠢᠨ ᠠᠳᠤᠭᠤᠨ ᠰᠦᠷᠦᠭ ᠲᠤ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ ︵ᠰᠦᠳᠤᠷᠭᠡ︶ ᠭᠠᠷᠴᠤ ᠬᠡᠳᠦᠨ | ᠵᠠᠭᠤᠨ ᠠᠳᠤᠭᠤᠨ ᠤ ᠬᠥᠯ ᠳᠤᠨᠢ ᠶᠠᠷᠠ ᠭᠠᠷᠴᠤ ᠳᠣᠭᠤᠯᠠᠩ ᠪᠣᠯᠣᠭᠰᠠᠨ ᠲᠤᠯᠠ ᠨᠢᠭᠡᠳᠦᠯ ᠠᠴᠠ ᠠᠷᠭᠠ ᠠᠪᠴᠤ᠂ | ᠠᠰᠲᠠᠭᠠᠨ ᠢᠯᠭᠠᠵᠤ ᠲᠡᠷᠡ ᠦᠶᠡ ᠶᠢᠨ ᠶᠡᠬᠡᠨ᠋ᠠᠭᠤᠯᠨ ᠪᠠᠷᠢᠭᠠᠳᠠ ᠶᠢᠨ ᠲᠥᠪ ᠪᠠᠭᠠ ᠠᠭᠤᠯᠠ ᠳᠤ ᠲᠤᠰᠬᠠᠢ | ᠵᠠᠰᠠᠯᠭᠠ ᠬᠢᠯᠡ᠃ ᠨᠢᠭᠡᠳᠦᠯ ᠤᠨ ᠮᠠᠯ ᠤᠨ ᠡᠮᠴᠢ ᠪᠠ ᠲᠡᠭᠦᠰ ᠢ ᠠᠪᠠᠴᠢᠵᠤ ᠵᠠᠰᠠᠯᠭᠠ ᠬᠢᠯᠭᠡᠪᠡ᠃ ᠬᠠᠪᠤᠷ ᠠᠴᠠ | ᠡᠪᠦᠯ ᠪᠣᠯᠲᠠᠯᠠ ᠵᠠᠰᠠᠯᠭᠠ ᠬᠢᠭᠡᠳ ᠬᠡᠳᠦᠨ ᠵᠠᠭᠤᠨ ᠠᠳᠤᠭᠤ ᠶᠢ ᠪᠦᠬᠦᠨ ᠢ ᠡᠳᠡᠭᠡᠭᠡᠵᠦ ᠴᠢᠳᠠᠵᠠᠢ᠃ ᠮᠠᠯ ᠤᠨ | ᠡᠮᠴᠢ ᠶᠢᠨ ᠵᠠᠰᠠᠯᠭᠠ ᠠᠴᠠ ᠲᠡᠭᠦᠰ ᠤᠨ ᠨᠤᠲᠤᠭ ᠤᠨ ᠵᠠᠰᠠᠯᠭᠠ ᠨᠢ ᠢᠯᠡᠭᠦᠳᠡᠵᠦ᠂ ᠲᠡᠭᠦᠨ ᠤ ᠵᠠᠰᠠᠬᠤ ᠠᠷᠭᠠ ᠪᠣᠯ | ᠬᠠᠳᠬᠤᠵᠤ ᠴᠢᠰᠤ ᠭᠠᠷᠭᠠᠬᠤ᠂ ᠡᠯᠡ ᠲᠥᠷᠥᠯ ᠢᠶᠠᠷ ᠬᠠᠭᠠᠷᠢᠵᠤ ᠪᠣᠭᠤᠬᠤ᠂ ᠵᠢᠩ ᠲᠠᠯᠪᠢᠬᠤ᠂ ᠤᠷᠤᠰᠬᠠᠯ ᠤᠰᠤᠨ | ᠳᠤ ᠤᠶᠠᠬᠤ ᠵᠡᠷᠭᠡ ᠣᠯᠠᠨ ᠲᠠᠯᠠ ᠪᠠᠷ ᠠᠷᠭᠠ ᠠᠪᠤᠭᠰᠠᠨ ᠭᠡᠳᠡᠭ᠃ ᠮᠥᠨ ᠴᠦ ᠨᠢᠭᠡᠳᠦᠯ ᠪᠤᠶᠤ ᠬᠤᠰᠢᠭᠤ ᠠᠴᠠ | ᠠᠳᠤᠭᠤᠨ ᠤ ᠡᠪᠡᠳᠴᠢᠨ ᠵᠠᠰᠠᠭᠤᠯᠬᠤ ᠬᠥᠮᠥᠰ ᠲᠡᠷᠡ ᠠᠶᠢᠯ ᠠᠴᠠ ᠰᠠᠯᠬᠤ ᠪᠠᠨ ᠪᠣᠯᠢᠭᠰᠠᠨ ᠭᠡᠳᠡᠭ᠃ | ᠮᠠᠯ ᠢᠶᠠᠨ ᠮᠠᠯᠵᠢᠨ ᠠᠮᠤᠷ ᠲᠠᠶᠢᠪᠤᠩ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠦᠶᠡ ᠳᠤ᠂ ᠳᠠᠷᠤᠢ 1964 ᠣᠨ ᠳᠤ ᠪᠦᠬᠦ | ᠤᠯᠤᠰ ᠤᠨ ᠬᠥᠳᠡᠯᠭᠡᠭᠡᠨ ᠪᠣᠯᠬᠤ ︽ᠳᠥᠷᠪᠡ ᠶᠢ ᠴᠡᠪᠡᠷᠯᠡᠬᠦ︾ ᠠᠵᠢᠯᠯᠠᠬᠤ ᠳᠤᠭᠤᠶᠢᠯᠠᠩ ᠭᠠᠯᠪᠠᠷ ᠰᠤᠮᠤᠨ ᠳᠤ | ᠢᠷᠠᠵᠤ᠂ ︽ᠠᠰᠠᠷ ᠲᠤ ᠭᠠᠷᠭᠠᠬᠤ︾᠂ ︽ᠠᠰᠠᠷ ᠠᠴᠠ ᠪᠠᠭᠤᠯᠭᠠᠬᠤ︾᠂ ︽ᠠᠩᠭᠢ ᠢᠯᠭᠠᠬᠤ︾᠂ ︽ | ᠠᠩᠭᠢ ᠶᠢᠨ ᠵᠠᠭᠠᠭ ᠢᠯᠭᠠᠬᠤ︾ ᠵᠡᠷᠭᠡ ᠪᠠᠷ ᠶᠠᠪᠤᠭᠳᠠᠪᠠ᠃ ᠲᠡᠭᠦᠰ ᠴᠦ ᠬᠥᠳᠡᠯᠭᠡᠭᠡᠨ ᠳᠤ ᠳᠠᠭᠠᠷᠢᠭᠳᠠᠵᠤ ︽ | ᠠᠰᠠᠷ ᠲᠤ ᠭᠠᠷᠪᠠ︾᠃ ᠪᠠᠶᠠᠴᠤᠤᠯ ᠳᠤ ᠬᠡᠳᠦᠨ ᠬᠡᠦᠬᠡᠳ ᠢᠶᠠᠨ ᠦᠷᠡᠴᠢᠯᠡᠭᠦᠯᠵᠦ ᠥᠭᠭᠦᠭᠰᠡᠨ᠂ ᠪᠠᠶᠠᠴᠤᠤᠯ ᠳᠤ | ᠠᠵᠢᠯ ᠰᠠᠶᠢᠨ ᠬᠢᠵᠦ ᠲᠡᠳᠡᠨ ᠤ ᠢᠲᠡᠭᠡᠯ ᠢ ᠶᠡᠭᠡ ᠣᠯᠣᠭᠰᠠᠨ᠂ ᠳᠠᠩ ᠭᠠᠭᠴᠠ ᠮᠠᠯᠵᠢᠯ ᠢ ᠬᠥᠭᠡᠭᠡᠴᠡᠯᠳᠦᠵᠦ᠂ | ᠣᠯᠠᠨ ᠲᠠᠯᠠ ᠶᠢᠨ ᠲᠥᠯᠥᠭᠡᠯᠡᠭᠴᠢ ᠪᠠᠶᠢᠲᠠᠯᠠ ᠪᠠᠨ ᠨᠢᠭᠡ ᠤᠳᠠᠭᠠ ᠴᠦ ᠡᠪ ᠬᠠᠮᠲᠤ ᠨᠠᠮ ᠳᠤ ᠣᠷᠣᠬᠤ ᠪᠠᠷ | ᠭᠤᠶᠤᠴᠢᠯᠠᠭᠠ ᠦᠭᠡᠢ᠂ ᠤᠯᠤᠰ ᠲᠥᠷᠥ ᠶᠢ ᠨᠢᠭᠡ ᠴᠦ ᠮᠡᠳᠡᠬᠦ ᠦᠭᠡᠢ ᠭᠡᠬᠦ ᠵᠡᠷᠭᠡ ᠪᠠᠷ ᠬᠤᠶᠢᠰᠢᠳᠠ ᠪᠠᠨ ᠤᠯᠠᠮ | ᠨᠠᠷᠢᠯᠢᠭ ᠪᠠᠶᠢᠴᠠᠭᠠᠨ ᠰᠤᠳᠤᠯᠤᠯᠲᠠ ᠬᠢᠨᠡ ᠭᠡᠰᠡᠨ ᠳ᠋ᠦᠩ ᠣᠯᠪᠠ᠃ ᠠᠩᠭᠢ ᠶᠢᠨ ᠵᠠᠭᠠᠭ ᠢᠯᠭᠠᠬᠤ ᠦᠶᠡ ᠳᠤ᠂ | ᠭᠠᠳᠠᠭᠰᠢ ᠣᠯᠠᠨ ᠤᠳᠠᠭᠠ ᠶᠠᠪᠤᠵᠤ ᠪᠠᠶᠢᠴᠠᠭᠠᠭᠰᠠᠨ ᠳ᠋ᠦᠩ ᠳᠤ ᠪᠠᠶᠠᠴᠤᠤᠯ ᠳᠤ ᠬᠡᠳᠦᠨ ᠬᠡᠦᠬᠡᠳ ᠢᠶᠠᠨ | ᠦᠷᠡᠴᠢᠯᠡᠭᠦᠯᠵᠦ ᠥᠭᠬᠦ ᠨᠡᠷᠡ ᠪᠠᠷ ᠮᠠᠯ ᠰᠦᠷᠦᠭ ᠰᠠᠯᠭᠠᠵᠤ ᠠᠪᠬᠤ᠂ ᠡᠨᠡ ᠨᠢ ᠬᠡᠦᠬᠡᠳ ᠢᠶᠠᠨ ᠬᠤᠳᠠᠯᠳᠤᠭᠰᠠᠨ | ᠲᠠᠢ ᠠᠳᠠᠯᠢ᠃ ᠬᠥᠷᠥᠩᠭᠡ ᠮᠠᠯ ᠦᠭᠡᠢ ᠪᠠᠶᠢᠭᠠᠳ ᠬᠡᠨ ᠠᠴᠠ ᠴᠦ ᠳᠤᠲᠠᠬᠤ ᠦᠭᠡᠢ ᠠᠮᠢᠳᠤᠷᠠᠵᠤ᠂ ᠬᠡᠦᠬᠡᠳ ᠢᠶᠠᠨ | ᠪᠦᠷ ᠭᠠᠳᠠᠭᠰᠢ ᠰᠤᠷᠤᠯᠴᠠᠭᠤᠯᠵᠤ᠂ ᠠᠵᠢᠯᠯᠠᠭᠤᠯᠵᠤ ᠴᠢᠳᠠᠳᠠᠭ᠂ ᠡᠶᠢᠮᠦ ᠠᠴᠠ ᠠᠳᠠᠯ ᠬᠥᠷᠥᠩᠭᠡ ᠪᠠᠨ ᠪᠠᠷᠠᠭᠰᠠᠨ | ᠪᠠᠶᠠᠨ ᠲᠠᠷᠢᠶᠠᠴᠢᠨ ᠭᠡᠰᠡᠨ ᠵᠤᠷᠪᠤᠰ ᠲᠤ ᠪᠠᠭᠲᠠᠨᠠ᠃ ᠭᠡᠪᠡᠴᠦ ᠮᠠᠯᠵᠢᠬᠤ ᠣᠷᠣᠨ ᠳᠤ ᠡᠶᠢᠮᠦ ᠵᠤᠷᠪᠤᠰ ᠦᠭᠡᠢ | ᠲᠤᠯᠠ ᠲᠡᠭᠦᠰ ᠢ ᠲᠦᠷ ᠠᠩᠭᠢ ᠬᠤᠪᠢᠶᠠᠬᠤ ᠦᠭᠡᠢ ᠭᠡᠵᠤ ᠵᠠᠷᠯᠠᠪᠠ᠃ ᠡᠨᠡ ᠨᠢ ᠪᠦᠬᠦ ᠭᠠᠯᠪᠠᠷ ᠲᠤ ᠭᠠᠭᠴᠠ ᠲᠡᠷᠡ | ᠠᠶᠢᠯ ᠪᠠᠶᠢᠯᠠ᠃ ᠵᠠᠯᠭᠠᠭᠠᠳ ︽ᠰᠣᠶᠣᠯ ᠤᠨ ᠬᠤᠪᠢᠰᠬᠠᠯ︾ ᠪᠣᠯᠵᠤ᠂ ᠮᠥᠨ ᠴᠦ ︽ᠥᠪᠥᠷ ᠠᠷᠠᠳ ᠤᠨ ᠨᠠᠮ︾ | ᠢ ᠮᠠᠯᠲᠠᠵᠤ ᠡᠬᠢᠯᠡᠪᠡ᠃ ᠬᠥᠳᠡᠯᠭᠡᠭᠡᠨ ᠪᠦᠬᠦᠨ ᠳᠤ ᠲᠠᠭᠠᠷᠢᠭᠳᠠᠵᠤ᠂ ᠠᠳᠠᠯ ᠬᠥᠷᠥᠩᠭᠡ ᠪᠠᠨ ᠪᠠᠷᠠᠭᠰᠠᠨ ᠪᠠᠶᠠᠨ᠂ | ᠤᠯᠠᠭᠠᠨᠬᠦᠦ ᠶᠢᠨ ᠪᠦᠳᠦᠭᠦᠨ ᠭᠤᠶᠠᠨ ᠠᠴᠠ ᠵᠢᠭᠤᠷᠠᠭᠰᠠᠨ ᠹᠸᠤᠳᠠᠯ᠂ ᠬᠥᠮᠥᠨ ᠮᠠᠯ ᠢ ᠬᠠᠮᠲᠤ ᠳᠤᠨᠢ | ᠬᠥᠭᠵᠢᠭᠦᠯᠦᠭᠰᠡᠨ ᠲᠥᠯᠥᠭᠡᠯᠡᠭᠴᠢ᠂ ᠥᠪᠥᠷ ᠠᠷᠠᠳ ᠤᠨ ᠨᠠᠮᠲᠠᠨ᠂ ᠬᠥᠷᠥᠩᠭᠡᠲᠦ ᠠᠩᠭᠢ ᠶᠢᠨ ᠲᠥᠯᠥᠭᠡᠨ ᠤ | ᠬᠥᠮᠥᠨ᠂ ᠲᠡᠦᠬᠡ ᠶᠢ ᠤᠬᠤᠷᠢᠭᠤᠯᠤᠭᠴᠢ᠂ ᠲᠡᠦᠬᠡᠴᠢ᠂ ᠦᠯᠢᠭᠡᠷᠴᠢ ᠵᠡᠷᠭᠡ ᠣᠯᠠᠨ ᠠᠷᠪᠢᠨ ᠮᠠᠯᠠᠭᠠᠢ ᠵᠡᠭᠦᠵᠦ | ᠮᠣᠩᠭᠤᠯ ᠭᠡᠷ ᠢᠶᠠᠨ ᠬᠤᠷᠢᠶᠠᠭᠳᠠᠵᠤ᠂ ᠥᠪᠡᠷᠲᠡᠭᠡᠨ ᠦᠬᠡᠷ ᠤᠨ ᠬᠡᠬᠡᠯᠲᠦᠭᠦᠯᠭᠡ᠂ ᠪᠣᠷᠳᠤᠭᠠ ᠬᠠᠳᠤᠯᠠᠩ ᠵᠡᠷᠭᠡ | ᠣᠯᠠᠨ ᠨᠡᠶᠢᠲᠡ ᠶᠢᠨ ᠠᠵᠢᠯ ᠳᠤ ᠣᠷᠣᠯᠴᠠᠵᠤ ᠦᠷᠭᠦᠯᠵᠢ ᠲᠡᠮᠡᠴᠡᠭᠳᠡᠵᠦ ᠶᠠᠪᠤᠵᠠᠢ᠃ | ᠰᠡᠭᠦᠯ ᠳᠤᠨᠢ ᠲᠥᠷᠥ ᠶᠢᠨ ᠪᠣᠳᠣᠯᠭᠠ ᠶᠢᠨ ᠰᠠᠶᠢᠨ ᠢᠶᠠᠷ ᠬᠥᠮᠥᠨ ᠪᠣᠯᠵᠤ᠂ ᠥᠲᠡᠯᠦᠭᠡ ᠨᠠᠰᠤᠨ ᠳᠠᠭᠠᠨ ᠰᠠᠶᠢᠨ | ᠡᠭᠦᠯᠳᠡᠷ ᠤᠨ ᠬᠤᠴᠠ ᠶᠢ ᠬᠠᠷᠢᠭᠤᠯᠵᠤ᠂ ᠵᠠᠯᠭᠠᠭᠠᠳ ᠪᠠᠷᠢᠭᠠᠳᠠ ᠶᠢᠨ ᠰᠠᠶᠢᠨ ᠡᠭᠦᠯᠳᠡᠷ ᠤᠨ ᠠᠵᠢᠷᠭᠠ ᠬᠠᠷᠠᠵᠤ | ᠡᠳ᠋ᠯᠡᠭᠰᠡᠭᠡᠷ᠂ ᠨᠢᠭᠡ ᠪᠡᠶᠡ ᠡᠪᠡᠳᠴᠢᠨ ᠬᠠᠭᠤᠴᠢᠨ ᠲᠠᠢ᠂ ᠰᠦᠨᠢᠵᠢᠨ ᠬᠠᠨᠢᠶᠠᠯᠭᠠᠵᠤ᠂ ᠴᠢᠰᠤ ᠲᠠᠢ ᠴᠡᠷ ᠭᠠᠷᠳᠠᠭ᠃ | | 1979 ᠣᠨ ᠳᠤ᠂ ᠣᠳᠬᠤᠨ ᠬᠦᠦ ᠨᠢ ᠣᠳᠣ ᠶᠢᠨ ᠠᠮᠤᠭᠤᠯᠠᠩ ᠪᠠᠯᠭᠠᠰᠤᠨ ᠳᠤ ᠠᠵᠢᠯ ᠲᠠᠢ ᠪᠣᠯᠵᠤ᠂ | ᠰᠢᠨᠡ ᠭᠡᠷ ᠪᠦᠯᠢ ᠪᠠᠶᠢᠭᠤᠯᠤᠭᠰᠠᠨ ᠪᠣᠯᠬᠤᠷ ᠡᠴᠢᠭᠡ ᠡᠬᠡ ᠪᠠᠨ ᠠᠵᠢᠯ ᠠᠴᠠ ᠰᠠᠯᠭᠠᠵᠤ᠂ ᠠᠮᠤᠷ ᠵᠢᠷᠭᠠᠯᠠᠩ ᠲᠠᠢ | ᠠᠮᠢᠳᠤᠷᠠᠭᠤᠯᠬᠤ ᠶᠢ ᠵᠣᠷᠢᠵᠠᠢ᠃ ᠭᠡᠬᠦ ᠳᠤ ᠠᠪᠤ ᠮᠢᠨᠢ᠄ ︽ᠢᠩᠭᠢᠵᠦ ᠠᠵᠢᠯ ᠦᠭᠡᠢ ᠰᠠᠭᠤᠵᠤ ᠪᠣᠯᠬᠤ ᠦᠭᠡᠢ᠂ | ᠶᠣᠰᠣᠲᠠᠢ ᠬᠤᠷᠢᠭᠳᠠᠯ ᠳᠤ ᠣᠷᠣᠯᠠ᠂ ᠪᠠᠷᠢᠨ ᠬᠥᠳᠡᠭᠡ ᠪᠠᠨ ᠭᠠᠷᠴᠤ ᠮᠠᠯ ᠳᠡᠭᠡᠷᠡ ᠪᠠᠨ ᠣᠴᠢᠬᠤ ᠶᠤᠮᠰᠠᠨ︾ | ᠭᠡᠵᠤ ᠦᠷᠭᠦᠯᠵᠢ ᠶᠠᠷᠢᠳᠠᠭ ᠪᠣᠯᠵᠤ᠂ ᠰᠥᠨᠢ ᠰᠥᠨᠢ ᠵᠡᠭᠦᠳᠦᠯᠡᠬᠦ ᠳᠡᠭᠡᠨ ︽ᠬᠡᠨ ᠲᠠᠢ ᠬᠤᠨᠢᠨ ᠳᠤ ᠶᠠᠪᠤᠵᠤ᠂ ᠬᠡᠨ | ᠤ ᠬᠤᠨᠢ ᠲᠠᠷᠭᠤ ᠮᠠᠭᠤ ᠪᠠᠶᠢᠨᠠ︾ ᠭᠡᠵᠦ᠂ ᠪᠦᠷ ᠰᠡᠭᠦᠯ ᠳᠡᠭᠡᠨ ᠰᠥᠨᠢ ᠡᠳᠦᠷ ᠢᠯᠭᠠᠬᠤ ᠦᠭᠡᠢ ᠵᠡᠭᠦᠳᠦ ᠪᠠᠷ | ᠢᠶᠠᠨ ᠬᠠᠰᠬᠢᠷᠤᠨ ᠪᠣᠰᠴᠤ᠂ ᠪᠤᠰᠤᠳ ᠢ ᠠᠮᠠᠷᠠᠭᠤᠯᠬᠤ ᠦᠭᠡᠢ᠂ ᠮᠣᠷᠢ ᠪᠠᠨ ᠲᠠᠰᠢᠭᠤᠷᠳᠠᠵᠤ ᠪᠠᠶᠢᠨᠠ ᠭᠡᠳ | ᠪᠠᠶᠢᠰᠢᠩ ᠤᠨ ᠬᠡᠷᠡᠮ ᠳᠤ ᠭᠠᠷ ᠢᠶᠠᠨ ᠰᠢᠯᠪᠤᠯᠤᠭᠰᠠᠨ ᠤᠴᠢᠷ ᠴᠦ ᠭᠠᠷᠴᠠᠢ᠃ | ᠬᠡᠦᠬᠡᠳ ᠤᠳ ᠨᠢ ᠵᠥᠪᠳᠡᠯᠴᠡᠵᠦ ᠨᠢᠭᠡ ᠲᠤᠭᠤᠯ ᠲᠠᠢ ᠦᠨᠢᠶᠡ ᠬᠥᠳᠡᠭᠡᠨ ᠠᠴᠠ ᠠᠪᠴᠢᠷᠠᠪᠠ᠃ ᠡᠪᠦᠭᠡᠨ | ᠬᠥᠭᠰᠢᠨ ᠬᠤᠶᠠᠷ ᠠᠵᠢᠯ ᠲᠠᠢ ᠪᠣᠯᠵᠤ ᠲᠡᠭᠦᠨ ᠲᠠᠢ ᠪᠠᠨ ᠵᠢᠭᠤᠷᠠᠯᠳᠤᠭᠰᠠᠭᠠᠷ ᠨᠢᠭᠡ ᠵᠢᠯ ᠪᠣᠯᠪᠠ᠃ ᠭᠡᠪᠡᠴᠦ | 1980 ᠣᠨ ᠳᠤ ᠰᠡᠭᠦᠯ ᠤᠨ ᠬᠥᠭᠰᠢᠨ ᠨᠢ 72 ᠨᠠᠰᠤᠲᠠᠢ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ ᠪᠠᠷᠠᠪᠠ᠃ ᠲᠡᠭᠡᠭᠡᠳ ᠬᠤᠲᠠ | ᠳᠤ ᠰᠠᠭᠤᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠵᠤ᠂ ᠭᠠᠯᠪᠠᠷ ᠰᠤᠮᠤᠨ ᠳᠤ ᠪᠠᠶᠢᠬᠤ ᠬᠤᠶᠠᠳᠤᠭᠠᠷ ᠬᠦᠦ ᠶᠢᠨ ᠳᠡᠭᠡᠨ ᠬᠥᠳᠡᠭᠡ | ᠮᠠᠯ ᠤᠨ ᠳᠡᠷᠭᠡᠳᠡ ᠣᠴᠢᠪᠠ᠃ 1981 ᠣᠨ ᠤ ᠨᠠᠮᠤᠷ ᠤᠨ ᠰᠠᠶᠢᠬᠠᠨ ᠤᠯᠠᠷᠢᠯ ᠳᠤ ᠣᠳᠬᠤᠨ ᠬᠦᠦ ᠶᠢᠨ ᠳᠡᠭᠡᠨ | ᠤᠤᠯ ᠤᠨ ᠭᠠᠯᠪᠠᠷ ᠰᠤᠮᠤᠨ ᠤ ᠲᠥᠪ ᠴᠠᠭᠠᠨ ᠪᠠᠯᠭᠠᠰᠤᠨ ᠳᠤ 77 ᠨᠠᠰᠤᠲᠠᠢ ᠲᠠᠭᠠᠯᠠᠯ ᠪᠣᠯᠪᠠ᠃ | ᠢᠢᠮᠦ ᠨᠢᠭᠡᠨ ᠥᠴᠥᠬᠡᠨ ᠮᠣᠩᠭᠤᠯ ᠬᠦᠦ᠂ ᠢᠢᠮᠦ ᠨᠢᠭᠡᠨ ᠠᠭᠤᠤ ᠶᠡᠭᠡ ᠡᠴᠢᠭᠡ᠂ ᠢᠢᠮᠦ ᠨᠢᠭᠡᠨ ᠨᠠᠰᠤᠨ | ᠲᠤᠷᠰᠢ ᠮᠠᠯ ᠮᠠᠯᠵᠢᠭᠰᠠᠨ ᠶᠣᠰᠣᠲᠠᠢ ᠮᠠᠯᠴᠢᠨ ᠬᠥᠮᠥᠨ ᠤ ᠲᠡᠦᠬᠡ ᠦᠨᠳᠦᠷᠯᠡᠪᠡᠴᠦ᠂ ᠲᠡᠭᠦᠨ ᠤ ᠨᠢᠭᠡ ᠨᠠᠰᠤᠨ ᠤ | ᠠᠮᠢᠳᠤᠷᠠᠯ ᠤᠨ ᠰᠤᠷᠭᠠᠮᠵᠢ ᠲᠤᠷᠰᠢᠯᠭᠠ ᠨᠢ ᠬᠤᠶᠢᠴᠢ ᠶᠢᠨ ᠬᠦᠮᠦᠰ ᠲᠤ ᠶᠠᠭᠤ ᠨᠢᠭᠡᠨ ᠢ ᠢᠮᠠᠭᠲᠠ ᠰᠠᠨᠠᠭᠤᠯᠤᠨ | ᠦᠬᠦᠯᠡᠬᠦ ᠪᠤᠯᠤᠨᠠ᠃ | 2006 ᠣᠨ ᠤ 8 ᠰᠠᠷᠠ ᠶᠢᠨ 4 ᠤ ᠡᠳᠦᠷ |